Posted on

How to make raagi roti recipe in Telugu – రాగి రొట్టె రెసిపీ

ప్రస్తుత జనరేషన్ వారి హెల్త్ మరియు ఫిసికల్ అపియరెన్స్ పై ఎన్నో జాగ్రత్తలు తీసుకుంటున్నారు. అందంతో పాటు వారి ఆరోగ్యానికి కూడా మంచిదనిపించే పదార్థాలను మాత్రమే తింటున్నారు. మన తాతల నాటి కాలంలో ఎంతో ప్రసిద్ధంగా ఉన్న రాగి మిల్లెట్ మళ్ళీ ఈ కాలపు యువకుల ద్వారా మన మధ్యలో ప్రసిద్ధి చెందింది.

రాగి వలన మన ఆరోగ్యానికి ఎన్నో లాభాలు ఉన్నాయి. ఎముకలను బలపరుస్తుంది, బరువుని తగ్గిస్తుంది, చర్మపు తేజస్సుని పెంచుతుంది ఇంకా మరెన్నో. మరి ఇంత ఆరోగ్యకరమైన రాగి తో చేసే రాగి రొట్టె యొక్క తయారీ విధానాన్ని చూద్దామా!

కావలసిన పదార్థాలు

  • గోధుమ పిండి – 250 గ్రాములు
  • రాగి పిండి – 100 గ్రాములు
  • ఉప్పు
  • నూనె – 2 టేబుల్ స్పూన్

తయారీ విధానం

  • ఒక బౌల్ లో 250 గ్రాముల గోధుమ పిండి, 100 గ్రాముల రాగి పిండి, కొద్దిగా ఉప్పు, 2 టీ స్పూన్ల నూనె వేసుకొని కొద్దికొద్దిగా నీటిని పోసుకుంటూ చపాతీ పిండిలా బాగా కలుపుకోవాలి.
  • ఆ పిండిపై ఒక శుభ్రమైన క్లాత్ ని వేసి 30 నిమిషాల పాటు ఊరనివ్వాలి.
  • ఇప్పుడు ఆ పిండిని చిన్న చిన్న బాల్స్ లా చేసుకొని గోధుమ పిండిని అద్దుకుంటూ చపాతీలా తిక్కుకోవాలి.
  • స్టవ్ పై ప్యాన్ ని ఉంచి నూనె రాసి, ప్యాన్ వేడెక్కిన తరువాత రొట్టెలను వేసి రెండు వైపులా బాగా కుక్ అయ్యే వరకు వేడి చేసుకుంటే ఎంతో రుచికరమైన ఆరోగ్యమైన ‘రాగి రొట్టెలు’ తయారు!
Posted on

Paneer handi recipe in Telugu – పన్నీర్ హండి రెసిపీ

ఎన్ని రకాలుగా వండుకున్నా ఏ ఒక్కరూ విసుగుచెందని ఒక మెయిన్ ఇంగ్రీడియంట్ పన్నీర్. ఎంతో రుచి, ఎంతో ఆరోగ్యం! మరి డిన్నర్ కి చపాతీ, ఫుల్కా, నాన్ లేదా రోటీలకు సైడ్ డిష్  అయిన పన్నీర్ యొక్క మరొక హెల్తీ అండ్ టేస్టీ రెసిపీ – ‘పన్నీర్ హండి’ ని ఎలా తయారు చేసుకోవాలో చూద్దాం.

కావలసిన పదార్థాలు

  • పెరుగు – 1 కప్పు
  • ధనియాల పొడి – 2 టీ స్పూన్లు
  • పసుపు పొడి – 1 టీ స్పూన్
  • నూనె – 1 కప్పు
  • పన్నీర్ క్యూబ్స్ – 1 కప్పు
  • తరిగిన ఉల్లిపాయలు – 2
  • తరిగిన టమోటాలు -3
  • అల్లం వెల్లుల్లి పేస్ట్ – 2 టీ స్పూన్లు
  • ఫ్రెష్ క్రీమ్ – 4 టీ స్పూన్లు
  • కొత్తిమీర

