Posted on

How to make Nutella biscuits in Telugu – నూటెల్లా బిస్కట్స్ రెసిపీ

రోజూ ఒకే రకమైన బిస్కట్స్ ని తిని బోర్ కొడుతోందా! పిల్లలకు ఎంతో ఇష్టమైన బిస్కట్స్ ని మరింత రుచికరంగా ఆరోగ్యకరంగా మార్చాలనుకుంటున్నారా! అయితే ఈ రెసిపీని ట్రై చేయండి. బిస్కట్స్ కి రుచితో పాటు ఆరోగ్యాన్ని కూడా జోడించేందుకు నూటెల్లా క్రీం ని ఉపయోగించి నూటెల్లా బిస్కట్స్ ని తయారు చేసుకోండి.

కావలసిన పదార్థాలు

  • పాలు
  • నూటెల్లా క్రీం
  • పైన్ ఆపిల్ (అనాస పండు) ఎస్సెన్స్
  • వైట్ బట్టర్ – 200 గ్రాములు
  • ఏలకుల పొడి – 1 టేబుల్ స్పూన్

తయారీ విధానం

  • ఒక బౌల్ లో 200 గ్రాముల వైట్ బటర్ ని బాగా చూర్ణం చేసుకోవాలి.
  • ఆ తరువాత అందులో కొద్దిగా నూటెల్లా క్రీం వేసుకొని బాగా కలుపుకోవాలి.
  • అందులో 1 స్పూన్ ఏలకుల పొడి, కొద్దిగా పైన్ ఆపిల్ ఎస్సెన్స్ వేసుకొని బాగా కలుపుకొని సిద్ధంగా ఉంచుకోవాలి.
  • ఇప్పుడు మీకు నచ్చిన బిస్కట్‌లను పాలలో ముంచి ముందుగా సిద్ధం చేసుకున్న నూటెల్లా మిశ్రమాన్ని రెండు వైపులా రాసి, ఒకదానిపై ఒకటి ఉంచుకోవాలి.
  • ఇప్పుడు ఈ బిస్కట్‌లను 1 గంట సేపు ఫ్రీజర్ లో ఫ్రీజ్ చేసి కట్ చేసుకుంటే ఎంతో రుచికరమైన నూటెల్ల బిస్కట్స్ రెడీ!
Posted on

Basundi sweet recipe in Telugu – బాసుంది రెసిపీ

గుజరాత్ మరియు మహారాష్ట్రలో ఎంతో ప్రసిద్థమైన స్వీట్ బాసుంది. పాలలో అధిక ప్రోటీన్, కాల్షియం, మరియు ఎన్నో విటమిన్లు ఉన్నందున ఎముకలకు ఎంతో బలాన్ని ఇస్తుంది. పాలతో ఎన్నో రకాల తీపి వంటకాలను చేసుకోవచ్చు. అందులో ఎంతో సులభమైనది రుచికరమైనది బాసుంది.

కావలసిన పదార్థాలు

  • పాలు – 1 లీటర్
  • మిల్క్ పౌడర్ – 1/2 కప్పు
  • చక్కెర – 1/2 కప్పు
  • కుంకుమ పువ్వు
  • ఏలకుల పొడి – 1 టేబుల్ స్పూన్
  • తరిగిన బాదాం
  • తరిగిన కాజు
  • తరిగిన పిస్తా

తయారీ విధానం

  • ముందుగా కొన్ని కుంకుమ పువ్వులను పాలలో వేసి నానబెట్టుకోవాలి.
  • ఒక మందమైన వెడల్పైన ప్యాన్ లో 1 లీటర్ పాలను పోసి బాగా మరిగించాలి.
  • పాలు బాగా మరిగిన తరువాత అందులో తరిగిన కాజు, బాదాం, పిస్తా మరియు ఏలకుల పొడిని వేసి కొద్ది సేపు మరిగించాలి.
  • ఆ తరువాత నానబెట్టిన కుంకుమ పువ్వులను పాలతో పాటు ఇందులో వేసుకొని బాగా కలుపుకోవాలి.
  • ఇప్పుడు 1/2 కప్పు మిల్క్ పౌడర్ ని కూడా వేసుకొని 10 నిమిషాలు ఉడికించాలి.
  • ఆ తరువాత 1/2 కప్పు చక్కెర వేసి 2 నిమిషాలు ఉడికిస్తే ఎంతో తియ్యని బాసుంది స్వీట్ రెడీ!
Posted on

