Posted on

Egg & potato curry recipe in Telugu – గుడ్డు మరియు బంగాళదుంపల కరీ రెసిపీ

సంవత్సరం పొడవునా సులువుగా లభించే రెండు ఫేమస్ ఇంగ్రిడియంట్స్ బంగాళదుంపలు మరియు గుడ్లు. ఈ రెండు పదార్థాలతో వండే గ్రేవీలు ఎంత రుచికరంగా ఉంటాయో అంతే ఆరోగ్యకరం కూడా. మరి ఈ రెండింటినీ ఉపయోగించి చపాతీ, పూరి, రోటి లేదా పరోటాకు సైడ్ డిష్ లేదా వేడి వేడి అన్నంలో కూడా కలుపుకొని తినేందుకు ఎంతో రుచికరమైన కరీని ఎలా చేయాలో చూద్దాం.

కావలసిన పదార్థాలు

  • నూనె
  • గుడ్లు
  • ఉప్పు
  • ఆవాలు
  • తరిగిన ఉల్లిపాయలు
  • గరం మసాలా
  • పసుపు పొడి
  • రెడ్ చిల్లీ పౌడర్
  • ధనియాల పొడి
  • తరిగిన టమోటాలు
  • ఉడికించిన బంగాళదుంపలు
  • అల్లం వెలుల్లి పేస్ట్

తయారీ విధానం

  • ముందుగా స్టవ్ పై ఫ్యాన్ ని ఉంచి 2 టీ స్పూన్ల నూనె, 1 టీ స్పూన్ ఆవాలు, 1 కప్పు తరిగిన ఉల్లిపాయలు వేసి దోరగా వేయించాలి.
  • ఆ తరువాత 1 టీ స్పూన్ ఉప్పు, 1 టీ స్పూన్ అల్లం వెలుల్లి పేస్ట్ వేసి బాగా కలుపుకోవాలి.
  • అందులో 1/2 టీ స్పూన్ పసుపు పొడి, 1 టీ స్పూన్ రెడ్ చిల్లీ పౌడర్, 1 టీ స్పూన్ ధనియాల పొడి, 1/2 టీ స్పూన్ గరం మసాలా వేసుకొని బాగా కలుపుకోవాలి.
  • ఆ తరువాత అందులో 1 కప్పు తరిగిన టమోటాలు వేసి టమోటాలు బాగా కుక్ అయ్యే వరకు వేయించుకోవాలి.
  • ఇప్పుడు అందులో 1 కప్పు నీళ్లు పోసి బాగా కలుపుకోవాలి.
  • పై మిశ్రమం బాగా ఉడుకుతున్న సమయంలో ఉడికించి కట్ చేసి ఉంచుకున్న బంగాళదుంపలను వేసి బాగా కలుపుకోవాలి.
  • ఆ తరువాత అందులో 3 గుడ్లను కొట్చి వేసుకోవాలి.
  • మిశ్రమాన్ని ఏ మాత్రం కలపకుండా మూత పెట్టి సన్నని మంటలో గుడ్లు బాగా ఉడికే వరకు ఉడికించి స్టవ్ ఆఫ్ చేస్తే ఎంతో రుచికరమైన ‘గుడ్డు మరియు బంగాళదుంపల’ కరీ రెడీ!
Posted on

Pulihora / puliyogare recipe in Telugu – పులిహోర / లెమన్ రైస్ రెసిపీ

మార్నింగ్ ఆఫీస్ కి వెళ్లే హడావిడిలో బ్రేక్ ఫాస్ట్ కొరకైనా లేదా ఆఫీస్ నుంచి ఇంటికి వచ్చిన తరువాత టైర్డ్ గా ఉంటే డిన్నర్ కైనా ఎంతో తొందరగా, తక్కువ పదార్థాలను ఉపయోగించి రుచికరమైన వంటను చేయాలనుకుంటున్నారా? అయితే ఈ లెమన్ రైస్ / పులిహోర రెసిపీని ట్రై చేయండి.

