Posted on

How to use baking soda for skin care in Telugu – చర్మ సంరక్షణ కోసం బేకింగ్ సోడాని ఎలా ఉపయోగించాలి?

బేకింగ్ సోడా ని మనం వంటకాల్లో మరియు బేకింగ్ ఐటెమ్స్ లో ఉపయోగిస్తూ ఉంటాము కనుక ఎల్లప్పుడూ వంటగదిలో అందుబాటులో ఉంటుంది. వంటలో మాత్రమే కాదు, ఈ సోడాని చర్మం పై రాయటం వలన కూడా చాలా రకాలుగా సహాయపడుతుంది. బేకింగ్ సోడా ఒక సహజ మూలిక. ఇది చర్మంపై ఉన్న ఇంప్యూరిటీస్ ని తొలగించి ఎల్లప్పుడూ తాజాగా ఉండేందుకు సహాయపడుతుంది. మరి బేకింగ్ సోడా యొక్క వివిధ ప్రయోజనాలు ఏమిటో తెలుసుకుందాం రండి.

చర్మ సంరక్షణ కోసం బేకింగ్ సోడాని ఎలా ఉపయోగించాలి?

  1. షేవింగ్ చేసిన తరువాత బేకింగ్ సోడా యొక్క ఉపయోగం : చర్మం బిగువుగా అవ్వటం లేదా దురదగా ఉండటం వంటి లక్షణాలను బేకింగ్ సోడా ప్రివెంట్ చేస్తుంది. ఉదాహరణకు, షేవింగ్ చేసిన తరువాత చర్మం రఫ్ గా దురదగా ఉంటుంది. అటువంటి సమయంలో బేకింగ్ సోడా ని రాయటం వలన మీ చర్మం పై దురద తగ్గి మృదువుగా మారుతుంది.
    మరి షేవింగ్ తరువాత బేకింగ్ సోడా ని ఎలా ఉపయోగించాలో చూద్దాం. ఒక కప్పు నీటిలో ఒక టేబుల్ స్పూన్ బేకింగ్ సోడా ని కలిపి షేవ్ చేసిన ప్రాంతంపై బాగా రాయాలి. కొంత సేపు (10 నిమిషాలు) ఆ తేమను అలాగే ఉంచి వెచ్చని నీటితో కడగాలి. ఇలా చేయటం వలన దురద మరియు గరుకైన చర్మం మృదువుగా మారుతుంది మరియు దురద పూర్తిగా తగ్గిపోతుంది.
  2. రేజర్ బర్న్ ని తగ్గించేందుకు బేకింగ్ సోడా : బికినీ లైన్ వద్ద రేజర్ ని వాడటం వలన మంట మరియు బర్నింగ్ సెన్సేషన్ కలుగుతుంది. ఇది చాలా నొప్పిని కలిగిస్తుంది. అటువంటి సమయంలో 3 స్పూన్ బేకింగ్ సోడా 1 స్పూన్ నీటిని కలిపి తిక్ పేస్ట్ ని తయారు చేసుకోవాలి. ఆ పేస్ట్ ని మంటగా ఉన్న ప్రాంతంపై రాస్తే కొంత సేపట్లో ఉపశమనం పొందుతారు. మగవారు కూడా షేవింగ్ చేసిన తరువాత బర్నింగ్ సెన్సేషన్ ను తగ్గించేందుకు ఈ పేస్ట్ ని అప్‌లై చేసుకోవచ్చు. 10-15 నిమిషాల తరువాత నీటితో శుభ్రం చేసుకోండి.
  3. స్కిన్‌ ట్యాన్ ని తొలగించేందుకు బేకింగ్ సోడా : ట్యాన్ ని తొలగించేందుకు బేకింగ్ సోడా ఒక బెస్ట్ ఆప్షన్. ఎండలో మీ చర్మం అధికంగా ట్యాన్ అయినట్లయితే బేకింగ్ సోడా ని నిమ్మరసంతో కలిపి చర్మం పై రాయండి. మృదువుగా 5 నిమిషాల పాటు మసాజ్ చేయండి. మసాజ్ చేయటం వలన చర్మం ఈవెన్ గా మృదువుగా అవుతుంది. అంతే కాదు ట్యాన్ ప్యాచెస్ కూడా తొలగిపోతాయి. ఆ తరువాత 15-20 నిమిషాలు ఉంచి నీటితో కడగండి. ఎక్కువ కాలం ట్యాన్ వున్న చర్మానికి బేకింగ్ సోడా ఒక మంచి ఆప్షన్.
  4. బాడీ స్క్రబ్ కోసం బేకింగ్ సోడా : బేకింగ్ సోడా ని బాడీ స్క్రబ్ గా కూడా ఉపయోగించవచ్చు. ఇది మీ చర్మానికి పోషణ అందించి రిఫ్రెష్ చేస్తుంది. ఇది చాలా మైల్డ్ స్క్రబ్ కనుక చర్మానికి ఎటువంటి హానీ కలగదు. బేకింగ్ సోడా, నీరు మరియు ఓట్మీల్ ని కలిపి శరీరమంతా అప్‌లై చేసి సర్కులర్ మోషన్ లో మృదువుగా మసాజ్ చేయండి. అలా 20 నిమిషాలు చేసిన తరువాత వెచ్చని నీటితో స్నానం చేయండి. ఇలా చేయటం వలన చనిపోయిన చర్మ కణాలను తొలగించి చర్మాన్ని మృదువుగా చేస్తుంది.
  5. కురులకు బేకింగ్ సోడా : మీ జుట్టుకు రెండు విధాలుగా బేకింగ్ సోడా ఉపయోగపడుతుంది. మొదటిది – స్టైలింగ్ చేసుకొనేటప్పుడు కెమికల్స్ గల హెయిర్ ప్రోడక్ట్స్ ని ఉపయోగించి ఉంటారు. రెగ్యులర్ షాంపూ తో తలస్నానం చేసిన తరువాత కూడా కొన్ని కెమికల్స్ తొలగిపోవు. అటువంటి కఠినమైన కెమికల్స్ కోసం బేకింగ్ సోడా ను ఉపయోగించవచ్చు. రెగ్యులర్ షాంపూ తో పాటు ఒక చిటిక బేకింగ్ సోడా ని చేర్చుకొని తలస్నానం చేయండి. కానీ మీ కురులని బాగా రిన్స్ చేయటం ముఖ్యం.
    మరో ఉపయోగం – బేకింగ్ సోడా డాండ్రఫ్ ని నివారిస్తుంది. మీకు డాండ్రఫ్ సమస్య ఉన్నట్లయితే మీ షాంపూ తో పాటు ఒక చిటిక బేకింగ్ సోడా కలుపుకొని తలస్నానం చేయండి. లేదా నీటిలో బేకింగ్ సోడా ని కలిపి ఈ నీటినే షాంపూ గా ఉపయోగించవచ్చు. ఇలా చేయటం వలన డాండ్రఫ్ సమస్య తగ్గుతుంది మరియు మీ స్కాల్ప్ శుభ్రం అవుతుంది.
  6. పాదాల దుర్వాసనను తొలగించేందుకు బేకింగ్ సోడా : బేకింగ్ సోడా ని పెడిక్యూర్ చేయడానికి కూడా ఉపయోగిస్తారు. ఇది పాదాలలో చెడు వాసనను తొలగించటం మాత్రమే కాదు, పాదాలలో చనిపోయిన చర్మ కణాలను తొలగించి చర్మాన్ని తాజాగా చేస్తుంది. మీరు ఇంట్లోనే పెడిక్యూర్ చేసుకోవాలని అనుకుంటే, ఏదైనా ఒక యెసెన్షియల్ ఆయిల్ తో బేకింగ్ సోడా ని కలిపి పాదాలపై ఉపయోగించండి.
  7. దురదని తగ్గించేందుకు బేకింగ్ సోడా : దురద వాళ్ళ మంట మరియు ఇబ్బందిగా కూడా ఉంటుంది. బేకింగ్ సోడా లో యాంటీ ఇన్‌ఫ్లమేటరీ లక్షణాలు ఉన్నందున చర్మాన్ని సూత్ చేస్తుంది. అంటే మంటని తగ్గించి మృదువుగా చేస్తుంది. ఒక స్పూన్ నీటిలో 3 స్పూన్ బేకింగ్ సోడా ని వేసి బాగా కలిపి పేస్ట్ లా చేసుకోవాలి. దురదగా ఉన్న ప్రాంతాలపై ఈ పేస్ట్ ని రాసి 10 నిమిషాలు ఉంచి ఆ తరువాత వెచ్చని నీటితో కడగండి. ఇలా రోజూ చేయటం వలన మంచి ఫలితాలను పొందుతారు.
  8. హ్యాండ్ సాఫ్ట్నర్ : మీ చేతులు మృదువుగా ఉండాలనుకుంటే బేకింగ్ సోడా ని ఉపయోగించండి. రెగ్యులర్గా బేకింగ్ సోడా సొల్యూషన్ తో చేతులను కడగటం వలన కొన్ని వారాలలోనే చనిపోయిన చర్మ కణాలు తొలగిపోయి, చెడు వాసన తొలగిపోయి చర్మం మృదువుగా అవుతుంది.
  9. బద్ద పుల్ల లేదా వెదురు పుల్ల ను తొలగించేందుకు : స్ప్లింటర్స్ ఉన్న భాగాలను బేకింగ్ సోడా సొల్యూషన్ లో కనీసం రోజుకు రెండు సార్లు నానపెట్టాలి. ఇలా చేయటం వలన చర్మంలో చిక్కుకున్న స్ప్లింటర్స్ తొలగిపోతాయి.
  10. పురుగు కుట్టినప్పుడు బేకింగ్ సోడా : పురుగుల కాటు వలన కలిగే దురద నుండి తక్షణ ఉపశమనం కోసం బేకింగ్ సోడా ని ఉపయోగించండి. బేకింగ్ సోడా ని నీటిలో కలిపి చిక్కని పేస్ట్ లా చేసుకొని దురదగా ఉన్న ప్రాంతంపై రాయండి. అలా దురద మరియు కాటు పూర్తిగా తగ్గేవరకూ రాజుకు 3 సార్లు రాయండి.
  11. చర్మం యొక్క తేమను బాలన్స్ చేసేందుకు బేకింగ్ సోడా : మీ చేతులు బాగా పొడిబారినట్లయితే చర్మంలోని తేమను తిరిగి పొందేందుకు బేకింగ్ సోడా ని ఉపయోగించవచ్చు. ఆర్టిఫిషియల్ మొయిశ్చరైజింగ్ క్రీములు లేదా కెమికల్స్ ఉండే సబ్బులకు బదులుగా రెగ్యులర్ హ్యాండ్ వాష్ కి బేకింగ్ సోడా ని ఉపయోగించండి. అర టేబుల్ స్పూన్ షుగర్, 1 టేబుల్ స్పూన్ బేకింగ్ సోడా మరియు కొన్ని చుక్కల ఆలివ్ ఆయిల్ ని కలిపి ఒక సొల్యూషన్ తయారు చేసుకొని ఈ సొల్యూషన్ ని మీ చేతులకు అప్‌లై చేసి 10 నిమిషాల తరువాత నీటితో కడగండి. ఇలా రోజుకు ఒక సారి చేయటం వలన మీ చేతులు 24 గంటల పాటు మృదువుగా ఉంటుంది.
  12. నేచురల్ యాంటీ సెప్టిక్ : బేకింగ్ సోడా లో యాంటీ సెప్టిక్ లక్షణాలు ఉన్నందున ఇది నేచురల్ డిసిన్ఫెక్టెన్ట్ గా పనిచేస్తుంది. కనుక బేకింగ్ సోడాని మీ హెయిర్ బ్రష్, దువ్వెన మరియు ఇతర పర్సనల్ ఐటెమ్స్ ని శుభ్రపరచేందుకు ఉపయోగించవచ్చు.
  13. మీ చర్మపు రంగుని మెరుగుపరుచేందుకు బేకింగ్ సోడా : బేకింగ్ సోడా ని రెగ్యులర్ గా మీ చర్మంపై వాడటం వలన చనిపోయిన చర్మ కణాలను తొలగించి, కొత్త చర్మ కణాలను ఉత్పత్తి చేయడానికి సహాయపడుతుంది. ఇందువలన మీ చర్మం యొక్క రంగు మెరుగవుతుంది మరియు స్కిన్‌ టోన్ సమానం అవుతుంది.
  14. విషపూరితమైన మొక్కల వలన కలిగే దురదకు బేకింగ్ సోడా : మీరు పొరపాటున ఏదైనా విషపూరితమైన మొక్కలను తాకినప్పుడు దురద పుట్టినట్లయితే బేకింగ్ సోడా ని నీటిలో కలిపి ఒక పేస్ట్ లా చేసుకొని చర్మం పై అప్‌లై చేయాలి. ఇలా రాయటం వలన వెంటనే ఉపశమనం పొందుతారు. ఇది చర్మం పై కలిగే చిన్న చిన్న ఇరిటేషన్స్ ని కూడా తొలగిస్తుంది.
  15. బేకింగ్ సోడా మేకప్ రిమూవర్ గా ఉపయోగపడుతుంది : మీరు ఏదైనా ఫంక్షన్ లేదా అకేషన్ లో మేకప్ వేసుకున్నట్లయితే వాటిని శుభ్రంగా తొలగించేందుకు బేకింగ్ సోడా ని ఉపయోగించండి. బేకింగ్ సోడా ని నీటిలో కలిపి తిన్ పేస్ట్ లా చేసుకొని కంటిలో పడకుండా జాగ్రత్త తీసుకొని ముఖంపై రాసి స్క్రబ్ చేసి నీటితో కడగండి. చర్మంపై ఏమాత్రం బాలన్స్ లేకుండా బేకింగ్ సోడా ని పూర్తిగా తొలగించండి.
  16. సొరియాసిస్ చికిత్స కోసం బేకింగ్ సోడా : మీకు సొరియాసిస్ సమస్య ఉన్నట్లయితే బేకింగ్ సోడా ఒక ఉత్తమమైన పరిష్కారం. రెగ్యులర్ గా బేకింగ్ సోడా కలిపిన నీటితో స్నానం చేయటం వలన సొరియాసిస్ నుండి పూర్తి ఉపశమనం పొందుతారు.
  17. గాయాల వాళ్ళ కలిగే మచ్చలను తొలగించేందుకు బేకింగ్ సోడా : బేకింగ్ సోడా ని కొంత తేనె లో కలిపి ముఖం పై రాసి 10 నిమిషాల తరువాత నీటితో కడగాలి. ఇలా రెగ్యులర్గా చేయటం వలన ముఖంపై గాయాల వలన కలిగిన మచ్చలు పూర్తిగా తొలగిపోతాయి.
  18. ఏజింగ్ సైన్స్ ని నివారించేందుకు బేకింగ్ సోడా : చర్మం పై ముడతలు రాకుండా ఉండేందుకు ఎన్నో కెమికల్స్ గల క్రీములను ఉపయోగిస్తూ ఉంటాము. కానీ అవి చర్మాన్ని పొడిబారేలా చేస్తుంది. కనుక వాటి బదులుగా బేకింగ్ సోడా ని ఉపయోగించండి. ఏజింగ్ సైన్స్ కనిపించే ముందుగానే బేకింగ్ సోదాని ఉపయోగించటం మంచిది.
  19. క్లెన్సింగ్ కొరకు బేకింగ్ సోడా : మీరు స్నానం చేసే నీటిలో బేకింగ్ సోడాని కలిపి స్నానం చేయటం వలన చర్మంపై పేరుకుపోయిన మురికి మరియు ఆయిల్ తొలగిపోతుంది. లేదా బేకింగ్ సోడా మరియు నీటిని కలిపి చర్మంపై రాసి 10 నిమిషాల తరువాత స్నానం చేయండి.
  20. హీట్ రాషెస్ ని తొలగించేందుకు బేకింగ్ సోడా : బాక్టీరియా వలన చెమట గ్రంథుల్లో చెమట పేరుకుపోతుంది. ఇది దుర్వాసన మరియు దురదకు దారి తీస్తుంది. వీటితో పాటు కొన్ని దేశాలలో ఉష్ణం అధికంగా ఉండటం వలన హీట్ రాషెస్ ఏర్పడతాయి. హీట్ రాషెస్ వలన నొప్పి, దురద కలుగుతుంది. ఇది స్పెటిక్ అయ్యే అవకాశాలు కూడా ఉన్నాయి. కనుక వీలైనంత త్వరగా చికిత్స తీసుకోవాలి. ఈ సమస్యకు బేకింగ్ సోడా ఒక మంచి పరిష్కారం. రోజూ స్నానం చేసే నీటిలో బేకింగ్ సోడా ని చేర్చుకోండి.
  21. క్లోరిన్ ని తొలగించేందుకు : మీరు ఏదైనా హోటల్ లేదా థీమ్ పార్క్ లో స్విమ్మింగ్ కి వెళ్ళినప్పుడు ఇన్ఫెక్షన్లు కాకుండా ఉండేందుకు అందులో క్లోరిన్ కలుపుతారు. మరి స్విమ్మింగ్ తరువాత చర్మంపై ఉండే క్లోరిన్ ని పూర్తిగా తొలగించేందుకు బేకింగ్ సోడాని ఉపయోగించవచ్చు. మీరు స్నానం చేసే నీటిలో కొంత బేకింగ్ సోడా ని కలిపి స్నానం చేయండి.
  22. సీరం రాసే ముందు బేకింగ్ సోడా : మీకు ప్రతి రోజూ రాత్రి సీరం రాసుకునే అలవాటు ఉన్నట్లయితే సీరం ని అప్‌లై చేసే ముందు బేకింగ్ సోడా ని మైల్డ్ గా ముఖంపై రాసి ఆ తరువాత సీరం ని రాయండి. ఇలా చేయటం వలన సీరం ఇంకా బాగా శోషించబడుతుంది.
  23. చర్మ క్యాన్సర్ ని నిరోధిస్తుంది : మీకు pH అసమతుల్యత ఉన్నట్లయితే వివిధ వ్యాధులకు గురవుతారు. బేకింగ్ సోడా pH ని బాలన్స్ చేయటం మాత్రమే కాదు చర్మ క్యాన్సర్ తో కూడా పోరాడుతుంది.
  24. డైపర్ రాషెస్ ని తొలగించేందుకు బేకింగ్ సోడా : డైపర్ ని వాడటం వలన చిన్న పిల్లల్లో రాషెస్ ఏర్పడవచ్చు. ఆ రాషెస్ నుండి ఉపశమనం పొందేందుకు బేకింగ్ సోడా ని ఉపయోగించవచ్చు. డైపర్ ని ఉపయోగించే వయసైన వారు కూడా బేకింగ్ సోడా ని ఉపయోగించవచ్చు.
  25. నోటి పుండు ను క్యూర్ చేసేందుకు బేకింగ్ సోడా : బేకింగ్ సోడా ని నీటిలో కలిపి పేస్ట్ లా చేసి నోటి పుండు పై 10 నిమిషాలు ఉంచి ఆ తరువాత నీటితో కడగాలి. లేదా బేకింగ్ సోడా నీటితో నోటిని పుక్కిలించవచ్చు. ఇలా రోజుకు 3 సార్లు చేయటం వలన నోటి పుండు తగ్గిపోతుంది.
  26. జెల్లీ ఫిష్ కాటు కి బేకింగ్ సోడా : సముద్రంలో స్విమ్మింగ్ చేసే వారికి జెల్లీ ఫిష్ కాటు వలన చాలా నొప్పి మరియు మంటా కలుగుతుంది. ఈ చేప విడుదల చేసే విషయాన్ని తొలగించడానికి బేకింగ్ సోడా ని ఉపయోగించవచ్చు.
  27. బేకింగ్ సోడా సన్ స్క్రీన్ లోషన్ : కెమికల్స్ తో కూడిన సన్ స్క్రీన్ లోషన్ కి బదులుగా బేకింగ్ సోడా ని ఉపయోగించవచ్చు. ఎండలోకి వెళ్లే ముందు రెండు స్పూన్ బేకింగ్ సోడా ఒక స్పూన్ నీళ్లు కలిపి చర్మంపై రాసుకుంటే ఇది నేచురల్ సన్ స్క్రీన్ లా పనిచేస్తుంది.
  28. దంతాలు తెల్లగా మారటానికి బేకింగ్ సోడా : దంతాలు మిళమిళ మెరవాలంటే రెండు చెంచాల బేకింగ్ సోడా, అర టీ స్పూన్ ఉప్పు, కొన్ని చుక్కల గ్లిజరిన్, కొద్దిగా నీళ్ళు తీసుకొని పేస్ట్ తయారు చేయాలి. ఈ పేస్ట్ ని పళ్ళు తోమడానికి ఉపయోగించాలి.
Posted on