తయారీ విధానం

  • 1 కప్పు పెరుగులో 2 టీ స్పూన్ల ధనియాల పొడి, 1 టీ స్పూన్ పసుపు పొడి వేసుకొని బాగా కలుపుకొని పక్కకు పెట్టుకోవాలి.
  • స్టవ్ పై ప్యాన్ ని ఉంచి 1 కప్పు నూనె పోసి, 1 కప్పు పన్నీర్ క్యూబ్స్ ని గోల్డెన్ బ్రౌన్ రంగు వచ్చే వరకు వేయించుకోవాలి.
  • ఆ తరువాత పన్నీర్ ను పక్కకు తీసి పెట్టుకొని అదే నూనెలో తరిగిన 2 ఉల్లిపాయలను వేసి డీప్ ఫ్రై చేసి పక్కకు తీసి పెట్టుకోవాలి.
  • అదే నూనెలో తరిగిన 3 టమోటాలను వేసి ఫ్రై చేసుకోవాలి, అందులో 2 టీ స్పూన్ అల్లం వెల్లుల్లి పేస్ట్ ని వేసి 4 నిమిషాలు వేయించుకోవాలి.
  • టమోటా మరియు అల్లం వెల్లుల్లి పేస్ట్ బాగా ఫ్రై అయిన తరువాత ముందుగా తయారు చేసి ఉంచుకున్న పెరుగు మిశ్రమాన్ని అందులో వేసి మూత పెట్టి 5 నిమిషాలు కుక్ చేయాలి.
  • ఆ తరువాత అందులో ఫ్రై చేసి ఉంచుకున్న ఉల్లిపాయలను వేసి మరో 2 నిమిషాలు వేయించుకోవాలి.
  • ఇప్పుడు అందులో 4 టీ స్పూన్ల ఫ్రెష్ క్రీమ్ వేసి 2 నిమిషాలు ఫ్రై చేయాలి.
  • ముందే ఫ్రై చేసి ఉంచుకున్న పన్నీర్ ని కూడా అందులో వేసి 2 నిమిషాలు కుక్ చేసి కొత్తిమీరతో గార్నిష్ చేసుకుంటే ఎంతో రుచికరమైన ‘పన్నీర్ హండి’ తయారు!
Posted on

Paneer bhurji recipe in Telugu – పన్నీర్ బుర్జీ డ్రై సబ్జీ రెసిపీ

ఎంతో న్యూట్రిషన్స్ తో కూడిన ఒక ఆహార పదార్థం పన్నీర్. దీనిని కాటేజ్ చీస్ అని కూడా అంటారు. పన్నీర్ తో అనేక రకాల వంటకాలను చేసుకోవచ్చు. పులావ్, బిరియాని, లిక్విడ్ మరియు డ్రై సబ్జీలు ఇంకా ఎన్నో. పిల్లలు ఎంతో ఇష్టపడే పన్నీర్ తో డ్రై ‘పన్నీర్ బుర్జీ’ ని చేయడానికి కావలసిన పదార్థాలు మరియు చేసే విధానాన్ని ఈ ఆర్టికల్ ద్వారా తెలుసుకుందాం.

కావలసిన పదార్థాలు

  • నూనె
  • జీలకర్ర  – 1 టేబుల్ స్పూన్
  • తరిగిన ఉల్లిపాయలు – 2
  • పచ్చ బఠానీలు – 1/2 కప్పు
  • తరిగిన టమోటాలు – 2
  • రెడ్ చిల్లీ పౌడర్ – 1 టేబుల్ స్పూన్
  • ఉప్పు –  2 టేబుల్ స్పూన్
  • తురిమిన పన్నీర్ – 300 గ్రాములు
  • కొత్తిమీర

తయారీ విధానం

  • స్టవ్ పై ఒక ప్యాన్ ని ఉంచి 2 టీ స్పూన్ నూనె వేసుకొని నూనె వేడెక్కిన తరువాత కొన్ని జీలకర్ర, 2 తరిగిన ఉల్లిపాయలు వేసి దోరగా వేయించుకోవాలి.
  • ఆ తరువాత 1/2 బౌల్ పచ్చ బఠానీలు వేసి ఒక నిమిషం ఫ్రై చేసి ఆ తరువాత మూత పెట్టి 2 నిమిషాలు కుక్ చేయాలి.
  • ఆ తరువాత అందులో 2 తరిగిన టమోటాలు వేసి 2 నిమిషాలు వేయించుకోవాలి.
  • ఇప్పుడు అందులో 2 తరిగిన పచ్చి మిర్చులు వేసి కలుపుకొని మూత పెట్టి 5 నిమిషాల పాటు కుక్ చేయాలి.
  • ఆ తరువాత అందులో 1/2 టీ స్పూన్ల రెడ్ చిల్లీ పౌడర్, 2 టీ స్పూన్ల ఉప్పు వేసి బాగా కలుపుకొని 2 నిమిషాలు మూత వేసి ఉడికించాలి.
  • ఆ తరువాత పై మిశ్రమంలో తురిమి ఉంచుకున్న 300 గ్రాముల పన్నీర్ ను వేసుకొని బాగా కలిపి మూత పెట్టి 2 నిమిషాలు ఉడికించి స్టవ్ ఆఫ్ చేసుకోవాలి.
  • బుర్జీ ని కొత్తిమీరతో గార్నిష్ చేసుకుంటే ఎంతో రుచికరమైన డ్రై సబ్జీ ‘పన్నీర్ బుర్జీ’ రెడీ!
Posted on

