మీ చర్మం పై టాన్ ను తొలగించాలంటే? – Tan removal tips in Telugu

సూర్యుని కాంతికి చర్మం కందిపోయి పాడయిపోవటం చాలా మందికి కలిగే సమస్య. ఇది చర్మాన్ని డార్క్ గా చేయటమే కాకుండా అనేక సమస్యల్ని తెచ్చిపెడుతుంది. వాటిలో ముఖ్యంగా చర్మంపై ప్యాచులు పడటం, ర్యాషెస్ రావటం, చర్మం సాగుదలకు గురి అవ్వటం లాంటివి జరుగుతాయి. అంతేకాక ఇది మీ చర్మాన్ని డార్క్ గానూ, మీ చర్మం నిర్జీవంగా కనిపించేలా చేస్తాయి. ఈ రోజుల్లో సన్ టాన్(Sun tan) నుండి రక్షణ పొందుటకు అనేక కాస్మటిక్ ప్రొడక్ట్స్ మరియు బ్లీచింగ్ విధానాలు వచ్చినవి. కాని అవి వాడటం వలన చర్మానికి చాల హానికరం. సహజమైన చిట్కాలను వాడటం వలన శరీరానికి ఎటువంటి హాని కలుగకుండా సన్ టాన్(Sun tan) ని తొలగించవచ్చు.

సన్ టాన్ రావడానికి గల కారణాలు (Telugu causes for sun tan)

సన్ టాన్(Sun tan) రావడానికి చాలా కారణాలు ఉన్నాయి. రసాయనాలను ఎక్కువగా వాడటం వలన లేక రసాయనాల దగ్గర పని చేయడం వలన కూడా సన్ టాన్ వస్తుంది. UV కిరణాలు శరీరం మీద పడటం వలన కూడా సన్ టాన్ వస్తుంది. ఎక్కువగా ఆటలు ఆడేవారికి మరియు కలుషిత వాతావరణంలో తిరిగేవారికి సన్ టాన్(Sun tan) సంభవిస్తుంది. బయటనుండి వచ్చిన తరువాత స్నానం చేయకుండా శరీరం మీద అశ్రద్ధ చేస్తే సన్ టాన్ వచ్చే అవకాశం ఉంది.

మహిళలందరికీ ఒక శుభవార్త మీరు గృహ చిట్కాలను పాటించడం ద్వారా మీ సన్ టాన్(Sun tan) ను తొలగించవచ్చు. కొన్ని చిట్కాలు సూచనలు క్రింద ఇవ్వబడినవి.

సన్ టాన్ ను తొలగించుటకు ఇంటి చిట్కాలు (Telugu remedies for sun tan)

బెకింగ్ సోడా

బెకింగ్ సోడాని ఉపయోగించి సన్ టాన్(Sun tan) ని ఎలా తొలగించాలి అంటే? దీనిని నీటితో కలిపి పేస్టు తయారు చేసి మీ చేతులకి మరియు ఎక్కడైతే సన్ టాన్ ఉందో అక్కడ రాయడం వలన మీకు సన్ టాన్ పోయి మీ సహజ చర్మం మీకు లభిస్తుంది. ఇలా రోజు విడిచి రోజు చేయడం వలన మీకు మంచి ఫలితం ఉంటుంది.

వెనిగర్

ఉత్తమమైన చిట్కాను ఉపయోగించి సన్ టాన్(Sun tan) ను తొలగించడం ఎలానో మీకు తెలుసా? సమాన పరిణామాలలో వెనిగర్ని మరియు నీటిని ఒక బౌల్లోకి తీసుకొని కలపాలి. మీ చేతులను ఆ బౌల్లో 5 నుంచి 10 నిమిషములు ఉంచి తీసిన తరువాత చల్లని నీటితో చేతులను కడగాలి. మీకు మంచి ఫలితం వచ్చేవరకు ఇలా రోజు చేయడం మంచిది.

