Telugu tips to remove blackheads – తొందరగా బ్లాక్ హెడ్స్ తొలగించటం ఎలా?

మీ ముక్కు మీద ఉన్న బ్లాక్ హెడ్స్ మీ ముఖ అందాన్ని పాడుచేస్తుంది. ఇది ఏ వయస్సు వారికైనా ఎదురయ్యే సమస్య. సాధారణంగా పది మందిలో ఏడుగురు ఈ సమస్యతో బాధపడుతుంటారు. క్లెన్సెర్, టోనర్ మరియు మాయిశ్చరైజర్ లను వాడుతూ చర్మంపై  మంచి జాగ్రత్తలను తీసుకునే వ్యక్తులకు బ్లాక్ హెడ్స్ తక్కువగా ఉంటుంది. కానీ, ప్రస్తుత రోజులలో రెగ్యులర్గా చర్మంపై జాగ్రత్తలు తీసుకునేందుకు చాలా మందికి తగిన సమయం ఉండదు. కనుక, మేము బ్లాక్ హెడ్స్ ను తొందరగా తొలగించటం కోసం కొన్ని సమర్థవంతమైన హోం రెమెడీస్ ను ఈ ఆర్టికల్ లో వివరించాము.

బ్లాక్ హెడ్స్ యొక్క కారణాలు

  • హార్మోన్ల మార్పుల వలన లేదా అధిక సౌందర్య ఉత్పత్తులను ఉపయోగించడం వలన బ్లాక్ హెడ్స్ రావచ్చు.
  • జిడ్డు చర్మం ఉన్న స్త్రీలకు చర్మం మీద బ్లాక్ హెడ్స్ ఏర్పడతాయి. ముక్కు యొక్క మూలలు మరియు గడ్డం వంటి చోటులపై బ్లాక్ హెడ్స్ ఏర్పడతాయి. వీటి వలన మీరు అలంకరణ చేసుకున్నప్పటికీ నల్లని మచ్చలతో మీ అలంకరణ అసంపూర్తిగా కనపడుతుంది.
  • కాలుష్యం వలన మన చర్మంపై అంటుకున్న మురికి మరియు కార్బన్ పదార్థాలు బ్లాక్ హెడ్స్ గా మారుతాయి.

బ్లాక్ హెడ్స్ తొలగించేందుకు ఇంటి నివారణలు

చర్మం నుండి బ్లాక్ హెడ్స్ తొలగించడానికి చాలా ఉపయోగకరమైన మందులు మార్కెట్ లో లభిస్తాయి. అయినప్పటికీ, సైడ్ ఎఫెక్ట్స్ నుండి దూరంగా ఉండటానికి, సహజ నివారణ పద్దతులను అనుసరించండి.

టూత్ పేస్ట్

బ్లాక్ హెడ్స్ ను తొలగించేందుకు ఇది ఒక సమర్థవంతమైన పరిష్కారం. టూత్ పేస్టుని బ్లాక్ హెడ్స్ ఉన్న ప్రాంతంపై రాసి సుమారు 25 నిమిషాలు ఉంచండి. మొదట్లో ఇది మంటను పుట్టించవచ్చు కానీ తర్వాత మంట తగ్గిపోతుంది. ఇలా రెండు వారాల పాటు చేసినట్లయితే, బ్లాక్ హెడ్స్ ఖచ్చితంగా తొలగిపోతుంది.

టొమాటో

టమాటోలోని యొక్క యాంటీ ఇన్‌ఫ్లమేటరీ లక్షణాలు చర్మాన్ని శుభ్రపరచి, హైడ్రేట్ చేయడంలో సహాయపడతాయి. ఇది బ్లాక్ హెడ్స్ మరియు వైట్ హెడ్స్ ను కూడా తొలగించటానికి సహాయపడుతుంది. తోలు ఒలిచిన టొమాటోను గుజ్జు చేసి బ్లాక్ హెడ్స్ పై రాయండి. మంచి ఫలితాల కోసం, రాసిన తరువాత రాత్రంతా అలాగే ఉంచి ఉదయం కడగండి.

ఇంకో విధానం ఒక టొమాటో తీసుకొని బ్లెండ్ చేసి ఈ ప్యూరీలో 1 టేబుల్ స్పూన్ ఉప్పు కలపండి. బాగా కలిపాక, మీ ముక్కు మీద ఈ మిశ్రమాన్ని మృదువుగా వలయాకారంలో మర్దన చేసుకుంటూ రాయండి. ఐదు నుండి పది నిముషాల తరువాత చల్లని నీటితో శుభ్రం చేసుకోండి.