Potato patties or balls / Aloo kofta curry recipe in Telugu – ఆలూ కోఫ్తా రెసిపీ

వీక్ ఎండ్ లో స్పెషల్ రెసిపీ ని చేసి మీ ఇంట్లో వాళ్ళందరినీ ఆశ్చర్యపరచాలనుకుంటున్నారా? మరైతే ఈ ‘ఆలూ కోఫ్తా’ సబ్జీ ని ట్రై చేయండి. దీనిని చపాతీ, రోటి, ఫుల్కా లేదా నాన్ కి సైడ్ డిష్ గా నంచుకు తింటే ఎంతో రుచిగా ఉంటుంది. పిల్లలు కూడా ఎంతో ఇష్టంగా తింటారు. మరి ఈ స్పెషల్ వంట యొక్క తయారీ విధానాన్ని చూద్దాం.

కావలసిన పదార్థాలు

  • తరిగిన ఉల్లిపాయలు – 2
  • జీడిపప్పులు – 10
  • వెల్లుల్లి – 4
  • తరిగిన అల్లం
  • నూనె
  • రెడ్ చిల్లీ పౌడర్ – 1 టీ స్పూన్
  • ధనియాల పొడి – 1 టీ స్పూన్
  • కసూరి మేతి – 1 టీ స్పూన్
  • టమోటా ప్యూరీ – 1 కప్పు
  • ఉప్పు
  • పాలు – 1/2 కప్పు
  • ఫ్రెష్ క్రీం – 1/2 కప్పు
  • తేనె – 1 టీ స్పూన్
  • పంచదార – 1 టీ స్పూన్
  • బంగాళదుంపలు – 3
  • తరిగిన పచ్చి మిర్చులు – 2
  • చీస్ – 2 టీ స్పూన్
  • కార్న్ ఫ్లార్ – 2 టీ స్పూన్

తయారీ విధానం

  • ఒక మిక్సీ జార్ లో 2 తరిగిన ఉల్లిపాయలు, 10 జీడిపప్పులు, 4 వెల్లుల్లిలు, తరిగిన అల్లం వేసుకొని తిక్ పేస్ట్ లా రుబ్బుకోవాలి.
  • ఆ తరువాత స్టవ్ పై ప్యాన్ ని ఉంచి 4 టీ స్పూన్ నూనెను పోసి రుబ్బుకున్న పేస్ట్ ని, 1 టీ స్పూన్ రెడ్ చిల్లీ పౌడర్, 1 టీ స్పూన్ ధనియాల పొడి, 1 టీ స్పూన్ కసూరి మేతి, 1 కప్పు టమోటా ప్యూరీ, 1 టీ స్పూన్ ఉప్పు వేసి బాగా కలుపుతూ 5 నిమిషాల పాటు కుక్ చేయాలి.
  • ఆ తరువాత మూత పెట్టి 3 నిమిషాలు ఉడికించాలి.
  • ఇప్పుడు అందులో 1/2 కప్పు పాలు, 1/2 కప్పు ఫ్రెష్ క్రీం, 1 టీ స్పూన్ తేనె వేసి 10 నిమిషాలు కలుపుతూ ఉడికించుకోవాలి.
  • మరో సారి మూత పెట్టి 5 నిమిషాలు ఉడికించాలి.
  • మిశ్రమం బాగా ఉడికిన తరువాత అందులో 1 టీ స్పూన్ పంచదార వేసి బాగా కలిపి బౌల్ లోకి తీసుకొని పక్కకు పెట్టుకోవాలి.
  • ఇప్పుడు 3 బంగాళదుంపలను కుక్కర్ లో వేసి ఉడికించుకొని తోలు తీసి మ్యాష్ చేసుకోవాలి.
  • బాగా మ్యాష్ చేసుకున్న బంగాళదుంపలో చిన్నగా తరిగిన పచ్చి మిర్చీలు 2, 2 టీ స్పూన్ చీస్, 2 టీ స్పూన్ జొన్న పిండి, 1 టీ స్పూన్ ఉప్పు వేసుకొని బాగా కలుపుకోవాలి.
  • ఆ తరువాత ఈ మిశ్రమాన్ని కట్లెట్ లాగా రౌండ్ షేప్స్ లో చేసుకొని ఒక ప్లేట్ లో ఉంచుకోవాలి.
  • స్టవ్ పై ఒక ప్యాన్ ని ఉంచి 4 టీ స్పూన్ నూనె పోసుకొని, నూనె వేడెక్కిన తరువాత కట్లెట్ లా చేసుకున్న బంగాళదుంప మిశ్రమాన్ని రెండు వైపులా ఫ్రై చేసుకోవాలి.
  • గోల్డెన్ బ్రౌన్ కలర్ వచ్చే వరకు ఫ్రై చేసుకొని మనం ఇంతకు ముందే తయారు చేసి పక్కకు పెట్టుకున్న ఉల్లిపాయ జీడిపప్పుల మిశ్రమంలో వేసుకుంటే ఎంతో రుచికరమైన ‘ఆలూ కోఫ్తా’ తయారు!
Posted on

