Posted on

Sleeping position tips in Telugu – నిద్రించడానికి అనువైన మార్గాలు

ప్రశాంతమైన నిద్రను పొందడానికి మీ తలను తూర్పు వైపుగా ఉంచి నిద్రపోవడం చాలా మంచిది. నిద్రపోవడానికి ఉన్న మరొక మంచి దిశ పడమర. మీరు ఆ దిశగా మీ తలను ఉంచి పడుకున్నట్లయితే, మీరు లేచే సరికి అనుకూలమైన శక్తి కలుగుతుంది. సరైన దిశగా తల ఉంచి నిద్రపోవడం వలన రక్త ప్రసరణ వ్యవస్థ మెరుగుపడుతుంది. చేసే పని మీద దృష్టిని నిలపడానికి సంపూర్ణమైన నిద్ర చాలా అవసరం. ఒత్తిడి ఆందోళనల నుండి ఉపశమనానికి కూడా సరైన నిద్ర అవసరం.

నిద్ర స్థితి సరైన దిశగా లేనట్లయితే వ్యక్తులు వివిధ శారీరక మరియు మానసిక సమస్యలను ఎదుర్కోవాల్సి వస్తుంది. ఇప్పుడు ఏ దిశగా పడుకోవడం వలన లేదా ఏ స్థితిలో పడుకోవడం వలన మానసిక, శారీరక ఆరోగ్యం పొందవచ్చునో సవివరంగా తెలుసుకుందాం.

పక్కకు లేదా వెల్లకిలా పడుకోవడం

మీరు తీవ్రమైన మెడ నొప్పితో బాధపడుతున్నవారు అయితే అప్పుడు పక్కకు తిరిగి లేదా వెల్లకిలా తిరిగి పడుకోవడం ఉత్తమ మార్గం. నిద్రపోతున్నప్పుడు ఈ స్థితిలో పడుకుంటే మీ నొప్పి తగ్గిపోతుంది అలాగే ఇకపై నొప్పి రాకుండా ఉంటుంది. మీ మెడ వంపు దగ్గర నొప్పి తగ్గడానికి ఒక మెత్తని దిండు లేదా ఒక చుట్టిన టవల్ ను ఒత్తుగా ఉపయోగించడం చాలా ముఖ్యం. తీవ్రమైన మెడనొప్పితో బాధపడుతున్న వారు పొట్టను ఆన్చి బొమ్మర్లా పడుకోవడం మంచి స్థితి కాదు. అందుకని పొట్టను ఆన్చి బొమ్మర్లా పడుకోవడం ఆపివేసి పక్కకు లేదా వెల్లకిలా పడుకునేలా ఖచ్చితంగా చూసుకోండి.

సవరించిన పక్క నిద్ర స్థితి

ఈ నిద్ర స్థితి భుజం నొప్పితో బాధపడుతున్న వారికి బాగా పనిచేస్తుంది. ఇది పడుకోవడానికి ఇంతకు ముందు చెప్పుకున్న పక్క నిద్ర స్థితికి కాస్త సవరించిన స్థితి. ఈ నిద్ర స్థితిలో మీరు పక్కకి తిరిగి కాస్త మీ వీపుని వంచి పడుకోవాలి. ఇలా పడుకోవడం వలన మీ భుజం నొప్పి తగ్గుతుంది. ఒకవేళ మీకు ఈ నిద్ర స్థితిలో పడుకోవడం ఇబ్బందిగా అనిపిస్తే వీపుని ఆన్చుకుని వెల్లకిలా పడుకోండి. మీరు నడుం నొప్పితో బాధపడుతున్నవారు అయితే పక్కకి తిరిగి పడుకున్నపుడు ఒక మెత్తని దిండు పెట్టుకోవడం మర్చిపోవద్దు. లేదంటే మరింత నొప్పికి గురవుతారు.

మోకాళ్ళ క్రింద దిండు పెట్టుకోవడం

వయసు పెరిగే కొద్దీ మనలో చాలా మందికి దిగువ నడుం నొప్పి రావడం ప్రారంభమవుతుంది. ఇది చాలా సాధారణమైన విషయం. ఇలాంటి దిగువ నడుం నొప్పితో బాధపడుతున్నవారికి అన్ని రకాల నిద్రా భంగిమలు సరిపడకపోవచ్చు. అంతేకాకుండా అటువంటి నిద్రా భంగిమలు మరింత నొప్పులకు కుడా దారితీయవచ్చు. మీరు నొప్పుల నుండి ఉపశమనం కలిగించే నిద్రా భంగిమల కోసం చూస్తున్నట్లయితే మీ మోకాలి కింద దిండు ఉంచుకుని పడుకోవడం మంచి పద్ధతి. ఈ పద్ధతి మీ కింది నడుము భాగమునకు సపోర్టుగా నిలిచి క్రమంగా నొప్పులనుండి ఉపశమనం పొందవచ్చు. కింది నడుము నొప్పి ఉన్నవారు పడుకునే అత్యంత నాసిరకమైన నిద్రా భంగిన మీ పొట్టను నేలకు ఆన్చి నిద్రపోవడం అని చెప్పవచ్చు.

తుంటి (హిప్) నొప్పికి నిద్రా భంగిమ

ఈ రోజుల్లో నడుము నొప్పి మరియు తుంటి నొప్పి చాలా సాధారణమైన విషయం. ఒకవేళ మీరు తుంటి నొప్పితో బాధపడుతున్న వారిలో ఒకరైతే, సాధారణ నిద్రా భంగిమలు మీ నొప్పి తీవ్రతను నివారించాలేకపోవచ్చు. తుంటి నొప్పిని తగ్గించడానికి మీ మోకాలి కింద దిండుని ఉంచి పడుకోవడం ఒక మంచి పద్ధతి అని చెప్పవచ్చు. కానీ మీరు పక్కకి తిరిగి పడుకుని దిండుని మీ మోకాలి మధ్యలో ఉండేటట్లు చూసుకోండి. మీరు ఇలా పడుకున్నట్లయితే సహజ మార్గంలో మరియు అత్యంత త్వరగా మీ నొప్పులనుండి ఉపశమనం పొందగలరని ఖచ్చితంగా చెప్పవచ్చు.

ఉత్తర, దక్షిణ వైపుగా శిరస్సు ఉంచి నిద్రించడం

భూమి యొక్క అయస్కాంత క్షేత్రం ఉత్తర దక్షిణ దిశలో ఉంటుంది కనుక నిద్రిస్తున్నప్పుడు మీరు శిరస్సును ఉత్తర దిశలో ఎన్నటికీ ఉంచకూడదు. ఈ దిశలో నిద్రించడం ఎంతో హానికరమైన ప్రభావాన్ని చూపిస్తుంది. ఇది మీ నిద్రను భంగం చేయడమే కాకుండా చెడు స్వప్నాలను కూడా కలిగిస్తుంది.

నైరుతి విభాగం

నిపుణుల అభిప్రాయం ప్రకారం, వాస్తు శాస్త్రంలో అత్యంత శక్తివంతమైన విభాగం నైరుతీ రంగం. సానుకూల శక్తి నిల్వ ఉండే ప్రాంతంగా దీనిని పేర్కొంటారు.

దక్షిణ శిరస్సుగా నిద్రా పోవడం

భారతీయ పురాణ గాథల ప్రకారం నిద్రపోయే దిశలు కొన్ని ముఖ్యమైన అంశాలను విశదీకరిస్తున్నాయి. వాటి ప్రకారం దక్షిణ దిశకు అధిపతి యమధర్మరాజు.అతను సాధారణంగా జీవుల మరణాలకు సంబంధించిన దేవుడిగా ప్రసిద్ధుడు. అందువల్ల ఉత్తర దిశగా శిరస్సు ఉంచి కాళ్లను దక్షిణ దిశగా పెట్టుకోవడం వలన మీరు మృత్యు దేవుడిని ఆహ్వానించినట్లే.