Benefits of castor oil in Telugu – స్కిన్‌ మరియు హెయిర్ సంరక్షణ కోసం కాస్టర్ ఆయిల్‌ని ఎలా ఉపయోగించాలి

కాస్టర్ ఆయిల్ అనేది స్టికీగా ఉండే ఒక చమురు, ఇది ఆరోగ్యానికి మరియు సౌందర్యానికి సంబంధించిన అనేక చికిత్సలకు ఉపయోగిస్తారు. కాస్టర్ ఆయిల్ స్టికీగా ఉన్నపటికీ అది మీ చర్మం మరియు జుట్టుకు అనేక రకాలుగా పరిహారాలను అందిస్తుంది. జుట్టు రాలడం, జుట్టు పెరుగుదల, బట్ట తల మరియు చుండ్రు వంటి సమస్యలకు ఇది అద్భుతమైన నివారణగా పనిచేస్తుంది. చర్మం పొడిబారడం, పింపుల్స్ లాంటి అనేక చర్మ సమస్యలను కూడా ఇది పరిష్కరిస్తుంది.

కాస్టర్ యొక్క స్కిన్ బెనిఫిట్స్

క్లియర్ స్కిన్‌

ఇది స్కిన్‌ క్లెన్సెర్ గా పనిచేస్తుంది. స్నానానికి 15 నిమిషాల ముందు మీ శరీరంపై కాస్టర్ ఆయిల్ ను రాయండి. తరువాత వేడి నీటితో స్నానం చేయండి. ఇది శరీరంలోని చనిపోయిన కణాలను శుభ్రపరచి చర్మాన్ని స్పష్టంగా మరియు తాజాగా చేస్తుంది.

ఏజ్ స్పాట్స్

వయస్సు వలన కలిగే మచ్చలకు ఉత్తమమైన పరిహారం కాస్టర్ ఆయిల్. మీ మచ్చల మీద ఆముదాన్ని రాసి సున్నితంగా మసాజ్ చేయండి.

పాదాల పగుళ్లు

రాత్రి పడుకునే ముందు పాదాల పగుళ్లపై వేడి చేసిన కాస్టర్ నూనెని రాసి ఉదయాన్నే వేడి నీటితో కడగండి. ఇది పగుళ్ల వలన కలిగే నొప్పిని తొలగిస్తుంది మరియు క్రమంగా వాడటం వలన పగుళ్లను కూడా తొలగిస్తుంది.

ముడతలను తొలగిస్తుంది

ముడతలు ఉన్న చోట్ల పై కాస్టర్ నూనెని రాయండి. చర్మం నూనెని పూర్తిగా పీల్చుకున్న తరువాత వేడి నీటితో కడగండి. ఇలా క్రమంగా చేయటం వలన ముడతలు తొలగిపోతాయి.

