Telugu health tips for acidity – అసిడిటీని తగ్గించడానికి గృహ చిట్కాలు?

అసిడిటీ అంటే పొట్ట యొక్క ఎగువ భాగంలో అసౌకర్యం లేదా నొప్పి కలగడం. ఇది సాధారణంగా భోజనం తీసుకున్న వెంటనే సంభవిస్తుంది. దీనివలన ఆకలిని కోల్పోవడం జరిగుతుంది. దానితో పాటుగా త్రేనుపులు రావడం మరియు అపానవాయువులు వంటివి ఏర్పడతాయి. మలబద్ధకం లేదా అతిసారం లక్షణాల చేత నోటిలో ఆమ్ల రుచితో కడుపు గడబిడగా ఉంటుంది.

అసిడిటీ అనేది నేడు ఎంతో మందికి సర్వ సాధారణ సమస్యగా ఉంది. ప్రస్తుతం కడుపులో ఉన్న ఆమ్లాలు పైకి ఎగబ్రాకి ఆహార వాహికకు చేరి తిరిగి వెనక్కి గుంజుకొనునట్టి స్థితిగా ఎంతో మంది ఈ సమస్యను కలిగి ఉన్నారు. ఇది ఛాతి స్థానంలో మంటతో కూడిన బాధకు కారణమవుతుంది. ఇవి అసిడిటీని గుర్తించడానికి ముఖ్యమైన సూచికలుగా చెప్పవచ్చు. ఆహార మార్గంలో పుల్లటి భావన కలగుతూ ఉంటుంది. అసిడిటీ విషయంలో నిర్లక్ష్యం పనికిరాదు. ఇది ఎన్నో ఇతర తీవ్రమైన ఆరోగ్య సమస్యలకు దారి తీయవచ్చు. నిర్లక్ష్యం చేయడం వలన ఆహార వాహిక యొక్క ముఖద్వారాలు చెడిపోయే అవకాశాలు ఉన్నాయి.

అసిడిటీకి కారణాలు

కడుపు యొక్క కవాటము సరిగా పనిచేయకపోతే ఆమ్లాలు కడుపు నుండి తిరిగి వెనక్కి నోటి వరకు చేరుకొని అసిడిటీ చోటు చేసుకుంటుంది. అధిక బరువు, భోజనం తర్వాత వెంటనే నిద్రపోవడం, ఎక్కువగా తినడం, వేయించిన ఆహారాలు తినడం, ఎక్కువగా మద్యం సేవించడం, ఒత్తిడి మరియు గర్భం వంటివి ఈ సమస్యకు దారితీసే ప్రధాన కారణాలు.

అసిడిటీ నుండి తక్షణ ఉపశమనం

అసిడిటీ సమస్య నుండి ఉపశమనం పొందడానికి ఇంటిలో పెద్దలచే అందించబడిన అనేక చిట్కాలు ఉన్నాయి. అందులో కొన్ని చిట్కాలు:

  • ఒక అర గ్లాసు కలబంద రసాన్ని తాగడం.
  • ఒక టేబుల్ స్పూన్ ఆపిల్ సెడార్ ను నీటితో కలిపి తీసుకుంటే తక్షణ ఉపశమనం అందిస్తుంది.
  • ఒక అర కప్పు నీటిలో ఒక టేబుల్ స్పూన్ బేకింగ్ సోడా కలిపి తీసుకోవడం కూడా చాలా సమర్థవంతంగా పనిచేస్తుంది.

అసిడిటీ చికిత్సకు గృహ నివారణలు

సోంపు

అసిడిటీ వలన ఛాతిలో సంభవించే మంటని తగ్గించడానికి సోంపు ఎంతో ఉపయోగకారిగా పని చేస్తుంది. అజీర్తి మరియు బాధని నివారించడానికి సోంపు మరింత పటిష్టంగా పోరాడుతుంది. సోంపు టీ గా చేసుకుని సేవించడం వలన హృదయ ప్రాంతంలో మంటని నివారించడంతో పాటుగా అజీర్తి మరియు కడుపు ఉబ్బరాన్ని క్రమంగా అదుపు చేస్తుంది. మీరు అజీర్ణం మరియు సంబంధిత సమస్యలను నివారించడానికి భోజనం తర్వాత ఒక టీస్పూన్ సోంపు నమలడం ద్వారా సులభంగా జీర్ణం చేసుకోవచ్చు.