కావలసిన పదార్థాలు

  • అన్నం – ఉడికించిన బియ్యం
  • నూనె – 1/2 కప్పు
  • వేరు శనగలు – 1 కప్పు
  • తరిగిన అల్లం
  • తడ్కా – 2 టేబుల్ స్పూన్
  • నిమ్మ కాయలు – 2
  • ఉప్పు – 1 టేబుల్ స్పూన్
  • పసుపు పొడి – 1 టేబుల్ స్పూన్
  • కాజు
  • తరిగిన పచ్చి మిర్చులు – 3
  • రెడ్ చిల్లీలు
  • కరివేపాకులు
  • తురిమిన క్యారట్
  • కొత్తిమీర – 1/2 కప్పు

తయారీ విధానం

  • ముందుగా స్టవ్ పై ఒక ప్యాన్ లో 1/2 కప్పు నూనె పోసి, అందులో 1 కప్పు వేరు శనగలను వేసి 2 నిమిషాలు దోరగా వేయించుకోవాలి.
  • ఆ తరువాత అందులో తరిగిన అల్లం, కొన్ని కాజులూ, 2 టీ స్పూన్ తడ్కా వేసి బాగా వేయించుకోవాలి.
  • ఆ తరువాత తరిగిన పచ్చి మిర్చులు వేసి 2 నిమిషాలు వేయించుకోవాలి.
  • తరువాత రెడ్ చిల్లీలు, 1 టీ స్పూన్ పసుపు పొడి, కొన్ని కరివేపాకులు వేసి దోరగా వేయించాలి.
  • ఇప్పుడు ఒక కప్పు అన్నాన్ని వేసి బాగా కలుపుకోవాలి.
  • నిమ్మరసంలో ఉప్పుని వేసి బాగా కలిపి ఆ నిమ్మరసాన్ని సిద్ధంగా ఉన్న అన్నంలో కలుపుకోవాలి.
  • ఆ తరువాత పొడిగా తరిగిన క్యారట్ మరియు కొత్తిమీరతో గార్నిష్ చేసుకుంటే ఎంతో రుచికరమైన లెమన్ రైస్ / పులిహోర రెడీ!
Posted on

Amla murabba recipe in Telugu – ఆమ్లా మురబ్బా / ఉసిరి మురబ్బా రెసిపీ

ఉసిరికాయలు ఎంతో ఆరోగ్యకరమైన పండు. ఇది రోగనిరోధక శక్తిని పెంచుతుంది. అంతే కాదు కొలెస్ట్రాల్ స్థాయిని కూడా నియంత్రిస్తుంది.  దీనిని రాజస్థాన్ లో సాధారణంగా ‘మురబ్బాస్’ రూపంలో తింటారు. ఎంతో తియ్యగా మరియు పుల్లని రుచిగల ఉసిరి మురబ్బాలను సులభంగా ఎలా తయారు చేయాలో చూద్దాం.

కావలసిన పదార్థాలు

  • ఉసిరికాయలు
  • చక్కెర
  • ఏలకుల పొడి

తయారీ విధానం

  • ముందుగా స్టవ్ పై ప్యాన్ ని ఉంచి అందులో కొద్దిగా నీళ్లు పోసి, ఉసిరికాయలను నీటిలో వేసి మూత పెట్టి 10 నిమిషాల పాటు ఉడికించాలి.
  • ఆ తరువాత నీటిని వడగట్టాలి.
  • ఇప్పుడు స్టవ్ పై ప్యాన్ ని ఉంచి అందులో ఈ ఉడికించిన ఉసిరికాయలు, ఒక కప్పు చక్కెర మరియు కొద్దిగా నీళ్లు పోసి చక్కెర బాగా కరిగే వరకు ఉడికించాలి.
  • ఆ తరువాత ఒక బౌల్ లోకి తీసుకొని ఏలకుల పొడిని వేసి కలుపుకోవాలి.
  • ఇప్పుడు ఈ మిశ్రమాన్ని 2 లేదా 3 రోజులు ఫ్రీజర్ లో ఉంచి ఫ్రీజ్ చేస్తే ఎంతో రుచికరమైన తియ్యని ఉసిరి మురబ్బా తయారు!
Posted on

Dry arbi sabji recipe in Telugu – డ్రై ఆర్బీ సబ్జి / డ్రై చేమగడ్డ సబ్జి రెసిపీ

నోరూరించే వంటలలో చేమగడ్డ సబ్జి కూడా ఒకటి. దూర ప్రయాణాలప్పుడు కూడా దీనిని తయారు చేసి ప్యాక్ చేసి తీసుకెళ్లవచ్చు, ఎందుకంటే అంత తేలికగా పాచిపోవు, చాలా సమయం వరకు తాజాగా ఉంటుంది. మీరు దీనిని భోజనంలో గాని లేదా అల్పాహారంగా గాని చేసుకోవచ్చు. మరి తయారు చేసే విధానాన్ని చూద్దాం.