మచ్చలను తొలగిస్తుంది

కాస్టర్ నూనెతో బేకింగ్ సోడాని కలుపుకొని చర్మ మచ్చలపై రాయండి. ఇలా క్రమంగా చేయటం వలన మచ్చలు తొలగిపోతాయి.

స్ట్రెచ్ మార్క్స్ చికిత్స

కాస్టర్ ఆయిల్ చర్మపు సాగిన గుర్తులను తొలగిస్తుంది. మీ స్ట్రెచ్ మార్క్స్‌పై ఆముదం నూనెని ఒక నెల పాటు వాడటం వలన మంచి ఫలితాలను పొందుతారు.

పగుళ్లు ఉన్న గోరులకు మంచిది

ఒక వారం పాటు రోజూ రాత్రి గోరులు మరియు వేళ్ల చివర కాస్టర్ ఆయిల్ రాయటం వలన గోరుపై పగుళ్లని నిరోధిస్తుంది.

మాయిశ్చరైజర్‌

కాస్టర్ ఆయిల్ చర్మంపై మాయిశ్చరైజర్‌గా పనిచేస్తుంది. ఇందులో లభ్యమయ్యే విటమిన్ ఇ చర్మం యొక్క ఎలాస్టిసిటీని పెంపొందించేందుకు తోడ్పడుతుంది. చర్మాన్ని హైడ్రేటెడ్గా ఉంచడం ద్వారా ముడతలు అలాగే ఫైన్ లైన్స్ సమస్య నుంచి ఉపశమనాన్ని ఇస్తుంది.

సన్ బర్న్

వేసవి కాలంలో, సన్ బర్న్స్ అనేక మంది ఎదుర్కొంటున్న క్లిష్టమైన సమస్యల్లో ఒకటి. కాస్టర్ ఆయిల్ సన్ బర్న్ కొరకు ఒక అద్భుతమైన పరిష్కారం అందిస్తుంది. ఒక బౌల్ లో ఒక స్పూన్ కాస్టర్ ఆయిల్ మరియు కొబ్బరి నూనె తీసుకోండి. దీనిని మీ చర్మంపై ఒక వారం పాటు రాయండి.

మొటిమలు

జిడ్డు చర్మం ఉన్నవారికి మొటిమల సమస్యలు ఎక్కువగా ఉంటుంది. కాస్టర్ ఆయిల్ లో రిసినోలిక్ ఆమ్లం ఉన్నందున ఇది మొటిమల చికిత్సకు సహాయపడుతుంది. దీనిని మీ ముఖం మీద రాయటానికి ఒక విధానం ఉంది. ఈ ప్రక్రియను రాత్రి పడుకునే ముందు చేయాలి. ముందుగా వెచ్చని నీటితో ముఖాన్ని కడగండి, మీ చర్మపు రంధ్రాలు తెరుచుకుంటాయి. ఇప్పుడు కొద్దిగా కాస్టర్ ఆయిల్ తీసుకొని మీ ముఖం మీద రాసి ఉదయం కడగండి. ఇలా రెగ్యులర్గా చేయటం వలన మొటిమలు తొలగిపోతాయి.

పులిపిర్లు

ఐ లిడ్స్, మెడ, మణికట్టు మరియు అంకల్ లాంటి చోట్లలో పులిపిర్లు సాధారణంగా వస్తుంది. ఇవి హానికరం కానప్పటికీ మన చర్మంపై అసహ్యంగా ఉంటుంది. మీరు ఒక సహజ పద్ధతిలో వీటిని వదిలించుకోవాలనుకుంటే రోజూ దానిపై కాస్టర్ నూనెని రాయండి.

స్కార్స్ ని లైటెన్ చేస్తుంది

కాస్టర్ ఆయిల్లో ఉండే ఫ్యాటీ యాసిడ్ చర్మం యొక్క కణాల పునరుత్పత్తికి తోడ్పడుతుంది. ముఖంపై కట్స్ వలన అలాగే దెబ్బల వలన ఏర్పడిన మచ్చలను తొలగేందుకు క్యాస్టర్ ఆయిల్ ను ఉపయోగించుకోవచ్చు. ఒక టేబుల్ స్పూన్ కాస్టర్ ఆయిల్, ఒక టేబుల్ స్పూన్ కొబ్బరి నూనె మరియు ఒక టేబుల్ స్పూన్ కలబంద జెల్‌ను ఒక పాత్రలో తీసుకుని బాగా కలపి ఒక మిశ్రమాన్ని తయారుచేయండి. రాత్రి నిద్రపోయే ముందు ఈ మిశ్రమాన్ని ముఖంపై రాసుకోవాలి. రాత్రంతా అలాగే ఉంచండి. ఉదయాన్నే వెచ్చని నీటితో ముఖాన్ని శుభ్రపరచుకోవాలి. ఈ రెమెడీని ప్రతి రోజు పాటిస్తే మెరుగైన ఫలితాన్ని పొందుతారు.

డార్క్ సర్కిల్స్ ని తొలగిస్తుంది

ఒత్తిడి, నిద్రలేమి, హార్మోన్లలో అసమతుల్యం వంటివి డార్క్ సర్కిల్స్ సమస్యకు దారితీస్తుంది. కాస్టర్ ఆయిల్ ఈ సమస్యను నివారించేందుకు తోడ్పడుతుంది. ఒక టీస్పూన్ కాస్టర్ ఆయిల్ ను అలాగే ఒక టేబుల్ స్పూన్ కలబంద జెల్‌ను ఒక బౌల్ లో తీసుకోండి. ఈ మిశ్రమం గడ్డకట్టే వరకు ఫ్రీజ్ చేయండి. తరువాత ఒక క్యూబ్‌ను తీసుకుని కంటి కింద సున్నితంగా మసాజ్ చేయండి. ప్రతి రోజూ ఇలా చేయటం వలన  వేగవంతమైన అలాగే మెరుగైన ఫలితాలను పొందుతారు. కలబంద జెల్ చర్మాన్ని సూత్ చేస్తుంది మరియు చర్మాన్ని లోలోపల నుంచి హైడ్రేట్ చేస్తుంది.

కాస్టర్ యొక్క హెయిర్ బెనిఫిట్స్

జుట్టు మల్లీ పెరిగేందుకు

పాత రోజులలో ఆముదము హెయిర్ ఆయిల్గా ఉపయోగించేవారు. కానీ ఇప్పుడు కొబ్బరి నూనె ఆ స్థానాన్ని తీసుకుంది ఎందుకంటే కాస్టర్ ఆయిల్ ప్రకృతికంగా మందంగా ఉంటుంది మరియు సుగంధంగా ఉండదు. కానీ ఆముదము జుట్టు పెరుగుదలలో చాలా సహాయపడుతుంది. స్కాల్ప్ పై ఆముదాన్ని రాయండి. వేడి చేసిన కాస్టర్ నూనెని ఉపయోగించడం ఉత్తమం. ఒక గంట సేపు తరువాత తల స్నానం చేయండి.

హెయిర్ కండిషనింగ్

ఇది హెయిర్ కండిషనింగ్గా పనిచేస్తుంది. కాస్టర్ నూనెలలో ఉండే ఫ్యాటీ యాసిడ్స్ మీ జుట్టును మృదువుగా చేస్తుంది.

స్ప్లిట్‌ ఎండ్స్ ను తొలగిస్తుంది

కురులకు సరైన పోషణ ఇవ్వకపోవటం వలన స్ప్లిట్ ఎండ్స్ సమస్య ఎదురవుతుంది. ఎన్నో జుట్టు సంరక్షణ ఉత్పత్తులు మరియు వివిధ రకాల షాంపులను ఉపయోగించినప్పటికీ ఈ సమస్య తొలగిపోకుండా ఉండొచ్చు. కాస్టర్ ఆయిల్ ఉపయోగించి చూడండి. తప్పకుండా మంచి ఫలితాలను పొందుతారు.

చుండ్రు

మీ జుట్టు చాలా పొడిగా ఉన్నప్పుడు చుండ్రు సమస్య ఏర్పడవచ్చు. దీని వలన మీ స్కాల్ప్ చాలా దురదగా ఉండొచ్చు మరియు చర్మపు రేకులు రాలవచ్చు. కొన్ని చుక్కల కాస్టర్ ఆయిల్‌ని మీ తలపై రాయండి. కాస్టర్ ఆయిల్ మీ చర్మం యొక్క పొడితనాన్ని తొలగిస్తుంది మరియు చర్మాన్ని మాయిశ్చరైస్ చేస్తుంది. మీరు ఒక టేబుల్ స్పూన్ కాస్టర్ ఆయిల్ మరియు నిమ్మరసాన్ని కలుపుకొని మీ జుట్టు మీద రాయటం వలన కూడా చుండ్రుని వదిలించుకోవచ్చు.

ప్రకాశవంతమైన జుట్టు

కాలుష్యం, ఆహారంలో కలుషితం మరియు రసాయనం ఎక్కువగా ఉండే షాంపులను ఉపయోగించడం వలన జుట్టు సహజ ప్రకాశాన్ని కోల్పోతుంది. మీరు మీ జుట్టు యొక్క సహజమైన ప్రకాశాన్ని తిరిగి పొందాలనుకుంటే, కాస్టర్ ఆయిల్ ఒక అద్భుతమైన పరిహారం. దీని కోసం కాస్టర్ ఆయిల్ ని ప్రత్యేకమైన మార్గంలో ఉపయోగించాలి. ఒక గిన్నెలో తగినంత ఆయిల్ ను తీసుకొని దానిని వేడి చేయండి. ఇప్పుడు మీ జుట్టు మరియు జుట్టు మూలాల మీద రాసుకోండి మరియు మీ జుట్టును ఒక టవెల్ తో చుట్టి రాత్రంతా అలాగే ఉంచండి. నిద్ర లేచిన తర్వాత, మీ జుట్టును ఒక మైల్డ్ షాంపుతో కడగండి. ఇది సులభంగా మీ జుట్టు లోపల తేమను లాక్ చేస్తుంది మరియు జుట్టు నిగనిగలాడేలా మరియు అందంగా చేస్తుంది.

హెయిర్ కలర్

మీరు జుట్టు రంగును ఉపయోగిస్తున్నట్లయితే, దానిని సరైన విధంగా నిర్వహించడం చాలా అవసరం. జుట్టుకు రంగును వేసిన తరువాత రెగ్యులర్ గా కాస్టర్ ఆయిల్‌ని రాయండి. ఇది మీ హెయిర్ కలర్ ని టోన్ చేస్తుంది మరియు జుట్టుని సురక్షితంగా ఉంచుతుంది.

కాస్టర్ యొక్క స్కిన్ మరియు హెయిర్ బెనిఫిట్స్

ఫంగల్ ఇన్ఫెక్షన్ ని తగ్గిస్తుంది

చాలా మందికి చర్మం మరియు జుట్టు మీద ఫంగల్ ఇన్ఫెక్షన్ వస్తుంది. చుండ్రు కూడా ఫంగల్ ఇన్ఫెక్షన్ యొక్క ఒక రూపం. మీ జుట్టు మూలాలు మరియు చర్మం మీద ఆముదాన్ని రాయటం వలన ఫంగల్ ఇన్ఫెక్షన్ తొలగిపోతుంది.

Posted on

Telugu remedies for dry skin – పొడి చర్మం తొలగించడానికి గృహ నివారణలు

మీ చర్మం పొడిగా అయినప్పుడు లేదా మొదటి నుండి మీకు పొడి చర్మం ఉన్నట్లయితే దురద మరియు చర్మంపై పగుళ్లు లాంటి సమస్యలు ఎదుర్కుంటారు. సూర్య కిరణాలు లేదా మురికి కాలుష్యం వలన మీ పొడి చర్మం కఠినం కావచ్చు.