భారతీయ పురాణ గాధలలో భాగంగా పడుకునే సమయంలో కాళ్లు మరియు శిరస్సు ఉంచే స్థానాలను బట్టి కొన్ని శాస్త్రీయమైన వివరాలు కూడా ఉన్నాయి.భౌతిక శాస్త్రంలో అయస్కాంత ధర్మాలు చెప్పేది ఏంటంటే, ఉత్తర దృవం నెగిటివ్ ఎనర్జీకి మరియు దక్షిణ దృవం పాజిటివ్ ఎనర్జీకి మూలాలుగా చెప్పబడతాయి. మీ పాదాలు దక్షిణ దిశగా పెట్టుకొని నిద్రించినట్లయితే, అయస్కాంత ధ్రువాల ఆకర్షణ వికర్షణల వలన మీ పూర్తి రోజు విసుగుగా, చిరాకుగా గడుస్తుంది.

నిద్రపోవడానికి మంచి దిశ

నిద్రపోవడానికి శిరస్సు ఉంచుకొనే దిశలను గురించి భారతీయ మరియు చైనీస్ గ్రంధాలు సవివరంగా తెలియజేస్తున్నాయి. దానికి సంబంధించిన శాస్త్రీయ దృక్పథంతో తెలుపుతున్నాయి. ఒక వ్యక్తికి అనుకూలమైనది తన శిరస్సును దక్షిణ దిశగా లేదా తూర్పు దిశగా ఉంచుకోవడం ఉత్తమమైనదిగా చాలా మంది పూర్వీకుల విశ్వాసం. నేటి శాస్త్రీయ పరిశోధనలు కూడా వాటిని రుజువు చేస్తున్నాయి. ఉత్తర దక్షిణ దిశలుగా శిరస్సువంచి నిద్రపోకుండా ఉండటం వలన మీరు ప్రతికూల శక్తులనుండి ప్రభావితం కాకుండా ఉంటారు.

ఉత్తరం వైపుగా నిద్రా దిశ వాస్తవాలు

మీరు నిద్రించేటప్పుడు ఉత్తర దిశగా మీ శిరసుని ఉంచుతున్నారా? ఇది పూర్తిగా విరుద్దమైన విధానం. ఎందుకంటే విజ్ఞాన శాస్త్రం సైతం దీనిని ఖండిస్తోంది. ఎందుకంటే భూమి యొక్క అయస్కాంత శక్తి ఉత్తర దక్షిణ దిశలుగా ఉంటుంది. అందువల్ల ఈ రకమైన దిశా నిద్ర ఎన్నో ప్రతికూల ప్రభావాలను కలిగించవచ్చు.

వంకరగా నిద్రించడం

నిద్రా దిశలతో పాటుగా నిద్రా భంగిమ కుడా ఎంతో ముఖ్యమైన పాత్రను పోషిస్తుంది. మీరు మీ శారీరాన్ని వంచిన స్థితిలో ఏ దిశలో అయినా నిద్రించినట్లయితే, మీరు తిర్యక్ తరంగాల చేత తీవ్ర ఒత్తిడికి గురికావచ్చు. దీనివల్ల నిద్రపోతున్నప్పుడు అవసరం లేని శరీర కదలికలు నిద్రలేని రాత్రి, విశ్రాంతి ఉండకపోవడం వంటి సమస్యలు కలుగుతాయి. అందువలన మీరు నిద్రించేటప్పుడు మీ శరీరం నిటారుగా ఉండేలా చూసుకోవడం చాలా మంచిది.

తూర్పు పడమర దిశలు

ప్రతీవ్యక్తి ఆరోగ్యకరమైన నిద్రపొందాలంటే తూర్పు మరియు పడమర దిశలుగా శిరస్సును ఉంచి నిద్రించడం మంచిదని నిపుణులు చెప్తూ ఉంటారు. ఈ దిశలుగా ప్రయాణించే తరంగాలు అనుకూల శక్తిని మీ శరీరానికి అందిస్తాయి. పురాతన గ్రంధాలు కుడా ఈ దిశలులో దేవతలు కొలువై ఉంటారని పేర్కొంటున్నాయి. ఈ దిశలో క్రియా శక్తి లేదా శక్తి చర్యలు నిగూడమై ఉంటాయి. అవి ఖచ్చితంగా ప్రశాంతమైన నిద్రని మరియు ఆరోగ్యాన్ని మీకు అందిస్తాయి.

Posted on

Telugu tips for pimples – మొటిమల చర్మానికి ముల్తాని మట్టి ఫేస్ ప్యాక్స్

ఫుల్లర్ ఎర్త్ లేదా ముల్తాని మట్టి ఒక అద్భుతమైన ఎంపికగా చెప్పవచ్చు. దానిని మీరు మీ చర్మానికి ఉపయోగించినా లేదా జుట్టుకి ఉపయోగించినా, శుభ్రపరచడంలో రెండూ నిజంగా ప్రభావవంతంగా పనిచేస్తాయి. జిడ్డు చర్మం కలిగిన వారిలో ఉండే ప్రధాన సమస్య మొటిమలు. దానికి కారణం చర్మపు బయట పొరలలో ఉండే జిడ్డు. ఇలాంటి సమస్యలను నిర్మూలించడానికే మనము ముల్తాని మట్టిని ఉపయోగించవచ్చు.

ఇప్పుడు మేము మీకు ఫుల్లర్ ఎర్త్ తో తయారు చేసే ముఖ్యమైన కొన్ని ఫేస్ ప్యాక్ లను మీ ముందు ఉంచుతున్నాం. ఇది అధిక జిడ్డు, బ్లాక్ హెడ్స్, చర్మపు రంధ్రాలలో పేరుకుపోయిన మృత కణాలు మరియు మొటిమలతో బాధ పడుతున్న అన్ని రకాల చర్మాలకు ఒకేలా పనిచేస్తుంది. సంవత్సరాలుగా ఈ ముల్తాని మట్టి ప్యాక్ లను మహిళలు ఉపయోగిస్తున్నారు. సౌందర్య చికిత్సలో నిష్ణాతులు అయిన వారు కూడా ఈ సహజ ముల్తాని మట్టితో వివిధ రకాల ప్యాక్ లను చేసి ఉపయోగిస్తున్నారు.

ముల్తాని మట్టి, తేనె, పెరుగు మరియు నిమ్మ రసంతో ఫేస్ ప్యాక్

ముల్తాని మట్టి మృత చర్మ కణాలను మరియు చర్మం మీద ఉన్న రంధ్రాలను తొలగించడంలో చాలా మంచి ఉపయోగకారినిగా పనిచేస్తుంది. ఇందుకోసం ముల్తాని మట్టికి కాస్త తేనె, 1 టేబుల్ స్పూన్ పెరుగు మరియు కాస్త నిమ్మ రసాన్ని వేసి కలపండి. తేనె చర్మానికి మృదుత్వాన్ని ఇస్తుంది మరియు పెరుగు చర్మంలో ప్రోటీన్ ల స్థాయిని పెంచుతుంది అలాగే మొటిమలను నివారిస్తుంది.

కలబందతో ముల్తాని మట్టి

ముల్తాని మట్టి చర్మం మీద మొటిమలను తొలగించడంలో అనంతమైన చికిత్సలలో ఒకటి. ముల్తాని మట్టికి కాస్త కలబంద గుజ్జుని జోడించి, ఆ పేస్టుని ముఖానికి రాసుకోండి. ఇది మొటిమలను నివారిస్తుంది. అలాగే మంచి ఫలితాలను కూడా పొందుతారు.

పిండి చేసిన బాదం తో ముల్తాని మట్టి

మీకు బాదం అంటే బాగా ఇష్టం ఉన్నవారు అయితే, అప్పుడు ఈ ఫేస్ ప్యాక్ మీకు సరిగ్గా సరిపోతుంది. ఒక గిన్నెలో కాస్త పిండి చేసిన బాదం మరియు కాస్త ముల్తాని మట్టిని వేసి బాగా కలపండి. ఆ మిశ్రమాన్ని మీ ముఖం మీద వలయాకారంలో రాసుకుని, ఆరిన తరువాత గోరు వెచ్చని నీటితో ఆ ఫేస్ ప్యాక్ ని కడిగేసుకోండి. ఈ ప్యాక్ ను వారంలో ఒకసారి రాసుకోండి.