కావలసిన పదార్థాలు

  • నూనె – 2 టీ స్పూన్
  • ఇంగువ – 1/4 టీ స్పూన్
  • ఆవాలు – 1 టీ స్పూన్
  • తురిమిన అల్లం – 2 టీ స్పూన్
  • వినిగర్ – 1 టీ స్పూన్
  • రెడ్ చిల్లీ పౌడర్ – 1 టీ స్పూన్
  • ధనియాల పొడి – 1 టీ స్పూన్
  • గరం మసాలా – 1 టీ స్పూన్
  • పసుపు పొడి – 1 టీ స్పూన్
  • ఉప్పు – 1 టీ స్పూన్
  • మాంగో పౌడర్ – 2 టీ స్పూన్

తయారీ విధానం

  • ముందుగా చేమగడ్డలను బాగా ఉడికించి తోలు తీయాలి.
  • లాంగ్ స్లైసెస్ గా కట్ చేసుకొని గోల్డెన్ బ్రౌన్ రంగు వచ్చే వరకు ఆయిల్ లో డీప్ ఫ్రై చేసుకోవాలి.
  • ఇప్పుడు స్టవ్ పై ఒక ప్యాన్ ని ఉంచి 2 టీ స్పూన్ నూనె, 1/4 టీ స్పూన్ ఇంగువ, 1 టీ స్పూన్ ఆవాలు, 2 టీ స్పూన్ తురిమిన అల్లం వేసి 3 నిమిషాల పాటు దోరగా వేయించుకోవాలి.
  • ఇపుడు అందులో 1 టీ స్పూన్ వినిగర్ వేసి కలుపుకోవాలి.
  • ఆ తరువాత 1 టీ స్పూన్ రెడ్ చిల్లీ పౌడర్, 1 టీ స్పూన్ ధనియాల పొడి, 1 టీ స్పూన్ గరం మసాలా, 1 టీ స్పూన్ పసుపు పొడి వేసి 2 నిమిషాల పాటు సన్నని మంటలో ఫ్రై చేయాలి.
  • ఇప్పుడు అందులో కొద్దిగా నీళ్లు పోసి 1 టీ స్పూన్ ఉప్పు, 2 టీ స్పూన్ మాంగో పౌడర్ వేసి బాగా కలుపుకోవాలి.
  • ఇంకొన్ని నీళ్లు పోసి 3 నిమిషాలు ఉడికించాలి.
  • ఆ తరువాత కత్తిరించిన కొన్ని కొత్తిమీరను వేసి బాగా కలపాలి.
  • ముందుగా ఉడికించి ఉంచుకున్న చేమగడ్డలను కూడా అందులో వేసి బాగా కలుపుకుంటే వేడి వేడి రుచికరమైన ‘డ్రై చేమగడ్డ సబ్జి’ రెడీ!
Posted on

Non veg country chicken curry recipe in Telugu – కంట్రీ చికెన్ / నాటు కోడి కూర రెసిపీ

నాటు కోడి కూర ఎంతో రుచికరమైన కారమైన తెలుగువారి వంట. వేడి వేడి అన్నంతో తింటే ఆ రుచే వేరు. భోజనానికి మాత్రమే కాదు, దీనిని దోస, చపాతీ వంటి టిఫిన్ కి కూడా సైడ్ డిష్ గా తయారు చేసుకోవచ్చు. వేడి వేడి ఘాటైన నాటు కోడి కూరను ఎలా చేయాలో చూద్దాం.

కావలసిన పదార్థాలు

  • నాటు కోడి – 1/2 కిలో
  • గరం మసాలా – 3 టేబుల్ స్పూన్
  • ఉప్పు – 6 టేబుల్ స్పూన్
  • పచ్చి మిర్చులు
  • ఉల్లిపాయలు – 5
  • లవంగాలు – 3
  • చింతపండు నీళ్లు
  • కొత్తిమీర
  • చికెన్ మసాలా – 2 టేబుల్ స్పూన్
  • ధనియాల పొడి – 3 టేబుల్ స్పూన్
  • అల్లం వెల్లులి పేస్ట్ – 2 టేబుల్ స్పూన్
  • పసుపు పొడి – 6 టేబుల్ స్పూన్
  • రెడ్ చిల్లీ పౌడర్ – 3 టేబుల్ స్పూన్
  • గసగసాలు – 1 టేబుల్ స్పూన్
  • దాల్చిన చెక్క- 1/2 ముక్క