ఇది చాలా మందికి కలిగే ఒక సాధారణ సమస్య. చర్మం బాగా పొడిగా అయినప్పుడు గోరుతో చిన్నగా గోకినా తెల్లని గీత కనిపిస్తుంది. ఈ సమస్యను పట్టించుకోకుండా వదిలేస్తే చర్మంపై పగుళ్లు మరియు చర్మం నుండి రక్తం కారడం లాంటి విపరీత సమస్యలు ఎదురవుతాయి. కొన్ని పోషకాహార లోపం వలన కూడా చర్మం పొడి బారి పోతుంది. కొందరికి వయసు అవటం వలన కూడా ఈ సమస్య కలగచ్చు. ఈ సమస్యను మూలికలు, పండ్లు మరియు కొన్ని ఇంటి నివారణలను ఉపయోగించి సులభంగా నిర్మూలించవచ్చు. మీకు జన్యు సిద్ధత వలన పొడి చర్మం ఉన్నట్లయితే ఇంటి నివారణలు ఉత్తమంగా పనిచేస్తాయి. కానీ ఈ నివారణ పద్దతులను అనుసరించేటప్పుడు కొద్దిగా ఓర్పుతో ఉండాలి. ఎందుకంటే ఈ పద్ధతులు మీ సమస్యను తొలగించేందుకు కొద్ది సమయం పడుతుంది.

దురద పుట్టించే పొడి చర్మంలో చైతన్యం నింపేందుకు గృహ నివారణ పద్దతులను చూద్దాం

నూనె

3 టేబుల్ స్పూన్ ఆలివ్ నూనె మరియు ఒక టేబుల్ స్పూన్ ఆముదము కలిపి ముఖంపై రాయండి. ఒక వస్త్రాన్ని వేడి నీటిలో తడిపి నూనె రాసిన ముఖంపై ఉంచండి. ఈ వస్త్రం చల్లగా అయ్యే వరకూ ఉంచి ముఖాన్ని కడగండి. చర్మం మృదువుగా అయ్యే వరకు ఈ పద్దతిని రిపీట్ చేయండి.

తేనె

కొద్దిగా తేనెని మీ ముఖంపై రాసి కొన్ని నిమిషాల తరువాత కడగండి.

మార్నింగ్ ప్యాక్

ఒక బౌల్లో ఒక గుడ్డు, ఒక టేబుల్ స్పూన్ ఆలివ్ నూనె, ఒక టేబుల్ స్పూన్ నారింజ రసం, కొన్ని చుక్కల గులాబీ నీళ్లు మరియు నిమ్మరసాన్ని కలుపుకోండి. ఈ మిశ్రమాన్ని ముఖం మరియు మెడపై రాసి 20 నిమిషాల తరువాత స్నానం చేయండి.

చాక్లెట్

డార్క్ చాక్లెట్లను ఉపయోగించి మీ చర్మాన్ని ప్రకాశంగా, యవ్వనంగా మరియు మచ్చలు లేకుండా చేయవచ్చు.3 టేబుల్ స్పూన్ల కోకో పౌడర్, 2 టేబుల్ స్పూన్ల తేనె మరియు ఒక టేబుల్ స్పూన్ అవోకాడోను బాగా కలిపి పేస్ట్‌లా చేయండి. దీనిని ముఖం మరియు మెడపై రాసి మర్దన చేయండి.20 నిమిషాల తరువాత వెచ్చని నీటితో శుభ్రం చేయండి.

ప్రాకృతిక పదార్థాలను వాడండి

మీరు ఉపయోగించే సబ్బులో కెమికల్స్ మరియు శుభ్రపరచే ఏజెంట్స్ ఉండటం వలన మీ చర్మానికి ఎక్కువ హాని కలుగుతుంది. కావున, శనగ పిండి లాంటి ప్రాకృతిక పదార్థాలను ఉపయోగించండి.

మామిడి పండు

మామిడి పండు కూడా మీ పొడి చర్మానికి ఎంతో మేలు చేస్తుంది. కొద్దిగా మామిడి పండులో తగినంత చక్కెర కలుపుకొని ఒక పేస్ట్‌లా తయారు చేసుకోవాలి. దీనిని ముఖంపై రాసి 20 నిమిషాల తరువాత కడగండి.

ఉప్పు

స్నానం చేసిన వెంటనే రెండు టేబుల్ స్పూన్ల ఉప్పుని మీ చర్మంపై రుద్దండి. ఇది చనిపోయిన చర్మ కణాలను తొలగిస్తుంది.

మొక్కజొన్న పిండి

మీరు స్నానం చేసే నీటిలో మూడు టేబుల్ స్పూన్ల మొక్కజొన్న పిండిని కలుపుకొని స్నానం చేయండి. ఇది పొడి మరియు దురద చర్మాన్ని తొలగించేందుకు సహాయపడుతుంది.

అరటి పండు

ఒక అరటి పండును బాగా చూర్ణం చేసి ముఖంపై రాయండి.20 నిమిషాల తరువాత వెచ్చని నీటితో కడగండి.

మిల్క్ క్రీం

మిల్క్ క్రీంలోని లాక్టిక్ ఆసిడ్చనిపోయిన చర్మ కణాలను తొలగిస్తుంది. కొన్ని చుక్కల నిమ్మరసం మరియు రెండు స్పూన్ల మిల్క్ క్రీమును కలుపుకొని ముఖం, చేతులు మరియు కాళ్లపై రాసి 15 నిమిషాల తరువాత స్నానం చేయండి. ఈ మిశ్రమాన్ని చర్మం నుండి తొలగించే ముందు 2 నిమిషాలు మర్దన చేయండి.

కొబ్బరి నూనె

తాజా కొబ్బరి నుండి తయారు చేసిన నూనెలో ఫాటీ ఆసిడ్స్ ఉంటాయి. ఇది చర్మానికి కావలసిన తేమను అందిస్తుంది. స్నానం చేసిన తరువాత కొబ్బరి నూనెని శరీరంపై రాసుకోండి.

వోట్మీల్

చాలా మంది బరువు తగ్గేందుకు మరియు ఆరోగ్యంగా ఉండేందుకు వోట్మీల్ని ఎక్కువగా తీసుకుంటున్నారు. ఇది మన ఆరోగ్యానికే కాదు చర్మానికి కూడా ఉపయోగకరమైన పదార్థం. మీరు స్నానం చేసే వెచ్చని నీటిలో ఒక కప్పు వోట్మీల్ని కలిపి ఆ నీటిలో మీ శరీరాన్ని నానపెట్టండి.15 నిమిషాల తరువాత స్నానం చేయండి. ఇది చనిపోయిన చర్మ పొరలను తొలగించి తాజా అనుభూతిని ఇస్తుంది.

బాదాం నూనె

పొడి చర్మానికి ముఖ్యంగా కావలసిన పోషక పదార్థం విటమిన్ ఇ. బాదాంలో విటమిన్ ఇ ఎక్కువగా ఉంటుంది. ఇది మీ పొడి చర్మానికి పోషణ ఇస్తుంది. కొద్దిగా బాదాం నూనెని వెచ్చగా అయ్యే వరకు వేడి చేసి, మీ ముఖం, చేతులు మరియు కాళ్లపై రాయండి. ఇలా రోజూ చేయటం వలన మీ చర్మం యొక్క తేమను తిరిగి పొందగలరు.

గుడ్డు పచ్చసొన

గుడ్డు యొక్క పచ్చసొనలో ప్రోటీన్స్ ఎక్కువగా ఉంటుంది. మీ చర్మం మృదువుగా అయ్యేందుకు ప్రోటీన్స్ చాలా అవసరం. ఒక బౌల్లో గుడ్డు యొక్క పచ్చసొన, ఒక స్పూన్ తేనె మరియు ఒక స్పూన్ మిల్క్ పౌడర్ కలుపుకొని మీ పొడి చర్మంపై రాయండి.20 నిమిషాల తరువాత వెచ్చని నీటితో కడగండి.

Posted on

Telugu remedies for Ringworm – రింగ్వార్మ్(తామర) యొక్క లక్షణాలు మరియు నివారణలు

ప్రతి ఒక్కరికి తమ శరీరం శుభ్రంగా మరియు ఆరోగ్యంగా ఉండాలనే కోరిక ఉంటుంది. కానీ మనం ప్రయాణం చేసేటప్పుడు లేదా పని చేసే చోట్లో మనకు తెలియకుండానే ఎన్నో రకాల ఇన్ఫెక్షన్లు కలగచ్చు. వీటి నుండి దూరంగా ఉండేందుకు కొన్ని సాధారణ ముందు జాగ్రత్తలను తీసుకోవాలి, ఉదాహరణకు బయట పనినుండి రాగానే స్నానం చేయటం, మనం స్నానం చేసే నీటిలో కొన్ని చుక్కల డెట్టాల్ కలుపు కోవటం లాంటివి.

రింగ్వార్మ్(తామర) ఒక చర్మ వ్యాధి, ఇది ఏ వయసు వారికైనా రావచ్చు. ఇది ఒక ఫంగల్ ఇన్ఫెక్షన్, సాధారణంగా తలపై, గడ్డం లాంటి చోట్లలో వస్తుంది. చూసేందుకు ఇది ఎరుపు లేదా గోధుమ రంగులో ఒక వలయం ఆకారపు దద్దురులా కనపడుతుంది. ఇది ఒక అంటు వ్యాధి, పురుగుల వలన కలిగే వ్యాధి కాదు. ఇది మన చర్మంలో ఒక భాగం నుండి ఇంకొక భాగానికి తొందరగా వ్యాపిస్తుంది. ఈ వ్యాధి ప్రారంభంలో ఒక వలయంలా ఎరువు రంగులో ఉంటుంది, కానీ ఈ పరిస్థితి మరింత తీవ్రమయినప్పుడు చర్మం ఉబ్బి, బొబ్బలు ఏర్పడతాయి.

రింగ్వార్మ్ ఇన్ఫెక్షన్ యొక్క లక్షణాలు

ఇవి ఎరుపు లేదా గోధుమ రంగులో ఒక వలయంలా మరియు పొక్కులా ఉంటుంది. వీటి యొక్క అంచులు చాలా స్పష్టంగా కనపడతాయి. ఇవి మీ గోర్ల చుట్టూ వచ్చినట్లయితే మీ గోరు యొక్క రంగు మారుతుంది, కొన్ని సార్లు మీరు మీ గోర్లను కోల్పోయే పరిస్థితి కూడా ఏర్పడవచ్చు. ఇది మీ తలపై వచ్చినట్లయితే ఆ చోట్లో మీ వెంట్రుకలు రాలిపోవచ్చు. ఇది ఏర్పడే ప్రతి భాగం యొక్క లక్షణాలు క్రింద చెప్పిన విధంగా భిన్నంగా ఉంటాయి.

తలపై

  • దురదగా ఉండటం.
  • చర్మంపై నొప్పి మరియు చిన్న పాచెస్ రావటం.
  • ఆ పాచెస్ లోని జుట్టు రాలడం.
  • తలపై చర్మ పొరలో మార్పులు.
  • చర్మం మీద చీము నిండిన పుళ్ళు ఏర్పడటం.

శరీరం

  • చూసేందుకు ఎరుపు రంగులో ఉంటుంది. ఈ వలయం యొక్క అంచుల్లో చాలా దురదగా ఉండటం.
  • చీము నిండిన పుళ్ళు మరియు పొక్కు ఏర్పడటం.
  • దురదగా మరియు ఉబ్బిన బొబ్బలా ఉండటం.