పెరుగు మరియు శనగపిండి

పెరుగు, శనగపిండి మరియు నిమ్మరసం కలిపి పేస్టు తయారు చేయాలి. ప్రతీ పదార్ధం యొక్క పరిమాణాలు ఒక్కటేలా ఉండాలి. ఈ పేస్టుని సన్ టాన్ ఉన్న చోట అప్లై చేయాలి. 10 నిమిషముల తరువాత పేస్టు ఎండిపోతే దానిని గోరువెచ్చని నీటితో కడగాలి. ఇది సన్ టాన్ ని తొలగించి చర్మం కాంతివంతంగా ఉండేటట్లు చేస్తుంది.

పసుపు మరియు పచ్చి పాలు

పాలల్లో పసుపు మరియు నిమ్మరసం కలిపి టాన్ ఉన్నచోట అప్లై చేయాలి. 10 నిమిషముల తరువాత పేస్టు ఎండిపోతే చల్లని నీటితో కడగాలి. ఇలా ముఖానికి అప్లై చేయటం వలన మంచి ఫలితం కనిపిస్తుంది.

అలానే మీరు సన్ టాన్(Sun tan) ఉన్నచోట కొబ్బరి నీటిని అప్లై చేసి ఆరిన తరువాత నీటితో కడగాలి. ఇలా రోజూ చేయడం వలన మీకు మంచి ఫలితం ఉంటుంది.

బొప్పాయి

మీకు బొప్పాయితో టాన్(Tan) చర్మాన్ని వదిలించుకోవడం ఏంటి అని ఆశ్చర్యం కలిగిందా? బొప్పాయి గుజ్జు కూడా సన్ టాన్ ను పోగొట్టుటలో సహకరిస్తుంది. బొప్పాయి గిజ్జుని తీసుకొని ఎక్కడైతే టాన్ స్కిన్ ఉందో అక్కడ 10-15 నిమిషములపాటు మసాజ్ చేసి, 10-15 నిమిషముల తరువాత ఆరిన ఫీలింగ్ కలిగితే చల్లని నీటితో కడగాలి.

ముల్తాని మట్టి మరియు సొరకాయ

మనకు సొరకాయ మార్కెట్లో చాల సులువుగా లభిస్తుంది. సొరకాయ గుజ్జుని తీసుకొని దానిలోకి ముల్తాని మట్టిని కలిపి పేస్టు తయారు చేసి దానిని సన్ టాన్(Sun tan) ఉన్నచోట ముఖము, మెడ మరియు చేతులకు అప్లై చేయాలి. చల్లని నీటితో కడిగిన తరువాత ఫలితాన్ని మీరు గమనించవచ్చు.

ఇలానే కాకుండా సూర్యరశ్మి మీ మీద పడకుండా జాగ్రత్త తీసుకోవడం వలన కూడా మీకు టాన్ స్కిన్ రాకుండా ఉంటుంది. 10.00 నుంచి 4.00 గంటల మధ్యలో బయటకు వెళ్లకపోవడం మంచిది. ఒకవేళ ఆ సమయంలో బయటకు వెళ్ళవలసి వస్తే మీరు SRF గుర్తు ఉన్న సన్ స్క్రీన్ లోషన్ని వాడవచ్చు. అలనే మీ మీద సూర్యరశ్మి పడకుండా జాగ్రత్తలు తీసుకోవాలి. చేతులకు గ్లౌస్ మరియు ముఖానికి మాస్క్ వేసుకోవడం మంచిది.

పైన్ఆపిల్ మరియు బొప్పాయి

పైన్ఆపిల్ మరియు బొప్పాయిని పేస్టులా చేసి ముఖము మరియు నుదిటిపై అప్లై చేయాలి. 10 నిమిషముల తరువాత చల్లని నీటితో కడగాలి. మార్కెట్లో లభించే టాన్ క్రీమ్స్ వాడటం కన్నా ఈ పేస్టు వాడటం చాల ఉత్తమం. ఇది వాడటం వలన ఎటువంటి సైడ్ ఎఫెక్ట్స్ ఉండవు. ఇది మీ ముఖము మరియు నుదిటి మీద ఉండే టాన్ ని తొలగించడానికి ఉపయోగపడుతున్నది.