నిమ్మకాయ

బ్లాక్ హెడ్స్ మరియు వైట్ హెడ్స్ పై ఉప్పు కలిపిన నిమ్మరసంను రాయండి. కానీ రాసే ముందు మీ ముఖాన్ని వెచ్చని నీటితో కడగాలి. ఉప్పు మరియు నిమ్మరసం యొక్క మిశ్రమం ముఖం మీద 20 నిమిషాలు ఉంచాలి, తరువాత వెచ్చని నీటితో మృదువుగా కడగండి. ఈ మిశ్రమంలో కొద్దిగా పెరుగును కూడా కలుపుకోవచ్చు.

పెరుగు, ఆలివ్ నూనె మరియు ఓట్ మీల్

రెండు టేబుల్ స్పూన్ ఓట్ మీల్, 3 టేబుల్ స్పూన్ పెరుగు, ఒక టీ స్పూన్ ఆలివ్ నూనె మరియు ఒక టేబుల్ స్పూన్ నిమ్మరసంను ఒక బౌల్లో బాగా కలుపుకోవాలి. ఈ మిశ్రమాన్ని బ్లాక్ హెడ్స్ పై రాయండి మరియు మంచి ఫలితాలను పొందడానికి సుమారు ఐదు నుండి ఏడు నిముషాల పాటు ఉంచండి. తరువాత వెచ్చని నీటితో శుభ్రం చేయండి.

తేనె

ఇది మన ఇంటిలో తక్షణమే అందుబాటులో ఉండే పదార్థం. దీనిని చర్మంపై రాయటం వలన బ్లాక్ హెడ్స్ ను సులభంగా తొలగిస్తుంది. వట్టి తేనెని బ్లాక్ హెడ్స్ పై రాసి ఆరే వరకు ఉంచండి. తరువాత నీటితో శుభ్రం చేసుకోండి.

Subscribe to Blog via Email

Join 9,531 other subscribers

బేకింగ్ సోడా

బేకింగ్ సోడా మరియు నీటిని సమాన భాగాలలో కలపండి. ఈ పేస్ట్‌ని బ్లాక్ హెడ్స్ మరియు వైట్ హెడ్స్ పై రాసి, మృదువుగా మసాజ్ చేయండి మరియు సుమారు 15 నిముషాల పాటు ఉంచండి. ఆ తరువాత వెచ్చని నీటితో కడగండి.

బంగాళదుంపలు

బంగాళదుంపలను తురిమి చర్మంపై రుద్దినప్పుడు బ్లాక్ హెడ్స్ తొలగిపోతాయి. అంతే కాదు స్కిన్‌ లైటనింగ్ కొరకు కూడా దీనిని ఉపయోగించవచ్చు.

దాల్చిన చెక్క

దాల్చిన చెక్కను పొడి చేసి, ఒక టీ స్పూన్ పొడి, ఒక చిటికె పసుపు మరియు నిమ్మరసాన్ని బాగా కలుపుకోండి. దీనిని ముఖంపై రాసి 10 నుండి 15 నిమిషాల పాటు ఉంచండి. కడిగే ముందు బ్లాక్ హెడ్స్ ఉన్న ప్రాంతంపై మసాజ్ చేయండి. ఇలా చేయటం వలన బ్లాక్ హెడ్స్ వేర్ల నుండి తొలగిపోతాయి.

గ్రీన్ టీ

ఒక టీ స్పూన్ ఎండిన గ్రీన్ టీ ఆకులను తీసుకొని కొద్దిగా నీటిని కలిపి ఒక పేస్ట్‌లా చేసుకోండి. ఈ పేస్ట్ ని బ్లాక్ హెడ్స్ పై రాసి మృదువుగా మసాజ్ చేయండి. రెండు లేదా మూడు నిమిషాల తరువాత వెచ్చని నీటితో కడగండి. ఇలా చేయటం వలన మీ బ్లాక్ హెడ్స్ మరియు చర్మ రంధ్రంలో ఉండే జిడ్డుని కూడా తొలగిస్తుంది.  

