మీ ఆరోగ్యానికి సహజసిధ్ధ ఆహారం

రాను రానూ ఆరోగ్యంపై వస్తున్న ప్రత్యేక శ్రధ్ధే ఈనాడు సహజసిధ్ధ సేంద్రీయ ఆహారాన్ని తినేందుకూ ఆశక్తి చూపటం. గత కొంతకాలంగా సహజసిధ్ధమైన ఆహారంపై చూపుతున్న ఆశక్తి వల్లే ఈ రోజు మార్కెట్లో ఈ ఆహారానికి డిమాండ్ పెరిగిందనటం అతిశయోక్తి కాదు. ఇది ఆరోగ్యానికేకాదు అలాగే వాతావరణం మీద కూడా ప్రభావం చూపిస్తుందనేది వెల్లడయింది.అయితే కొందరు నిపుణులు ఈ విషయాన్ని ఖచ్చితంగా చెబుతున్నారు. కొన్ని సహజసిధ్ధ సేంద్రీయ ఆహారపదార్ధ్ధాలు చాలా అకార్బనిక పదార్ధాల కంటే ఉత్తమమని తేల్చి చెబుతున్నారు. వీటిలో ఉన్నా లాభాలేంటంటే

ఎక్కువగా యాంటీ ఆక్సిడెంట్లు  ఉండటం

ఈ ఆంటీ ఆక్సిడెంట్ ల వల్ల ఆరోగ్యమే కాదు శరీరం వయస్సు పెరిగినా ఇంకా యవ్వన శోభను మెరుగుగా ఉంచుతాయి. అంతేకాక వ్యాధుల నుంచీ కాపాడుతాయి. కాలిఫోర్నియాలో జరిపిన  పరిశోధనల్లో మామూలు సహజసిధ్ధంగా పెరిగిన టొమోటోలలోనే 79% క్వెర్సిటిన్ అలాగే 97% కెంఫెరాల్ ఉన్నాయనీ, అంతేకాక హైబ్రీడ్ టొమోటో లలో ఇలా ఉండవనీ తేల్చి చెప్పారు. ఈ సహజసిధ్ధ టొమోటోల వల్ల గుండె సంబంధిత  వ్యాధులు దూరం ఉండటమే కాకుండా కాన్సర్ వ్యాధి బారిన పడే అవకాశాన్ని నిరోధిస్తాయి.

పురుగు మందులు వాడని కారణంగా

సాధారణంగా సహజసిధ్ధమైన ఆహర పదార్ధాలకు పురుగు మందులు చల్లరు. పురుగుమందుల వాడకం వల్ల అవి తీవ్ర ప్రభావాన్ని చూపుతాయి. అవి ఆహార వ్యవస్థ మీదా తీవ్ర ప్రభావాన్ని చూపి ఆకలిని మందగించేలా చేస్తాయి. అంతేకాక అవాంచిత వ్యాధుల బారిన పడేలా చేస్తాయి.

యాంటిబయాటిక్స్ ఉండవు

ఈ సహజసిధ్ధాహార పదార్ధ్ధాలల్లో యాంటీబయాటిక్స్ ఉండవు. ఎంచేతంటే మానవ శరీర  వ్యవస్థపై ఇవి చాలా ప్రభావాన్నే చూపుతాయి. ముఖ్యంగా ఈ యాంటీబయాటిక్స్ పదార్ధాలలో ఇవి ఎక్కువగా ఉంటాయి. వీటివల్ల ప్రభావం ఎక్కువగా ఉంటుంది. వీటివల్ల మానవ శరీరం   నిర్జీవమైపోతుంది. అంతేకాక వీటి ప్రభావం వల్ల చికిత్సకు కూడా శరీరం సహకరించదు. కాబట్టి వీటి వాడకం ఉండటం వల్ల చాల నష్టాలుంటాయి కాబట్టి వీటి వాడకం ఉండదు.

జన్యుపరంగా చివరిమార్పు పంటలు

వీటిపై సుధీర్ఘమైన చర్చే ఎన్నో సంవత్సరాలుగా సాగుతోంది. కానీ ఈ రకం పంటలు మానవ  శరీరానికి అంత మంచిది కావు. ఇవి అప్పటికప్పుడు కృత్రిమంగా లభించే రెడీమేడ్ పంటలేకానీ సహజంగా ఉపయోగకరమైనవి కావు. అంతేకాక ఇవి ఆహార సమస్యను దూరం చేసేవే కానీ ఆరోగ్యాన్ని పెంచేవి మాత్రం కావనే చెప్పాలి. వీటివల్ల వచ్చే పౌష్టికాహారం మాత్రం ఏమీ ఉండదు.

చక్కటి రుచిని కలిగి ఉండటం

ఇలా పెంచిన సహజసిధ్ధమైన ఆహారపదార్ధాలు చాలా రుచిని కలిగి ఉంటాయి. ఇవి వాతావరణానికేకాక జంతుజాలానికి కూడా కీడు తలపెట్టవు. అదే కృత్రిమ ఆహార పంటల్లో ఈ పరిస్తితి వ్యతిరేకంగా ఉంటుంది. సహజసిధ్ధ ఆహారపదార్ధ్ధాలు సహజసిధ్ధంగా పెంచటం జరుగుతుంది. అందుకే మానవ శరీర ఆరోగ్యానికి  ఇవి దోహదం చేస్తాయి.

వాతావరణానికి కలిగే లాభాలు

కృత్రిమమైన ఆహారపదార్ధాల పెంపకం వాతావరణానికేకాదు భూమికీ అలాగే నేలలోని లవణాలకూ ఎంతో ప్రమాదం. ఇలా కృత్రిమంగా పెంచటం వల్ల భూమిలోని సహజసిధ్ధ గుణాలు అలాగే మరికొన్ని మంచి లక్షణాలను కోల్పోయేలా చేస్తాయ్. ఈ కృత్రిమ ఆహార పదార్ధాల  పెంపకానికి వాడిన నీళ్ళను నది నుండో లేదా కాలువ చెరువు నుండో తీసుకుంటే ఈ పంటల వల్ల అవి కలుషితమవుతాయి. అలాగే పురుగుమందులు, ఫెర్టిలైజర్ల వల్ల ఆ రసాయనాలు గాలిలో చేరి గాలి కాలుష్యాన్ని కలిగిస్తాయి. వీటి వల్ల చిన్న చిన్న ప్రాణులు అలాగే భూసారం క్షీణించటం జరుగుతుంది.
సహజసిధ్ధ పంటలు అలాగే ఆహారపదార్ధాలు ఆరోగ్యాన్నేకాక చిన్న చిన్న ప్రాణుల్ని భూసారాన్ని అలాగే మాతృభూమినీ కాపాడతాయి.

NO COMMENTS