అలోవేర, టమాటో మరియు కందిపప్పు

ఇది ఒక ఉత్తమమైన పేస్ ప్యాక్, దీని వలన మీరు మీ శరీరం మీద వచ్చిన సన్ టాన్ ను తొలగించవచ్చు. మన ఇంట్లో ఉండే కందిపప్పు సన్ టాన్ ని తొలగించే ఒక ఉత్తమమైన పదార్ధం. కందిపప్పుని 15 నిమిషములపాటు నానపెట్టి మిక్సర్ సహాయంతో పేస్టు తయారు చేయాలి. ఈ పేస్టులో అలోవేర గుజ్జును మరియు టమాటో గుజ్జును కలపాలి. పేస్టును ముఖానికి మరియు మెడకి మసాజ్ చేస్తూ రాయాలి. 15 నిమిషముల తరువాత చల్లని నీటితో కడగాలి.

వోట్ మీల్ మరియు మజ్జిగ

వోట్ మీల్ చర్మం మీద బ్లాక్ హెడ్స్ని తొలగించడానికి మరియు మజ్జిగ చర్మాన్ని మృదువుగా చేయడానికి ఉపయోగపడుతున్నవి. 2 టేబుల్ స్పూనుల వోట్ మీల్స్ మరియు 3 టేబుల్ స్పూనుల మజ్జిగను తీసుకొని పేస్టు తయారు చేయాలి. ఈ పేస్టును ముఖానికి మరియు శరీరానికి అప్లై చేసి చేతులను వృత్తాకారంగా తిప్పుతూ మసాజ్ చేయాలి. 15 నిమిషముల తరువాత నీటితో కడగాలి.

నారింజ రసం మరియు పెరుగు

నారింజలో C విటమిన్ ఎక్కువగా ఉండటం వలన చర్మం మీద టాన్ ను తొలగించి వృధ్ధాప్య చాయలను తొందరగా రాకుండా చేస్తుంది. పెరుగు సహజంగా బ్లీచింగ్ గుణాలను కలిగి ఉంది. ఒక స్పూన్ నారింజ రసం మరియు ఒక స్పూన్ పెరుగు తీసుకొని ముఖానికి అప్లై చేయాలి. 30 నిమిషముల తరువాత నీటితో కడగాలి.

నిమ్మరసం మరియు పంచదార

నిమ్మరసం తీసి దానిలోకి పంచదార కలపవలెను. దీనిని ముఖానికి రాస్తూ మసాజ్ చేయాలి. ఇలా చేయడం వలన టాన్ చర్మం పోయి మంచి చర్మం ఏర్పడుతుంది. కొన్ని వారాలలో ఇది మంచి ఫలితాన్ని ఇస్తుంది. దీనిని ఉపయోగించడం వలన మీ చర్మం ప్రకాశవంతంగా అవుతుంది. టాన్ ని తొలగించడానికి ఇది ఒక సాధారణమైన పరిహారం.

బంగాళదుంప మరియు నిమ్మరసం

బంగాలదుంపను ఆహారంగా తీసుకోవడం చర్మానికి లాభదాయకం. దీనిలో అనేక రకాల ప్రోటీన్లు, విటమిన్లు ఉండటమే కాకుండా పీచు తత్వాన్ని కలిగి ఉంటుంది. ఇది చర్మాన్ని యవ్వనంగా ఉంచి చర్మ మీద వచ్చే మంటను పోగొడుతుంది. అలానే చర్మాన్ని నున్నగా చేస్తుంది. బంగాళదుంప మరియు నిమ్మరసంతో పేస్టు తయారు చేసి ముఖానికి అప్లై చేసి 40 నిమిషముల తరువాత నీటితో కడగవలెను.

