Telugu tips to get rid of lizards – బల్లులను వదిలించుకోవటం ఎలా?

ఇంట్లో బల్లులు ఉండటం చాలామందికి ఆటంకంగానూ ఇబ్బంది గానూ ఉంటుంది. ఇవి మీ గోడలపై ఉండటం మీకు నచ్చక పోవచ్చు. వీటిని ఇంటి నుంచి దూరంగా ఉంచేందుకు ఉత్తమ గృహ నివారణలు కొన్ని చూద్దాం.

బల్లులను వదిలించుకోవటం ఎలా?

గుడ్డు చిప్ప(ఎగ్ షెల్స్)

బల్లులను దూరంగా ఉంచటానికి గుడ్డు యొక్క చిప్పను ఉపయోగించవచ్చు. ఇది ఒక నమ్మదగిన పరిష్కారం. బల్లులకు గుడ్ల వాసన నచ్చదు. మీరు గుడ్లను తిన్న తరువాత వాటి చిప్పను బల్లులు ఉండే చోట్లలో పెట్టండి. క్రమంగా అవి ఆ చోటు నుంచి తొలగిపోతాయి.

వెల్లుల్లి

బల్లులు రాకుండా ఉండేందుకు వెల్లుల్లిని కూడా వాడవచ్చు. వీటిని ఇంట్లో కొన్ని చోట్లలో వేలాడదీయండి. వీటి వాసన వలన బల్లులు ఆ దరిదాపులకు రావు. లేదా వెల్లుల్లి రసాన్ని తయారు చేసి, నీళ్లలో కలిపి ఇంట్లో కొన్ని చోట్లలో స్ప్రే చేయండి. కొన్ని వెల్లుల్లిని మీ ఇంటి తలుపులు మరియు కిటికీల వద్ద ఉంచవచ్చు. ఇవి తప్పకుండా బల్లులను రాకుండా ఆపుతాయి.

కాఫీ పొడి

కాఫీ పొడి బల్లులను చంపగలదు. కాఫీ పొడిని, పొగాకు పొడిని కలిపి చిన్న బంతులలా చేసి ఇంట్లో అన్ని మాలల్లో వాటిని విస్తరించండి. బల్లులు మాములుగా ఉండే అల్మారుల వెనుక ఈ బంతులను ఉంచండి. అవి వీటిని తిన్న వెంటనే చనిపోతాయి. మీరు వీటి శరీరాన్ని తీసివేసేటప్పుడు తప్పకుండా జాగ్రత్తలు తీసుకోవాలి, ఎందుకంటే ఇవి అత్యంత విషపూరితమైనది.

ఉల్లిపాయలు

వీటి గాఢమైన వాసన బల్లులను దూరంగా ఉంచుతుంది. వీటిని తలుపుల పక్కన లేదా బల్లులు ఎక్కువ ఉండే చోట్లలో ఉంచండి. ఉల్లిపాయ రసాన్ని నీటిలో కలిపి స్ప్రే చేయండి. ఇది తప్పకుండా బల్లులను ఇంటి నుంచి వెళ్లగొడతాయి.

మిరియాలు

మిరియాల స్ప్రే ఉపయోగించి కూడా మీరు బల్లులను వెళ్లగొట్టవచ్చు. మిరియాల పొడిని మరియు మిరప పొడిని నీటిలో కలిపి ఒక స్ప్రే లాగ తయారు చేసుకోవాలి. దీనిని వాడే ముందు బాగా కలపి చాలా చోటులలో స్ప్రే చేయండి. దీని యొక్క వాసన బల్లులను దూరంగా ఉంచుతుంది.

ప్లై పేపర్

ప్లై పేపర్స్ జంతువులను పట్టే బోను వలే పని చేస్తుంది. ఈ పేపర్లను గోడలపై అతికించండి. ముఖ్యంగా బల్లులు ఎక్కువగా ఉండే మూలలు, ట్యూబ్ లైట్ల పై, అల్మారుల వెనుక. ఇందులో బల్లులు తప్పించుకోవడానికి వీలు లేనంతగా చిక్కుకుంటాయి. మీరు చాలా సులభంగా వీటిని ఇంటి బయటకి తీసి వేయవచ్చు.

నాఫ్తలీన్ బంతులు

వీటిని మాములుగా ఇంట్లో నల్లులను తొలగించటానికి వాడుతాము. ఇవి బల్లులను కూడా తొలగించగలదు. వీటి యొక్క ఘాటైన వాసన బల్లులకు చాలా చిరాకు పుట్టిస్తుంది. దీని వలన అవి ఆ చోటు నుంచి వెంటనే వెళ్లిపోతాయి. ఈ బంతులను బల్లులు ఎక్కువగా తిరిగే చోట్లలో ఉంచండి.

Subscribe to Blog via Email

Join 9,445 other subscribers

టబాస్కో సాస్

ఇది ఒక కారమైన సాస్. దీనిని నీటిలో కలుపుకొని ఒక స్ప్రేలా తయారు చేసుకోండి. బల్లులు ఎక్కువగా తిరిగే ప్రదేశాలలో ఈ స్ప్రేని చల్లండి. దీని యొక్క వాసన ఇంటిలోని బల్లులను పారిపోయేలా చేస్తుంది.

చల్లని నీళ్లు

బల్లులు ఉష్ణోగ్రత యొక్క అగస్మాతు మార్పులను తట్టుకోలేదు. మీరు బల్లిని చూచినప్పుడు చల్లని నీళ్లను వాటిపై పోయండి. అది ఎలాంటి కదలిక లేకుండా స్థిరంగా ఉండిపోతుంది, ఆ సమయంలో దీనిని తీసి బయట పారవేయవచ్చు.

నెమలి ఈకలు

బల్లులు నెమలి ఈకలను చూసి భయపడతాయి. బల్లులు నివసించే గోడపై నెమలి ఈకలను అంటించవచ్చు. అలాగే ఫ్లవర్ వాజ్లో కూడా పెట్టవచ్చు. వీటి వలన బల్లులు మీ ఇంటి నుండి పారిపోతాయి.

తలుపులు మరియు కిటికీలను మూసిపెట్టుట

చివరిగా మీరు చేయగలిగే మరో విషయం మీ ఇంటి తలుపులను కిటికీలను మూసి పెట్టుట. లోపలికి రావటానికి వీలులేనందున అవి రావు. ఇది అన్నింటికన్నా సులువైన పద్దతి. ఎందుకంటే ఒక సరి ఇంటిలోకి వచ్చిన తరువాత దానిని వెళ్లగొట్టడం చాలా కష్టం, అవి మీకు దొరకకుండా దాక్కుంటాయి.

బల్లులను దూరంగా ఉంచటానికి మరికొన్ని విధానాలు మీరు ప్రయత్నించవచ్చు. బల్లి బలమైన వాసనలకు స్పందిస్తుందని తెలుసుకోవడం చాలా ముఖ్యం. బలమైన వాసనలను ఉపయోగించి వీటిని ఇంటి నుంచి వెళ్లగొట్టవచ్చు.