మొటిమలను వాటి మచ్చలను తొలగించుటకు గృహ చిట్కాలు – Telugu home remedies to treat black spots, dark spots, acne marks, pimple scars on the face

మొటిమలు వాటి మచ్చలతో మీరు బాధపడుతున్నారా? ఎదుటి వారికి మీరు మీ ముఖము చూపించలేకున్నరా? అయితే మీరు బాధ పడవలసిన అవసరం లేదు. కొన్ని ఇంటి చిట్కాలను ఉపయోగించి మీరు మీ మొటిమలను వాటి మచ్చలను దూరం చేయవచ్చు.

మొటిమలు రావడం వలన మీ ముఖముపై నల్ల మచ్చలు ఏర్పడుతున్నవి. సూర్యరశ్మి మీ చర్మం మీద ఎక్కువగా పడటం వలన కూడా నల్ల మచ్చలు ఏర్పడతాయి. బయటకు వెళ్ళేటప్పుడు మీ చర్మానికి సన్ స్క్రీన్ లోషన్స్ అప్లై చేయడం ఎంతైనా అవసరం, బయటకు వెళ్ళేటప్పుడు క్రింద ఇవ్వబడిన గృహ చిట్కాలను పాటించడం వలన మొటిమలు వాటివల్ల కలిగే మచ్చల నుంచి విముక్తి చెందవచ్చు.

కెమికల్ ప్రొడక్ట్స్ వాడటం కన్నా మీరు గృహ చిట్కాలను వాడటం మంచిది. దీని ద్వారా మీకు ఎటువంటి సైడ్ ఎఫెక్ట్స్ ఉండవు. అంతే కాకుండా మీరు మంచి ఫలితాన్ని పొందగలరు. మీ చర్మం మొటిమలు మరియు మచ్చలు లేకుండా అందంగా కనిపిస్తుంది.

టమాటో

ఒక టమాటోని తీసుకొని పేస్టు చేసి టేబుల్ స్పూన్ నిమ్మరసం వేసి బాగా మిక్స్ అయ్యేలా కలపాలి. ఆ పేస్టుని ముఖానికి అప్లై చేసి 20 నిమిషముల తరువాత వేడి నీటితో కడగాలి.

కలబంద (Alovera)

కలబంద ఆకుల నుంచి గుజ్జుని తీసి 5 నిమిషముల పాటు ఎండలో ఎండపెట్టాలి. తరువాత దానిలో ఎండిన నిమ్మపండు రసాన్ని 5-6 చుక్కులు కలపవలెను. ఆ పేస్టు ని ముఖానికి అప్లై చేసి 15 నిమిషముల తరువాత నీటితో కడగాలి. ఇలా చేయడం ద్వారా మీరు మంచి ఫలితాన్ని పొందగలరు.

ఉల్లిపాయ

ఉల్లిపాయలో సూక్ష్మజీవ నిరోధక లక్షణాలు ఎక్కువగా ఉన్నవి, అందువలన ఇది మొటిమలను వాటి మచ్చలను తొలగించుటకు ఉపయోగపడుతుంది. ఒక ఉల్లిపాయను తీసుకొని ముక్కలుగా కట్ చేసి, మిక్సర్ సహాయంతో పేస్టు చేయాలి. తరువాత ఆ పేస్టు నుంచి నీటిని వడపోసి పిప్పిని మాత్రమే ముఖానికి అప్లై చేసి కొన్ని నిమిషముల తరువాత ముఖాన్ని నీటితో కడగాలి.

గంధపు చెక్క

రెండు టేబుల్ స్పూనుల గంధపు పొడిని తీసుకొని సరిపడే గులాబీ నీటిని కలిపి పేస్టు తయారు చేయాలి. ఆ పేస్టుని ముఖానికి అప్లై చేసి ఎండిన తరువాత నీటితో కడగాలి.

పసుపు మరియు నిమ్మరసం

చిటికెడు పసుపు తీసుకుని దానిలోకి నిమ్మరసాన్ని కలిపి పేస్టు తయారు చేయాలి. ఆ పేస్టుని ముఖానికి అప్లై చేసి నీటితో కడగాలి. ఇలా చేయడం ద్వారా తొందరగా మీ ముఖముపై మచ్చలు తొలగిపోతాయి. ఇలా రోజు చేయడం వలన మీరు ఇంకా మంచి ఫలితాన్ని పొందగలుగుతారు.