స్ట్రాబెర్రి మరియు పాల మీగడ

స్ట్రాబెర్రి చర్మ సౌందర్యాన్ని పెంచి నల్ల మచ్చలను మరియు సన్ టాన్ ని తొలగించడానికి సహకరిస్తుంది. 4 స్ట్రాబెర్రిల చూర్ణాన్ని మరియు 2 టేబుల్ స్పూనుల పాల మీగడను తీసుకొని ముఖము మీద అప్లై చేసి 30 నిమిషముల తరువాత నీటితో కడగాలి.

పాల పొడి, తేనే మరియు బాదం ఆయిల్

పాల పొడి సన్ టాన్ ని తగ్గించి, చర్మాన్ని శుభ్రపరచి, చర్మ సౌందర్యాన్ని పెంచుతుంది. 2 టేబుల్ స్పూనుల పాల పొడి, ఒక టేబుల్ స్పూన్ తేనే మరియు కొంచెం బాదం ఆయిల్ తీసుకొని పేస్టు తయారు చేయాలి. పేస్టుని ముఖానికి అప్లై చేసి 20 నిమిషముల తరువాత నీటితో కడగాలి.

కుంకుమ పువ్వు మరియు తాజా మీగడ

కుంకుమ పువ్వుతో పేస్ ప్యాక్ తయారు చేయడం చాలా పురాతన పద్ధతి. ఇది చర్మాన్ని కాంతివంతంగా ప్రకాశించేటట్లు చేసి మొటిమలను, మచ్చలను, సన్ టాన్ ను తొలగించుటకు ఉపయోగపడుతున్నది. చిటికెడు కుంకుమపువ్వు మరియు 2 టేబుల్ స్పూనుల మీగడ తీసుకొని పేస్టు చేసి ముఖానికి అప్లై చేయాలి. 20 నిమిషముల తరువాత ప్యాక్ ఆరితే నీటితో కడగాలి.

వోట్ మీల్ మరియు అలోవేర

ఇంట్లో వండుకునే ఆరోగ్యకరమైన వంటకాలలో వోట్ మీల్ వంటకం ఒకటి. వోట్ మీల్ని ఉపయోగించి ఒక అధ్బుతమైన ఫేస్ ప్యాక్ ని తయారు చేయవచ్చు. అలోవేర కూడా టాన్ ని తొలగించడానికి ఉపయోగపడుతుంది. 3 టేబుల్ స్పూన్స్ అలోవేర జెల్ మరియు 2 టేబుల్ స్పూనుల వోట్ మీల్ తీసుకొని పేస్టు తయారు చేయాలి. ఆ పేస్టుని కొంచెం సేపు అలానే ఉంచి తరువాత ముఖానికి అప్లై చేయాలి. అప్లై చేస్తుంటే మీకు మృదువైన స్పర్శ కలుగుతుంది. ఇది చర్మ కణాలను ఉత్తేజ పరుచుటకు తోడ్పడుతుంది.

క్యాబేజి ఆకు

క్యాబేజి ఆకులు సన్ టాన్ ని తొలగిస్తాయి అని చాలా తక్కువ మంది విని ఉంటారు. ఇది చాల అరుదుగా చేసే చిట్కా, కాని ఒకసారి వాడటం మొదలుపెట్టక ఫలితాన్ని మీరు గమనించ గలరు. రెండు క్యాబేజి పెద్ద ఆకులను తీసుకొని రిఫ్రిజిరేటర్లో ఉంచి బాగా చల్లగా అయిన తరువాత తీసి ముఖము పైన పెట్టుకొని 20 నిమిషములపాటు రిలాక్సగా పడుకోవాలి. మళ్ళి ఇలానే రెండు ఆకులను తీసుకొని చేయండి. ఇలా చేయడం వలన సన్ టాన్ నుంచి తొందరగా విముఖ్తి కలుగుతుంది.