మొటిమల నివారణకు ముల్తానీ మట్టి

మీరు మొటిమలను ప్రభావితం చేసే చర్మాన్ని కలిగి ఉన్నట్లయితే మీరు చేయాల్సిన అతి ముఖ్యమైన పని ముల్తానీ మట్టిని ఉపయోగించడమే. దీనితో మీరు సమతలమైన మరియు మృదువైన చర్మాన్ని పొందుతారు. మీరు ముల్తానీ మట్టి స్టోన్ కు సులభంగా నీటిని చేర్చడం ద్వారా ఈ ఫలితాన్ని పొందవచ్చు. అంతేకాకుండా ముల్తానీ మట్టి పౌడర్కు నీటిని కలపడం ద్వారా పేస్టులాగా తయారుచేసుకుని కూడా ఉపయోగించవచ్చు. ఈ పేస్టుని మొటిమలు ఉన్న చోట రాయడం ద్వారా మొటిమల నుండి ఉపశమనాన్ని పొందవచ్చు.

చర్మ సంరక్షణకు ముల్తానీ మట్టి

చర్మ సంరక్షణకుమార్కెట్లో లభించే వివిధ సంరక్షక ఔషధాలు పొందడం చాలా సులభం. కానీ ఎప్పుడైనా ఉపయోగించారా? ముల్తానీ మట్టి క్లే స్టోన్ రూపంలోనూ మరియు పౌడరు రూపంలోనూ మార్కెట్లో లభిస్తుంది. ఒకవేళ మీ దగ్గర ఉన్నది స్టోన్ అయితే దానిని పగలగొట్టి చిన్న భాగాన్ని వేరు చేసి, ఆ భాగాన్ని చూర్ణంగా ఏర్పడటానికి సరిపడా నీటిలో వేసి ఉంచండి. అది కరిగి పేస్టులాగా ఏర్పడుతుంది. ఇప్పుడు చూర్ణానికి చిటికెడు పసుపు కొన్ని చుక్కల రోజ్ వాటర్ ను కలపండి. వాటిని బాగా కలిపి ముఖ చర్మం మీద పట్టించండి. 15 నిమిషాల పాటు దానిని ఆరనిచ్చి తర్వాత కడిగేసుకోండి.

చర్మశుద్ధి మరియు చర్మకాంతికి ముల్తానీ మట్టి

మీ చర్మాన్ని శుద్ధి పరుచుకోవడానికి మరియు అసమాన చర్మ వర్ణాన్ని సమ వర్ణంగా చేయుటకు ముల్తానీ మట్టి, బంగాళదుంప యొక్క అద్భుతమైన కలయిక మీకు అవసరం అవుతుంది. ఇందుకోసం మీరు ఒక బంగాళదుంప తీసుకొని తొక్కను తీసి గుజ్జులా చేయండి. రెండు స్పూన్ల బంగాళదుంప గుజ్జును ఒక కప్పులో తీసుకోండి. దానికి కొన్ని చుక్కల ఆలివ్ ఆయిల్ ను కలపండి. అందులో ఒక స్పూన్ ముల్తానీ మట్టి కూడా వేసి ఈ పదార్థాలను పేస్టు లాగా బాగా కలపండి. ఈ మిశ్రమాన్ని మీ ముఖానికి పట్టించి కాసేపు దాన్ని ఆరనిచ్చాక నీళ్ళతో కడిగేసుకోండి.

చర్మానికి ముల్తాని మట్టి ప్రయోజనాలు

  • ఇది మొటిమలను మరియు మచ్చలను తొలగిస్తుంది.
  • మీరు మృదువైన మరియు కాంతివంతమైన చర్మాన్ని పొందుతారు.
  • మీ రక్త ప్రసరణ మెరుగుపడుతుంది.
  • మెడ మరియు ముఖం మీద ఉన్న ముడతలు తొలగించబడతాయి.
  • మీరు బ్లాక్ హెడ్స్ మరియు వైట్ హెడ్స్ ను నిర్మూలించవచ్చు.

ముల్తాని మట్టిని ఉపయోగించి ఫేస్ ప్యాక్లు

నిమ్మతో ముల్తాని మట్టి

మొటిమలు తగ్గిన తరువాత, ఎర్రని చర్మం మాయమవ్వచ్చు కానీ వాటి వలన ఏర్పడిన మచ్చలు చర్మం మీద అలానే ఉండిపోతాయి. నిమ్మ ఒక సహజ సిద్ధమైన బ్లీచ్ గా పనిచేస్తుంది కనుక ఇది ముఖం మీద ఏర్పడిన మచ్చలను నిర్మూలిస్తుంది. అలాగే చర్మం నుండి అధికంగా స్రవించే జిడ్డుని కూడా నిమ్మ తొలగిస్తుంది. ఈ ప్యాక్ కోసం ఒక గిన్నెలో రెండు స్పూన్ల ముల్తానీ మట్టి. ఒక స్పూన్ రోజ్ వాటర్ మరియు 10 నుండి 12 చుక్కల నిమ్మరసం తీసుకొని పేస్టులా తయారు చేసుకోండి. ఈ మిశ్రమాన్ని మీ ముఖం అంతటా పట్టించండి. ఇది ముఖం మీద ఏర్పడిన మచ్చలను తొలగించి ముఖాన్ని కాంతివంతంగా చేస్తుంది.

వేపతో ముల్తానీ మట్టి

వేప క్రిమినాశక లక్షణాన్ని కలిగిన ఒక సహజ మూలిక. ఇది అన్ని రకాల ఇన్ఫెక్షన్లను లోపలి నుండి చికిత్స చేస్తుంది. అందువలన, ఉదయాన్నే ప్రతిరోజు వేప ఆకులను తీసుకోవడం చాలా ఆరోగ్యకరమైన విషయం. అదేవిధంగా, వేప ఆకులను ముల్తానీ మట్టితో తీసుకుని ప్యాక్ లా తయారు చేసుకొని బాహ్యంగా కూడా ప్రయోజనాలను పొందవచ్చు. ఇందుకోసం వేప ఆకులను ఎండబెట్టి పొడిచేసి ఉంచుకోవాలి. ఒక చెంచా వేప పొడిని, ఒక చెంచా ముల్తానీ మట్టి పొడిని తీసుకొని రెండు చుక్కల తాజా నిమ్మరసాన్ని మరియు రోజ్ వాటర్ ను కలిపి పేస్టులా తయారు చేసుకోండి. ఈ పేస్టుని ముఖానికి పట్టించి ఆరిన తర్వాత కడిగేసుకోండి. ఇది మీ ముఖాన్ని మృదువుగా మరియు అందంగా మారుస్తుంది.

చందనం మరియు ఫుల్లర్ ఎర్త్

మనం చందనాన్ని దేవుడిని పూజించడానికి ఒక పవిత్రమైన మూలికగా ఉపయోగిస్తుంటాం. ఒక చందనం చక్కని తీసుకొని దానిని ఒక రాయి మీద చిక్కటి పేస్టులా రుద్దండి. రెండు చెంచాల చందనం పేస్టుకి, ఒక చెంచా ఫుల్లర్ ఎర్త్ ని, అరచెంచా శనగపిండి మరియు రోజ్ వాటర్ ను వేసి పేస్టులా తయారు చేయండి. ఈ మిశ్రమాన్ని ముఖానికి రాసుకొని ఆరిన తర్వాత కడిగేసుకోండి. ఇది మీ ముఖం మీద మొటిమలను తొలగించడమే కాకుండా కాంతివంతమైన ముఖాన్ని ఇస్తుంది.

నారింజ తొక్కతో ముల్తానీ మట్టి

ముఖ చర్మం మీద ఏర్పడిన మొటిమలు బ్యాక్టీరియా కారకం కావచ్చు. నారింజ తొక్క ఇటువంటి సమస్యలకు సహాయపడుతుంది. ఇందుకోసం ఒక చిన్న గిన్నె తీసుకొని అందులో ఒక చెంచా ఎండిన నారింజ తొక్కల పొడి మరియు ఒక చెంచా ముల్తానీ మట్టి అలాగే పచ్చిపాలు వేసి పేస్టులాగా కలపండి. దీనిని మీ ముఖం మీద రాసుకుని కాసేపు ఉంచి ఆరిన తర్వాత శుభ్రం చేసుకోండి.