Crispy fish fingers recipe in Telugu – ఫిష్ ఫింగర్స్ రెసిపీ

ఫిష్ ఫింగర్స్ ఒక అమెరికన్-కెనెడియన్ వంటకం. ఇది ఒక అద్భుతమైన అపటైసర్. లోపల ఎంతో మెత్తగా పై భాగంలో ఎంతో క్రిస్పీ గా ఉండే ఈ స్టార్టర్ ని పిల్లలు ఎంతో ఇష్టపడతారు. రుచితో కూడిన ఆరోగ్యకరమైన వంటని ఎవరైనా ఎందుకు వద్దంటారు! మరి ఈ సులభమైన రుచికరమైన స్టార్టర్ ని ఎలా చేయాలో తెలుసుకుందాం.

ముందుగా కావలసిన పదార్థాలు

  • శుభ్రం చేసిన చేపలు
  • గుడ్లు – 2
  • కార్న్ ఫ్లార్ – 1 కప్పు
  • బ్రెడ్ క్రంబ్స్ – 1 కప్పు
  • డ్రై కార్న్ ఫ్లేక్స్ – 1 కప్పు
  • నూనె – డీప్ ఫ్రై కి తగినంత
  • కార్న్ ఫ్లేక్స్ మిక్శ్చర్ – 1 కప్పు

తయారీ విధానం

  • ముందుగా చేపలను బాగా శుభ్రం చేసి నిలువుగా చిన్న ముక్కలుగా కోసి ఫ్రీజర్ లో 15 నిమిషాలు ఉంచాలి.
  • కార్న్ ఫ్లేక్స్ మిక్శ్చర్ ని మిక్సీ లో వేసి పొడి చేసుకొని ఒక కప్పులో సిద్ధంగా ఉంచుకోవాలి.
  • అలాగే గుడ్లను కూడా కొట్టి బాగా కలిపి ఒక కప్పులో సిద్ధంగా ఉంచుకోవాలి.
  • 15 నిమిషాల తరువాత స్టవ్ పై ప్యాన్ లో డీప్ ఫ్రై కి తగినంత నూనెని పోసుకోవాలి.
  • నూనె వేడిగా అయిన తరువాత కట్ చేసుకున్న ఫిష్ ముక్కలను ముందుగా గుడ్డులో ముంచి, తరువాత కార్న్ ఫ్లార్ లో ముంచి, ఆ తరువాత బ్రెడ్ క్రంబ్స్, ఆ తరువాత డ్రై కార్న్ ఫ్లేక్స్ మిక్శ్చర్ లో ముంచి ఆయిల్ లో డీప్ ఫ్రై చేసుకోవాలి.
  • అలా అన్ని స్లైసెస్ ని కూడా ఫ్రై చేసుకున్న తరువాత వాటిపై నిలువుగా తరిగిన ఉల్లిపాయలు మరియు నిమ్మరసంను చల్లుకుంటే ఎంతో రుచికరమైన ‘ఫిష్ ఫింగర్స్’ రెడీ!
Posted on

Gravy arbi sabji in Telugu – గ్రేవీ ఆర్బీ సబ్జి / గ్రేవీ చేమగడ్డ సబ్జి రెసిపీ

విటమిన్ ఎ అధికంగా ఉండే చేమగడ్డలు మీ కండరాలను ఎంతో ఆరోగ్యంగా ఉంచుకునేందుకు తోడ్పడుతుంది. చేమగడ్డలతో తయారు చేసే ‘గ్రేవీ ఆర్బీ సబ్జి’ ఒక ఫేమస్ కాశ్మీరీ రెసిపీ. అధిక కారంతో పాటు పెరుగును కూడా జోడించి దీనికంటు ఒక ప్రత్యేక రుచితో ప్రతి ఒక్కరినీ ఇంప్రెస్స్ చేస్తుంది. పూర్తి న్యూట్రిషన్స్ తో కూడిన రుచికరమైన ఈ గ్రేవీ ని ఎలా చేయాలో చూద్దాం.