తయారీ విధానం

  • ముందుగా ఒక కుక్కర్లో 500 మిల్లీ లీటర్ల (1 కప్పు) నీళ్లు పోసుకొని, అందులో రెడ్ చిల్లీ పౌడర్, 2 టీ స్పూన్ల ఉప్పు, 1 టీ స్పూన్ అల్లం వెల్లులి పేస్ట్, 2 టీ స్పూన్ నూనె, 1 టీ స్పూన్ పసుపు పొడి వేసి బాగా కలపాలి.
  • ఇప్పుడు శుభ్రంగా కడిగి పెట్టుకున్న చికెన్ ని ఆ నీళ్లలో వేసి బాగా కలిపి 20 నిమిషాల పాటు అనగా 4 విజిల్ వచ్చే వరకు ప్రెషర్ కుక్ చేయాలి.
  • ఆ తరువాత నీటిని వడగట్టి చికెన్ ని ఒక బోల్ లో, వడగట్టిన నీటిని వేరే బౌల్ లోకి తీసుకోవాలి.
  • ఇప్పుడు స్టవ్ పై ఒక ప్యాన్ ని ఉంచి అందులో లవంగాలు, దాల్చిన చెక్క, ఇలాచీలను మరియు గసగసాలను వేసి సన్నటి మంటలో దోరగా వేయించుకోవాలి.
  • ఈ స్పైసెస్ ని మిక్సీ లో వేసి పౌడర్ చేసుకోవాలి.
  • ఆ తరువాత స్టవ్ పై ఒక ప్యాన్ ని ఉంచి 4 టీ స్పూన్ నూనె పోసుకొని, నూనె వేడెక్కిన తరువాత తరిగిన పచ్చి మిర్చులు, 5 లేదా 6 తరిగిన ఉల్లిపాయలు వేసుకొని గోల్డెన్‌ బ్రౌన్ రంగు వచ్చే వరకు దోరగా వేయించుకోవాలి.
  • ఉల్లిపాయలు బాగా ఫ్రై అయిన తరువాత అందులో 3 టీ స్పూన్ ధనియాల పొడి, పొడి చేసి ఉంచుకున్న స్పైసెస్, 2 టీ స్పూన్ల రెడ్ చిల్లీ పౌడర్, 1 టీ స్పూన్ పసుపు పొడి, 1 టీ స్పూన్ ఉప్పు వేసి బాగా కలపాలి.
  • 2 టీ స్పూన్ల గరం మాసాలా పొడి కూడా చేర్చి బాగా కలుపుకోవాలి.
  • ఆ తరువాత చింతపండు నీళ్లు పోసి 2 నిమిషాలు ఉడికించాలి.
  • ఇప్పుడు అందులో ఉడికించి పెట్టుకున్న చికెన్ ని వేసి 2 నిమిషాలు వేయించి ఉడకబెట్టినప్పుడు ఉపయోగించిన నీటిని కూడా ఇందులో చేర్చుకోవాలి.
  • చివరిగా 1 టీ స్పూన్ ఉప్పు, 2 టీ స్పూన్ల చికెన్ మసాలా మరియు కొత్తిమీర వేసి బాగా కలిపి మూత పెట్టి ఉడికిస్తే వేడి వేడి నాటు కోడి కూర తయారు!
Posted on

Paneer fried rice recipe in Telugu – పన్నీర్ ఫ్రైడ్ రైస్ రెసిపీ

ఎంతో వేగవంతమైన ఈ ప్రపంచంలో ప్రతి ఒక్కరూ ఇష్టపడే ఫాస్ట్ ఫుడ్ ‘ఫ్రైడ్ రైస్’. డిన్నర్ కి హోటల్ వెళ్లిన ప్రతి సారి పిల్లలు ఎంతో ఇష్టంగా కోరుకునే ‘పన్నీర్ ఫ్రైడ్ రైస్’ ని ఇంట్లోనే ఎంతో సులువుగా, రుచికరంగా తయారు చేసుకోవచ్చు. మరి ఈ రెసిపి కి కావలసిన పదార్థాలు మరియు తయారీ విధానాన్ని చూద్దాం.