Aloo ka bartha / Aloo ka bharta recipe in Telugu – ఆలూ కా భర్తా రెసిపీ

చపాతీ లేదా పూరికి ఎన్నో రకాల సైడ్ డిషెస్ ని తయారు చేసుకోవచ్చు. అందులోను బంగాళదుంపలతో చేసే సైడ్ డిషెస్ నార్త్ ఇండియా లో ఎంతో ప్రసిద్ధం.

బంగాళదుంపలు వర్షం పొడుగునా అందుబాటులో ఉంటాయి కనుక వాటితో ఎన్నో రకాల వంటలను ఏ సీజన్‌లోనైనా తయారు చేసుకోవచ్చు. మరి వాటితో ఎంతో సులువైన, రుచికరమైన ‘ఆలూ కా భర్తా’ సైడ్ డిష్ ని ఎలా తయారు చేసుకోవాలో చూద్దాం.

కావలసిన పదార్థాలు

  • బంగాళదుంపలు – 3
  • నూనె – 2 టేబుల్ స్పూన్
  • ఆవాలు – 1/2 టేబుల్ స్పూన్
  • జీలకర్ర – 1/2 టేబుల్ స్పూన్
  • ఉప్పు – 1/2 టేబుల్ స్పూన్
  • తరిగిన ఉల్లిపాయలు – 1 కప్పు
  • ఎండు మిరపకాయలు – 1
  • తరిగిన వెల్లుల్లి ముక్కలు – 1 టేబుల్ స్పూన్
  • రెడ్ చిల్లీ పౌడర్ – 1 టేబుల్ స్పూన్
  • కొత్తిమీర – 1/2 కప్పు

తయారీ విధానం

  • ముందుగా మూడు బంగాళదుంపలను ప్రెషర్ కుక్కర్లో ఉడికించుకొని తోలు తీసి బాగా మ్యాష్ చేసుకోవాలి.
  • స్టవ్ పై ఒక ప్యాన్ ని ఉంచి 2 టీ స్పూన్ల నూనె, 1/2 టీ స్పూన్ ఆవాలు, 1/2 టీ స్పూన్ జీలకర్ర, 1/2 టీ స్పూన్ ఉప్పు వేసి బాగా కలుపుకోవాలి.
  • ఇప్పుడు అందులో 1 కప్పు తరిగిన ఉల్లిపాయలను వేసి 2 నిమిషాలు దోరగా వేయించుకోవాలి.
  • ఆ తరువాత అందులో 1 ఎండు మిరపకాయ, 1/2 టీ స్పూన్ తరిగిన వెల్లుల్లి ముక్కలు, 1 టీ స్పూన్ రెడ్ చిల్లీ పౌడర్ వేసి కలుపుకోవాలి.
  • తరిగిన కొత్తిమీర కూడ వేసి కలుపుకోవాలి.
  • అన్ని పదార్థాలనూ దోరగా వేయించిన తరువాత మ్యాష్ చేసి ఉంచుకున్న బంగాళదుంపలను వేసి బాగా కలుపుతూ 5 నిమిషాల పాటు వేయించుకుంటే ఎంతో రుచికరమైన ఆలూ కా భర్తా రెడీ!
Posted on

Vegetable fried rice recipe in Telugu – వెజ్ ఫ్రైడ్ రైస్ రెసిపీ

డిన్నర్‌కి హోటల్‌కి వెళ్ళినప్పుడు ఎక్కువ శాతం ఆర్డర్ చేసే డిష్ ‘ఫ్రైడ్ రైస్’. అది ఎంతో కష్టమైన డిష్ మరియు ఇంట్లో చేసుకోడం కుదరదని చాలా మంది అభిప్రాయం. కానీ నిజానికి ఎంతో ఈజీగా చేసుకోవచ్చు. ఇంట్లో డిన్నర్ పార్టీ సమయంలో ఎంతమందికైనా తొందరగా చేయగల డిషస్ లో ఇది కూడా ఒకటి. మరి ‘వెజ్ ఫ్రైడ్ రైస్’ని సులభంగా ఎలా చేయాలో చూద్దాం.