కావలసిన పదార్థాలు

  • చేమగడ్డలు
  • నూనె – 2 టీ స్పూన్
  • ఆవాలు
  • అల్లం వెలుల్లి పేస్ట్
  • పచ్చి మిర్చులు – 1
  • రెడ్ చిల్లీ పౌడర్ – 2 టీ స్పూన్లు
  • ఉల్లిపాయల పేస్ట్ – 1 కప్పు
  • టొమాటోలు – 2
  • జీరా పొడి – 1 టీ స్పూన్
  • ధనియాల పొడి – 1 టీ స్పూన్
  • గరం మసాలా – 1 టీ స్పూన్
  • పసుపు పొడి – 1 చిటికె
  • ఉప్పు – 1 టీ స్పూన్
  • మాంగో పౌడర్ – 2 టీ స్పూన్లు
  • పెరుగు – 1 కప్పు
  • కసూరి మేతి

తయారీ విధానం

  • ముందుగా చేమగడ్డలను బాగా ఉడికించి తోలు తీసి చిన్న చిన్న ముక్కలుగా కట్ చేసుకొని గోల్డెన్ బ్రౌన్ రంగు వచ్చే వరకు నూనె రాయకుండా ఫ్యాన్ లో ఫ్రై చేసుకొని పక్కకు పెట్టుకోవాలి.
  • ఇప్పుడు స్టవ్ పై ఒక ప్యాన్ ని ఉంచి 2 టీ స్పూన్ల నూనె, ఆవాలు, అల్లం వెలుల్లి పేస్ట్, 1 తరిగిన పచ్చి మిర్చులు వేసి 2 నిమిషాల పాటు దోరగా వేయించుకోవాలి.
  • ఆ తరువాత 1 టీ స్పూన్ రెడ్ చిల్లీ పౌడర్ వేసి 2 నిమిషాలు వేయించుకోవాలి.
  • ఇప్పుడు అందులో 1 కప్పు ఉల్లిపాయల పేస్ట్ వేసి 10 నిమిషాలు వేయించుకోవాలి.
  • ఆ తరువాత అందులో 2 తరిగిన టొమాటోలు వేసి 2 నిమిషాలు వేయించాలి.
  • టమోటాలు బాగా కుక్ అయిన తరువాత అందులో 1 టీ స్పూన్ ఉప్పు, 1 టీ స్పూన్ రెడ్ చిల్లీ పౌడర్, 1 చిటికె పసుపు పొడి, 1 టీ స్పూన్ మాంగో పౌడర్, 1 టీ స్పూన్ ధనియాల పొడి, 1 టీ స్పూన్ జీరా పొడి వేసి 2 నిమిషాలు దోరగా వేయించుకోవాలి.
  • ఇప్పుడు అందులో కొద్దిగా నీళ్లు పోసి 2 నిమిషాలు వేయించాలి.
  • ఆ తరువాత 1 కప్పు పెరుగు వేసి 3 నిమిషాలు కుక్ చేయాలి.
  • ఈ మిశ్రమం బాగా ఉడికాక ఇంకొన్ని నీళ్లు పోసి ఉడికించి కసూరి మేతి ని చల్లి, 1 నిమిషం పాటు ఉడికించి, ఫ్రై చేసి ఉంచుకున్న చేమగడ్డలను కూడా అందులో వేసి బాగా కలుపుకోవాలి.
  • 2 నిమిషాల తరువాత 1 టీ స్పూన్ గరం మసాలా వేసి బాగా కలిపి 1 నిమిషం తరువాత కొత్తిమీరతో గార్నిష్ చేసుకుంటే ఎంతో రుచికరమైన ‘గ్రేవీ చేమగడ్డ సబ్జి’ తయారు!
Posted on

How to make pan fried noodles in Telugu – ప్యాన్ ఫ్రైడ్ నూడుల్స్ రెసిపీ

ప్యాన్ ఫ్రైడ్ నూడుల్స్ ఏంతో రుచికరమైన ఆసియా వంట. రుచికరమైన కూరగాయలను ఉడకబెట్టిన సూప్ లో నానబెట్టిన ఫ్రైడ్ నూడుల్స్ యొక్క క్రంచీ రుచి తప్పక మీ కుటుంబంలో ప్రతి ఒక్కరికి కూడా ఫేవరైట్ డిష్ గా మారుతుంది.