మొల భాగములో రింగ్వార్మ్ లక్షణాలు

  • అంతర్గత తొడల చర్మం పొరలుగా ఉండటం.
  • గోధుమ మరియు ఎరుపు రంగు పుళ్ళు ఏర్పడటం.
  • మీ గజ్జ ప్రాంతంపై దురదగా ఉండటం.

రింగ్వార్మ్ సంక్రమణ రాకుండా ఉండేందుకు ముందు జాగ్రత్తలు

  • మీ శరీరాన్ని ఎప్పుడూ శుభ్రంగా మరియు పొడిగా ఉంచుకోండి.
  • దుస్తులను ధరించే ముందు మీ శరీరంలోని తేమను పూర్తిగా తుడుచుకోవాలి.
  • క్రమం తప్పకుండా తల స్నానం చేయండి, వెంట్రుకలను కత్తిరించిన వెంటనే తల స్నానం చేయండి.
  • బిగువైన దుస్తులను నివారించండి, వీలైనంతవరకు కాటన్ దుస్తులను ధరించండి, ఎందుకంటే ఇది మీ చర్మాన్ని పొడిగా ఉంచుతుంది.
  • మీరు రోజూ బూట్లను వాడుతున్నట్లయితే సాక్స్ ను రోజూ శుభ్రం చేసి వేసుకోండి.
  • మీ టవల్, దుస్తులు, పడుకునే చాపలు, దువ్వెన లాంటి వస్తువులను ఇతరులతో పంచుకోవద్దు.
  • ఈ ఇన్ఫెక్షన్ ఉన్నవారి వస్తువులను పొరపాటుగా వాడినట్లయితే వెంటనే యాంటీ ఫంగల్ సబ్బుతో స్నానం చేయండి.
  • ఈ ఇన్ఫెక్షన్ ఉన్నవారి దువ్వెన వాడినట్లయితే వెంటనే యాంటీ ఫంగల్ షాంపూ ఉపయోగించి తలస్నానం చేయండి.
  • మీరు పెంచుకొనే పెంపుడు జంతువులకు ఈ ఇన్ఫెక్షన్ కలిగినట్లయితే వెంటనే పశువుల వైద్యుడి దగ్గరకు తీసుకు వెళ్ళండి.
  • ఈ ఇన్ఫెక్షన్ వచ్చిన చోటుపై బ్యాండేజ్ వాడకూడదు.

రింగ్వార్మ్ ఇన్ఫెక్షన్ తొలగించేందుకు హోమ్ రెమెడీస్

సబ్బు నీళ్లు

ఈ ఇన్ఫెక్షన్ వచ్చిన చోటును ఎప్పుడూ వీలైనంత శుభ్రంగా ఉంచుకోవాలి. వెచ్చని నీటిలో సబ్బును కలిపి ఇన్ఫెక్షన్ ఉన్న ప్రాంతాలను బాగా కడగాలి. ఆ తరువాత ఆ చోటుని తుడిచి తడి లేకుండా చూసుకోవాలి.

పసుపు

పసుపులో యాంటీ ఇన్‌ఫ్లమేటరీ లక్షణాలు ఉన్నాయి. పసుపులోని ముఖ్యమైన ఒక పదార్థం కుర్కుమిన్. దీనిలో యాంటీ మైక్రోబియల్ లక్షణాలు మరియు అనేక ఆరోగ్య ప్రయోజనాలు ఉన్నాయి. పసుపుని టీ లో లేదా ఆహారాలలో చేర్చుకోవటం వలన ఆరోగ్యానికి చాలా మంచిది. పసుపుని కొబ్బరి నూనె లేదా నీటిలో కలిపి ఒక పేస్ట్ లా చేసుకొని ఈ ఇన్ఫెక్షన్ కలిగిన చోటుపై రాసి, ఆరిపోయిన తరువాత తుడవండి.

లికోరైస్

ఇందులో ఎన్నో యాంటీ మైక్రోబియల్ మరియు యాంటీ వైరల్ లక్షణాలు ఉన్నాయి. దీనిని సాంప్రదాయక చైనీస్ మందులలో వాడుతారు. ఇందులో యాంటీ ఇన్‌ఫ్లమేటరీ లక్షణాలు కూడా ఉన్నాయి. ఇది రింగ్వార్మ్ మరియు ఇతర ఫంగల్ ఇన్ఫెక్షన్లను తొలగించేందుకు ఉపయోగించవచ్చు.3 టేబుల్ స్పూన్ల లికోరైస్ పొడిని ఒక కప్పు నీటిలో కలుపుకొని 10 నిమిషాల పాటు బాగా ఉడికించి, చల్లారిన తరువాత ఒక పేస్ట్ లా తయారు చేసుకోండి. ఈ పేస్ట్ ని రింగ్వార్మ్ పై రోజుకు రెండు సార్లు పూసి, 10 నిమిషాల తరువాత తుడవండి లేదా నీటితో కడగండి.

అల్లం

అల్లం లో యాంటీ ఫంగల్ లక్షణాలు ఉంటాయి. ఇది అనేక రకాల ఫంగల్ ఇన్ఫెక్షన్లను తొలగించేందుకు ఉపయోగిస్తారు. ఒక ఇంచు అల్లంను చిన్న ముక్కలుగా కోసుకొని రింగ్వార్మ్ పై కొద్ది సేపు ఉంచండి.

కొబ్బరి నూనె

మనం ఎన్నో రకాల కొబ్బరి నూనెలను మార్కెట్ లో చూస్తూ ఉంటాము. కానీ చెట్ల నుండి తాజాగా తయారు చేసిన కొబ్బరి నేనే రింగ్వార్మ్ ను తొలగించేందుకు చాలా ప్రభావితంగా పని చేస్తుంది.

ఆవాలు

కొన్ని ఆవాలను నీటిలో వేసి 30 నిమిషాల పాటు నానపెట్టండి. తరువాత వీటిని బాగా రుబ్బి ఒక పేస్ట్ లా తయారు చేయండి. ఈ పేస్ట్ ని ఇన్ఫెక్షన్ పై రాయటం వలన వెంటనే దురద నుండి ఉపశమనం పొందుతారు.

కలబంద

ఎలాంటి ఇన్ఫెక్షన్ నుండి అయినా అలో వేరా గొప్ప ఉపశమనాన్ని ఇస్తుంది. వీటి యొక్క జెల్ ని రింగ్వార్మ్ పై రాసి రాత్రంతా ఉంచండి.

వెల్లుల్లి

వెల్లుల్లిలో ఎన్నో వైద్య విలువలు ఉన్నాయి. ముఖ్యంగా రింగ్వార్మ్ నివారించడంలో చాలా సమర్థవంతంగా పనిచేస్తుంది.

లెవెండర్ నూనె

ఇది రింగ్వార్మ్ ను తొలగించేందుకు మరియు ఇతర ఇన్ఫెక్షన్ సోకకుండా ఉండేందుకు తోడ్పడుతుంది. ఈ నూనెని ఇన్ఫెక్షన్ పై రాయండి.

ఆపిల్ సీడర్ వెనిగర్

ఇందులో యాంటీ ఫంగల్ లక్షణాలు పుష్కలంగా ఉంటాయి. రింగ్వార్మ్ ను నివారించడంలో చాలా ప్రభావితంగా పనిచేస్తుంది. ఇందులో కొద్దిగా ఉప్పు కలుపుకొని ఇన్ఫెక్షన్ ఉన్న చోట్ల పై రాయవచ్చు.

ఆలివ్ ఆకులు

ఆలివ్ ఆకుల యొక్క రసం రింగ్వార్మ్ ని నివారించేందుకు తోడ్పడుతుంది.

బొప్పాయి

బొప్పాయి పండు యొక్క తోలు ఎలాంటి ఇన్ఫెక్షన్నైనా తొలగిస్తుంది. ఇందులో యాంటీ ఫంగల్ మరియు యాంటీ బాక్టీరియల్ లక్షణాలు ఉన్నాయి. ఈ పండు యొక్క తోలును పేస్ట్ లా చేసుకొని ఇన్ఫెక్షన్ పై రాయండి.

ఈ నివారణలు ఉపయోగించిన తరువాత కూడా రింగ్వార్మ్ ఇన్ఫెక్షన్ తగ్గక పోతే, వైద్యుడిని సంప్రదించి వారి సూచనల ప్రకారం యాంటీ ఫంగల్ మందులను ఉపయోగించండి.

Posted on

Telugu tips to treat skin hives – చర్మం పై దద్దుర్లు (హైవ్స్) దురద తగ్గటానికి ఇంటి చిట్కాలు

ఏదైనా అలర్జీ వలన చర్మం పై ఏర్పడే ఎరుపు గడ్డలను దద్దుర్లు అని అంటారు. అవి కొందరిలో చిన్నగా మరి కొందరిలో పెద్దగా వ్యాపిస్తాయి. అవి దురదగా ఉంటాయి.

చర్మ దద్దుర్లకు కారణాలు ఏమిటి?

ఇవి హిస్టామిన్ రసాయనం వలన కలుగుతాయి. రక్త కణాల ద్వారా హిస్టామిన్ అనే రసాయనం డిశ్చార్జ్ అవుతుంది. ఈ రసాయనం రక్త నాళాల నుండి చర్మం లోతుల్లోకి లీక్ అవుతుంది. వీటి వలన దద్దుర్లు ఏర్పడతాయి. మందులు వాడటం, ఒత్తిడి, వైరల్ ఇన్‌ఫెక్షన్, జలుబు, సూర్య కాంతులు మరియు వేడి వలన ఈ దద్దుర్లు రావచ్చు. దుమ్ము, దుమ్ము పురుగులు, పుప్పొడి, డాండ్రఫ్, షెల్ఫిష్ మరియు ఇతర ఆహారాల వలన కూడా రావచ్చు.

దద్దుర్లకు ఉత్తమ చికిత్స ఏమిటి?

ఈ అలర్జీ నుండి ఉపశమనం పొందేందుకు యాంటీ-హిస్టామిన్ మందులను వాడండి. మీకు మత్తును కలిగించని మందులను ఎంపిక చేసుకోండి. మందులు వాటి పనిని అవి చేస్తాయి, వాటితో పాటు కొన్ని గృహ నివారణలు కూడా పాటించడం వలన ఎక్కువ ఉపశమనాన్ని పొందుతారు.

దద్దుర్లను తొలగించేందుకు గృహ నివారణ పద్ధతులు

చల్లని నీటితో స్నానం

చాలా అరుదుగా జలుబు వలన దద్దుర్లు వస్తాయి. అలాంటప్పుడు చల్లని నీటితో స్నానం చేయండి. దీని వలన రక్త నాళాలు కృశించిపోయి చర్మం లోనికి హిస్టామిన్ రసాయనం డిశ్చార్జ్ కాకుండా ఆగిపోతుంది. లేదా ఒక శుభ్రమైన వస్త్రంలో కొన్ని ఐస్ క్యూబ్స్ ని నింపి దురద చర్మంపై ఉంచండి. బాధించే దద్దుర్ల నుండి ఉపశమనం పొందటానికి ఈ పద్ధతిని రోజుకు అనేక సార్లు ప్రయత్నించండి.

ఆస్ట్రిజెంట్స్

రక్త నాళాల నుండి హిస్టామిన్ ఉత్పత్తిని ఆపడానికి కాలమైన్ లోషన్లేదా విచ్ హాజెల్లాంటివి వాడండి. పెప్టో-బిస్మోల్లేదా మిల్క్ అఫ్ మెగ్నీషియలాంటి లోషన్‌లను కూడా వాడవచ్చు.

బేకింగ్ సోడా

రెండు టేబుల్ స్పూన్ల బేకింగ్ సోడాలో కొద్దిగా నీళ్లు కలుపుకొని ఒక ముద్దలా చేసుకోండి. దీనిని దద్దుర్లపై రాయటం వలన దురద తగ్గుతుంది.