కావలసిన పదార్థాలు

  • రెడ్ చిల్లీ సాస్ – 1 టేబుల్ స్పూన్
  • ఉప్పు – 2 టేబుల్ స్పూన్
  • టమోటా కెచప్ – 1 టేబుల్ స్పూన్
  • సోయా సాస్ – 1 టేబుల్ స్పూన్
  • మైదా – 1 కప్పు
  • కట్ చేసుకున్న పన్నీర్ – 1 కప్పు
  • తరిగిన గ్రీన్ కాప్సికం – 1 కప్పు
  • తరిగిన క్యారట్ – 1 కప్పు
  • వెల్లుల్లి ముక్కలు
  • నూనె
  • స్వీట్ కార్న్
  • గ్రీన్ చిల్లీ సాస్ – 1 టేబుల్ స్పూన్
  • చాట్ మసాలా – 1 టేబుల్ స్పూన్
  • వినిగర్ – 1 చిటికెడు
  • ఉడికించిన బియ్యం – 1 కప్పు
  • స్ప్రింగ్ ఆనియన్
  • తరిగిన బీన్స్ – 1 కప్పు

తయారీ విధానం

  • ఒక బౌల్ లో 1 టీ స్పూన్ టమోటా కెచప్, 1 టీ స్పూన్ రెడ్ చిల్లీ సాస్, 1 టీ స్పూన్ మైదా, 1 టీ స్పూన్ సొయా సాస్, 1 టీ స్పూన్ ఉప్పు వేసుకొని బాగా కలుపుకోవాలి.
  • అందులో పన్నీర్ ముక్కలను వేసుకొని కలుపుకోవాలి.
  • ఇప్పుడు స్టవ్ పై ప్యాన్ ని ఉంచి 2 టీ స్పూన్ నూనె వేసుకొని, అందులో ఈ పన్నీర్ ముక్కలను ఫ్రై చేసి పక్కన పట్టుకోవాలి.
  • అదే ప్యాన్ లో మరో 2 టీ స్పూన్ నూనె వేసుకొని నూనె వేడెక్కిన తరువాత 1 టీ స్పూన్ వెల్లుల్లి ముక్కలు వేసి దోరగా వేయించుకోవాలి.
  • తరువాత అందులో 1 కప్పు తరిగిన గ్రీన్ కాప్సికం,  1 కప్పు తరిగిన క్యారట్, 1  కప్పు తరిగిన బీన్స్ వేసి దోరగా వేయించుకోవాలి.
  • వెజిటేబుల్స్ ని దోరగా వేయించిన తరువాత 2 టీ స్పూన్ స్వీట్ కార్న్, 1 టీ స్పూన్ గ్రీన్ చిల్లీ సాస్ వేసి బాగా కలుపుకోవాలి.
  • ఆ తరువాత 1 టీ స్పూన్ సొయా సాస్ వేసి కలుపుకోవాలి.
  • ఇప్పుడు అందులో 1 టీ స్పూన్ చాట్ మసాలా, 1 టీ స్పూన్ ఉప్పు కలుపుకొని వండిన అన్నాన్ని వేసి బాగా కలుపుకోవాలి.
  • అందులో 1 టీ స్పూన్ వినిగర్ కూడా వేసి కలుపుకోవాలి.
  • ఆ తరువాత ఇంతకు ముందు ఫ్రై చేసి ఉంచుకున్న పన్నీర్ ని వేసుకొని స్ప్రింగ్ ఆనియన్స్ తో గార్నిష్ చేసుకుంటే ఎంతో రుచికరమైన పన్నీర్ ఫ్రైడ్ రైస్ రెడీ!
Posted on

Chicken boneless curry in Telugu – చికెన్ బోన్ లెస్ కరీ రెసిపీ

బోన్ లెస్ చికెన్ ఫ్రై ని ఇష్టపడని వారంటూ ఉండరు. లంచ్ సమయంలో మన మీల్స్ కి మరింత రుచిని చేకూర్చే సైడ్ కొరకైనా, సడన్ డిన్నర్ పార్టీ ప్లాన్ చేసిన సమయంలోనైనా బోన్ లెస్ చికెన్ కరీని ఎంతో తక్కువ సమయంలో సులభంగా చేసుకోవచ్చు. మరి మీ కొరకు ఒక సులభమైన ఇండియన్ చికెన్ బోన్ లెస్ కరీ రెసిపీని చూద్దాం.

కావలసిన పదార్థాలు

  • నూనె
  • గుడ్లు – 2
  • పెరుగు – 1 కప్పు
  • కార్న్ ఫ్లార్ (జొన్న పిండి) – 1 కప్పు
  • సోయా సాస్
  • ధనియాల పొడి – 1 టేబుల్ స్పూన్
  • ఉప్పు – 2 టేబుల్ స్పూన్
  • అల్లం మరియు వెల్లుల్లి పేస్ట్ – 1 టేబుల్ స్పూన్
  • బోన్ లెస్ చికెన్ – 500 గ్రాములు
  • వెల్లుల్లి ముక్కలు
  • తరిగిన ఉల్లిపాయలు – 1 కప్పు
  • తరిగిన పచ్చి మిర్చీలు
  • పసుపు పొడి – 1 టేబుల్ స్పూన్
  • కరివేపాకులు
  • రెడ్ చిల్లీ పౌడర్ – 1 టేబుల్ స్పూన్
  • మజ్జిగ – 1/2 కప్పు