పార్టీలు, పుట్టినరోజు సెలబ్రేషన్ లేదా బర్తడే వంటి సందర్భాల్లో ఈ నోరూరించే ప్యాన్ ఫ్రైడ్ నూడుల్స్ సూప్ ని తయారు చేసి ప్రతి ఒక్కరి ప్రశంసలను పొందండి.

కావలసిన పదార్థాలు

  • నూనె – 1 కప్పు
  • ఉప్పు – 2 టేబుల్ స్పూన్లు
  • నూడుల్స్
  • కార్న్ ఫ్లార్ – 1/2 కప్పు
  • సోయా సాస్ – 1 టేబుల్ స్పూన్
  • గ్రీన్ చిల్లీ సాస్ – 1 టేబుల్ స్పూన్
  • రెడ్ చిల్లీ సాస్ – 1 టేబుల్ స్పూన్
  • టొమాటో సాస్ – 1 టేబుల్ స్పూన్
  • తరిగిన క్యారట్ – 1/2 కప్పు
  • తరిగిన రెడ్ క్యాప్సికం – 1/2 కప్పు
  • తరిగిన ఎల్లో క్యాప్సికం – 1 కప్పు
  • తరిగిన క్యాబేజి – 1 కప్పు
  • వెలుల్లి ముక్కలు
  • తరిగిన బేబీ కార్న్

తయారీ విధానం

  • ముందుగా స్టవ్ పై ఒక ప్యాన్ ని ఉంచి అందులో 1 కప్పు నీళ్లు పోసి అందులో నూడుల్స్, 1 టీ స్పూన్ ఉప్పు వేసి మూత పెట్టి 10 నిమిషాలు ఉడికించాలి.
  • నూడుల్స్ బాగా ఉడికిన తరువాత నీటిని వడగట్టి నూడుల్స్ ని ఒక ప్లేట్ లో తీసుకోవాలి.
  • ఇప్పుడు స్టవ్ పై మరో ప్యాన్ ని ఉంచి అందులో 1 కప్పు నూనె పోసి, ఉడికించి ఉంచుకున్న నూడుల్స్ ని వేసి ఫ్రై చేసుకోవాలి.
  • మరో ప్యాన్ లో 2 టీ స్పూన్ నూనెలో తరిగిన క్యారట్ మరియు రెడ్ క్యాప్సికం, 1 కప్పు ఎల్లో క్యాప్సికం, కొన్ని వెలుల్లి ముక్కలు, తరిగిన బేబీ కార్న్, 1 కప్పు తరిగిన క్యాబేజీలను వేసి దోరగా వేయించుకోవాలి.
  • ఆ తరువాత 1 టీ స్పూన్ సోయా సాస్, 1 టీ స్పూన్ గ్రీన్ చిల్లీ సాస్, 1 టీ స్పూన్ టొమాటో సాస్, 1 టీ స్పూన్ రెడ్ చిల్లీ సాస్ వేసి బాగా కలుపుకోవాలి.
  • ఒక కప్పులో కార్న్ ఫ్లార్ లో కొద్దిగా నీళ్లు పోసి గడ్డలు లేకుండా బాగా కలుపుకోవాలి.
  • అలా కలిపిన కార్న్ ఫ్లార్ ని వేయించిన కూరగాయలలో పోయాలి.
  • ఆ తరువాత కొద్దిగా నీళ్ల, 1 టీ స్పూన్ ఉప్పు వేసి ఉడికించాలి.
  • బాగా ఉడికిన తరువాత ఒక బౌల్ లోకి తీసుకొని ఫ్రై చేసి ఉంచుకున్న నూడుల్స్ తో గార్నిష్ చేసుకుంటే ఎంతో వేడి వేడి రుచికరమైన ఆరోగ్యకరమైన ‘సూప్ విత్ ఫ్రైడ్ నూడుల్స్’ రెడీ!
Posted on