దాల్చిన చెక్క

మనం సాధారణంగా ఉపయోగించే సుగంధాల్లో దాల్చిన చెక్క ఒకటి. దీనిని ఆమ్ల వ్యతిరేక లక్షణాలు గల సహజ వనరుగా పేర్కొనవచ్చు. శరీరంలో శోషణ స్థాయిలు మరియు జీర్ణక్రియ రేటును మెరుగుపరచడానికి ఇది సహాయపడుతుంది. ఒక ఇంచు పరిమాణ దాల్చిన చెక్కని కొంత నీటిలో పది నిముషాల పాటూ మరిగించి ఆ నీటిని రోజు వారీగా సేవించడం వలన ప్రేగులలో ఉండే ఇన్ఫెక్షనన్లు నివారించబడి జీర్ణ వ్యవస్థ మెరుగు పరచబడుతుంది.

ఉల్లి రసం

ఈ నివారణా మార్గం నిజంగా అద్భుతమైనది. ఉల్లి రసం యాసిడ్ లతో పోరాడి నివారించే గృహ చిట్కాలలో మొదటి స్థానంలో ఉంటుందని చెప్పవచ్చు. ఉల్లిపాయలు ఇన్సులిన్ ను కలిగి ఉండటంలో పేరుగాంచాయి. ఈ జీర్ణ సంబంధ పీచు పదార్ధాలు మానవ ప్రేగులలోని ఆరోగ్యకరమైన బాక్టీరియా మంచి ఆహార పంపిణీ దారులుగా పెర్కొనబడతాయి. తద్వారా ఈ ఆరోగ్యకరమైన బాక్టీరియా అభివృద్ధి జీర్ణ వ్యవస్థని మెరుగు పరిచి అసిడిటీ నివారణలో ప్రధాన పాత్ర పోషిస్తుంది.

కలబంద రసం

అలోవేరా అసిడిటీ సంబంధిత సమస్యల నివారణలో ఎంతో ప్రభావవంతంగా ఉంటుందని ప్రతీ ఒక్కరూ తెలుసుకోవాల్సిన విషయం. మీరు మీ అసిడిటీ సమస్యని శాశ్వతంగా నివారించుకోవాలని భావిస్తున్నట్లయితే మీరు తప్పనిసరిగా ప్రతీ రోజు మీ భోజననానికి ముందు కలబంద రసాన్ని సేవించాలి.

Subscribe to Blog via Email

Join 9,535 other subscribers

క్యాబేజీ రసం

అసిడిటీ నివారణలో ఉపయోగపడే సహజ ఉపకరనముగా నేడు మార్కెట్లో క్యాబేజీ ఎంతో విరివిగా లభించే అత్యంత ముఖ్యమైన కూరగాయ. మీరు క్యాబేజీని ముక్కలుగా తరిగి మిక్సర్ లో వేసి రసం తీసి ప్రతీరోజు సేవించడం వలన మంచి ఉపశమనం లభిస్తుంది.

లంకణం

కొన్ని సందర్బాలలో ఎటువంటి ఆహారం తీసుకోకుండా ఒక నిర్ధిష్ట సమయం లంకణం కొనసాగించడం వలన అసిడిటీ సమస్య నుండి మంచి ఫలితాలను పొందడం గమనించడం జరుగుతోంది. మరొక మార్గం పూర్తి రోజులో కేవలం పరిమిత ఆహారాన్ని తీసుకోవడం. ఘన పదార్ధాలను దూరంగా పెట్టడం అసిడిటీ సమస్యను నివారించడంలో ఉపయోగకరినిగా ఉంటుంది. ఒక వేల మీరు మరింత ఆకలితో ఉన్నట్లయిట్టే పండ్ల రసం లేదా పండ్లను తీసుకోవడం మంచిది.