వినిగర్

ఒక టేబుల్ స్పూన్ ఆపిల్ సీడర్ వినిగర్ లో ఒక టేబుల్ స్పూన్ వెచ్చని నీళ్లను కలుపుకొని దద్దుర్లపై రాయండి. ఇది మీ దురదను తగ్గిస్తుంది.

బ్రౌన్ షుగర్ మరియు అల్లం

1/4 కప్పు బ్రౌన్ షుగర్, ఒక టేబుల్ స్పూన్ అల్లం మరియు 3/4 కప్పు వినిగర్‌ను బాగా కలిపి కొన్ని నిమిషాలపాటు బాగా ఉడికించాలి. ఈ నీటిని వడగట్టి వెచ్చగా అయిన తరువాత దద్దుర్లపై అద్దాలి. ఇలా రోజుకు అనేక సార్లు చేయండి.

ఫిష్ ఆయిల్

1000 మిల్లీగ్రాముల ఫిష్ ఆయిల్‌ క్యాప్సూల్స్ ను రోజుకు మూడు సార్లు తీసుకోవచ్చు. ఇందులోని ఫాటీఆసిడ్స్ కు యాంటీ-ఇన్ఫమేటరీ లక్షణాలు ఉన్నాయి. ఇవి మంటను తగ్గించి ఉపశమనాన్ని ఇస్తుంది. చల్లని నీటిలో ఉండే చేపలు, ఉదాహరణకు బ్లూ ఫిష్,సాల్మన్ మరియు అల్బ కోర్ ట్యూనా లాంటి చేపలను తినండి.

ఒత్తిడిని తగ్గించుట

కొన్ని సార్లు ఒత్తిడి వలన కూడా దద్దుర్లు రావచ్చు. కాబట్టి యోగా, ధ్యానం మరియు వ్యాయామాలను ఆచరించండి.

తులసి

తులసి ఒక ప్రాకృతిక యాంటీ-హిస్టామిన్’. దద్దుర్లను తొలగించేందుకు ఇది ఒక ప్రముఖమైన నివారిణి. ఇది దురద మరియు మంటల నుండి కూడా ఉపశమనాన్ని ఇస్తుంది. కొన్ని తులసి ఆకులను ఒక జార్ వేడి నీళ్లలో వేసి మూసి పెట్టాలి. ఈ నీళ్లు చల్లబడిన తరువాత దద్దుర్లపై రాయండి. లేదా కొన్ని తులసి ఆకులను బాగా దంచి వాటిని దద్దుర్లపై రాయండి. కొద్ది సేపు తరువాత వెచ్చని నీటితో కడగండి.

పుదీనా

పుదీనా చల్లని ఉపశమనాన్ని కలిగిస్తుంది. ఇది దద్దుర్ల వలన కలిగే దురదను తగ్గించేందుకు చాలా ఉపయోగపడుతుంది. ఇది దురద మరియు అసౌకర్యమైన మంటను నివారించడానికి చాలా ప్రభావితమైన పదార్థము. ఇందులో యాంటీ-ఇన్ఫమేటరీ మరియు యాంటీ-ఆక్సిడెంట్ లక్షణాలు ఉన్నాయి.

ఒక కప్పు నీటిలో పుదీనా ఆకులను వేసి బాగా ఉడికించండి. ఈ నీటిని వడగట్టి, చల్లబడిన తరువాత ఫ్రిజ్లో కొన్ని గంటలు ఉంచండి. ఈ చల్లని నీటిని మీ చర్మం పై రాయండి. ఇలా రోజుకు అనేక సార్లు రాయటం వలన ఉపసమనం పొందుతారు.

దీనిని చర్మం పై రాయటమే కాకుండా త్రాగడం వలన కూడా దురద మరియు మంట తగ్గుతుంది. ఒక కప్పు నీళ్లలో ఒక చెంచా పుదీనా ఆకులను, ఒక చెంచా చెక్కరని వేసి బాగా ఉడికించండి. ఈ నీటిని వడగట్టి చల్లబడిన తరువాత త్రాగండి. ఇలా రోజుకు రెండు సార్లు తాగాలి.

పసుపు

వండటానికే కాదు చర్మం మెరుగు పరచటానికి మరియు దద్దుర్ల చికిత్సకు కూడా పసుపు ఉపయోగ పడుతుంది. ఇందులోని యాంటీ-ఇన్ఫమేటరీ గుణాలు శరీరం లోని కార్టికోస్టెరాయిడ్స్ని ఉత్తేజ పరుస్తుంది. ఇందులో యాంటీ-హిస్టామిన్ మరియు యాంటీ-ఆక్సిడెంట్ లక్షణాలు కూడా ఉన్నాయి. రోజుకు రెండు సార్లు వెచ్చని పాలు లేదా నీళ్లలో ఒక చెంచా పసుపును కలుపుకొని తాగండి. వంట వండేటప్పుడు మామూలు కన్నా కొద్దిగా ఎక్కువ పసుపును వాడండి.

దురదగొండి(నెట్టల్)

ఇది వంకరటింకర ఆకులు కలిగిన ఒక మూలిక చెట్టు. మూలికా శాస్త్రజ్ఞులు దద్దుర్లను తొలగించటానికి దీనిని సిఫార్సు చేస్తారు. ఇందులో యాంటీ-హిస్టామిన్, యాంటీ-ఇన్ఫమేటరీ మరియు రక్తస్రావ నివారిణి లక్షణాలు ఉన్నాయి. ఇది వాపు, మంట మరియు దురదను తొలగించటానికి వాడుతారు.

ఒక టేబుల్ స్పూన్ ఎండిన దురదగొండి ఆకులను ఒక కప్పు వెచ్చని నీళ్లలో కలిపి 10-15 నిమిషాలు ఉంచండి. ఆ తరువాత ఆ నీటిని వడగట్టి కొద్దిగా తేనెని కలుపుకొని త్రాగండి. రోజుకు 2-3 సార్లు త్రాగటం వలన ఉపయోగకరంగా ఉంటుంది.

లేకపోతే 300-మిల్లీగ్రాముల నెట్టల్ క్యాప్సూల్స్ ను రోజూ తీసుకోవచ్చు. ఈ క్యాప్సూల్స్ ను తీసుకునే ముందు వైద్యుడిని సంప్రదించుట మంచిది.

వోట్మీల్

ఇందులో యాంటీ-ఇర్రిటేటింగ్, యాంటీ-ఇన్ఫమేటరీ మరియు సూతింగ్ లక్షణాలు ఉన్నందున ఇది దురదను తగ్గించి చర్మాన్ని ఆరోగ్యంగా ఉంచుతుంది.

ఒక కప్పు బేకింగ్ సోడాని రెండు కప్పుల పొడిచేసి ఓట్‌మీల్ తో కలుపుకోవాలి. స్నానం చేసే వెచ్చని నీటిలో దీనిని బాగా కలపి 15 నిమిషాల పాటు ఈ నీటిలో ఉండండి. ఇలా రోజుకు రెండు సార్లు మీ దద్దుర్లు తగ్గేంత వరకు చేయండి.

లేదా 2 టేబుల్ స్పూన్ల మొక్కజొన్న పిండిని 2 కప్పుల ఓట్ మీల్ పొడితో కలిపి ఒక ముద్దలా చేసి చర్మం పై రాయండి. 15-20 నిమిషాల తరువాత వెచ్చని నీటితో కడగండి. ఇలా రోజూ చేయాలి.

కలబంద(అలో వెరా)

ఇది కూడా పుదీనా లాగే చర్మాన్ని చల్లబరచి ఉపశమనాన్ని ఇస్తుంది. ఇందులోని యాంటీ-ఇన్ఫమేటరీ  మరియు యాంటీ-మైక్రోబియల్ లక్షణాలు చర్మంపై ఎరుపుని, మంటని మరియు దురదని తగ్గిస్తుంది. వీటిని తినటం వలన రోగనిరోధక శక్తిని పెంచి, తాప జనక(ఇన్ఫమేటరీ) టాక్సిన్లను తొలగించేందుకు సహాయ పడుతుంది.

అలో వెరా జెల్‌ను చర్మంపై రాసి 15 నిమిషాల తరువాత వెచ్చని నీటితో కడగండి. ఇలా రోజుకు అనేక సార్లు రెండు వారాల పాటు రాయండి. లేదా, కలబంద రసాన్ని రోజూ తాగండి.

గమనిక: ఈ చిట్కాని చిన్న పిల్లలు మరియు పాలు ఇచ్చే ఆడవాళ్ళు అనుసరించకూడదు.

గులాబీ నీరు

రోజ్ వాటర్ తరచుగా చర్మ దద్దుర్ల నుండి ఉపశమనం పొందడానికి ఉపయోగించబడే ఉత్తమ ఔషధం. దద్దుర్ల నుండి ఉపశమనం పొందడానికి రోజ్ వాటర్‌ని చర్మంపై రాసి, 15-20 నిముషాల తర్వాత చల్లని నీటితో కడగాలి.

ఆలివ్ ఆయిల్

ఆలివ్ నూనెలో ఉండే పోషక పదార్థాలు చర్మ సమస్యలని పోగొట్టడంలో ప్రభావితమైనది. కొంచం ఆలివ్ ఆయిల్‌ని పత్తితో దద్దుర్లపై రాయండి. 20 నిముషాల తర్వాత గోరు వెచ్చని నీటితో కడగండి.

మజ్జిగ

అలర్జీల వలన ఏర్పడే చర్మ సమస్యలకు మజ్జిగ ఒక చక్కటి పరిష్కారం. మజ్జిగను దద్దుర్లపై రాసి 10-15 నిముషాల పాటు ఉంచి తరువాత చల్లని నీటితో కడగండి.

Posted on

Skin warts tips in Telugu – ఇంట్లో నివారణ పద్ధతుల ద్వారా పులిపిర్లను (వార్ట్స్) తొలగించడం ఎలా?

వివిధ రకాలైన పులిపిర్లను చాలామందిలో చూడవచ్చు. వీటిలో కొన్ని నొప్పిని కలిగిస్తాయి. మరి కొన్ని కొద్ది సమయంలోనే చాలా పెద్దగా పెరుగుతాయి. ఇలాంటి పులిపిర్లకు వెంటనే చికిత్స అవసరం, లేదా ఇది మరింత కీడును కలిగిస్తుంది. నొప్పిని కలిగించే పులిపిర్లు కొన్ని సార్లు కాన్సర్గా కూడా మారవచ్చు. వీటిని మీ వైద్యులు చెప్పిన పద్దతి ప్రకారం గుణ పరచటం మంచిది.

పై చెప్పినటువంటి పులిపిర్లు కాకుండా ఇంకా చాలా రకాలు ఉన్నాయి, అవి సాధారణంగా చేతులు, ముఖం లేదా కాళ్లపై రావచ్చు. వీటివల్ల నొప్పి కానీ హాని గాని ఉండదు, ఇవి కొన్ని సంవత్సరాల తరువాత తొలగిపోతాయి. కానీ కొందరు స్త్రీలు వీటిని తమ అందానికి ఆటంకంగా భావిస్తారు. వీటిని ప్రాకృతిక విధాలద్వారా తొలగించటానికి గృహ నివారణలు ప్రయోగించండి.

పులిపిర్లు అనేక రకాలు, వీటిలో కొన్ని ఎలాంటి హానిచేయవు, కొన్ని హానికరమైనవి ఉంటాయి. కావున మీకు వచ్చిన పులిపిర్లు ఎలాంటిదో ఒక వైద్యుడిని సంప్రదించి పరిశీలించుట మంచిది.