బాదం మరియు పాలు

బాదం ఒక ఆరోగ్యకరమైన గింజ, అలానే ఇది చర్మానికి చాలా మంచిది. బాదం మరియు పాల కలయిక చాల అధ్బుతమైన కలయిక. ఇది చర్మం మీద నల్ల మచ్చలను పోగొట్టి, చర్మం ప్రకశవంతంగా ఉండేటట్లు చేస్తుంది. 4-5 బాదం తీసుకొని రాత్రి అంత నీటిలో నానపెట్టాలి. ఉదయాన్నే బాదంలో 2 టేబుల్ స్పూనుల పాలు పోసి పేస్టు తయారు చేయాలి. వృత్తాకారంగా చేతులతో మసాజ్ చేస్తూ పేస్టుని ముఖానికి అప్లై చేయాలి. 20 నిమిషముల తరువాత చల్లని నీటితో కడగాలి.

పైన్ఆపిల్ మరియు తేనే

పైన్ఆపిల్ చాల మంచి రుచికరమైన ఆహరం, చాల మందికి ఇది ఇష్టమైన పండు. ఇప్పడు మీరు పైన్ఆపిల్ చర్మానికి ఎంత ఉపయోగాపడుతుందో తెలుసుకుంటున్నారు. ఇది చర్మం మీద మచ్చలను దూరం చేసి, చర్మం కాంతివంతంగా ఉండేటట్లు చేస్తుంది. పైన్ఆపిల్లో ఎక్కువ శాతం విటమిన్ C ఉండటం వలన చర్మం మీద ముడతలు రాకుండా చేసి యవ్వనమైన చర్మాన్ని మీకు ఇస్తుంది. పైన్ఆపిల్ గుజ్జును తీసుకొని దానిలో ఒక టేబుల్ స్పూన్ తేనే కలిపి ముఖానికి అప్లై చేసి 20 నిమిషముల తరువాత నీటితో కడగాలి. మీరు మీ చర్మంలో వచ్చిన కాంతిని గమనించవచ్చు.

నిమ్మ, గులాబీ, దోస

నిమ్మ, గులాబీ, దోస ఇవి మీ చర్మం పై టాన్ ను చాలా చక్కగా తొలగిస్తాయి. ఈ మూడింటినీ సమ పాళ్ళల్లో ఒక బౌల్ లో కలుపుకోవాలి. తర్వాత ఈ మిశ్రమాన్ని ముఖానికి పెట్టుకోవాలి. మీ ముఖానికే కాక మీ మెడ వరకూ పెట్టుకోండి. 15 నిముషాల తర్వాత శుభ్రం చేసుకోవాలి. నిమ్మ రసం సన్ టాన్ ను తొలగిస్తుంది. ఇక రోజ్ వాటర్, దోస చర్మం మృదువుగా మారేలా చేస్తాయి.

తేనె, నిమ్మ ఫేస్ ప్యాక్

తేనె, నిమ్మ ఫేస్ ప్యాక్ మీ చర్మంపై టాన్ తొలగించేందుకు ఉపయోగపడుతుంది. 1/2 టేబుల్ స్పూన్ నిమ్మరసం, 1 టేబుల్ స్పూన్ తేనె కలిపి పేస్ట్ గా కలుపుకోవాలి. ఈ మిశ్రమాన్ని ముఖానికి, మెడకూ వేసుకోవాలి. ప్రత్యేకంగా చర్మం కంది మచ్చలు ఏర్పడిన చోట తప్పకుండా వేసుకోవాలి. 20 నిముషాల తర్వాత వాష్ చేసుకోవాలి. నిమ్మ ఒక సహజసిధ్ధ బ్లీచింగ్ అయితే, తేనె చర్మాన్నిమృదువుగా చేస్తుంది. చర్మం చక్కగా ఉండేలా చేస్తుంది.