కావలసిన పదార్థాలు

  • నెయ్యి – 3 స్పూన్
  • వెల్లుల్లి ముక్కలు – 6
  • తరిగిన ఉల్లిపాయలు – 1
  • పచ్చి బఠానీలు – 1/2 కప్పు
  • తరిగిన ఎల్లో కాప్సికం – 1/2 కప్పు
  • తరిగిన బీన్స్ – 1/2 కప్పు
  • తరిగిన రెడ్ కాప్సికం – 1/2 కప్పు
  • తరిగిన గ్రీన్ కాప్సికం – 1/2 కప్పు
  • తరిగిన క్యారట్  – 1/2 కప్పు
  • ఉప్పు
  • అన్నం
  • బ్లాక్ పెప్పర్ పౌడర్ – 1 స్పూన్
  • సొయా సాస్ – 1 స్పూన్

తయారీ విధానం

  • ముందుగా ఒక ప్యాన్ లో 3 స్పూన్ల నెయ్యి వేసికొని, నెయ్యి బాగా కరిగిన తరువాత 6 వెల్లుల్లి ముక్కలను, 1 తరిగిన ఉల్లిపాయలు, 1/2 కప్పు పచ్చి బఠానీలు, 1/2 కప్పు తరిగిన ఎల్లో కాప్సికం, 1/2 కప్పు తరిగిన బీన్స్, 1/2 కప్పు తరిగిన రెడ్ కాప్సికం, 1/2 కప్పు తరిగిన గ్రీన్ కాప్సికం, 1/2 కప్పు తరిగిన క్యారట్ వేసుకొని 2 నిమిషాలు దోరగా వేయించుకోవాలి.
  • ఆ తరువాత అందులో 1 స్పూన్ ఉప్పు వేసి బాగా కలుపుతూ 2 నిముషాలు ఫ్రై చేయాలి.
  • మూత వేసి 1 నిమిషం పాటు ఉడికించాలి.
  • ఆ తరువాత ఉడికించిన బియ్యం అనగా అన్నం వేసుకొని బాగా కలుపుకోవాలి.
  • ఇప్పుడు 1 స్పూన్ బ్లాక్ పెప్పర్ పౌడర్, 1 స్పూన్ సొయా సాస్ వేసి బాగా కలుపుకోవాలి.
  • అవసరమైతే కావల్సినంత ఉప్పుని కూడా చేర్చుకొని బాగా కలుపుకోవాలి.
  • ఆ తరువాత మూత పెట్టి 2 నిమిషాలు కుక్ చేస్తే ఎంతో రుచికరమైన ‘వెజ్ ఫ్రైడ్ రైస్’ తయారు!
Posted on

Aloo egg curry recipe in Telugu – ఆలూ ఎగ్ కరీ రెసిపీ

ప్రతి ఒక్కరికి సులువుగా లభించే బంగాళదుంపలు మరియు గుడ్లను ఉపయోగించి ఎన్నో రకాల వంటలను చేసుకోవచ్చు. వీటితో తయారు చేసే గ్రేవీ రుచితోపాటు పూర్తి న్యూట్రిషన్ ని కూడా అందిస్తుంది. చపాతీ, పూరి, రోటి లేదా పరోటాకు సైడ్ డిష్ కొరకు ఎంతో రుచికరమైన ‘ఆలూ ఎగ్ కరీని’ ఎలా చేయాలో చూద్దాం.

కావలసిన పదార్థాలు

  • నూనె
  • గుడ్లు – 3
  • ఉప్పు
  • జీరా – 1 టీ స్పూన్
  • తరిగిన ఉల్లిపాయలు – 1 కప్పు
  • గరం మసాలా – 1 టీ స్పూన్
  • పసుపు పొడి – 2 చిటికెలు
  • రెడ్ చిల్లీ పౌడర్ – 1 టీ స్పూన్
  • ధనియాల పొడి – 1 టీ స్పూన్
  • తరిగిన టమోటాలు – 1 కప్పు
  • బంగాళదుంపలు
  • అల్లం మరియు వెల్లుల్లి
  • మిరపకాయ – 1
  • కొత్తిమీర