Aloo baingan / Eggplant curry recipe in Telugu – ఆలూ బైంగన్ రెసిపీ

ప్రత్యేకమైన రుచిని అందించే మిక్సెడ్ కూరగాయల రెసిపీలు ఎన్నో ఉన్నాయి. వాటిలో ఒకటే ఈ ఆలూ బైగన్. ఏ సీజన్‌లోనైనా మనకు అందుబాటుల ఉండే కూరగాయలలో బంగాళదుంపలు ఒకటి. కనుకనే బంగాళదుంప వంటకాలు భారతదేశంలో చాలా ఎక్కువగా చేస్తుంటాము.

అటువంటి బంగాళదుంపను వంకాయతో కలిపి వండితే ఎంతో ప్రత్యేకమైన రుచిని అందిస్తుంది. మరి ఈ రెండు మెయిన్ ఇంగ్రిడియెంట్స్ తో తయారు చేసే ‘ఆలూ బైగన్’ రెసిపీని చూద్దాం.

కావలసిన పదార్థాలు

  • నూనె – 4 టీ స్పూన్లు
  • జీరా – 1 టీ స్పూన్
  • పసుపు పొడి – 2 టీ చిటికెలు
  • ధనియాల పొడి – 1 టీ స్పూన్
  • పచ్చి మిర్చులు – 2
  • అల్లం – 1 టీ స్పూన్
  • బంగాళదుంపలు – 2
  • వంకాయలు – 2
  • ఉప్పు – 1 టీ స్పూన్
  • రెడ్ చిల్లీ పౌడర్ – 2 టీ స్పూన్లు
  • మాంగో పౌడర్ – 2 టీ స్పూన్లు
  • నీళ్లు – 250 మిల్లీ లీటర్ల
  • గరం మసాలా పొడి – 1 టీ స్పూన్
  • కొత్తిమీర

తయారీ విధానం

  • ముందుగా స్టవ్ పై ఒక ప్యాన్ ని ఉంచి అందులో 4 టీ స్పూన్ల నూనె పోసుకొని నూనె వేడిక్కిన తరువాత 1 టీ స్పూన్ జీరా, 2 చిటికెల పసుపు పొడి, 1 టీ స్పూన్ ధనియాల పొడి, చిన్నగా తరిగిన 2 పచ్చి మిర్చులు, 1 టీ స్పూన్ తరిగిన అల్లం వేసి దోరగా వేయించుకోవాలి.
  • తరువాత అందులో తరిగిన బంగాళదుంపలు 2 వేసి 2 నిమిషాల పాటు వేయించుకోవాలి.
  • ఇప్పుడు అందులో పెద్దగా తరిగిన 2 వంకాయలను వేసి కలుపుకోవాలి.
  • ఆ తరువాత 1 టీ స్పూన్ ఉప్పు, 2 టీ స్పూన్ల రెడ్ చిల్లీ పౌడర్ వేసి 5 నిమిషాల పాటు వేయించాలి.
  • ఇప్పుడు అందులో 2 టీ స్పూన్ మాంగో పౌడర్, 250 మిల్లీ లీటర్ల నీళ్లు, 1 టీ స్పూన్ గరం మసాలా పొడి వేసి బాగా కలుపుతూ వేయించాలి.
  • బంగాళదుంపలు మరియు వంకాయ ముక్కలు బాగా కుక్ అయిన తరువాత కొత్తిమీరతో గార్నిష్ చేసుకుంటే ఎంతో రుచికరమైన ఆలూ బైంగన్ రెడీ!
Posted on

Egg & potato curry recipe in Telugu – గుడ్డు మరియు బంగాళదుంపల కరీ రెసిపీ

సంవత్సరం పొడవునా సులువుగా లభించే రెండు ఫేమస్ ఇంగ్రిడియంట్స్ బంగాళదుంపలు మరియు గుడ్లు. ఈ రెండు పదార్థాలతో వండే గ్రేవీలు ఎంత రుచికరంగా ఉంటాయో అంతే ఆరోగ్యకరం కూడా. మరి ఈ రెండింటినీ ఉపయోగించి చపాతీ, పూరి, రోటి లేదా పరోటాకు సైడ్ డిష్ లేదా వేడి వేడి అన్నంలో కూడా కలుపుకొని తినేందుకు ఎంతో రుచికరమైన కరీని ఎలా చేయాలో చూద్దాం.