తయారు చేసే విధానం

  • ముందుగా ఒక బౌల్ లో 500 గ్రాముల బోన్ లెస్ చికెన్, కొద్దిగా మజ్జిగ, 1/2 కప్పు కార్న్ ఫ్లార్, 1 టీ స్పూన్ ఉప్పు, 1 టీ స్పూన్ అల్లం మరియు వెల్లుల్లి పేస్ట్, ఒక స్పూన్ నూనె, రెండు కొట్టిన గుడ్లను వేసుకొని బాగా కలుపుకోవాలి.
  • అలా కలిపిన మిశ్రమాన్ని 1 గంట సేపు ఊరనివ్వాలి.
  • ఆ తరువాత ఒక ప్యాన్ ని స్టవ్ పై ఉంచి డీప్ ఫ్రై కి తగినంత నూనెని పోసుకొని బోన్ లెస్ చికెన్ మిశ్రమాన్ని డీప్ ఫ్రై చేసి పక్కకు పెట్టుకోవాలి.
  • మరో ప్యాన్ ని స్టవ్ పై ఉంచి 2 టీ స్పూన్ నూనె, కొన్ని వెల్లుల్లి ముక్కలు, 1 కప్పు తరిగిన ఉల్లిపాయలు, కొన్ని తరిగిన పచ్చి మిర్చీలు, కొన్ని కరివేపాకులు వేసుకొని దోరగా వేయించుకోవాలి.
  • ఉల్లిపాయలు ఫ్రై అయిన తరువాత 1 టీ స్పూన్ ధనియాల పొడి, 1 టీ స్పూన్ పసుపు పొడి, 1 టీ స్పూన్ రెడ్ చిల్లీ పౌడర్, 1 టీ స్పూన్ ఉప్పు మరియు సోయా సాస్ వేసుకొని ఫ్రై చేసుకోవాలి.
  • బాగా ఫ్రై అయిన తరువాత 1 కప్పు పెరుగు వేసి కలుపుకోవాలి.
  • ఇప్పుడు ముందుగా ఫ్రై చేసి ఉంచుకున్న బోన్ లెస్ చికెన్ ని ఇందులో వేసి బాగా కలుపుకొని స్టవ్ ఆఫ్ చేసుకోవాలి.
  • అంతే! దీనిపై కొత్తిమీరతో గార్నిష్ చేస్తే ఎంతో రుచికరమైన వేడి వేడి చికెన్ బోన్ లెస్ కరీ రెడీ!
Posted on

Onion pakoda / pakora curry recipe in Telugu – ఆనియన్ పకోడా కరీ / ఉల్లిపాయ పకోడా కరీ రెసిపీ

చపాతీ లేదా పూరీకి ఎన్నో రకాల సైడ్ డిషెస్ ని తినే ఉంటాము. ఇంట్లో కూరగాయలు అందుబాటులో లేని సమయంలో, కేవలం ఉల్లిపాయలతో మాత్రమే చేసుకునే అతి సులువైన సైడ్ డిష్ ఆనియన్ పకోడా కరీ. ఇందులో కేవలం రెండే ముఖ్యమైన ఇంగ్రీడియంట్స్. ఎంతో తక్కువ సమయంలో రుచికరమైన చపాతీ సైడ్ డిష్ ని ఎలా చేయాలో చూద్దాం.

కావలసిన పదార్థాలు

  • నూనె
  • పెరుగు
  • ఉప్పు
  • కరివేపాకులు
  • పచ్చి మిర్చీలు
  • జీలకర్ర – 1 టేబుల్ స్పూన్
  • ఆవాలు – 1 టేబుల్ స్పూన్
  • పసుపు పొడి – 1 టేబుల్ స్పూన్
  • శనగ పిండి
  • తరిగిన ఉల్లిపాయలు