తయారీ విధానం

  • ముందుగా 3 గుడ్లను బాగా ఉడికించి పక్కన పెట్టుకోవాలి.
  • స్టవ్ పై ఫ్యాన్ ని ఉంచి 4 టీ స్పూన్ల నూనె, 1 కప్పు తరిగిన ఉల్లిపాయలు వేసి దోరగా వేయించాలి.
  • ఆ తరువాత అందులో కొద్దిగా తరిగిన అల్లం మరియు వెల్లుల్లి, 1 టీ స్పూన్ ఉప్పు వేసి బాగా కలుపుకొని 2 నిమిషాలపాటు దోరగా వేయించుకోవాలి.
  • అందులో 2 చిటికెల పసుపు పొడి, 1 టీ స్పూన్ రెడ్ చిల్లీ పౌడర్ వేసి కలుపుకోవాలి.
  • తరువాత 1 కప్పు తరిగిన టమోటాలు వేసి 2 నిమిషాలు వేయించుకోవాలి.
  • టమోటాలు బాగా కుక్ అయ్యాక అందులో 100 మిల్లీ లీటర్ల నీళ్లు పోసి బాగా ఉడికించాలి.
  • ఇప్పుడు అందులో 1 టీ స్పూన్ ధనియాల పొడి, 1 టీ స్పూన్ జీరా వేసి బాగా కలుపుకోవాలి.
  • పై మిశ్రమం బాగా ఉడుకుతున్న సమయంలో కట్ చేసి ఉంచుకున్న బంగాళదుంపలను వేసి బాగా కలుపుతూ 1 నిమిషం పాటు వేయించుకోవాలి.
  • మరోసారి 100 మిల్లీ లీటర్ల నీటిని పోసి మూత పెట్టి 10 నిమిషాలు ఉరికించాలి.
  • ఆ తరువాత అందులో 1 తరిగిన మిరపకాయలు, కొత్తిమీర, 1 టీ స్పూన్ గరం మసాలా వేసుకొని బాగా కలిపి 2 నిమిషాలు వేయించుకోవాలి.
  • ఇప్పుడు అందులో ఉడికించి పెట్టుకున్న గుడ్లను వేడుకొని బాగా కలుపుతూ 1 నిమిషం పాటు వేయించుకోవాలి.
  • మరోసారి తగినన్ని నీళ్లు (50 మిల్లి లీటర్లు) పోసి 2 నిమిషాలు వేయించి, మూత పెట్టి 5 నిమిషాలు ఉడికిస్తే ఎంతో రుచికరమైన ‘ఆలూ ఎగ్ కరీ’ రెడీ!
Posted on

Egg masala bread bites in Telugu – ఎగ్ మసాలా బ్రెడ్ బైట్స్ రెసిపీ

ఈవినింగ్ స్నాక్స్ లేదా డిన్నర్‌కి ఏదైనా డిఫెరెంట్ అండ్ ట్రేస్టీ రెసిపీని ట్రై చేయాలని అనుకుంటున్నారా! అయితే ఈ ‘ఎగ్ మసాలా బ్రెడ్ బైట్స్’ ని ట్రై చేయండి. ఎంతో రుచి, ఎంతో ఆరోగ్యం. గుడ్ల యొక్క పూర్తి న్యూట్రిషన్స్ తో పాటు బ్రెడ్ టేస్ట్‌ని కూడా అందించే ఈ డిష్ మీ కుటుంబంలో ప్రతి ఒక్కరికి తప్పకుండా ఫేవరెట్ డిష్ గా మారుతుంది.

కావలసిన పదార్థాలు

  • నూనె – 2 టేబుల్ స్పూన్లు
  • అల్లం వెల్లుల్లి పేస్ట్ – 1 టేబుల్ స్పూన్
  • తరిగిన ఉల్లిపాయలు – 1 కప్పు
  • తరిగిన రెడ్ కాప్సికం – 1 కప్పు
  • తరిగిన ఎల్లో కాప్సికం – 1 కప్పు
  • తరిగిన టమోటాలు – 1 కప్పు
  • బ్రెడ్
  • ఉప్పు – 1 టేబుల్ స్పూన్
  • ధనియాల పొడి – 1 టేబుల్ స్పూన్
  • రెడ్ చిల్లీ పౌడర్ – 1 టేబుల్ స్పూన్
  • పసుపు పొడి – 1 టీ స్పూన్
  • గరం మసాలా -1 టేబుల్ స్పూన్
  • గుడ్లు – 4
  • బ్లాక్ పెప్పర్ పౌడర్ – 1 టేబుల్ స్పూన్