కావలసిన పదార్థాలు

  • నూనె
  • గుడ్లు
  • ఉప్పు
  • ఆవాలు
  • తరిగిన ఉల్లిపాయలు
  • గరం మసాలా
  • పసుపు పొడి
  • రెడ్ చిల్లీ పౌడర్
  • ధనియాల పొడి
  • తరిగిన టమోటాలు
  • ఉడికించిన బంగాళదుంపలు
  • అల్లం వెలుల్లి పేస్ట్

తయారీ విధానం

  • ముందుగా స్టవ్ పై ఫ్యాన్ ని ఉంచి 2 టీ స్పూన్ల నూనె, 1 టీ స్పూన్ ఆవాలు, 1 కప్పు తరిగిన ఉల్లిపాయలు వేసి దోరగా వేయించాలి.
  • ఆ తరువాత 1 టీ స్పూన్ ఉప్పు, 1 టీ స్పూన్ అల్లం వెలుల్లి పేస్ట్ వేసి బాగా కలుపుకోవాలి.
  • అందులో 1/2 టీ స్పూన్ పసుపు పొడి, 1 టీ స్పూన్ రెడ్ చిల్లీ పౌడర్, 1 టీ స్పూన్ ధనియాల పొడి, 1/2 టీ స్పూన్ గరం మసాలా వేసుకొని బాగా కలుపుకోవాలి.
  • ఆ తరువాత అందులో 1 కప్పు తరిగిన టమోటాలు వేసి టమోటాలు బాగా కుక్ అయ్యే వరకు వేయించుకోవాలి.
  • ఇప్పుడు అందులో 1 కప్పు నీళ్లు పోసి బాగా కలుపుకోవాలి.
  • పై మిశ్రమం బాగా ఉడుకుతున్న సమయంలో ఉడికించి కట్ చేసి ఉంచుకున్న బంగాళదుంపలను వేసి బాగా కలుపుకోవాలి.
  • ఆ తరువాత అందులో 3 గుడ్లను కొట్చి వేసుకోవాలి.
  • మిశ్రమాన్ని ఏ మాత్రం కలపకుండా మూత పెట్టి సన్నని మంటలో గుడ్లు బాగా ఉడికే వరకు ఉడికించి స్టవ్ ఆఫ్ చేస్తే ఎంతో రుచికరమైన ‘గుడ్డు మరియు బంగాళదుంపల’ కరీ రెడీ!
Posted on

Aloo tikki / Potato patty recipe in Telugu – ఆలూ టిక్కీ రెసిపీ

ఉత్తర భారత దేశం మరియు బంగ్లాదేశ్ లో ఎంతో ప్రసిద్ధమైన చాట్ ఆలూ టిక్కీ. కొన్ని చోట్లలో దీనిని ఆలూ ప్యాటీస్ అని కూడా అంటారు. టిక్కీ అంటే కట్లెట్ అని అర్థం. మాములుగా దీనిపై ఉల్లిపాయలు చల్లి చోలే (బఠాణి కరీ) తో సర్వ్ చేస్తారు. మరి ఎంతో రుచికరమైన ఈ చాట్ ని ఎలా చేయాలో చూద్దాం.