బంగాళదుంప రసం మరియు తేనే

బంగాళదుంప పేస్టు చేసి దానిలోకి కొంచెం తేనెని కలిపి ముఖానికి అప్లై చేసి 15 నిమిషముల తరువాత మంచి నీటితో కడగవలెను. ఇలా చేయడం ద్వారా మీ ముఖము మీద ఉన్న నల్ల మచ్చలు దూరం అవుతాయి. అలానే కాకుండా బంగాళదుంప ముక్కతో మచ్చలు ఉన్న దగ్గర 5 నిమిషముల పాటు రుద్దుతూ ఉండాలి, 15 నిమిషములు అలానే ఉంచి మంచి నీటితో శుభ్రంగా కడగాలి. ఇలా చేయడం వలన కూడా మీరు మంచి ఫలితాన్ని పొందగలరు.

ఒక సులభమైన ఇంటి చిట్కా

ఈ పేస్టు తయారు చేయడం చాల సులభం. ఒక టేబుల్ స్పూన్ ఉల్లి రసం, ఒక టేబుల్ స్పూన్ అల్లం రసం మరియు ఒక టేబుల్ స్పూన్ వెనిగర్ తీసుకొని బాగా కలపాలి. ఆ పేస్టును ముఖానికి అప్లై చేసి కొంచెం సేపు నెమ్మదిగా మసాజ్ చేస్తూ ఉంచి 20 నిమిషముల తరువాత చల్లని నీటితో శుభ్రంగా కడగాలి. ఇది తొందరగా నల్ల మచ్చలు పోవుటకు సహాయ పడుతున్నది. ఉల్లిపాయలో సల్ఫర్ మరియు విటమిన్లు ఎక్కువగా ఉండటం వలన మరియు అల్లంలో అల్లిసిన్ అనే కారకం ఉండటం వలన యాంటీఫంగల్ మరియు యాంటీఏజింగ్ లక్షణాన్ని కలిగి ఉంటుంది మరియు చర్మానికి చాల మంచిది.

నిమ్మరసం

నిమ్మరసంలో విటమిన్ C ఎక్కువగా ఉండటం వలన ఇది చర్మంలోని విషపు కణాలను దూరం చేస్తుంది. అలానే మొటిమల వలన వచ్చిన నల్ల మచ్చలను దూరం చేయడానికి ఉపయోగపడుతుంది. నిమ్మరసాన్ని మచ్చలు ఉన్న దగ్గర అప్లై చేయడం వలన మీరు మంచి ఫలితాన్ని పొందగలరు. ఇలా రోజుకి రెండుసార్లు చేయడం ఇంకా మంచిది.

దోసకాయ మరియు పాలు

దోసకాయ పేస్టుని మరియు పాలను కలపాలి  దానిలో కొంచెం నిమ్మరసం కలిపి పేస్టు తయారు చేయాలి. ఆ  పేస్టుని ముఖానికి అప్లై చేసి 10 నిమిషముల తరువాత మంచి నీటితో కడగవలెను. ఇలా  చేయడం ద్వారా మీ ముఖము పైన మచ్చలుపోయి ప్రకాశవంతంగా తయారు అవుతుంది.

బొప్పాయి

బొప్పాయిలో అనేక రకముల ఎంజైములు ఉన్నవి. ఇవి మచ్చలను దూరం చేయుటకు ఉపయోగపడతాయి. బొప్పాయి గుజ్జుని తీసుకొని ముఖము మీద అప్లై చేసి 15 నిమిషముల తరువాత నీటితో కడగాలి.

మజ్జిగ

మజ్జిగలో లాక్టిక్ ఆసిడ్ మరియు హైడ్రాక్సిల్ ఆసిడ్స్ ఉన్నవి, ఇవి నెచురల్ ఆసిడ్స్. ఇవి చర్మానికి చాలా మంచివి. మజ్జిగ చర్మ కణాలను ఉత్తేజ పరిచి చర్మాన్ని కాంతివంతంగా చేయడానికి సహకరిస్తుంది. మజ్జిగను ముఖానికి అప్లై చేయడం వలన నల్ల మచ్చలు పోయి కొత్త చర్మం ఏర్పడుతుంది. మజ్జిగలో నిమ్మరసం కలిపి కూడా మీరు ముఖానికి అప్లై చేయవచ్చు. దీని వలన కూడా మీరు మంచి ఫలితాన్ని పొందగలరు.

విటమిన్ A ఆయిల్

విటమిన్ A లో యాంటిఆక్సిడెంట్ ఉండటం వలన గాయాలను నయం చేయడానికి ఉపయోగపడుతున్నది. కనుక విటమిన్ A ఆయిల్లో కొంచెం ఆముదం కలిపి ముఖానికి అప్లై చేసి 20 నిమిషముల తరువాత నీటిలో  కడగవలెను.

