నిద్ర పుచ్చే ఆహారపదార్ధాలు

మీకు రోజూ నిద్ర రావటం లేదా? నిద్ర కోసం అష్టకష్టాలు పడుతున్నారా? అయితే కొన్ని ఆహార పదార్థాలు మనల్ని నిద్ర పుచ్చుతాయట! ఆశ్చర్యంగా ఉందా? అయితే అవేంతో తెలుసుకుందామా!

కొంతమంది ఆహారం తీసుకున్న వెంటనే హాయిగా నిద్రొచ్చేస్తుంది అంటారు. దీనికి కారణం మనం తీసుకుంటున్న ఆహారమే. ఏ ఆహారం తింతే నిద్ర వచ్చిందో మనకు అంతగా ఖచ్చితంగా తెలియకపోవచ్చు. దానికి కారణం వాటిపై మనకు అవగాహన లేకపోవటమే. అయితే కొన్ని ఆహార పదార్ధాలు తింతే నిద్ర ముంచుకొస్తుందని నిపుణులు చెబుతున్నారు. వాటితో ఆరోగ్యమే కాక కమ్మని నిద్ర కూడా ప్రాప్తిస్తుందట!

1. కొన్ని రకాలైన చేపలు, బీన్స్, పెరుగు, ఆకుకూరలను ఆహారంతో కలిపి తీసుకోవడం ద్వారా మాంచిగా నిద్ర వచ్చేస్తుంది.

2. బీన్స్ వగైరాలలో ముఖ్యంగా బఠానీలు, చిక్కుడు కాయల్లో బి6, బి12, బి విటమిన్లు ఉంటాయి. అలాగే ఫోలిక్ ఆమ్లాలు కూడా ఉంటాయి. ఇవి ఆరోగ్యానికి ఎంతో మేలు చేయడంతో పాటు నిద్రొచ్చేలా పనిచేస్తాయి.

3. నిద్రలేమితో బాధపడుతున్న వారికి బి విటమిన్లు ఎంతగానో ఉపయోగపడుతాయని వైద్యులు సూచిస్తున్నారు.

4. అలాగే ఫాట్ లెస్ పెరుగులో కాల్షియం, మెగ్నీషియం పూర్తిగా ఉంటాయి. ఈ రెండు నిద్ర వచ్చేలా చేయడంలో మంచిగా పనిచేస్తాయి. పెరుగులోని కాల్షియం, మెగ్నీషియంల ప్రభావంతో అత్యంత వేగంగా నిద్రలోకి జారుకుంటామని వైద్యులు చెబుతున్నారు.

5. కాల్షియం, మెగ్నీషియం లోపంతో నిద్రలేమి, మానసిక ఒత్తిడి, కండరాల్లో నొప్పి వంటివి ఏర్పడే అవకాశం ఉందని వైద్యులు హెచ్చరిస్తున్నారు. ఇక ఆకుకూరల్లో ఇనుము శాతం ఎక్కువగా ఉంటుంది. నిద్రలేమితో బాధపడే వారు ఆకుకూరలను రెండు రోజులకోసారి ఆహారంతో కలిపి తీసుకోవాలి.

NO COMMENTS