ఓట్ మీల్

ఓట్ మీల్ తీసుకోవటం వలన మీరు ఫిట్ గా ఉండొచ్చు మరియు మీ బరువును నియంత్రించవచ్చ అని మీకు తెలుసు. కానీ, ఇది బ్లాక్ హెడ్స్ ని తొలగించేందుకు కూడా ఉపయోగపడుతుంది. ఒక చెంచా వోట్ మీల్, రెండు చెంచా టమోటా రసం మరియు ఒక టీ స్పూన్ తేనె కలుపుకొని ఒక స్క్రబ్ను తయారు చేసుకోండి. దీనితో మీ బ్లాక్ హెడ్స్ పై కొద్ది సేపు స్క్రబ్ చేసి 10 నిమిషాల తరువాత కడగండి. క్లియర్ స్కిన్‌ కోసం ఈ ప్రక్రియను 2 లేదా 3 నెలలు చేయండి.

పచ్చి గుడ్డు

గుడ్డు యొక్క తెల్లసొనలో ఉన్న పోషకాలు మృత చర్మ కణాలను తొలగించడంలో సహాయపడతాయి. ఇవి బ్లాక్ హెడ్స్ ను కూడా తొలగిస్తాయి. పచ్చి గుడ్డు నుండి తెల్లసొనను తీసుకోండి. ఇందులో రెండు టేబుల్ స్పూన్ తేనెని కలపండి. ఈ మిశ్రమాన్ని బ్లాక్ హెడ్స్ పై రాసి 30 నిమిషాల తరువాత కడగండి.

పాలు

బ్లాక్ హెడ్స్ మురికి వలన ఏర్పడుతుంది. కనుక నేచురల్ క్లెన్సెర్లను ఉపయోగించి చర్మాన్ని శుభ్రం చేయటం వలన బ్లాక్ హెడ్స్ ని నిరోధించవచ్చు. ఐదు లేదా ఆరు స్పూన్ల పచ్చి పాలలో ఒక పత్తిని ముంచి ముఖం పై రాయండి. కొద్ది సేపు మృదువుగా మసాజ్ చేసి వెచ్చని నీటితో కడగండి.

క్లే ప్యాక్

మీ ముఖం నుండి అధిక కార్బన్లు మరియు ధూళిని తీసివేయడానికి క్లే ప్యాక్ ఒక అద్భుతమైన పరిహారం. మీరు ముల్తానీ మిట్టి వంటి సహజ మట్టిని పొందగలిగితే, వీటిని ఉపయోగించి మీ ముఖం నుండి బ్లాక్ హెడ్స్ ను సులభంగా తొలగించవచ్చు. ఒక బౌల్ లో ఒక టీ స్పూన్ క్లే పౌడర్ మరియు కొన్ని చుక్కల ఆపిల్ సీడ్ వినిగర్‌ని కలుపుకొని ఒక పేస్ట్ లా చేసుకోండి. దీనిని మీ బ్లాక్ హెడ్స్ పై రాసి 10 నిమిషాల తరువాత నీటితో శుభ్రం చేసుకోండి.

పుదీనా రసం మరియు పసుపు

కొన్ని పుదీనా ఆకులను రుబ్బి రసాన్ని పిండి ఒక బౌల్ లో తీసుకోండి. అందులో కొద్దిగా పసుపుని కలుపుకొని బ్లాక్ హెడ్స్ పై రాయండి. ఈ మిశ్రమం ఆరే వరకు వెయిట్ చేసి వెచ్చని నీటితో కడగండి.

మొక్కజొన్న స్క్రబ్

మీ వద్ద ఉండే పేస్ వాష్ లో అర స్పూన్ మొక్కజొన్న పొడిని కలుపుకొని బ్లాక్ హెడ్స్ పై రాసి స్క్రబ్ చేయండి. పది నిమిషాల తరువాత వెచ్చని నీటితో కడగండి.

తేనె మరియు చక్కెర

ఇంట్లో బ్లాక్ హెడ్స్ ను తొలగించడానికి ఇది అత్యంత సులభమయిన మరియు సమర్థవంతమైన మార్గం. సగం టీస్పూన్ చక్కెర మరియు ఒక టీస్పూన్ తేనెని కలుపుకోండి. దీనిని బ్లాక్ హెడ్స్ పై రాసి మసాజ్ చేసి కొద్ది సేపు తరువాత కడగండి.