కొబ్బరి నీళ్ళు

కొబ్బరి నీళ్ళు కేవలం మీ దాహాన్ని తీర్చటమే కాదు మీ ముఖంపై ఉన్న టాన్ మచ్చల్ని తొలగిస్తుంది. మీ చర్మాన్ని సూర్య కాంతి నుంచీ కందిపోకుండా చూస్తుంది. మీరు రోజూ కనక మీ ముఖానికి కొబ్బరి నీళ్ళు రాసుకోవటం వల్ల ఎంతో మంచిది. దీని వల్ల మీరు రోజు రోజుకీ చక్కగా ఫైర్ గా తయారవుతారు.

టొమాటో, నిమ్మ రసం, పెరుగు ఫేస్ ప్యాక్

2 టేబుల్ స్పూన్స్ టొమాటో గుజ్జు, 1 టేబుల్ స్పూన్ నిమ్మరసం, 1 టేబుల్ స్పూన్ పెరుగు వేసి కలుపుకోవాలి. వీటిని చక్కగా మిక్స్ చేయాలి. తర్వాత ఈ మిశ్రమాన్ని మీ చర్మం ఎక్కడైతే బాగా కంది మచ్చలు ఏర్పడ్డాయో అక్కడ రాసుకోండి. 25-30 నిముషాలు ఉంచుకుని తర్వాత వాష్ చేసుకోవాలి. ఈ ప్యాక్ వల్ల మీ చర్మం చక్కగా తయారవ్వటమేకాక మీ చర్మం పిగ్మెంటేషన్ కు గురి కాకుండా చేస్తుంది. ఇంకో ముఖ్య విషయమేమిటంటే దీనిలో టొమాటో ఉండటం వల్ల కాస్త దురద గా అనిపిస్తుంది. కాసేపటికి మామూలు అవుతుంది.

పసుపు, నిమ్మ రసం

4 టేబుల్ స్పూన్స్ నిమ్మరసం, 1 టేబుల్ స్పూన్ పసుపు ఒక బౌల్ వేసి మెత్తని పేస్ట్ గా చేసుకోవాలి. ఈ మిశ్రమాన్ని ముఖంపై దెబ్బతిన్న ప్రదేశాలపై రాసుకోవాలి. 30 నిముషాలు ఆరాక వాష్ చేసుకోవాలి. మీ చర్మం చక్కగా తెల్లగా చేస్తుంది. నిమ్మ బ్లీచ్ గా ఉపయోగపడితే, పసుపు యాంటీబయటిక్ గా ఉపయోగపడుతుంది.

గింజలు మరియు ఆయిల్స్ మిశ్రమం

4 టెబుల్ స్పూన్స్ నువ్వుల గింజల నూనె, 1 టేబుల్ స్పూన్ ఆలివ్ ఆయిల్ ను కలిపి ముఖానికి రాసుకోవాలి. తర్వాత స్క్రబ్ గా శనగపిండిని వాడాలి. ఇది మీ చర్మంపై అద్భుతాన్నిచేస్తుంది. మృత చర్మాన్ని తొలగిస్తుంది. దీనిని రోజూ వాడితే మీ చర్మం పై చక్కగా పని చేస్తుంది.

బొప్పాయి, పాలు

బొప్పాయి గుజ్జును, పాలు కలిపి పేస్ట్ గా చేసుకోవాలి. ఈ మిశ్రమాన్ని ముఖంపై దెబ్బతిన్న ప్రదేశాలలో రాసుకోవాలి. పూర్తిగా ఆరేంత వరకూ ఆగి తర్వాత వాష్ చేసుకుని చూడండి. ఎంతో అద్భుతమైన ఫలితాల్ని చూస్తారు.