తయారు చేసే విధానం

  • ముందుగా ఒక బౌల్ లో 1 కప్పు తరిగిన ఉల్లిపాయలు, 1 కప్పు శనగ పిండి, 1 టీ స్పూన్ ఉప్పు మరియు కొద్దిగా నీళ్లు పోసుకొని బాగా కలుపుకోవాలి.
  • ఒక ప్యాన్ ని స్టవ్ పై ఉంచి డీప్ ఫ్రై చేయడానికి తగినంత నూనెని పోసుకోవాలి.
  • పై చెప్పిన విధంగా తయారు చేసి పెట్టుకున్న ఉల్లిపాయ శనగ పిండి మిశ్రమాన్ని పకోడీ వలే వేసి డీప్ ఫ్రై చేసి పక్కకు తీసి పెట్టుకోవాలి.
  • ఇప్పుడు ఒక బౌల్ లో మరో కప్పు శనగ పిండి, 1/2 స్పూన్ పసుపు పొడి వేసి బాగా కలుపుకోవాలి.
  • మరియు అందులో 3 టీ స్పూన్ పెరుగు, కొద్దిగా నీళ్లు పోసి బాగా కలుపుకోవాలి.
  • ఆ తరువాత స్టవ్ పై ఒక ఫ్యాన్ ఉంచి, 2 టీ స్పూన్ నూనె, 1 టీ స్పూన్ జీలకర్ర, 1/2 టీ స్పూన్ ఆవాలు, కొన్ని కరివేపాకులు, కొన్ని పచ్చి మిర్చీలు వేసి ఫ్రై చేసుకోవాలి.
  • ప్యాన్ లోని పదార్థాలు వేగిన తరువాత మనం ఇంతకు మునుపు కలిపి ఉంచుకున్న శనగ పిండి మిశ్రమంలో తగినన్ని నీళ్లు పోసి ప్యాన్ లో పోసుకోవాలి.
  • ఇందులో ఒక స్పూన్ ఉప్పు వేసి బాగా కలుపుతూ ఉడికించాలి.
  • పిండి బాగా ఉడుకుతుండగా మనం మునుపే సిద్ధం చేసి ఉంచుకున్న పకోడీలను ఇందులో వేసుకొని ఉడికించాలి.
  • అంతేనండి. కొత్తిమీరతో గార్నిష్ చేస్తే ఎంతో రుచికరమైన వేడి వేడి ఆనియన్ పకోడా కరీ రెడీ!
Posted on

Potato and tomato curry recipe in Telugu – ఆలూ టమాటో సబ్జి రెసిపీ

చపాతీకి ఎన్ని రకాల సైడ్ డిషెస్ ని మనం తయారు చేసుకున్నా సరే బంగాళదుంపలతో చేసేటువంటి కర్రీస్ కి సాటి ఏదీ లేదు. నార్త్ ఇండియాలో బంగాళదుంపలతో చేసే వంటలు ఎంతో ప్రసిద్ధి. అందులో ఒకటి ఆలూ సబ్జి. ప్రస్తుతం మన దక్షిణ భారత దేశంలో కూడా ఎంతో మందికి ఫేవరెట్ డిష్ ఇది. మరి ఇంట్లో సులభంగా ఆలూ టమాటో సబ్జిని ఎలా చేయాలో చూద్దాం.

కావలసిన పదార్థాలు

  • నూనె – 4 లేదా 5 టేబుల్ స్పూన్
  • ఆవాలు
  • శనగ పప్పులు – 1 స్పూన్
  • తరిగిన ఉల్లిపాయలు – 1
  • తరిగిన పచ్చి మిర్చి – 2
  • కరివేపాకులు – 10
  • తరిగిన బంగాళదుంపలు – 2
  • ఉప్పు – 1 టేబుల్ స్పూన్
  • పసుపు పొడి – 2 చిటికెలు
  • తరిగిన టమోటాలు – 2
  • రెడ్ చిల్లీ పౌడర్ – 1 టేబుల్ స్పూన్
  • గరం మసాలా – 2 చిటికెలు
  • కొత్తిమీర

తయారు చేసే విధానం

  • స్టవ్ పై ప్యాన్ ఉంచి 4 లేదా 5 టేబుల్ స్పూన్ నూనె పోసుకొని నూనె వేడెక్కిన తరువాత అందులో ఆవాలు, కొద్దిగా శనగ పప్పులు వేసుకోవాలి.
  • శనగ పప్పులు కుక్ అయిన తరువాత 1 తరిగిన ఉల్లిపాయ, 2 తరిగిన పచ్చి మిర్చి, 10 కరివేపాకులు వేసి 1 నిమిషం ఫ్రై చేయాలి.
  • తరువాత 2 తరిగిన బంగాళదుంపలు వేసి ఫ్రై చేయాలి.
  • 1 టేబుల్ స్పూన్ ఉప్పు, 2 చిటికె పసుపు పొడి వేసి 5 నిమిషాలు ఫ్రై చేయాలి.
  • ఇప్పుడు అందులో 2 తరిగిన టమోటాలు వేసి బాగా కలిపి టమోటాలు బాగా కుక్ అవ్వడానికి మూతవేసి 6 నిమిషాల పాటు కుక్ చేయండి.
  • మూత తీసి టమోటా బాగా ఉడికిన తరువాత 1 టేబుల్ స్పూన్ రెడ్ చిల్లీ పౌడర్, 2 చిటికెల గరం మసాలా వేసి బాగా కలపాలి.
  • ఆ తరువాత 250 మి.లీ నీళ్లను పోసి 2 నిమిషాలు ఉడికించి కొత్తిమీర తో గార్నిష్ చేసుకుంటే ఎంతో రుచికరమైన ఆలూ సబ్జి తయారు!
Posted on