మెంతాకులు

కొన్ని మెంతాకులను రుబ్బి ఒక పేస్ట్ లా చేసుకోండి. దీనిని బ్లాక్ హెడ్స్ పై రాసి 20 నిమిషాల తరువాత వెచ్చని నీటితో కడగండి.

చక్కెర మరియు నిమ్మకాయ

ఈ మిశ్రమం చర్మం మీది మృతకణాలను తొలగించడానికి ఉత్తమమైనది. ఇది చర్మం నుండి విషతుల్య పదార్థాలను తొలగిస్తుంది. ఒక గిన్నెలో 1 టేబుల్ స్పూన్ చక్కెర, 2 లేదా 3 టేబుల్ స్పూన్ల నిమ్మరసాన్ని వేసుకొని బాగా కలుపుకోండి. దీనితో మీ ముక్కు మీద మృదువుగా కొన్ని నిమిషాల పాటు వలయాకార కదలికలలో మసాజ్ చేయండి. పది నిముషాల తరువాత చల్లని నీటితో శుభ్రం చేసుకోవాలి.  ఉత్తమమైన మరియు వేగవంతమైన ఫలితాల కొరకు ఇలా వారానికి 2 లేదా 3 సార్లు చేయండి.

పాలు మరియు జిలాటిన్

ఈ మిశ్రమం చర్మ సంరక్షణకు బాగా పనిచేస్తుంది. ఒక గిన్నెలో 1 టేబుల్ స్పూన్ వాసన లేని జిలాటిన్ పొడి 1 టేబుల్ స్పూన్ పాలు వేసి, నెమ్మదిగా రెండు పదార్థాలను కలపాలి. ఇప్పుడు, కొన్ని సెకన్ల పాటు ఈ మిశ్రమాన్ని వేడి చేయండి. మిశ్రమం కొద్దిగా చల్లారాక, మీ ముక్కు మీద ఒక పొరలా పూసుకోండి. సుమారు 15 నిముషాలు ఆరనివ్వండి. తరువాత ఆ పొరను తీసివేసి చల్లటి నీటితో శుభ్రం చేసుకోండి.

తేనె మరియు పైనాపిల్

పైనాపిల్ చర్మం నుండి అదనపు నూనెను తొలగించడంలో సహాయపడుతుంది మరియు తేనె చర్మం తేమగా ఉండేలా చేస్తుంది. ఒక పైనాపిల్ ను చిన్న ముక్కలుగా కోసి, బ్లెండ్ చేయండి. దాని రసాన్ని వడగట్టి ఒక గిన్నెలో వేసి 2 టేబుల్ స్పూన్ల తేనెని ఈ రసంలో కలపండి. మీ ముఖానికి ఈ మాస్కును రాసుకుని 20 నిమిషాలు ఆరనివ్వండి. తర్వాత, గోరు వెచ్చని నీటిలో ముంచిన బట్టతో తుడిచేయండి.

నారింజ తొక్క

ఆరెంజి తొక్క లో విటమిన్ సి ఉంటుంది. ఇది మొటిమలు, వైట్ హెడ్స్, బ్లాక్ హెడ్స్ వంటి వివిధ చర్మ సమస్యలతో పోరాడుతుంది. నారింజ తొక్కను ఎండలో ఎండబెట్టి మెత్తని పొడిలా చేసి జాడీలో స్టోర్ చేసుకోండి. ఒక చెంచా ఆరెంజి పొడిని 2 చెంచాల రోజ్ వాటర్లో కలిపి మెత్తని పేస్టులా చేయండి. దీన్ని మీ బ్లాక్ హెడ్స్ పై రాసి ఎండనివ్వండి. తరువాత తడి చేతులతో మెల్లగా తొలగించి చల్లని నీటితో కడగండి.

ఆలోవెరా

కలబంద లోని యాంటీ బయాటిక్ లక్షణాలు చర్మం లోపాలను తొలగించేందుకు సహాయపడుతుంది. ఇది చర్మానికి ఉపశమనాన్ని ఇస్తుంది, ఎక్కువ జిడ్డు ఉత్పత్తి కాకుండా చూస్తుంది, చర్మ రంధ్రాలను శుభ్రపరుస్తుంది, మొటిమలు, బ్లాక్ హెడ్స్ రాకుండా నివారిస్తుంది. మీరు ఆలోవెరా జెల్ ను నేరుగా బ్లాక్ హెడ్స్ పై లేదా పూర్తీ ముఖంపై రాసుకుని 10 నుండి 15 నిమిషాలు ఉంచండి. తర్వాత గోరు వెచ్చని నీటితో కడగండి.