ఫుల్లర్ ఎర్త్ తో పసుపు

శోధ నిరోధక లక్షణం కలిగిన పసుపుని ముల్తానీ మట్టితో తీసుకోవడం వలన అందమైన మరియు కాంతివంతమైన ముఖాన్ని పొందవచ్చు. ఇందుకోసం ముల్తానీ మట్టి, చిటికెడు పసుపు మరియు పచ్చి పాలు తీసుకొని పేస్టులా తయారు చేసుకోండి. ఈ పేస్టుని ముఖానికి పట్టించి ఆరిన తర్వాత కడిగేసుకోండి.

క్యారెట్ తో ముల్తానీ మట్టి

క్యారెట్ కూడా మీ చర్మానికి ఒక మంచి సహజ పదార్థం. నిమ్మరసంతో కలిపిన క్యారెట్ జ్యూస్ తాగడం వలన మొటిమలు, మచ్చలు లేని అందమైన ముఖాన్ని పొందవచ్చు. ఈ క్యారెట్ ని ముల్తానీ మట్టితో కలిపి ప్యాక్ లా కూడా తయారుచేసుకోవచ్చు. దీనికోసం ముల్తానీ మట్టి మరియు 3 నుండి 4 చెంచాల క్యారెట్ జ్యూస్ ని కలిపి పేస్టులా తయారు చేసి ముఖానికి పట్టించండి. ఈ ఫేస్ ప్యాక్ ముఖం మీద మొటిమలు మరియు మచ్చలను నిర్మూలిస్తుంది.

తేనెతో ముల్తానీ మట్టి

తేనె ఒక సహజ ఉత్పత్తి, ఇది మీ చర్మపు రంగును మెరుగుపరుస్తుంది. ఈ ఫేస్ ప్యాక్ తయారుచేయడానికి మీకు ఒక చెంచా ముల్తానీ మట్టి మరియు ఒకటి నుండి రెండు చెంచాల తేనె అవసరం అవుతాయి. ఈ రెండింటినీ కలిపి మీ ముఖం మీద సున్నితంగా రుద్దండి. పది నిమిషాలు ఉంచి ఆరిన తరువాత గోరువెచ్చని నీటితో శుభ్రపరుచుకోండి.

Posted on

Telugu tips to treat pink eye – కండ్ల కలకను నివారించడం ఎలా?

కండ్ల కలక వలన మీ కళ్ళు వాపుతో పాటు కణజాల పొర ఎర్రగా మారుతుంది. అది కంటి యొక్క తెల్లని భాగాన్ని కప్పివేస్తుంది. ఇది కనురెప్పల లోపలి భాగంలో పొరలాగా ఉంటుంది. ఈ కణజాల పొరలు వైరస్, బ్యాక్టీరియా, విష పదార్ధాలు, అలెర్జీ-ప్రేరేపించే కారకాలు మరియు చికాకు కలిగించే కొన్ని లక్షణాలతో పాటు శరీరం లోపల అంతర్లీన వ్యాధులకు ఇవి విస్తృతంగా ప్రభావితమవుతాయి. కండ్లకలక అనేది పిల్లలతో పాటుగా పెద్దల్లో కూడా సర్వసాధారణమైంది. దీనికి వయసుతో సంబంధం లేకుండా అన్ని వయసుల వారికి సమానంగా వ్యాపిస్తుంది.

లక్షణాలు

  1. ఇది మీకు దురదను మంటను చికాకును కలిగిస్తుంది.
  2. కంటి కణజాల పొరలో ( కంజెక్టివియా) వాపు ఉండవచ్చు. అది కంటిరెప్పల లోపలి భాగం మీద పొరవలె ఉంటుంది.
  3. కంటి నుండి కన్నీళ్లు ఎక్కువగా వస్తుంటాయి.
  4. చీము కూడా ఉండవచ్చు.
  5. కాంటాక్ట్ లెన్స్ లు కంటిమీద వాటి స్థానంలో ఉండవు. ఎంతో అసౌకర్యాన్ని కలిగిస్తాయి.
  6.  కంటి మీద తెల్లని భాగం ఎరుపు లేదా గులాబీ రంగులోకి మారుతుంది.

కండ్లకలక రకాలు మరియు లక్షణాలు

బ్యాక్టీరియా సంబంధిత కండ్లకలక

  • చాలా ఎక్కువ సందర్భాలలో చీము ఉండవచ్చు.
  • కొన్నిసార్లు చెవి ఇన్ఫెక్షన్లు కూడా ఉంటాయి.

తీవ్రమైన సున్నితత్వ కండ్లకలక

  • అధిక శాతం ఇది రెండు కళ్లలోనూ సంభవిస్తుంది.
  • దీని ప్రభావంగా కంటి నుండి నీరు కారడం, వాపు, తీవ్రమైన దురద మొదలైన లక్షణాలు ఉంటాయి.

చికాకు కలిగించే కండ్లకలక

  • ఈ రకమైన కండ్లకలకలో కంటి నుండి ధారగా నీరు కారుతూ, చీము కూడా స్రవించడం జరుగుతుంది.

వ్యాప్తి చెందే కండ్లకలక

  • ఇది శ్వాసకోశ ఇన్ఫెక్షన్, అలాగే జలుబు మరియు జ్వరం వంటి లక్షణాలను కలిగి ఉంటుంది.
  • ఇది ఒక కంటిలో ప్రారంభమై మరొక కంటికి వ్యాపిస్తుంది.
  • కంటి నుండి నీరు కారడం ఉంటుంది కానీ అంత చిక్కగా ఉండదు.

కండ్లకలక ఎలా వ్యాపిస్తుంది?

వివిధ రకాలైన బ్యాక్టీరియా, వైరస్ లు కండ్ల కలకకు ప్రధాన కారణాలని చెప్పవచ్చు. వైరస్ వలన గాని బ్యాక్టీరియా వలన గాని సంభవించే కండ్ల కలకలు వ్యాప్తి చెందే లక్షణాన్ని కలిగి ఉంటాయి. ఇది ఒక వ్యక్తి నుండి మరొక వ్యక్తికి ఎన్నో మార్గాల ద్వారా వ్యాప్తి చెందుతుంది. ప్రభావిత వ్యక్తి దగ్గడం వలన గాని తాకిన వస్తువులను లేదా ఉపరితలాలను ఇతర వ్యక్తులు తాకడం లేదా చేతులను కలపడం వంటి చర్యలు వలన క్రిములు ఒకరి నుండి ఒకరికి సులభంగా వ్యాప్తి చెందుతాయి.

నిర్ధారణ

హైపర్సెన్సిటివ్ కనెక్టివిటీ

“తీవ్రమైన సున్నితత్వం కలిగిన కండ్లకలక” ఇది ప్రత్యక్షంగా కళ్ళలో భయంకరమైన సెన్సిటివిటీని కలిగి ఉంటుంది. అసంకల్పిత తుమ్ములు, చీదడం వంటి లక్షణాలు కలిగి ఉంటుంది.

కళ్ళలో తీవ్రమైన సున్నితత్వం ఎక్కువగా వసంత కాలంలో అత్యధిక పుప్పొడి పతనం ఉన్నప్పుడు లక్షణాలు కనిపిస్తాయి. కొన్నిసార్లు కుక్క, పిల్లి పెంపుడు జంతువుల చర్మపు పోగులు వలన అలర్జీ సంభవించి ఈ విధమైన లక్షణాలు కనిపిస్తాయి.

అలర్జీ కలిగించే విషయాలపై పరిశీలన

మీరు హానికరమైన రసాయనాలు నుండి రక్షణ ప్రాంతంలో లేనట్లయితే అది వాయు కాలుష్యానికి కూడా కారణమవుతుంది. ఈ కాలుష్యం మీకు ఒక కారణం కావచ్చు. అలాగే మీ కంటి దురదకు కూడా కారణం కావచ్చు. కానీ ఇటువంటి అలర్జీలు 12 నుండి 36 గంటలలో తగ్గిపోతుంది. ఒకవేళ అలర్జీ కారకాలు ఏవైనా రసాయనాలు లేదా మీరు ఉపయోగించే క్లీనర్లు వలన సంభవించినట్లయితే కనీసం పది నిమిషాల పాటు మీ కళ్ళను అసెప్టిక్ సొల్యూషన్ తో కనుగుడ్లను తిప్పుతూ కడగండి.