హానికరమైనది కాదని మీ వైద్యుడు చెప్పినట్లయితే మీరు గృహ నివారణ పద్దతులను ఉపయోగించవచ్చు. చాలా వరకు చర్మ పులిపిర్లు చిన్న గడ్డలు లేదా ఎక్కువ చర్మం పెరగటం వలన వస్తుంది. ఇది ‘హ్యూమన్ పాపిల్లోమా వైరస్స్ – HPV’ అనే వైరస్ వలన శరీరంలోని చాలా భాగాలలో వస్తుంది. పులిపిర్లు ఉన్న వాళ్లను మనం తాకడం వలన ఈ వైరస్ సోకుతుంది.

వీటిని ‘వెర్రుకా వల్గారిస్ అని అంటారు. ఇవి హానికరం కానప్పటికీ వీటిని తొలగించటం సులువు కాదు.

వైద్య పరంగా 6 రకాల పులిపిర్లు ఉన్నాయి.

  • కామన్ వార్ట్స్, సాధారణ పులిపిర్లు ఉబ్బుగా, గరుకుగా ఉంటాయి. ఇవి చేతుల పై మరియు వేళ్ళ పై వస్తాయి. వీటిని చిన్న పిల్లలలో ఎక్కువగా చూడవచ్చు.
  • ఫ్లాట్ వార్ట్స్, ఇవి చాలా చిన్నగా ఉంటాయి, సాధారణంగా ముఖ వెనుక భాగాలలో, చేతులపై మరియు కాళ్ల పై వస్తుంది.
  • ఫిలిఫార్మ్ వార్ట్స్, ఇవి కంటి చుట్టూ, గొంతు మరియు ముఖం పై రావచ్చు. ఇవి చాలా పొడవుగా మరియు మందంగా ఉంటాయి.
  • పెరియాంగువల్ వార్ట్స్ , గోరులను తరచూ కొరికే అలవాటు ఉన్న వారికి ఇది గోరుచుట్టూ వస్తుంది.
  • ప్లాంర్ (అరికాలి) వార్ట్స్, ఇది అరికాళ్లలో వస్తుంది.
  • జెనిటిల్ (జననేంద్రియాల) వార్ట్స్, ఇవి జననేంద్రియాలపై వస్తుంది.

చాలా రకాల పులిపిర్లు ఎలాంటి చికిత్సా చేయకుండానే తొలగిపోతాయి. కొన్నింటికి చికిత్స చేయవలసి ఉంటుంది. ఎక్కువ మంది అనుసరించి మంచి ఫలితాలు ఇచ్చిన కొన్ని చికిత్సలను చూద్దాం.

  • లిక్విడ్ నైట్రోజన్ – దీనిని ఉపయోగించి పులిపిర్లను గడ్డ కట్టేలా(ఫ్రీజ్) చేయొచ్చు. ఫ్రీజ్ చేయటం వలన ఫ్రోబ్సైట్ ఏర్పడుతుంది. ఇది మెల్లగా వార్ట్స్ ను తొలగించి HPV వైరస్‌ను ధ్వంసం చేస్తుంది. ఇది ఒక రోజులో జరగదు. చాలా సార్లు ఈ లిక్విడ్‌ను రాయాలి.
  • సాలిసైలిక్ ఆసిడ్ – ఇది కూడా పైచెప్పిన లిక్విడ్ నైట్రోజన్ లాగానే పని చేస్తుంది. ఇది పులిపిర్లను పూర్తిగా తొలగిస్తుంది.
  • రోగ నిరోధక చికిత్సను ప్రయత్నించి చూడండి. ఇది ఇంటిలో చేయడం వీలుకాదు. ఏదైనా కేంద్రాలలో చేసుకోవచ్చు. ఈ చికిత్సలో ‘కాండిడా’ అనే పదార్ధంను వాడుతారు. ఇది HPV వైరస్ యొక్క పెరుగుదలను ఆపి, పులిపిర్లను తొలగిస్తుంది.
  • మీకు చాలా పెద్దగా మరియు చిరాకు పుట్టించేలా పులిపిర్లు ఉన్నట్లయితే మీరు ఒక వైద్యుడిని సంప్రదించండి. లేజర్ చికిత్సద్వారా నివారించవచ్చు. కానీ ఈ చికిత్స చాలా నొప్పిగా మరియు బాధాకరంగా ఉంటుంది. కనుక మీకు చాలా ఎక్కువగా వార్ట్స్ ఉన్నప్పుడు మాత్రమే ఈ చికిత్స తీసుకోండి.
  • డక్ట్ టేప్, ఈ టేప్‌ను మీ పులిపిర్లపై మూయండి. 6 రోజులపాటు అలాగే ఉంచి, 7అవ రోజు తీసి అగ్నిశిల రాయిని (పమిస్ స్టోన్) వాడి పులిపిర్లను తొలగించండి. ఈ పద్దతిని పదేపదే అనుసరించడం వలన వార్ట్సను పూర్తిగా తొలగించవచ్చు.

పులిపిర్లను సాధారణం అనుకొని నిర్లక్ష్యం చేయవద్దు. ఎందుకంటే కొన్ని కాన్సర్గా కూడా మారవచ్చు. మీ పులిపిరి మొండిగానో వింతగానో అనిపిస్తే, వెంటనే వైద్యుడిని సంప్రదించండి.

చర్మం లోని పులిపిర్లను తొలగించటానికి ఉత్తమ గృహ నివారణలు

వినిగర్

ఒక పత్తిని(కాటన్) రెండు చెంచా తెల్ల వినిగర్లో ముంచి, పులిపిరిపై పెట్టి కట్టుకట్టి రెండు గంటల సేపు ఉంచండి. ఇలా రోజూ చేయటం వలన ఇవి తగ్గుతాయి.

అరటి తొక్క

అరటి తొక్కలోని రసాయనం మన చర్మంలోని పులిపిర్లను తొలగించగలదు. ఇది చాలా ప్రాకృతికమైన పద్దతి. మీరు రోజూ అరటి తొక్కలోని లోపలి భాగంతో పులిపిరిపై రుద్దండి. ఇలా చేస్తే పులిపిరి కరిగిపోతుంది.

వెల్లుల్లి

వెల్లుల్లిని బాగా దంచి, దానిని పులిపిరిపై రోజూ రాయండి. దీని వలన పులిపిరి ఒక బొబ్బలా అవుతుంది. ఆ తరువాత కొన్ని నెలల్లో రాలిపోతుంది.

బొప్పాయి పండు

పచ్చని బొప్పాయి పండులోని ఎంజైములు వార్ట్స్ ను తొలగించటానికి ఉపయోగపడతాయి. కొన్ని ముక్కల బొప్పాయి పండును పిండి పులిపిరిపై రాయండి. ఆరిన తరువాత నీటితో కడగండి.

ఆముదం నూనె

పడుకునే ముందు ఆముదం నూనెని పులిపిర్లపై రాసి కట్టు కట్టండి. దీనిని పూసినప్పుడు చిరాకుగా ఉండొచ్చు కానీ ఇలా క్రమంగా పూయటం వలన పులిపిర్లు తొలగిపోతాయి.

పచ్చి బంగాళదుంప

కొద్దిగా పచ్చి బంగాళదుంపను రుబ్బి గుజ్జులా చేసి పులిపిర్లపై రాయండి. ఆరిన తర్వాత నీటితో బాగా కడగండి. కడిగిన వెంటనే టవల్ తో బాగా తుడవండి లేదా మీ చర్మంలోని ఇతర భాగాలను కూడా ప్రభావితం చేయవచ్చు.

డాండెలైన్ (సింహదంష్ట్రిక)

మీ ఇంటి పెరటిలో ఈ చెట్టు ఉన్నట్లయితే వీటి కాడ యొక్క రసాన్ని పిండి, ఒక పత్తిని ముంచి పులిపిర్లపై పూయండి. దీనిని పూసినప్పుడు మీ రోగనిరోధక వ్యవస్థను ప్రేరేపించడం వలన కొద్దిగా చిరాకు పుట్టవచ్చు.

తులసి ఆకులు

కొన్ని తాజా ఆకులను నలిపి మీ పులిపిరి పై ఉంచి, వాటర్ ప్రూఫ్ టేపును వేసి రోజంతా ఉంచండి. రోజూ ఈ ఆకులను మార్చండి. ఇందులో వైరస్‌ను తొలగించే గుణాలు ఉన్నందున మీ చర్మంపై మంచి ప్రభావాన్ని చూపిస్తుంది.

విటమిన్ సి మాత్రలు

మందుల అంగడిలో ఈ మాత్రలు దొరుకుతాయి. రోజూ ఒక మాత్రను నలిపి నీటిలో కలిపి పులిపిరిపై రాయండి. ఇందులోని ఆమ్ల (అసిడిక్) లక్షణాలు వార్ట్స్ ను తొలగిస్తాయి.

బిర్చ్ బెరడు

బిర్చ్ చెట్టుయొక్క బెరడులో సాలిసిలిక్ ఆమ్లంఉంటుంది. ఇది మీ చర్మంలోని పులిపిర్లను తొలగిస్తుంది. ముందుగా బెరడును నీటిలో నానపెట్టాలి. తేలికగా మరియు మృదువుగా అయిన తరువాత బెరడు యొక్క లోపలి పక్కను వార్ట్స్ పై రుద్దండి.

నల్ల గింజలు

పులిపిర్ల నివారణకు ఇవి బాగా సహాయపడతాయి. నల్ల గింజల నూనెతో తేనె కలిపి ఒక పేస్ట్ చేయాలి. దీన్ని పులిపిర్ల మీద రాయాలి, తర్వాత కట్టు కట్టి కొద్ది సేపు ఉంచాలి. ఇలా ప్రతి రోజూ చేయటం వల్ల మంచి ఫలితం ఉంటుంది.

అనాస పండు

తాజాగా ఉండే అనాస పండు ముక్కలను పులిపిరిపై రాయండి. రోజుకు రెండు మూడు సార్లు రాయటం వల్ల త్వరగా ఫలితం ఉంటుంది.

ఉల్లిపాయ

వెనిగర్లో ఉల్లిపాయ ముక్కలను వేసి రాత్రంతా నానబెట్టాలి. రోజూ ఉదయం ఈ ఉల్లిపాయ ముక్కలు పులిపిరిపై కొద్దిసేపు ఉంచండి.

కర్పూరం నూనె

కర్పూరం నూనె చాలా ప్రభావితమైనది. పులిపిర్లు ఉన్న ప్రదేశంలో కర్పూరం నూనెని రోజూ రాయండి.

Posted on

Telugu tips to treat inner thigh skin rashes – తొడల మధ్య దురద చర్మంలోని దద్దుర్లను గుణపరచటం ఎలా?

తొడల మధ్య దద్దుర్లను సాధారణంగా జోక్ దురదమరియు శాస్త్రీయంగా తామర వ్యాధి” (టినియా క్రురిస్) అని పిలుస్తారు. ఇది చాలా సాధారణ ఫంగస్ సంక్రమణ వ్యాధి.

ఇది చాలా చిరాకు పుట్టించే సంక్రమణం, సాధారణంగా పురుషులు మరియు స్త్రీలలో కూడా కనబడుతుంది, రోజంతా అసౌకర్యాన్ని కలిగిస్తుంది.

తొడల మధ్య దద్దుర్లు ఎందుకు? ఎలా వస్తాయి ?

మాములుగా తొడల మధ్య తేమ ఉండిపోవటం వలన ఈ దద్దుర్లు రావచ్చు. తేమకు కారణం బిగువుగా ఉన్న దుస్తులు వేసుకోవడం. ఇది ఫంగస్ని ఎక్కువ చేస్తుంది. నడిచేటప్పుడు తొడలు రుద్దుకోవటం వలన దురదగానూ, ఎర్రగా మరియు అరిగేలా చేస్తుంది.