కావలసిన పదార్థాలు: 

  • బంగాళదుంపలు – 3
  • బ్రెడ్ స్లైసులు – 3
  • గరం మసాలా – 1 టేబుల్స్ స్పూన్
  • తరిగిన ఉల్లిపాయలు – 1
  • ఉప్పు – 1 టేబుల్ స్పూన్
  • జీరా పౌడర్ – 1/2 టేబుల్ స్పూన్
  • తరిగిన పచ్చి మిర్చి – 1
  • పసుపు పొడి – 2 చిటికెలు
  • నూనె
  • కొత్తిమీర

తయారీ విధానం:

  • ముందుగా బ్రెడ్ యొక్క కార్నర్స్ ని తీసేసి, చిన్న ముక్కలుగా కట్ చేసుకొని పక్కన పెట్టుకోవాలి.
  • ఆ తరువాత 3 బంగాళదుంపలను ప్రెషర్ కుక్ చేసి తోలు తీసి బాగా మ్యాష్ చేసుకొని అందులో తయారుగా ఉంచుకున్న బ్రెడ్ ముక్కలను కూడా వేసుకొని బాగా చూర్ణం చేసుకోవాలి.
  • ఆ తరువాత అందులో 1 తరిగిన పచ్చి మిర్చి, 1 టీ స్పూన్ గరం మసాలా, 2 చిటికెల పసుపు పొడి, 1/2 టీ స్పూన్ జీరా పౌడర్, 1 తరిగిన ఉల్లిపాయలు, కొన్ని కొత్తిమీరలు, 1 టీ స్పూన్ ఉప్పు వేసి బాగా కలుపుకోవాలి.
  • ఈ మిశ్రమాన్ని చిన్న చిన్న రౌండ్స్ గా చేసి కట్లెట్ షేప్ లో సిద్దంచేసుకోవాలి.
  • ఆ తరువాత పెనుము పై కొద్దిగా ఆయిల్ పోసుకొని కట్లెట్స్ ని రెండు వైపులా గోల్డెన్‌ బ్రౌన్ రంగు వచ్చే వరకు రోష్ట్ చేసుకుంటే ఎంతో రుచికరమైన ‘ఆలూ టిక్కీలు’ రెడీ!
Posted on

Easy egg roll recipe in Telugu – ఎగ్ రోల్ రెసిపీ

ఎంతో ఆరోగ్యకరమైన మరియు రుచికరమైన డిన్నర్ కొరకు ఎగ్ రోల్ ని ట్రై చేయండి. గోధుమ పిండి మరియు గుడ్లను ఉపయోగించి తయారు చేసే ఈ వంటకం కలకత్తా లో ఎంతో ప్రసిద్ధి చెందిన స్ట్రీట్ ఫుడ్. మధ్యలో ఉంచే స్టఫ్ ని సమానంగా స్ప్రెడ్ చేయడం ద్వారా ప్రతి బైట్ లో అద్భుతమైన రుచిని పొందగలరు. మరి ఎంతో రుచికరమైన ఆరోగ్యకరమైన ఎగ్ రోల్ ని ఎలా చేయాలో తెలుసుకుందాం.

కావలసిన పదార్థాలు

  • గోధుమ పిండి – 1 కప్పు
  • ఉప్పు – 2 టీ స్పూన్లు
  • నూనె
  • గుడ్డు –  1
  • బట్టర్ (optional)
  • దోసకాయ ముక్కలు
  • తరిగిన ఉల్లిపాయలు
  • చిన్నగా తరిగిన పచ్చి మిర్చీ
  • మిరియాల పొడి
  • నిమ్మరసం
  • టమాటో కెచప్
  • గ్రీన్ చిల్లీ సాస్