బంగాళదుంపల్ని వాడండి

బంగాళాదుంప చర్మంపై చక్కగా పని చేస్తుంది. స్లైసెస్ గా కోసుకుని ముఖంపై రాసుకోవటం వల్ల టాన్ అయిన చోట మళ్ళి చర్మం సరి అవుతుంది. కొద్ది నిముషాలు ఉండి తర్వాత వాష్ చేసుకోండి. తర్వాత మీరే చుసుకోండి తేడాని. మీరు బంగాళాదుంప జ్యూస్ ని కూడా రాసుకోవచ్చు. ఈ రసానికి నిమ్మ రసం కాస్త కలుపుకుని రాసుకుంటే మంచిది. మంచి ఫలితాలుంటాయి.

పాలు, కుంకుమ పువ్వు

ఈ ప్యాక్ చాలా ప్రభావవంతంగా పని చేస్తుంది. ఇది మెలనిన్ సింథెసిస్ ను తగ్గిస్తుంది. మెలనిన్ సింథెసిస్ వల్ల టాన్ ఎక్కువగా అవుతుంది. 4-5 తంతువుల కేసర్ ను పాలల్లో 30 నిముషాలపాటూ నానపెట్టుకోవాలి. ఈ సొల్యూషన్ ని 5 నిముషాలపాటు ముఖం పై ఉంచుకోవాలి. తర్వాత చల్లని నీటితో కడుగుకోవాలి.

పాలు, దోస, నిమ్మ

మీకు కనక ఈ సమస్య ఎక్కువగా ఉంటే వీటి వాడకం వల్ల చక్కగా తగ్గిపోతుంది. ఫ్రెష్ దోస జ్యూస్ ను తీసుకుని 1 టేబుల్ స్పూన్ దోస జ్యూస్, అలాగే 2 టేబుల్ స్పూన్స్ పాలు, 3-4 నిమ్మ రసం చుక్కల్ని కలుపుకోవాలి. 5 నిముషాల పాటు ఉంచుకుని తర్వాత చల్లని వాటర్ తో వాష్ చేసుకోవాలి.

ముల్తాని మట్టి, రోజ్ వాటర్

ముల్తాని మట్టి సహజసిధ్ధమైన మూలికలతో నిండి ఉంటుంది. ఇది మీ ముఖం మీద ఉన్న టాన్ ను సమర్ధవంతంగా తొలగిస్తుంది. రోజ్ వాటర్ మీ ముఖం చక్కగా ప్రకాశవంతంగా జీవంతో కూడి ఉండేలా చేస్తుంది. ఒకవేల మీది పొడి చర్మం అయితే మీ చర్మం చక్కగా ఆయిలీ తత్వాన్ని చక్కగా అలవడేలా చేస్తుంది. 3 టేబుల్ స్పూన్స్ ముల్తాని మట్టిని రోజ్ వాటర్ లో నానపెట్టాలి. తర్వాత ఈ మిశ్రమాన్నిముఖానికి రాసుకోవాలి. 15 నిముషాల తర్వాత వాష్ చేసుకోవాలి. ఇది చక్కని ఫలితాల్ని ఇస్తుంది.

సన్ టాన్ వలన హానికరమైన ప్రభావం

సూర్యరశ్మి ఎక్కువగా మీ శరీరానికి తగలటం, దాని వలన UV కిరణాలు మీ చర్మం మీద పడటం ద్వారా సన్ టాన్ ఏర్పడుతుంది. సన్ టాన్ ఎక్కువగా ముఖానికి, మెడకు, చేతులకు మరియు కాళ్ళకు వస్తుంది. దీనివలన మీ చర్మం మీద మొటిమలు, మచ్చలు, ముడతలు ఏర్పడి అనేక రకముల చర్మ వ్యాధులకు దారి తీస్తుంది. ఇది చివరకు కాన్సర్ కు కారణం అవుతుంది.