డాక్టరును సంప్రదించండి

మీకు కండ్ల కలక సంభవించిందని నిర్ధారణ అయినట్లైతే దానిపై ఖచ్చితమైన నిర్ధారణకు మీ డాక్టరును వెంటనే సంప్రదించండి. ఎందుకంటే కండ్ల కలక యొక్క లక్షణాలను బట్టి వైరస్ మరియు బ్యాక్టీరియా సంబంధిత కండ్ల కలకలకు తగ్గట్లుగా వేర్వేరు చికిత్సలు చేయడం జరుగుతుంది.

ఖచ్చితమైన నిర్ధారణ కొరకు పరీక్షలు

డాక్టర్ సిఫార్సు మేరకు లక్షణాలపై ఖచ్చితమైన నిర్ధారణ కొరకు మరియు బాక్టీరియా, వైరస్ యొక్క ప్రభావ తీవ్రతను అనుసరించి ఒక నిర్ధిష్టమైన మెడికేషన్స్ పొందడానికి సూచించిన పరీక్షలు చేయించుకోవడం అవసరం.

మీకు సంభవించిన కండ్ల కలకకు కారణం గనేరియా లేదా ఇతర లైంగిక సంక్రమణ వ్యాధులు అయి ఉండవచ్చనే సందేహం ఉన్నట్లైతే, మీ డాక్టరు దానికి సంబంధించిన పరీక్షలను సిఫార్సు చేస్తారు.

సంభవించిన కండ్ల కలకకు కారణం అలెర్జీ అని డాక్టరు నిర్ధారించినట్లయితే మరియు మీకు ఆ అలర్జీ దేనికి సంబంధించినదో తెలియనట్లైతే, అతను వాటిని నిర్ధారించడానికి అలర్జీ పరీక్షలను కూడా చేయించుకోమని కోరవచ్చు.

గృహ చిట్కాలు

తులసి

తులసిలో ఉండే శోథ నిరోధక లక్షణాలు కంటిలోని ఫంగల్, బ్యాక్టీరియా మరియు వైరస్ లతో పోరాడడానికి శక్తిని కలిగి ఉంటాయి.

తులసి ఆకులను ఉపయోగించడానికి ముందు వాటిని 15 నిమిషాల పాటు నీళ్ళలో ఉడికించండి. తర్వాత గోరు వెచ్చని నీటితో మీ కళ్ళను దానితో కడిగేసుకోండి లేదా కాటన్ ప్యాడ్ ను ఉపయోగించి వెచ్చని ఒత్తిడి కలిగించండి.

కలబంద గుజ్జు

కలబంద గుజ్జు అమోడిన్ మరియు అల్యోయిన్ లను కలిగి ఉంటుంది. అవి యాంటీ బ్యాక్టీరియల్ మరియు యాంటీ వైరల్ లక్షణాలను కలిగి ఉంటాయి.

కలబంద గుజ్జును కనురెప్పల మీద మరియు కంటి మీద అప్లై చేయండి.

పసుపు

పసుపు చికిత్స లక్షణాలతో పాటుగా యాంటీ బ్యాక్టీరియల్ లక్షణాలను కలిగి ఉంటుంది. అవి మీ కళ్ళను నయం చేయడంలో అద్భుతంగా పనిచేస్తాయి.

ఒక కప్పు మరిగించిన నీటిని తీసుకొని అందులో రెండు టేబుల్ స్పూన్ల పసుపుని వేసి బాగా కలపండి. ఒక కాటన్ ప్యాడ్ ను తీసుకొని అందులో ముంచి మీ కళ్ళకు వేడి ఒత్తిడిని అందించండి.

గ్రీన్ టీ

కండ్లకలకకు గ్రీన్ టీ ఒక అద్భుతమైన గృహ వైద్యంగా చెప్పబడింది.

ఒక టీ బ్యాగును తీసుకొని మరిగించిన నీటిలో ఒకసారి ముంచి తీయండి. కాస్త చల్లారాక దానిని ప్రభావిత కంటి మీద ఉంచండి. దీనికి బదులుగా మీరు కాటన్ ప్యాడ్ తీసుకొని ఒక కప్పు గ్రీన్ టీ లో నానబెట్టి తగినంత వేడితో కళ్ళను ఒత్తండి.

వేప నూనె

వేప నూనెలో ఉండే మూలకాలు అలర్జీలను అలాగే యాంటీ బ్యాక్టీరియా మరియు శోథ నిరోధక లక్షణాలను కలిగి ఉంటాయి.

కండ్లకలకకు వేప నూనెను తీసుకొని నిద్ర పోవడానికి ముందు కంటి చుట్టూ మృదువుగా మర్దనా చేయండి.

రొమ్ము పాలు

చాలా తరాల వారు రొమ్ము పాలను కండ్లకలక కు చికిత్సగా వారి పిల్లలకు ఉపయోగిస్తూ ఉంటారు. రొమ్ము పాలు ఇన్ఫెక్షన్లకు వ్యతిరేకంగా యాంటీ బ్యాక్టీరియల్ లక్షణాలు కలిగి ఉన్నట్లు నిర్ధారణ జరిగినది.

Posted on

Telugu breast enhancement tips – టీనేజ్ అమ్మాయిల రొమ్ముల పరిమాణం పెరగాలంటే?

టీనేజ్ అమ్మాయిలు తరుచుగా తమ రొమ్ములు చిన్నవిగా ఉన్నాయని వాపోతూ ఉంటారు. ఎందుకంటే ఆ సమయంలో వారి రొమ్ములు ఇంకా పరిపక్వత దశలోనే ఉంటాయి. రొమ్ముల పరిమాణాన్ని పెంచుకోవడానికి బహుళమైన కాస్మోటిక్ పద్ధతులు అందుబాటులో ఉన్నాయి. కానీ అవి అందరికి సరిపడతాయని చెప్పలేము. ముఖ్యంగా టీనేజ్ అమ్మాయిల విషయంలో మరింత జాగ్రత్త పడాల్సిన అవసరం ఉంటుంది. వాస్తవానికి చెప్పాలంటే టీనేజ్ అమ్మాయిలు వారి ఆహారం మీద దృష్టి పెట్టి వారి శరీరం సహజ పరిపక్వత చెందేవరకు వేచి ఉండటమే ఉత్తమం అని చెప్పవచ్చు. ముఖ్యంగా గుర్తుంచుకోవాల్సిన విషయం రొమ్ముల పరిమాణం మరియు ఆకారం మహిలళలో వారి వయస్సు మరియు హార్మోనుల సమతుల్యత మీద ఆధారపడి ఉంటుందని తెలుసుకోవడం ఎంతైనా అవసరం. అందువల్ల మీరు టీనేజర్ అయితే మరియు మీ రొమ్ములు చిన్న పరిమాణంలో ఉంటే మీరు ఆందోళన పడాల్సిన అవసరం ఏమీ లేదు.

బరువు

మీరు బరువు పెరుగుతున్నట్లయితే మీ రొమ్ములు కూడా పెరుగుతూ ఉంటాయి. అలా కాకుండా మీ రొమ్ములు చాలా నెమ్మదిగా పెరుగుతున్నట్లయితే మీ డాక్టరుని సంప్రదించి హార్మోనుల స్థాయిలను తనిఖీ చేయించుకోండి. కొన్ని వ్యాయామాలు చేయడం వలన రొమ్ముల పరిమాణంలో వేగవంతమైన మార్పుని చూడవచ్చు. బరువు పెరగడానికి వేరుశనగలు, జున్ను, వెన్న, పెరుగు, అవకాడోలు మరికొన్ని ఇతర ఆరోగ్యకరమైన ఆహార పదార్ధాలను తీసుకోండి. అంతే కాకుండా జిమ్ కు వెళ్ళడం ద్వారా మంచి ఫలితం ఉంటుంది. అక్కడ మీ సూచనదారులు సరియైన వ్యాయామాలను సిఫార్సు చేసి మీకు సహాయం చేస్తారు.