స్నానం చేసిన తరువాత తీసుకోవాల్సిన జాగ్రత్తలు

స్నానం తరువాత శరీరంలోని ప్రతి అంగాన్ని శుభ్రమైన టవల్ తో తుడవండి. ఘర్షణ ఎక్కువగా ఉండే చోట్లను తేమ లేకుండా బాగా తుడవాలి ముఖ్యంగా చర్మంలో మడత భాగాలు, తొడలు, జఘనం మరియు జననేంద్రియ భాగాలు, చంకలలో, పిరుదులలో, బికినీలో. ఈ చోట్లలో గాలిని బాగా ప్రవేసింపచేసి తేమ లేకుండా చేయడం వలన ఈ సమస్య రాకుండా ఉంటుంది.

స్థూలకాయం

చక్కర వ్యాధి (డయాబెటిస్స్) మరియు బరువు ఎక్కువగా ఉండటంవలన వదులుగా ఉండే దుస్తులు వేసుకున్నప్పటికీ చర్మాన్ని పొడిగా ఉంచినప్పటికీ దదుర్లు రావచ్చు. వీరికి ఎక్కువగా చెమట రావటం వలన చర్మంలోని PH స్థాయిలలో అసమతుల్యత ఏర్పడుతుంది.

PH సమతుల్యత

ఈ సమస్యను తగ్గించడానికి పొడులు లేదా నూనెలను ఉపయోగించవద్దు, ఇవి సమస్యను ఎక్కువ చేయొచ్చు. వాటికి బదులు ఎక్కువసేపు స్నానం చేయండి మరియు ముఖ్యమైన చర్మ భాగాలను బాగా తుడవండి. మీ అంతర్గత దుస్తులు సౌకర్యముగా ఉండేట్లు వేసుకోండి, బిగువుగా ఉన్నవి వాడవద్దు. మీ అంతర్గత దుస్తులుకాని టవల్నికాని ఇతరులతో పంచుకోవద్దు.

తొడల మధ్య దద్దుర్లు తగ్గడానికి గృహ నివారణలు

  • బేకింగ్ సోడాని నీటిలో కలిపి తడిగా ఉన్న చర్మాన్ని కడగటం వలన PH స్థాయిని సమతుల్యం చేస్తుంది.
  • ఒక శుభ్రమైన గుడ్డలో మంచు గడ్డలను మూటగట్టి తొడల మధ్యభాగంలో కొంత సేపు రుద్దటం వలన ఉపశమనం పొందుతారు.
  • కలబందలో(ఆలి వేరా) శీతలీకరణ గుణం ఉన్నందున దాని గుజ్జును చర్మంపై 15 నిమిషాల పాటు మర్దన చేస్తే మీ అసౌకర్యాన్ని తగ్గించుతుంది.
  • వోట్మీల్ని నీటిలో కలిపి కొంచం సేపు ఊరబెట్టిన తరువాత చర్మంపై రాయండి.
  • వెంటనే ఉపశమనం పొందటానికి వేపాకులను వేడి నీటిలో కలిపి స్నానం చేయండి.
  • పసుపును పూయటం వలన లేదా బకెట్ నీలలో కలిపి స్నానం చేయటం వలన ఈ సమస్య తగ్గుతుంది.
  • వీటన్నింటి కన్నా ఉత్తమమైన పద్దతి ఏమిటంటే, కొబ్బరి నూనె, జిత చెట్టు (ఆలివ్) నూనె లేదా నువ్వుల నూనెని తొడల మధ్య రాసి ఒక రాత్రి అలాగే ఉంచండి. ఇది గొప్ప ఉపశమనాన్ని ఇస్తుంది.

ఈ వ్యాసంలోని విషయాలు మీకు అసౌకర్యమైన దద్దుర్ల నుంచి ఉపశమనం కలిగించిందని ఆశిస్తున్నాము.

Posted on

Itching skin remedies in Telugu – దురద చర్మాన్ని చికిత్స చేయడానికి గృహ నివారణలు

మీరు దురద సమస్యను ఎదుర్కుంటున్నారా? ఈ రోజుల్లో ఈ సమస్య చాలా సాధారణం అయిపోయింది. అనేకమంది దురద బాధితులు ఉన్నారు. పురుగులు కుట్టడం వలన, చర్మ సంక్రమణ వలన, సబ్బులు మరియు డిటర్జెంట్ వలన, పొడి వాతావరణం వంటి కారణాల వలన దురద రావచ్చు.

దురద అంటువ్యాధులు మరియు గాయాలకు దారితీస్తుంది మరియు మీ రోజువారీ కార్యకలాపాలకు అంతరాయం కలిగించగలవు. దురద నుండి ఉపశమనం కలిగించేందుకు అనేక గృహ నివారణలు ఉన్నాయి.

గృహ నివారణలు

చల్లని నీరు

చల్లని నీటితో స్నానం చేయడం వలన దురద తగ్గుతుంది. లేదా మీరు వెంటనే ఉపశమనం పొందడానికి మంచు ప్యాక్‌లను(ఐస్ ప్యాక్) ఉపయోగించవచ్చు.

బేకింగ్ సోడా

ఒక కప్పు బేకింగ్ సోడాను ఒక బకెట్ వెచ్చని నీటిలో కలిపి 30 నుండి 60 నిముషాలు  ఉంచండి. ఆ తరువాత ఈ నీటితో స్నానం చేయండి.

ఆపిల్ సైడర్ వెనిగర్

మూడు కప్పుల వెనిగర్‌ని బకెట్ నీళ్లలో కలిపి 20  నుండి ౩౦ నిమిషాల తరువాత ఈ నీటితో స్నానం చేయండి.

నిమ్మకాయ

ఉపశమనానికి మీరు దురదగా వున్న చోట్లలో నిమ్మరసాన్ని పూయండి.

విటమిన్స్

విటమిన్ ఏ,బి మరియు ఇ ఎక్కువగా ఉన్న ఆహార పదార్థాలను తీసుకోవాలి. పొడి పళ్ళు( డ్రై ఫ్రూట్స్)  రోజు తినడం వలన చర్మంలోని తేమ తగ్గకుండా ఉంటుంది.

యాంటీ ఇన్‌ఫ్లమేటరీ నూనెలు

వేడిని తగ్గించే (యాంటీ ఇన్‌ఫ్లమేటరీ) గుణాలు ఉన్న నూనెలను వాడాలి. వాటిని దురద ఉన్న ప్రాంతాలపై పూయవచ్చు, లేదా స్నానం చేసే నీటిలో కలుపుకోవచ్చు. క్రింద చెప్పిన నూనెలలో వేడిని తగ్గించే గుణాలు ఎక్కువగా ఉన్నాయి.

తులసి నూనె, బకరాకు నూనె (బే లీఫ్ ఆయిల్), బంతి పూల నూనె (కలేన్ద్యులా ఆయిల్), దొగ్గలికూర నూనె (చిక్వీడ్ ఆయిల్), చామంతి నూనె (చమోమిలే ఆయిల్), గెరనియం ఆయిల్, లవంగ నూనె, ఆగ్రిమొనీ ఆయిల్, వేప నూనె, జ్యువెల్వీడ్ ఆయిల్, దురదగొండి నూనె, రోజ్మేరీ ఆయిల్, థైమ్ ఆయిల్, మిరియాల నూనె (పెప్పర్మిట్ ఆయిల్) మరియు లావెండర్ ఆయిల్.

వోట్మీల్

వెచ్చని నీటిలో రెండు కప్పుల పొడిచేసి వోట్మీల్ని కలుపుకొని స్నానం చేయడం వలన మీ దురద చర్మానికి  చల్లదనాన్ని మరియు ఉపశమనాన్ని ఇస్తుంది.

కొబ్బరి నీళ్లు మరియు కొబ్బరి పాలు

కొబ్బరి పాలు నల్లని మచ్చలను మరియు చర్మంలోని పొడితనాన్ని తగ్గిస్తుంది. ముఖానికి లేదా దురద ఉన్న చోటులో కొబ్బరి పాలను పూసి ఒక రాత్రి దాన్ని అలాగే ఉంచాలి.

కొబ్బరి నూనె దురదని తగ్గించేందుకు  తోడ్పడుతుంది. మోచేతులకు, కాలి వెనుక భాగాలకు, చేతులకు లేదా దురదగా ఉన్న చోట్లలో పూసి ఒక రాత్రి అలాగే ఉంచాలి.

బేసిల్

బేసిల్లో యుజెనాల్ ఎక్కువగా ఉంటుంది. ఐదు గ్రాముల ఎండు బేసిల్ ఆకులను వేడి నీళ్లలో వేసి మూసిపెట్టాలి. ఆ నీళ్లు చల్లబడిన తరువాత ఒక గుడ్డని ఆ నీటిలో తడిపి దురదగా ఉన్న చోటులలో రాయాలి. ఇలా చేయడం వలన దురద తగ్గుతుంది.

ఆలీవెరా

ఒక ముక్క ఆలీవెరా తీసుకొని అందులోని జెల్‌ని దురదగా ఉన్న చోటులో రాయండి. ఆలీవెరాలో వేడిని తగ్గించే గుణాలు ఎక్కువగా ఉంటుంది. ఇది వాడటం  వలన చర్మం పొడిబారకుండా ఉంటుంది. ఆలీవెరా మీ చర్మాన్ని మలినాలనుంచి కాపాడుతుంది.

తేనె

తేనెలో యాంటీమైక్రోబియల్ మరియు యాంటిఆక్సిడెంట్ గుణాలు ఉన్నాయి. ఇది మీ చర్మాన్ని మృదువుగా ఉంచడానికి తోడ్పడుతుంది. వెచ్చని తేనెని దురదగా ఉన్న చోటులో రాసి 15 నుండి 20 నిముషాలు ఉంచండి.

గ్లిసరిన్

గ్లిసరిన్ చర్మానికి నీటి పదార్థాలను చేర్చుతుంది. దీనిని పన్నీరులో కలిపి దురదగా ఉన్న చర్మం పై రాయండి.

పుదీనా

పుదీనాలో కావల్సినంత మెంథాల్ ఉంటుంది. ఇది మంటని తగ్గించి మత్తును పెంచడంవలన దురద తగ్గుతుంది.

ఐదు గ్రాముల పుదీనాని వేడి నీటిలో వేసి మూసిపెట్టాలి. అది ఆరిన తరువాత ఒక శుభ్రమైన గుడ్డని ఈ నీటిలో తడిపి దురదగా ఉన్న చర్మంపై రాయాలి.

థైమ్

థైమ్ లో కావల్సినంత థైమోల్ ఉంటుంది. ఇది మంటని తగ్గించి మత్తును పెంచడంవలన దురద తగ్గుతుంది.

ఐదు గ్రాముల థైమ్ ఎండు ఆకులను వేడి నీటిలో వేసి మూసిపెట్టాలి. అది ఆరిన తరువాత ఒక శుభ్రమైన గుడ్డను ఈ నీటిలో తడిపి దురదగా ఉన్న చర్మంపై రాయాలి.

జీవన విధానం

మనం ఆరోగ్యంగా ఉండటానికి కొన్ని జాగ్రత్తలు తీసుకోవాలి. పరిమళంతో కూడిన సబ్బులను వాడకూడదు, ఎందుకంటే అందులో రసాయనాలు ఎక్కువగా ఉంటాయి అందువలన దురద రావచ్చు. ఎక్కువగా నీరు త్రాగటంవలన శరీరానికి కావల్సినంత తేమ పదార్థం లభిస్తుంది మరియు శరీరంలోని విషపదార్థాలను మూత్రం ద్వారా తొలగిస్తుంది. పాలిస్టర్ మరియు సింథటిక్ వస్త్రాలను ధరించకూడదు, ఇవి దురదను ఎక్కువ చేస్తుంది. కాఫీ మరియు మద్యం సేవించకూడదు, ఇందులోని కెఫిన్ చర్మంలో పొడితనాని పెంచుతుంది.