తేనె

తేనె ప్రతి ఇంటిలో తప్పని సరిగా ఉండాల్సిన ఒక సహజ ఔషదమనే చెప్పాలి. తేనె కొన్ని విలువైన ఔషద లక్షణాలను కలిగి ఉన్నది. ఇది ఆహారకోశం యొక్క గోడల లైనింగ్ ను ధృడ పరుస్తుంది. ఇందుకోసం మీరు ప్రతీ రోజు నిద్రపోవడానికి ముందు రెండు టీ స్పూన్ల తేనె తీసుకోవాలి.

అల్లం

కొంచెం అల్లం తీసుకుని దాని నుండి రసాన్ని సేకరించి దానిలో ఒక స్పూన్ నిమ్మరసాన్ని కలిపి సేవించడం ఎంతో ఉపకారినిగా ఉంటుంది.

బొప్పాయి

బొప్పాయిని భోజనం తర్వాత తీసుకోవడం జీర్ణ శక్తిని మెరుగుపరచడంలో చాలా ప్రభావవంతంగా ఉంటుంది. బొప్పాయిలో ఉండే ఎంజైమ్ పాపెయిన్ ప్రోటీన్లను కరిగించడంలో సహాయపడుతుంది.

అసిడిటీ నివారణలో ఆయుర్వేద గృహ మార్గాలు

అరటి పండ్లు

అరటి పండ్లలో ఉండే పొటాషియం యాసిడ్ ఉత్పత్తిని పరిమితి చేస్తుంది మరియు అధిక శ్లేష్మమును క్రమబద్దీకరించి హానికరమైన ప్రభావాల నుండి రక్షణ కల్పిసుంది. అరటి పండులోని పీచుపదార్ధాలు మలబద్ధకాన్ని నివారించడంలోను మరియు అసిడిటీని నివారించడంలో మంచి ఉపకారిగా ఉంటుంది.

తులసి

తులసి ఆకులు పొట్టలోని శేష్మ ఉత్పత్తిలో సహాయపడతాయి. ఇవి పొట్టలో ఏర్పడే హానికర రసాయనాల నుండి రక్షణ కల్పించే వాటిగా పెర్కొనబడతాయి. కొన్ని తులసి ఆకులు ప్రతిరోజూ క్రమంగా తీసుకోవడం వలన ఎగువ ఉదరంలో మంటని మరియు అసౌకర్యాన్ని తగ్గించడంలో మంచి ఫలితాలను పొందుతారు.

ఉసిరి

ఆయుర్వేద సిద్ధాంతం ప్రకారం ఉసిరి కఫము మరియు పిత్త దోషాలను శాంతపరుచుటలో ప్రత్యేక లక్షణాలను కలిగి ఉంది. ఉసిరి కాల్షియమ్ వనరులను పుష్కలంగా కలిగి ఉంది. ఇది ఆహార వాహిక గోడల యొక్క పాడయిన లైనింగును బాగుచేయడంలో సహాయపడుతుంది. ఇందుకోసం ఒక గ్లాసు నీటిలో ఒక చెంచా ఉసిరి పౌడర్ ని రోజుకి రెండు సార్లు తీసుకోండి.

బెల్లం

అసిడిటీ నుండి ఉపశమనం పొందడానికి భోజనం తరువాత ఒక చిన్న బెల్లం ముక్కని సేవించండి.

కొబ్బరి నీళ్ళు

కొబ్బరి నీళ్ళు తీసుకోవడం వలన తక్షణమే శరీర వ్యవస్థ చల్లర్చబడి ఛాతిలో మంటని మరియు అసిడిటీ నుండి ఉపశమనం కలిగిస్తుంది.

దానిమ్మ

దానిమ్మ పండ్ల రసము కూడా ఛాతిలో మంట మరియు అసిడిటీ నివారణలో అద్భుతంగా పనిచేస్తుంది.

అలాగే గుమ్మడికాయ, వెల్లుల్లి, పసుపు, పుచ్చకాయ, దోసకాయ, మజ్జిగా వంటివి అసిడిటీని నివారించడంలో మంచి సహాయకారులుగా ఉండటంతో పాటూ అజీర్తి, ఛాతిలో మంట మరియు ఇతర ఉదర సమస్యల నుండి ఉపశమనం పొందడానికి జీర్ణ వ్యవస్థ అభివృద్ధికి అద్భుతంగా పనిచేస్తాయి.