రొమ్ముల పెరుగుదలకు ఛాతి మీద ఒత్తిడి

డంబుల్స్ ఉపయోగించి గానీ లేదా రెండు వైపులా ఏవైనా సమాన భారాలను ఉపయోగించి వాటిని ఎత్తడం ద్వారా ఛాతి మీద ఒత్తిడి కలిగించవచ్చు. ఒక చాప మీద నిటారుగా నిల్చుని మీ మోకాలిని వంచి రెండు వైపులా సమాన బరువు ఉండేలా చూసుకొని నెమ్మదిగా మీ భుజాల ఎత్తు వరకు ఎత్తండి. మళ్లీ యధాస్థానానికి నెమ్మదిగా దించండి. ఇలా ఒక రోజుకి 10 నుండి 15 సార్లు చేస్తూ ఉండడం వలన సులభంగా మార్పుని గమనించగలుగుతారు.

ఛాతి విసరడం

అధిక శ్రమ లేకుండా మీ ఇంటి వద్దనే సులభంగా ఛాతిని విసరడం వంటి వ్యాయామ ప్రక్రియను చేయవచ్చు. ఒక కుర్చీలో కూర్చొని రెండు సమాన భారాలను తీసుకొని మీ చేతులను ఆధారాలతో మీ భుజాల ఎత్తు వరకు నిటారుగా వచ్చినట్లు పైకి లేపండి. తరువాత నెమ్మదిగా ప్రారంభ స్థానానికి దించండి. కిందకి దించే సమయంలో మీ చేతులు దిగువ శరీరానికి ఎదురెదురుగా నిటారుగా ఉండేలా చూసుకోవడం గుర్తుంచుకోండి. ఈ వ్యాయామాన్ని రోజుకు 12 సార్లు మూడు సెట్స్ చొప్పున చేస్తూ ఉండండి. రాత్రి సమయాల్లో బ్రాలను ధరించకండి.

పుష్ అప్ చేయండి

ప్రతిరోజు ఈ వ్యాయామం చేయడం ద్వారా మీకు పుషప్ బ్రా అవసరం ఉండదు. పుష్ అప్స్ రొమ్ములు విస్తరించడానికి మరియు వాటి పరిమాణాన్ని పెంచుకోవడానికి కూడా అద్భుతంగా పనిచేస్తాయి. అంతేకాకుండా మంచి శారీరక ఆకృతిని మరియు శక్తిని కూడా పొందవచ్చు.

ఎసెన్షియల్ ఆయిల్స్ తో రొమ్ములకు మర్దన

రోజువారీగా ఒక పద్ధతి ప్రకారం ఎసెన్షియల్ ఆయిల్స్ తో రొమ్ములను మర్ధనా చేయడం ద్వారా వాటి పరిమాణాన్ని పెంచుకోవడం మరియు వాటిని విస్తరింపజేయవచ్చని శాస్త్రీయంగా రుజువైంది. ఇలా చేయడం వలన రొమ్ముల్లోని రక్త ప్రసరణ అభివృద్ధి చెంది కణజాలం ఉత్పత్తి జరుగుతుంది.ఇందు కొరకు ఆలివ్ ఆయిల్, ఆవనూనె, గెరానియన్ ఆయిల్ మొదలైనవి ఈ మర్దనాలకు సమర్థవంతమైనవి అని చెప్పబడ్డాయి.

వక్షోజాల పరిమాణం పెరుగుదలకు తీసుకోవలసిన ఆహారాలు

కాయధాన్యాలు

రొమ్ముల పరిమాణం సహజ మార్గంలో పెంచుకోవడానికి ప్రోటీన్లను కలిగి ఉన్న ఆహార పదార్థాలు ముఖ్యంగా పరిగణించాల్సినవిగా చెప్పబడ్డాయి. మీ ఆహార పదార్ధాలలో కాయధాన్యాలను తప్పనిసరిగా ఉండేలా చూసుకోండి. మీరు పప్పులను కాయధాన్యాలు తోపాటుగా ఉడికించి తీసుకోవచ్చు. ఇలా ప్రతిరోజూ తీసుకోవడం వలన మీరు సహజ మార్గంలో సులభంగా రొమ్ములను పెంచుకోవచ్చు.

టోఫు

రొమ్ము కండరాలను పంపు చేయడానికి ఇది ఒక అద్భుతమైన ఆహార పదార్థంగా చెప్పబడింది. మీరు ఒక వేళ మీ ఆహార పదార్థాలలో ప్రోటీన్లను తీసుకోలేక పోతున్నట్లు అయితే మీరు టోఫు ని ట్రై చేసి మీ రొమ్ము కండరాలపై శ్రద్ధ ఉంచండి. మీరు మంచి ఆకారం గల రొమ్ములను మంచి పరిమాణంతో పొందుతారు.

రొమ్ములు పెరుగుదలకు విడిచిపెట్టాల్సిన ఆహారాలు

రొమ్ము కణాలను అభివృద్ధి చేయడానికి ఎలాగైతే కొన్ని ఆహార పదార్ధాలు నిర్దేశించబడ్డాయో అలాగే కొన్ని ఆహార పదార్ధాలు రొమ్ముల పెరుగుదలను అడ్డుకునేందుకు ప్రేరేపిస్తాయి. కాబట్టి, మీరు ఒకవేళ టీనేజ్ అమ్మాయి అయితే మరియు మీరు సంపూర్ణ పరిమాణానికి ప్రయత్నిస్తున్న వాళ్ళు అయితే మీరు కింది పేర్కొన్న కొన్ని ఆహార పదార్ధాలకు దూరంగా ఉండటానికి ప్రయత్నించండి.

చక్కెర మరియు కార్బోహైడ్రేటులు

చక్కెర మరియు కార్బోహైడ్రేట్లు మన రోజువారీ ఆహారంలో ప్రముఖ పాత్రను పోషిస్తున్నాయి. వాస్తవానికి ప్రతి రుచికరమైన వంటకంలో చక్కెరలు ఎంతో కొంత ఉంటాయి. ఒక సరియైన ఆహారంలో కార్బోహైడ్రేట్లతో పాటుగా కావాల్సిన పరిమాణంలో మాత్రమే చెక్కెర ఉండటం మంచిది. అదనపు కార్బోహైడ్రేట్లు మరియు చక్కెరలు తీసుకోవడం వలన తీవ్రంగా రొమ్ము పరిమాణాన్ని పెరగకుండా అడ్డగిస్తుంది. ఈ ఆహార పదార్థాలు శరీరంలోని టెస్టోస్టిరాన్ హార్మోనులను ప్రేరేపించి వాటి ఉత్పత్తిని పెంచడం వలన ఈస్ట్రోజన్ హార్మోన్ బ్లాకులు ఏర్పడతాయి. ఈస్ట్రోజన్ హార్మోన్ స్త్రీలలో రొమ్ము పరిమాణం పెంచడానికి బాధ్యత కలిగిన ఒక హార్మోన్.

కెఫిన్

మనమంతా క్రమం తప్పకుండా కాఫీల రూపంలో విరివిగా కెఫిన్ ను తీసుకుంటూ ఉంటాం. మీరు మీ వక్షోజాల పరిమాణాన్ని పెంచుకోవడానికి ప్రయత్నిస్తున్న వాళ్లయితే, కెఫిన్ తీసుకునే ముందు కాస్త ఆలోచించండి. మీ శరీరంలోని పోషకాలను పీల్చుకోవడం వలన రొమ్ముల పెరుగుదలకు అంతరాయం కలుగుతుంది. అంతేకాకుండా ఈస్ట్రోజెన్ హార్మోన్ యొక్క ఉత్పత్తికి కూడా అడ్డుకట్ట వేస్తుంది. కాబట్టి, కెఫిన్ వినియోగం రొమ్ము పరిమాణం పెంచుకోవాలనుకునే వారికి అంత యోగ్యకరమైనది కాదు.

కృత్రిమ సంరక్షిత మాంసపు ఉత్పత్తులు

ప్రస్తుతం అధిక మంది ప్రజలు త్వరిత మార్గములో మాంసపు ఉత్పత్తులను పెంచుకోవడానికి వాటి మీద హార్మోనులను ప్రయోగించడం జరుగుతుంది. ముఖ్యంగా బాయిలర్ కోళ్ళు మరియు ఇతర కుత్రిమ సంరక్షిత మాంసపు ఆహార ఉత్పత్తులు మీద వివిధ రకాలైన హార్మోన్ ఇంజెక్షన్లను ప్రయోగించడం సర్వసాధారణంగా జరుగుతూ ఉంది. అటువంటి మాంసపు ఆహార పదార్ధాలను తీసుకోవడం వలన ఆ హార్మోనులు నేరుగా శరీరంలోకి ప్రవేశించి హార్మోనుల అసమతుల్యతను కలిగిస్తాయి.