మెడ మీద సన్ టాన్ ని తొలగించుట (Telugu tips to remove sun tan from neck)

మీకు నల్లటి మెడ ఉండటం వలన ఇబ్బంది పడుతున్నారా? మెడ మీద నల్ల రంగు రావడానికి గల కారణం సూర్యరశ్మి మరియు కాలుష్యం. సన్ టాన్ ఎక్కువగా బయటకు కనిపించే శరీరం దగ్గర వస్తుంది మొఖము, మెడ, కాళ్లు మరియు చేతులు మొదలగువాటి మీద వస్తుంది. క్రింద మెడ మీద వచ్చే టాన్ ని తొలగించడానికి చిట్కాలు ఇవ్వబడినవి.

దోసకాయ రసం, పసుపు మరియు నిమ్మరసం

ఇది ఒక ప్రత్యేకమైన ప్యాక్ ఎందుకంటే పసుపులో యాంటిసెప్టిక్ లక్షణాలు ఉన్నవి. అలానే దోసకాయలో క్లీనింగ్ ఏజెంట్ మరియు నిమ్మలో సిట్రిక్ ఆసిడ్ గుణములను కలిగి ఉన్నవి. ఒక టేబుల్ స్పూన్ పసుపు, దోసకాయ రసం మరియు నిమ్మరసం తీసుకొని ప్యాక్ తయారు చేసి, టాన్ ఉన్న మెడకు అప్లై చేయాలి. 20 నిమిషముల తరువాత చల్లని నీటితో కడగాలి. ఇలా రోజు చేయడం వలన మంచి ఫలితాన్ని పొందగలరు.

నిమ్మకాయ

నిమ్మకాయ సహజంగా బ్లీచ్ గా పనిచేస్తుంది అలానే దీనిలో కొత్త చర్మ కణాలను ఉత్తేజపరిచే శక్తి ఉంది. నిమ్మకాయ ముక్కతో మెడ మీద రుద్దుతూ ఉండాలి. లేకుంటే నిమ్మరసాన్ని గులాబీ నీటిని కలిపి అప్లై చేయాలి. ఇలా చేయడం వలన మెడ మీద టాన్ తొలగుతుంది. ఇలా రోజూ చేయడం వలన మంచి ఫలితాన్ని పొందగలరు.

కొబ్బరినూనె

మనం మన పూర్వికులు చెప్పే మాటలను పట్టించుకోవడం లేదు, వారు ఆయిల్ని రోజూ జుట్టుకు మరియు తలకు అప్లై చేయమని చెప్తుంటారు. ఈ ఆయిల్ టాన్ ని తొలగించడంలో అలానే చర్మాన్ని కాంతివంతంగా చేయడానికి చాలా బాగా పని చేస్తుంది. టాన్ స్కిన్ని పోగొట్టడానికి రోజు మెడ మీద కొబ్బరి నూనెతో మసాజ్ చేయాలి. సహజంగా వచ్చిన కొబ్బరి నూనెను వాడటం వలన మీకు ఎటువంటి సైడ్ ఎఫెక్ట్స్ మరియు ఎటువంటి ఎలర్జీలు రావు. మీరు రోజు మీ శరీరం మీద కొబ్బరి నూనెతో మసాజ్ చేయడం వలన సన్ టాన్ తగ్గటమే కాకుండా చర్మం కాంతివంతంగా తయారవుతుంది.

పంచదార మరియు ఆయిల్

దీనిని మీరు మీ సొంతగా తయారు చేసుకోవచ్చు. చాల సులువైన పదార్ధాలతో దీనిని తయారు చేయవచ్చు. ఒక స్పూన్ పంచదార, 3 స్పూన్స్ ఆలివ్ ఆయిల్ తీస్కోవాలి, అవసరం అనుకుంటే కొంచెం నిమ్మరసాన్ని కూడా కలపవచ్చు. దీనిని మీ మెడకు మరియు ముఖానికి చేతులతో అప్లై చేస్తూ మసాజ్ చేయాలి. 2-3 నిమిషముల తరువాత చల్లని నీటితో కడగాలి. ఇలా చేయడం వలన టాన్ స్కిన్ పోయి చర్మం కాంతివంతంగా తయారు అవుతుంది.