తయారీ విధానం

  • ఒక బౌల్ లో 1 కప్పు గోధుమ పిండి, 2 టీ స్పూన్ ఉప్పు, 2 టీ స్పూన్ నూనె వేసి బాగా కలిపి కొద్ది కొద్దిగా నీళ్లను పోస్తూ చపాతీ పిండిలా కలుపుకొని పక్కకు పెట్టుకోవాలి.
  • ఇప్పుడు బౌల్ లో 1 గుడ్డును కొట్టుకొని, 1 చిటిక ఉప్పు వేసి బాగా కలుపుకోవాలి.
  • కలిపి ఉంచుకున్న గోధుమ పిండిని చపాతీలా తిక్కుకోవాలి.
  • ఇప్పుడు స్టవ్ పై ఒక ప్యాన్ ని ఉంచి నూనె లేదా బట్టర్ ని రాసి చపాతీ ని రెండు వైపులా వేడి చేసుకోవాలి.
  • ఆ తరువాత చపాతీని పక్కకుతీసి అదే పెనము పై కలిపి ఉంచుకున్న గుడ్డును వేసి ప్యాన్ పై బాగా స్ప్రెడ్ చేయాలి.
  • ఆ తరువాత దాని పై చపాతీని ఉంచి, గుడ్డు బాగా కుక్ అయిన తరువాత ఒక ప్లేట్ లో తీసుకోవాలి.
  • మధ్యలో కొన్ని దోసకాయ ముక్కలు, తరిగిన ఉల్లిపాయలు, ఉప్పు, చిన్నగా తరిగిన పచ్చి మిర్చులు, మిరియాల పొడి, నిమ్మరసం, కొద్దిగా టమాటో కెచప్ మరియు గ్రీన్ చిల్లీ సాస్ ని వేసుకొని రోల్ చేసుకుంటే ఎంతో రుచికరమైన స్పైసీ ఎగ్ రోల్ రెడీ!
Posted on

Pulihora / puliyogare recipe in Telugu – పులిహోర / లెమన్ రైస్ రెసిపీ

మార్నింగ్ ఆఫీస్ కి వెళ్లే హడావిడిలో బ్రేక్ ఫాస్ట్ కొరకైనా లేదా ఆఫీస్ నుంచి ఇంటికి వచ్చిన తరువాత టైర్డ్ గా ఉంటే డిన్నర్ కైనా ఎంతో తొందరగా, తక్కువ పదార్థాలను ఉపయోగించి రుచికరమైన వంటను చేయాలనుకుంటున్నారా? అయితే ఈ లెమన్ రైస్ / పులిహోర రెసిపీని ట్రై చేయండి.

కావలసిన పదార్థాలు

  • అన్నం – ఉడికించిన బియ్యం
  • నూనె – 1/2 కప్పు
  • వేరు శనగలు – 1 కప్పు
  • తరిగిన అల్లం
  • తడ్కా – 2 టేబుల్ స్పూన్
  • నిమ్మ కాయలు – 2
  • ఉప్పు – 1 టేబుల్ స్పూన్
  • పసుపు పొడి – 1 టేబుల్ స్పూన్
  • కాజు
  • తరిగిన పచ్చి మిర్చులు – 3
  • రెడ్ చిల్లీలు
  • కరివేపాకులు
  • తురిమిన క్యారట్
  • కొత్తిమీర – 1/2 కప్పు

తయారీ విధానం

  • ముందుగా స్టవ్ పై ఒక ప్యాన్ లో 1/2 కప్పు నూనె పోసి, అందులో 1 కప్పు వేరు శనగలను వేసి 2 నిమిషాలు దోరగా వేయించుకోవాలి.
  • ఆ తరువాత అందులో తరిగిన అల్లం, కొన్ని కాజులూ, 2 టీ స్పూన్ తడ్కా వేసి బాగా వేయించుకోవాలి.
  • ఆ తరువాత తరిగిన పచ్చి మిర్చులు వేసి 2 నిమిషాలు వేయించుకోవాలి.
  • తరువాత రెడ్ చిల్లీలు, 1 టీ స్పూన్ పసుపు పొడి, కొన్ని కరివేపాకులు వేసి దోరగా వేయించాలి.
  • ఇప్పుడు ఒక కప్పు అన్నాన్ని వేసి బాగా కలుపుకోవాలి.
  • నిమ్మరసంలో ఉప్పుని వేసి బాగా కలిపి ఆ నిమ్మరసాన్ని సిద్ధంగా ఉన్న అన్నంలో కలుపుకోవాలి.
  • ఆ తరువాత పొడిగా తరిగిన క్యారట్ మరియు కొత్తిమీరతో గార్నిష్ చేసుకుంటే ఎంతో రుచికరమైన లెమన్ రైస్ / పులిహోర రెడీ!