ఓట్స్

ఓట్స్ మంచి బలమైన ఆహారమే కాకుండా ఇది మొటిమలను వాటి మచ్చలును తొలగించడానికి ఉపయోగపడుతున్నది. మీరు రోజు ఓట్మీల్ని ముఖానికి అప్లై చేయడం వలన మీ ముఖము పైన ఉన్న మచ్చలు దూరం అవుతాయి. ఓట్మీల్ మరియు నిమ్మరసం కలిపి పేస్టు తయారు చేసి తరువాత గోరువెచ్చని నీటితో కడగాలి. ఇలా వారానికి రెండుసార్లు చేయడం చాల మంచిది.

ఎక్కువగా నీరు తీసుకోవడం

ఎక్కువగా నీరు త్రాగటం వలన మీ ముఖము మీద మచ్చలను తొలగించుటకు సహాయపడుతుంది. కనీసం రోజుకి 6-8 గ్లాసుల నీటిని త్రాగాలి. ఇలా ఎక్కువ నీటిని త్రాగటం వలన మీ చర్మకాంతి పెరగటమే కాకుండా శరీరం లోపల ఉన్న విష కణాలను బయటకు పంపుతుంది.

పచ్చి పాలు

పాలల్లో లాక్టిక్ ఆసిడ్ ఎక్కువగా ఉండటం వలన ఇది మచ్చలు పోగొట్టి చర్మాన్ని మృధువుగా చేస్తుంది. పచ్చి పాలను ముఖానికి అప్లై చేసి 15 నిమిషముల తరువాత గోరువెచ్చని నీటితో కడగాలి. ఇలా ప్రతిరోజు ఉదయాన్నే చేయడం వలన మంచి ఫలితాన్ని పొందవచ్చు.

కందిపప్పు మరియు పాలు

మొటిమల మచ్చలను తొలగించడానికి ఇది ఒక మంచి ఉపాయం. ఒక టేబుల్ స్పూన్ కందిపప్పుని తీసుకొని రాత్రి అంత నానపెట్టాలి. ఉదయాన్నే నానిన కందిపప్పులో పాలు కలుపుతూ పేస్టు తయారు చేయాలి. ఈ  పేస్టుని ముఖానికి రాసి 20 నిమిషముల పాటు అలానే ఉంచాలి.  తరువాత చేతితో రుద్దుతూ గోరువెచ్చని నీటితో కడగాలి. ఇలా వారానికి రెండుసార్లు చేయాలి. ఇలా చేయడం వలన 15 రోజుల్లో మీరు తేడాని గమనించవచ్చు.

పెరుగు మరియు తేనే

పెరుగులో అనేక రకముల ఎంజైమ్స్ ఉన్నవి. ఇవి నల్ల మచ్చలు తొలగించుటకు సహాయ పడుతుంది. తేనే సహజంగా బ్లీచింగ్ తత్వాన్ని కలిగి ఉంటుంది. ఒక టేబుల్ స్పూన్ పెరుగు మరియు 2 టేబుల్ స్పూనుల తేనెని కలిపి పేస్టు తయారు చేసి ముఖానికి అప్లై చేసి 20 నిమిషములు ఉంచాలి. తరువాత చేతులతో రుద్దుతూ గోరువెచ్చని నీటితో కడగాలి. ఇలా ప్రతిరోజు చేయడం వలన మంచి ఫలితాన్ని పొందగలరు.

ఆముదం

ఆముదంలో గొప్ప వైద్య లక్షణాలు ఉన్నవి ఇవి మొటిమలను వాటి మచ్చలను దూరం చేయుటకు సహాయ పడుతున్నవి. ముందుగా ముఖాన్ని శుభ్రం చేసి తరువాత ఆముదంతో 5 నిమిషముల పాటు మసాజ్ చేసి 20 నిమిషముల తరువాత ఒక కాటన్ క్లోత్ సహాయంతో ముఖాన్ని తుడవాలి. తరువాత మళ్ళి 5 నిమిషముల పాటు మసాజ్ చేసి నీటితో కడగాలి. ఇలా రోజుకి రెండు సార్లు ఒక నెల పాటు చేయాలి. ఇలా చేయడం వలన మీరు మంచి ఫలితాన్ని పొందగలరు.

ముల్లంగి

మొటిమలు, మచ్చలు మాత్రమే కాకుండా చర్మ సమస్యలను కూడా ముల్లంగి దూరం చేస్తుంది. ఒక ముల్లంగిని తీసుకొని పేస్టు చేసి ముఖానికి అప్లై చేసి 15 నిమిషముల తరువాత నీటితో కడగాలి. ఇలా రోజుకి రెండుసార్లు చేయాలి. ఇలా చేయడం వలన మీరు ఒక నెలలోనే మీ చర్మంలో వచ్చిన కాంతిని గమనిస్తారు.

