X
    Categories: ఆరోగ్యం

ఆరోగ్యానికి మ్యూజిక్ మ్యాజిక్

రాళ్ళను సైతం నర్తింపచేయ గల శక్తి సంగీతానికే ఉంది. మృదువైన శ్రావ్యమైన సంగీతం వింటూ ఉంటే మనసే కాదు శరీరం సైతం ఉల్లసంగా ఉంటుంది. ఇది నిజం. సంగీతం వింటే శరీరంలో సంతోషానికి సంబంధించిన రసాయనం సిరోటిన్ శాతం పెరుగుతుందంటున్నారు వైద్యులు. రోజంతా పని వత్తిడిలో పడిపోయే మా పాఠకుల కోసం సగీతం సృష్టించే మ్యాజిక్ ఏంటో చూద్దామా..!

1. శరీరంలో ట్రాయిటోఫన్ రసాయనం కూడా ఉంటుంది. ఇది సంగీతం వినడం ద్వారా శరీరంలోని ఒత్తిడి దూరమై మంచి నిద్ర వస్తుంది. సంగీతం వినడంతో మీ శరీరంలోని కొన్ని జబ్బులు ఉదాహరణకు రక్తపోటు నియంత్రణలో ఉంటుంది. దీంతోపాటు శరీరంలో నొప్పి ఏదైనా ఉంటే సంగీతం నివారణోపాయంగా పని చేస్తుంది.

2. ఆఫీస్ లో మీ పనులు ముగించుకుని ఇంటికి వచ్చిన తర్వాత మీలో ఉన్న అలసటను తొలగించికునేందుకు ఈవెనింగ్ రాగాన్ని వినండి. సంగీతం వినడం మనోరంజకమైన కార్యక్రమంతోపాటు మీరు ఒంటరిగా ఉన్నారనే భావన మరియు శరీరంలోని ఒత్తిడి కూడా తగ్గుతుంది.

3. లాఫ్టర్ ధెరపీ ఎలాగో అలాగే మ్యూజిక్ ధెరపీ అలాగే ఉంది. మ్యూజిక్ థెరపీ ఉపయోగించడం వలన శరీరం ఆరోగ్యంగా ఉంటుంది. ప్రస్తుతం దేశవ్యాప్తంగా ఇంజనీర్లు, ఐటీ ప్రొఫెషనల్స్, కాల్ సెంటర్‌లలో పని చేసే ఉద్యోగులతోపాటు మీడియాకు చెందిన ఉద్యోగులు మ్యూజిక్ థెరపీని ఉపయోగిస్తున్నారని ఓ సర్వేలో వెల్లడైంది.

4. అతి తక్కువ సమయంలో పనిని పూర్తి చేయడం, తమకిచ్చిన టార్గెట్‌ను పూర్తి చేయడంతో శారీరకపరమైన ఒత్తిడి పెరుగుతుంది. అలాగే తమ పనిలో పోటీ పెరగడంతో మానసికంగా ఒత్తిడికి గురవుతుంటారు. ఇలాంటి సమయంలో కోపం త్వరగా వస్తుంటుంది. దీనికి విరుగుడుగా మనిషి సంగీతం వింటుంటే ఒత్తిడినుంచి ఉపశమనం కలుగుతుందంటున్నారు వైద్యులు.

5. మానసికపరమైన ఒత్తిడితో ఎవ్వరుకూడా జీవించాలని అనుకోరు. కాని ఇంట్లోని పలు సమస్యలతో ఒత్తిడి రావచ్చు. అదే కార్యాలయంలోని పనుల కారణంగా ఒత్తిడి పెరిగే సూచనలున్నాయని పరిశోధకులు తెలుపుతున్నారు.

6. ప్రస్తుతం చాలామంది అతి చిన్న వయసులోనే ఒత్తిడికి గురవుతున్నారని, ఒత్తిడి నుంచి ఉపశమనం పొందేందుకుగాను తమ వద్దకు వచ్చి మ్యూజిక్ థెరపీని కొనసాగిస్తున్నారని ఓ నిపుణుల సంస్థ వెల్లడించింది.

కుమార్‌చంద్ :