టీనేజ్ అమ్మాయిలలో వారి శరీరం పరిపక్వత దశలో ఉండటం వలన హార్మోనుల సమతుల్యత అనేది వారి రొమ్ముల పెరుగుదలలో కీలక పాత్ర పోషిస్తుంది. కాబట్టి హార్మోనుల సమతుల్యతకు భంగం కలిగించేటువంటి ఆహార పదార్థాలకు దూరంగా ఉండడం వలన రొమ్ముల పెరుగుదలలో కనిపించే ప్రతికూలతలను చాలా వరకు దూరం చేయవచ్చు.

బొప్పాయి రసం మరియు పాలు

వివిధ పరిశోధనలను అనుసరించి బొప్పాయి రసం మరియు పాలు మీ రోజువారి ఆహారంలో చేర్చుకోవడం వలన రొమ్ములు పరిమాణం పెంచుకోవడంలో అద్భుతంగా సహాయం చేస్తాయి. బొప్పాయి మరియు పాలు వక్షోజాల పరిమాణాన్ని అభివృద్ధి చేసే విటమిన్లు మరియు ఖనిజాలను పుష్కలంగా కలిగి ఉంటాయి. మీకు బొప్పాయి రసం తీసుకోవడం ఇబ్బందిగా అనిపిస్తే బొప్పాయిని అయినా తినవచ్చు. బొప్పాయి మరియు పాలు లాగానే బనానా మిల్క్ షేక్ కూడా మీ రొమ్ము పరిమాణం పెంచుకోవడానికి బాగా సహకరిస్తుంది.

గర్భనిరోధక మాత్రలు

నిజం చెప్పాలంటే, ఇది మీ స్తన పరిమాణం పెంచుకోవడానికి అంత సురక్షితమైన పద్ధతి కాదు. క్రమం తప్పకుండా గర్భనిరోధక మాత్రలు వినియోగం ఎన్నో ప్రతికూల ప్రభావాలను కలిగించవచ్చు. అయితే, ఎవరైతే తప్పనిసరి పరిస్థితులలో వక్షోజాల పరిమాణాన్ని పెంచుకోవాలని కోరుకుంటున్నారో అటువంటి వాళ్ళు ఈ విధానాన్ని ఉపయోగించవచ్చు. ఇది చాలా ప్రభావవంతంగా పనిచేస్తుంది అందుచేత ఇది దాటవేయలేదు.

చెడు వ్యసనాలకు దూరంగా ఉండండి

ఇది మీరు నమ్మినా నమ్మక పోయినా సరే, చెడు అలవాట్లు కూడా మీ రొమ్ముల పరిమాణానికి అవరోధాలను ఏర్పరుస్తాయి. ఉదాహరణకు పొగ త్రాగడం వలన రొమ్ములు పెరుగుదల నిలిపివేయబడుతుంది. అలాగే మద్యపానం అలవాటు ఉన్నట్లయితే రొమ్ములు వదులుగా మారి సాగుతాయి. అది ఒక్కోసారి రొమ్ము క్యాన్సర్లకు కూడా దారితీస్తుంది. అదే కాకుండా ఎక్కువగా కాఫీ తాగే అలవాటు, మరీ ఎక్కువ పని ఒత్తిడి తీసుకోవడం, ఎక్కువగా పనిచేయడం మరియు గురకపెట్టి నిద్రపోవడం వంటి అలవాట్లు కూడా రొమ్ము పరిమాణం కుంచుకు పోవడానికి అవకాశం ఉంటుంది. ఒకవేళ మీకు ఇటువంటి అలవాట్లు ఉన్నట్లయితే, వెంటనే వీటికి దూరంగా ఉండండి.

రొమ్ములు పరిమాణం పెంచుకోవడానికి చిట్కాలు

  • తరచుగా రొమ్ములను మర్దన చేయండి. ఇది మీ రొమ్ముల పరిమాణం పెరగడానికి మరియు ఆకర్షణీయమైన రూపాన్ని పొందడానికి సహాయం చేస్తుంది
  • టి, కాఫీ, ఆల్కహాల్ వంటి సాఫ్ట్ డ్రింక్స్ వినియోగానికి దూరంగా ఉండండి.
  • జంక్ ఫుడ్ లను తినవద్దు. ఇది రొమ్ముల పెరుగుదలకు అంతరాయం కలిగిస్తుంది.
  • మంచి నీటిని పుష్కలంగా తాగండి మరియు క్రమం తప్పకుండా వ్యాయామం చేయండి.
Posted on

Telugu tips for cervical spondylosis – మెడ నొప్పి సమస్యకు చిట్కాలు

పెరుగుతున్న వయసుతో పాటుగా మనకి ఎన్నోరకాల శారీరక సమస్యలు తలెత్తడం ప్రారంభమవుతాయి. మెడ నొప్పి అనేది కూడా వాటిలో ఒక ప్రధానమైన సమస్య. మన శరీరం సమస్యలకు లోనవుతూ ఉన్న క్రమంలో ఈ సమస్య ఎక్కువగా కనిపిస్తుంది. అనగా ఈ సమస్య అరవై ఐదు సంవత్సరాలకు పైబడిన వారిలో ఇతర శారీరక సంస్థలతో పాటుగా చాలా సాధారణంగా కనిపిస్తుంది. అంతే కాకుండా ఈ సమస్య గొంతు సంబంధిత వెన్నుముక లేదా మెడ స్నాయువులు మీద ప్రతికూల ప్రభావాన్ని కలిగిస్తుంది. పెరుగుతున్న వయస్సు క్రమంలో క్షీణించిన డిస్కులను మన శరీరంలో గుర్తిస్తూ ఉంటాము. ఈ సెర్వికల్ స్పాండిలోసిస్ (మెడ నొప్పి)సమస్యలో సాధారణంగా నొప్పి ఎక్కువగా ఉంటుంది. అయితే కొన్ని కేసుల్లో నొప్పికి బదులుగా ఇతర సంకేతాలు కనిపించవచ్చు.

ఈ మెడ నొప్పి వెనుక ఉన్న ప్రధాన కారణాలు ఏంటి?

వయసు మళ్ళుతున్న కొద్దీ మీ శరీరంలోని ఎముకలు మరియు మృదులాస్థికలు వెనుక మీద లేదా మెడ మీద ఎక్కువగా ఆధారపడటం ప్రారంభిస్తాయి. అలా దాని సామర్ధ్యం క్షీణించడం జరుగుతుంది. దాని ఫలితమే ఈ సమస్య.

హెర్నియేటెడ్ మరియు డీ హైడ్రేటెడ్ డిస్కులు

మనం 40 ఏళ్ళకు చేరుకున్నాక ఈ డిస్కులు పొడిబారి కుంచుకు పోవడం ప్రారంభమవుతాయి. డిస్కుల మీద పగుళ్ళు కూడా ఏర్పడతాయి. ఇది డిస్కులు ఉబ్బిపోవడానికి కారణం అవుతాయి.

ఫ్లెక్సిబులిటీ లేనటువంటి స్నాయువులు (లింగామెంట్స్)

వెన్నుపూస స్నాయువులు కదలికలు లేకుండా ధృడంగా మారవచ్చు. అందువల్ల మెడ కూడా తన ఫ్లెక్సిబులిటీ కోల్పోతుంది. ఈ సంధర్బంలో మెడ కదల్చలేని విధంగా నొప్పితో బాధించవచ్చు.

ఎముకుల తుల్లిపాటు

డిస్కుల యొక్క క్షీణత వలన శరీరంలోని ఎముకలన్నీ వెన్నుముకని బలంగా చేసేందుకు తమవంతు ప్రయత్నం చేస్తాయి. అయితే ఇది నరాల యొక్క మూలాలను దెబ్బ తీయవచ్చు.