బ్లాక్ హెడ్స్ ను తొలగించేందుకు ఆహారాలు

బ్లాక్ హెడ్స్ తొలగించడానికి స్ట్రిప్స్ మరియు ఎన్నో రకాల క్రీమ్స్ లభిస్తున్నాయి. కానీ, వీటిని వేర్ల నుండి తొలగించటం చాలా ముఖ్యం. బ్లాక్ హెడ్స్ ను తొలగించే ఆహారాల గురించి కూడా చూద్దాం.

ప్రోటీన్ రిచ్ ఫుడ్స్

ప్రోటీన్లు సమృద్ధిగా ఉన్న తృణధాన్యాలు సులభంగా లభిస్తాయి. మీరు మీ ముఖం నుండి బ్లాక్ హెడ్స్ ను తొలగించాలని అనుకుంటే ప్రోటీన్ ఎక్కువగా ఉండే ఆహారాలను తీసుకోండి. వివిధ రకాలైన స్ప్లిట్‌ బఠానీలు, కిడ్నీ బీన్స్, కాయ ధాన్యాలు మొదలైనవి తీసుకోండి. మీరు నాన్ వెజ్ ప్రోటీన్ ఆహారాలు తీసుకోవాలనుకుంటే అధిక ప్రోటీన్ ఉన్న వాటిని కాకుండా తాజా నీటి చేపలు మరియు స్కిన్‌ లెస్ పౌల్ట్రీ మాంసం లాంటి లీన్ ప్రోటీన్‌ను తీసుకోండి.

విటమిన్ సి ఎక్కువగా ఉండే ఆహారం

విటమిన్ సి ఉన్న పండ్లు మీ చర్మంపై బ్లాక్ హెడ్స్ చికిత్సకు చాలా ఉపయోగకరంగా ఉంటాయి. స్ట్రాబెర్రీస్, బ్లాక్బెర్రీస్, నారింజ, నిమ్మకాయ, బొప్పాయి, పైనాపిల్ మొదలైనవి విటమిన్ సి ఎక్కువగా ఉండే పండ్లు. ఇవి సహజంగా లభించే ఆహారాలు మరియు చర్మానికి తగినంత పోషకాలను అందిస్తుంది. మీరు క్యాబేజీ, కాలీఫ్లవర్, బ్రోకలీ లాంటి విటమిన్ సి ఎక్కువగా ఉండే కూరగాయలను కూడా తీసుకోవచ్చు.

సెలీనియం అధికంగా ఉండే ఆహారం

విటమిన్లు మరియు ప్రొటీన్లతో పాటు, మీ శరీరానికి ఇతర ఖనిజాలను అందించటం కూడా చాలా ముఖ్యం. సెలీనియం లాంటి ఖనిజాలు తక్కువగా ఉండటం వలన కూడా బ్లాక్ హెడ్స్ లాంటి సమస్యలు ఎదురవుతాయి. బార్లీ, తృణధాన్యాలు, గోధుమ బియ్యం, వోట్స్ వంటి సెలీనియం రిచ్ ఫుడ్ ను రెగ్యులర్గా తీసుకోవటం వలన బ్లాక్ హెడ్స్ తొలగిపోతాయి.

గ్రీన్ టీ

మీ శరీరంలో అధికంగా టాక్సిన్స్ ఉత్పత్తి అవటం వలన కూడా బ్లాక్ హెడ్స్ రావచ్చు. గ్రీన్ టీ ఒక డీటాక్స్ హెర్బ్. ఇది మీ శరీరంలోని అన్ని రకాల ఇన్ఫెక్షన్లను తొలగిస్తుంది.  ఇందులోని యాంటీ ఆక్సిడెంట్స్ మీ ముఖం నుండి నెమ్మదిగా బ్లాక్ హెడ్స్ ను కూడా తొలగిస్తుంది. బ్లాక్ హెడ్స్ ను తొలగించేందుకు రోజుకు రెండుసార్లు గ్రీన్ టీ త్రాగాలి. అంతే కాదు ఇది మీ చర్మాన్ని సున్నితంగా మరియు ఆకర్షణీయంగా చేస్తుంది.