తయారీ విధానం

  • ముందుగా స్టవ్ పై ఒక ఫ్యాన్ ని ఉంచి 2 స్పూన్ల నూనె, 1 స్పూన్ అల్లం వెల్లుల్లి పేస్ట్,  1 కప్పు తరిగిన ఉల్లిపాయలు వేసి దోరగా వేయించుకోవాలి.
  • ఇప్పుడు అందులో 1 కప్పు తరిగిన రెడ్ కాప్సికం, 1 కాపు తరిగిన ఎల్లో కాప్సికం వేసి బాగా కలుపుతూ ఫ్రై చేయాలి.
  • ఆ తరువాత 1 స్పూన్ ఉప్పు, 1 కప్పు తరిగిన టమోటాలు వేసి బాగా కలుపుకోవాలి.
  • ఇప్పుడు 1 ధనియాల పొడి, 1 స్పూన్ రెడ్ చిల్లీ పౌడర్, 1/2 స్పూన్ గరం మసాలా, 1/2 స్పూన్ పసుపు పొడి వేసి బాగా కలుపుకోవాలి.
  • పై మిశ్రమం బాగా కుక్ అయిన తరువాత ప్యాన్ లో ఒక వైపుగా ఉంచి పక్కనే 4 గుడ్లను కొట్టి 1 స్పూన్ బ్లాక్ పెప్పర్ పౌడర్ ని చల్లుకోవాలి.
  • గుడ్లలో పెప్పర్ పౌడర్ బాగా కలుపుకున్న తరువాత అన్ని పదార్థాలనూ ఒకటిగా చేసి బాగా కలుపుకోవాలి.
  • చివరిగా అందులో తరిగిన బ్రెడ్ ముక్కలను వేసి కలుపుకుంటే ఎంతో రుచికరమైన ‘ఎగ్ మసాలా బ్రెడ్ బైట్స్’ రెడీ!
Posted on

Gravy arbi sabji in Telugu – గ్రేవీ ఆర్బీ సబ్జి / గ్రేవీ చేమగడ్డ సబ్జి రెసిపీ

విటమిన్ ఎ అధికంగా ఉండే చేమగడ్డలు మీ కండరాలను ఎంతో ఆరోగ్యంగా ఉంచుకునేందుకు తోడ్పడుతుంది. చేమగడ్డలతో తయారు చేసే ‘గ్రేవీ ఆర్బీ సబ్జి’ ఒక ఫేమస్ కాశ్మీరీ రెసిపీ. అధిక కారంతో పాటు పెరుగును కూడా జోడించి దీనికంటు ఒక ప్రత్యేక రుచితో ప్రతి ఒక్కరినీ ఇంప్రెస్స్ చేస్తుంది. పూర్తి న్యూట్రిషన్స్ తో కూడిన రుచికరమైన ఈ గ్రేవీ ని ఎలా చేయాలో చూద్దాం.

కావలసిన పదార్థాలు

  • చేమగడ్డలు
  • నూనె – 2 టీ స్పూన్
  • ఆవాలు
  • అల్లం వెలుల్లి పేస్ట్
  • పచ్చి మిర్చులు – 1
  • రెడ్ చిల్లీ పౌడర్ – 2 టీ స్పూన్లు
  • ఉల్లిపాయల పేస్ట్ – 1 కప్పు
  • టొమాటోలు – 2
  • జీరా పొడి – 1 టీ స్పూన్
  • ధనియాల పొడి – 1 టీ స్పూన్
  • గరం మసాలా – 1 టీ స్పూన్
  • పసుపు పొడి – 1 చిటికె
  • ఉప్పు – 1 టీ స్పూన్
  • మాంగో పౌడర్ – 2 టీ స్పూన్లు
  • పెరుగు – 1 కప్పు
  • కసూరి మేతి

తయారీ విధానం

  • ముందుగా చేమగడ్డలను బాగా ఉడికించి తోలు తీసి చిన్న చిన్న ముక్కలుగా కట్ చేసుకొని గోల్డెన్ బ్రౌన్ రంగు వచ్చే వరకు నూనె రాయకుండా ఫ్యాన్ లో ఫ్రై చేసుకొని పక్కకు పెట్టుకోవాలి.
  • ఇప్పుడు స్టవ్ పై ఒక ప్యాన్ ని ఉంచి 2 టీ స్పూన్ల నూనె, ఆవాలు, అల్లం వెలుల్లి పేస్ట్, 1 తరిగిన పచ్చి మిర్చులు వేసి 2 నిమిషాల పాటు దోరగా వేయించుకోవాలి.
  • ఆ తరువాత 1 టీ స్పూన్ రెడ్ చిల్లీ పౌడర్ వేసి 2 నిమిషాలు వేయించుకోవాలి.
  • ఇప్పుడు అందులో 1 కప్పు ఉల్లిపాయల పేస్ట్ వేసి 10 నిమిషాలు వేయించుకోవాలి.
  • ఆ తరువాత అందులో 2 తరిగిన టొమాటోలు వేసి 2 నిమిషాలు వేయించాలి.
  • టమోటాలు బాగా కుక్ అయిన తరువాత అందులో 1 టీ స్పూన్ ఉప్పు, 1 టీ స్పూన్ రెడ్ చిల్లీ పౌడర్, 1 చిటికె పసుపు పొడి, 1 టీ స్పూన్ మాంగో పౌడర్, 1 టీ స్పూన్ ధనియాల పొడి, 1 టీ స్పూన్ జీరా పొడి వేసి 2 నిమిషాలు దోరగా వేయించుకోవాలి.
  • ఇప్పుడు అందులో కొద్దిగా నీళ్లు పోసి 2 నిమిషాలు వేయించాలి.
  • ఆ తరువాత 1 కప్పు పెరుగు వేసి 3 నిమిషాలు కుక్ చేయాలి.
  • ఈ మిశ్రమం బాగా ఉడికాక ఇంకొన్ని నీళ్లు పోసి ఉడికించి కసూరి మేతి ని చల్లి, 1 నిమిషం పాటు ఉడికించి, ఫ్రై చేసి ఉంచుకున్న చేమగడ్డలను కూడా అందులో వేసి బాగా కలుపుకోవాలి.
  • 2 నిమిషాల తరువాత 1 టీ స్పూన్ గరం మసాలా వేసి బాగా కలిపి 1 నిమిషం తరువాత కొత్తిమీరతో గార్నిష్ చేసుకుంటే ఎంతో రుచికరమైన ‘గ్రేవీ చేమగడ్డ సబ్జి’ తయారు!
Posted on