మెడ నొప్పి సమస్యకు కారకాలు

వృత్తి

కొంతమంది వాళ్ళు చేస్తున్న ఉద్యోగాలలో వాళ్ళ మెడను స్థిరంగా ఉంచడమో లేదా వాళ్ళ మెడ అధికమైన ఒత్తిడి పొందడమో జరుగుతుంది. అటువంటి వాళ్ళకి ఈ విధమైన మెడ నొప్పులు సంభవించే అవకాశం హెచ్చుగా ఉంటుంది. అంతే కాకుండా నృత్యకారులకు మరియు మార్షల్ ఆర్ట్స్ చేయు వ్యక్తులకు కూడా ఈ సమస్య వచ్చే అవకాశముంది.

జన్యు కారణాలు

పరిశోధకులు జన్యుకారణాలు కూడా ఈ విధమైన సమస్యలకు కారణం కావచ్చని కనుగొన్నారు. అందువల్ల మీరు మీ కుటుంబ నేపథ్యాన్ని దృష్టిలో ఉంచుకున్ని మరింత శ్రద్ధ వహించాల్సిన అవసరం ఉంది.

ధూమ పానం

ధూమపానం అలవాటు ఉన్న వారిలో కూడా ఈ మెడ నొప్పి సమస్యలు తలెత్తవచ్చు. ఇది వరకు చెప్పుకున్నట్లు వయస్సు పెరుగే కొద్దీ అన్ని సమస్యలతో పాటుగా మెడ నొప్పి సమస్య కూడా ఏర్పడవచ్చు. మెడ నొప్పి సమస్యకు ఇది కూడా ముఖ్యమైన కారకంగా ఉన్నది.

మహిళలు మరియు పురుషులు ఇద్దరిలోనూ ఈ సమస్య కనిపిస్తూ ఉంటుంది. అయితే మహిళలతో పోల్చి చుస్తే పురుషులలో ఈ సమస్య అతి పిన్న వయస్సు నుండే ప్రారంభం అవ్వడం నేడు గమనిస్తూ ఉన్నాం.

కొన్ని సందర్బాలలో నరాల ఒత్తిడి శాశ్వతమైన నష్టాలకు కూడా దారితీయవచ్చు. మీకు మెడ నొప్పి ఉన్నట్లయితే నిర్లక్ష్యం చేయకుండా మీ ఫిజీషియన్ ను సంప్రదించడం అన్ని వేళలలోను మంచిది.

సర్వికల్ స్పాండిలోసిస్ ను సూచించే సంకేతాలు

  • భుజాలు పట్టేయడం అప్పుడప్పుడు మెడ నొప్పి రావడం.
  • తలనొప్పి – ఇది మీ మెడకి వెనుక భాగంలో ప్రారంభమవుతుంది.

మీరు మీ ఫిజీషియన్ ను సంప్రదించినప్పుడు అతను మీకు కొన్ని పరీక్షలు జరిపి వ్యాధి నిర్ధారణకు వస్తారు.

శారీరక పరీక్ష

డాక్టరు మీ మెడని ప్రక్కలకు త్రిప్పి దాని కదలికలను అంచనా వేస్తారు. అంతేకాకుండా మీ పాదాలు మరియు చేతుల ప్రతిచర్యలను కూడా పరీక్ష చేస్తారు. మిమ్మల్ని నడవమని చెప్పి మీ నడక స్థితిని, శరీర భంగిమలని పరిశీలిస్తారు. శరీరంలోని ఎగువ మరియు దిగువ అవయముల బలము, బలహీనతలను చూసి ఒక అంచనాకు వస్తారు.

చిత్రాల కోసం స్నానింగ్ ప్రక్రియ

మీరు మీ వెన్నుముక పనిచేయు పరిస్థితిని తెలుస్కోవడానికి ఎక్స్-రే తీయించుకోవాల్సి ఉంటుంది. మీకు భుజముల నొప్పి మరింత తీవ్రమైన స్థితిలో ఉన్నట్లయితే మీ ఫిజీషియన్ MRI స్కానింగ్ చేయించుకోవాలని సిఫార్సు చేయవచ్చు.

ఈ సమస్యకి సంబంధించిన మరొక పరీక్ష మైలోగ్రామ్. నిపుణులు మీ వెన్నుముకలో ఒక డై ను అమర్చడం ద్వార అది అది స్కానింగ్ లో స్పష్టంగా కనిపిస్తుంది. అలాగే CT స్కానింగ్ కూడా మరింత ప్రభావవంతంగా మీ ఎనుముకుల నిర్మాణాన్ని పరిశీలించడానికి సమర్ధవంతంగా ఉంటుంది. ఇకపోతే ఎలెక్ట్రోమయోగ్రఫి మరియు NCS లు అనునవి నరాలను మరియు కండరాలను పరిశీలంచడానికి సహాయకరులుగా ఉంటాయి.

చికిత్స

ఆధునిక చికిత్సలు వ్యాధి లక్షణాలను తగ్గుముఖం పట్టించడంలో మంచి ఫలితాలను అందిస్తున్నాయి.

చాల ఎక్కువ మంది ఫిజీషియన్లు కండరాలకు విశ్రాంతి కల్పించే ప్రక్రియలలో భాగంగా బిగుసుకుపోయిన కండరాలు మరియు మెడ స్థంబించడం వంటి సమస్యలకు ఉపయోగించే సాధారణ రిలాక్సేషన్ ప్రక్రియ సైక్లోబెంజప్రైన్.

  • భాదను తగ్గించడానికి ఉపయోగించే మెడిసన్ అమిట్రిప్టిలిన్. ఇది భాధ తీవ్రతని తగ్గించడానికి ఉపయోగపడుతుంది.
  • ఫిజీషియన్లు నొప్పి తగ్గడానికి స్టెరాయిడ్ ను మీ మెడకు ఇంజెక్ట్ చేయవచ్చుకూడా. 

శస్త్ర చికిత్స ప్రక్రియ

ఆస్టియోఫైట్లు మరియు ఉబికిన ఎముకులను తొలగించి నరాల మూలాలలో ఒత్తిడి తగ్గించడం ద్వారా శస్త్ర చికిత్సకులు మిమ్మల్ని బాధనుండి ఉపశమనం కల్పిస్తారు.

వ్యాయామాలు

మీ ఫిజీషియన్ చెప్పే సులభ వ్యాయామాలను చేయడం ద్వార కొంత వరకు వ్యాధిని నియంత్రణలో ఉంచుకోవచ్చు.

మెడ నొప్పికి ఇంటి చిట్కాలు

వెల్లుల్లి

వెల్లుల్లి వినియోగం మెడ నొప్పి సంబంధిత సమస్యలతో బాధ పడుతున్నప్పుడు గొప్ప పరిష్కరినిగా ఉంటుంది. వెల్లుల్లి మెడ బాగంలో వాపు, నొప్పి వంటి సమస్యలను నివారిస్తుంది.

పసుపు

పసుపు యొక్క ధర్మాలు మీ మెడ నొప్పి సమస్యలకు చక్కని పరిష్కారాన్ని అందిస్తుంది. ఇది శరీరంలో రక్తప్రసరణను మెరుగుపరిచి రోగ నిరోధక వ్యవస్థని బలపరుస్తుంది. ఇది మెడ నొప్పి కారణంగా వచ్చే నొప్పిని మరియు కండరాల స్తంభనను తగ్గిస్తుంది.ఒక గ్లాసు నిండా పలు తీసుకుని అందులో ఒక టీ స్పూన్ పసుపు వేసి బాగా కలపండి. తక్కువ మంటలో 5 నిముషాలపాటు వేడి చేసి దించేయండి. చల్లారిన తర్వాత ఒక టే స్పూన్ తేనె కలుపుకుని రోజుకు రెండుసార్లు త్రాగండి.

నువ్వులు

మీకు ఆయుర్వేదం యొక్క నమ్మశక్యం కానీ సమర్ధత మీద నమ్మకం ఉన్నట్లయితే అది మీకు నయం చేయడానికి ఎప్పటికీ సిద్దమే. నువ్వులు సహజ సిద్దమైన ఎన్నో అద్భుత లక్షణాలను కలిగి ఉన్నాయి. నువ్వుల నూనెతో రోజుకి కొన్ని సార్లు మర్దనా చేసుకోవడం వలన ఫలితాలని మీరే చూస్తారు.