ఎర్రని ఎండుద్రాక్ష మరియు తేనే

ఎర్రని ఎండుద్రాక్ష పండ్ల జాతికి చెందినది. దీనిలో మెలనిన్ ఉండటం వలన ఇది నల్ల మచ్చలను దూరం చేయుటకు సహాయ పడుతున్నది. తేనెలో బ్లేచింగ్ చేసే లక్షణాలు ఎక్కువగా ఉన్నవి. కొన్ని ఎర్రని ఎండుద్రాక్ష తీసుకొని పేస్టు చేసి దానిలో ఒక స్పూన్ తేనే కలపి ముఖానికి అప్లై చేసి 20 నిమిషముల తరువాత నీటితో కడగాలి. ఇలా రోజూ చేయడం వలన మంచి ఫలితాన్ని పొందగలుగుతారు.

ఫుల్లర్ ఎర్త్ పొడి మరియు నిమ్మరసం

ఫుల్లర్ ఎర్త్ పొడిలో ఎక్కువ మోతాదులో సహజ ఖనిజాలు ఉన్నవి ఇవి చర్మాన్ని కాంతివంతంగా చేయడానికి ఉపయోగపడుతున్నవి. ఫుల్లర్ ఎర్త్ పొడితో పేస్టు తయారు చేసి దానిలో కొన్ని చుక్కల నిమ్మరసాన్ని కలిపి ముఖానికి అప్లై చేయలి. ప్యాక్ ఎండిపోయిన తరువాత చేతితో రుద్దుతూ నీటితో కడగాలి.

ద్రాక్ష మరియు ఆపిల్

ద్రాక్ష మరియు ఆపిల్ రెండిటిలోనూ సహజంగానే విటమిన్లు, ఆసిడ్స్ ఉన్నవి. ఇవి శరీరానికి కాంతివంతంగా చేయుటకు ఉపయోగపడుతున్నవి. ఒక ఆపిల్ ముక్క తీసుకొని రెండు ద్రాక్షలు కలిపి పేస్టు తయారు చేసి ముఖానికి అప్లై చేయాలి. ఈ పేస్టుతో ముఖానికి మసాజ్ కూడా చేసుకోవచ్చు.10 నిమిషముల తరువాత నీటితో కడగాలి. ఇలా ఒక నెల రోజులపాటు చేస్తే మీరు మీ ముఖములో మార్పుని గమనించవచ్చు.

చర్మం మీద మచ్చలను తోలగుంచడానికి కొన్ని చిట్కాలు

  • ఎటువంటి మచ్చలు, మొటిమలైన కొన్ని మంచి ఇంటి చిట్కాలను వాడటం వలన వాటిని దూరం చేయవచ్చు. అలాంటి కొన్ని చిట్కాలు  పైన ఇవ్వబడినవి. వీటివి పాటించడం ద్వారా మీరు ఒక వారం రోజుల్లోనే ఫలితాన్ని చూడగలరు.
  • గంధపుచెక్క మరియు పసుపు లాంటి చిట్కాలు మీరు నెల రోజులపాటు పాటించవలసి ఉంటుంది. అప్పుడే మీరు మంచి అందమైన చర్మాన్ని పొందగలరు.
  • కొన్ని చిట్కాలు వయస్సుని బట్టి వాడాలి అని అంటూ ఉంటారు కానీ ఈ చిట్కాలను ఏ వయస్సు కలిగిన వారైన వాడవచ్చు.
  • ఇంటి చిట్కాలు మంచి ఫలితాన్ని ఇస్తాయి. వీటిని ఉపయోగించడం వలన చాల కాలం వరకు మీ చర్మం కాంతివంతంగా ఉంటుంది.
  • ఒక గొప్ప విషయం ఏమిటి అంటే గృహ చిట్కాలను వాడటం వలన మీకు ఎటువంటి సైడ్ ఎఫెక్ట్స్ ఉండవు.
  • ఒక గొప్ప సూచన ఏంటి అంటే గృహ చిట్కాల వలన చర్మం కాంతివంతంగా తయారు అవుతుంది. అలానే మీరు తాజా పదార్ధాలు వాడటం వలన మంచి ఫలితం ఉంటుంది.
  • ఈ చిట్కాలను ఇంటి నుంచి బయటకు వెళ్ళేటప్పుడు ఉపయోగించడం వలన సూర్యరశ్మి నుంచి విముక్తి చెందవచ్చు.
loading...