Aloo baingan / Eggplant curry recipe in Telugu – ఆలూ బైంగన్ రెసిపీ

ప్రత్యేకమైన రుచిని అందించే మిక్సెడ్ కూరగాయల రెసిపీలు ఎన్నో ఉన్నాయి. వాటిలో ఒకటే ఈ ఆలూ బైగన్. ఏ సీజన్‌లోనైనా మనకు అందుబాటుల ఉండే కూరగాయలలో బంగాళదుంపలు ఒకటి. కనుకనే బంగాళదుంప వంటకాలు భారతదేశంలో చాలా ఎక్కువగా చేస్తుంటాము.

అటువంటి బంగాళదుంపను వంకాయతో కలిపి వండితే ఎంతో ప్రత్యేకమైన రుచిని అందిస్తుంది. మరి ఈ రెండు మెయిన్ ఇంగ్రిడియెంట్స్ తో తయారు చేసే ‘ఆలూ బైగన్’ రెసిపీని చూద్దాం.

కావలసిన పదార్థాలు

  • నూనె – 4 టీ స్పూన్లు
  • జీరా – 1 టీ స్పూన్
  • పసుపు పొడి – 2 టీ చిటికెలు
  • ధనియాల పొడి – 1 టీ స్పూన్
  • పచ్చి మిర్చులు – 2
  • అల్లం – 1 టీ స్పూన్
  • బంగాళదుంపలు – 2
  • వంకాయలు – 2
  • ఉప్పు – 1 టీ స్పూన్
  • రెడ్ చిల్లీ పౌడర్ – 2 టీ స్పూన్లు
  • మాంగో పౌడర్ – 2 టీ స్పూన్లు
  • నీళ్లు – 250 మిల్లీ లీటర్ల
  • గరం మసాలా పొడి – 1 టీ స్పూన్
  • కొత్తిమీర

తయారీ విధానం

  • ముందుగా స్టవ్ పై ఒక ప్యాన్ ని ఉంచి అందులో 4 టీ స్పూన్ల నూనె పోసుకొని నూనె వేడిక్కిన తరువాత 1 టీ స్పూన్ జీరా, 2 చిటికెల పసుపు పొడి, 1 టీ స్పూన్ ధనియాల పొడి, చిన్నగా తరిగిన 2 పచ్చి మిర్చులు, 1 టీ స్పూన్ తరిగిన అల్లం వేసి దోరగా వేయించుకోవాలి.
  • తరువాత అందులో తరిగిన బంగాళదుంపలు 2 వేసి 2 నిమిషాల పాటు వేయించుకోవాలి.
  • ఇప్పుడు అందులో పెద్దగా తరిగిన 2 వంకాయలను వేసి కలుపుకోవాలి.
  • ఆ తరువాత 1 టీ స్పూన్ ఉప్పు, 2 టీ స్పూన్ల రెడ్ చిల్లీ పౌడర్ వేసి 5 నిమిషాల పాటు వేయించాలి.
  • ఇప్పుడు అందులో 2 టీ స్పూన్ మాంగో పౌడర్, 250 మిల్లీ లీటర్ల నీళ్లు, 1 టీ స్పూన్ గరం మసాలా పొడి వేసి బాగా కలుపుతూ వేయించాలి.
  • బంగాళదుంపలు మరియు వంకాయ ముక్కలు బాగా కుక్ అయిన తరువాత కొత్తిమీరతో గార్నిష్ చేసుకుంటే ఎంతో రుచికరమైన ఆలూ బైంగన్ రెడీ!