Veg pasta recipe in Telugu – వెజ్ స్పైసీ పాస్తా రెసిపీ

దురుమ్ గోధుమ పిండితో తయారు చేయబడే ఒక ఇంగ్రీడియెంట్ పాస్తా. ఇది చాలా ఇటాలియన్ వంటకాలకు ప్రధానమైన పదార్థం. పాస్తా అనగానే ఇటాలియన్ రెసిపీస్ గుర్తొస్తాయి. పాస్తా లో లాంగ్ పాస్తా, షార్ట్ పాస్తా, ఎగ్ పాస్తా, ఫ్రెష్ పాస్తా మరియు అల్ ఫోర్నో పాస్తా లాంటి ఎన్నో రకాలు ఉన్నాయి. మరి మనకు అందుబాటులో ఉండే స్ప్రింగ్ పాస్తా తో ఈవినింగ్ స్నాక్స్ లేదా డిన్నర్ కి ఎంతో రుచికరమైన ‘వెజ్ స్పైసీ పాస్తా’ ఎలా చేయాలో చూద్దాం.

కావలసిన పదార్థాలు

  • పాస్తా – 1 కప్పు
  • నూనె – 6 టేబుల్ స్పూన్
  • ఉప్పు – 1 టేబుల్ స్పూన్
  • టమాటో సాస్ – 1 టేబుల్ స్పూన్
  • పసుపు పొడి – 1 టేబుల్ స్పూన్
  • జింజర్ అండ్ గార్లిక్ పేస్ట్ – 1 టేబుల్ స్పూన్
  • రెడ్ కాప్సికం – ¼ కప్పు
  • గ్రీన్ కాప్సికం – 1 కప్పు
  • తరిగిన ఉల్లిపాయలు – 1 కప్పు
  • తరిగిన క్యారట్ – ¼ కప్పు
  • టమాటో పురీ – 1 కప్పు
  • వెల్లుల్లి ముక్కలు – 2 స్పూన్

తయారు చేసే విధానం

  • స్టవ్ పై ఒక ఫ్యాన్ లో 1 కప్పు నీళ్లు, 2 టీ స్పూన్ నూనె మరియు 1 కప్పు పాస్తా వేసి రెండు నిమిషాల పాటు మూత వేసి ఉడికించాలి.
  • పాస్తా కుక్ అవ్వగానే వాటిని వడగట్టి ఒక బౌల్ లోకి తీసుకోండి.
  • ఇప్పుడు ఒక ప్యాన్ లో 4 టీ స్పూన్ నూనె, 2 – స్పూన్ వెల్లుల్లి ముక్కలు వేసి ఫ్రై చేయాలి.
  • వెలుల్లి ఫ్రై అయిన తరువాత అందులో 1 టీ స్పూన్ జింజర్ అండ్ గార్లిక్ పేస్ట్ వేసి ఫ్రై చేయాలి.
  • జింజర్ అండ్ గార్లిక్ పేస్ట్ బాగా ఫ్రై అయిన తరువాత 1 కప్పు తరిగిన ఉల్లిపాయలను వేసి 2 నిమిషాల పాటు ఫ్రై చేయండి.
  • ఉల్లిపాయలను బాగా ఫ్రై చేసిన తరువాత 1 కప్పు టమాటో పురీ వేసి రెండు నిమిషాల పాటు కుక్ చేయండి.
  • ఆ తరువాత, 1/4 కప్పు తరిగిన రెడ్ కాప్సికం, 1 కప్పు తరిగిన గ్రీన్ కాప్సికం మరియు 1/4 కప్పు తరిగిన క్యారట్ వేసి బాగా కలపండి.
  • అందులో 1 టేబుల్ స్పూన్ ఉప్పు వేసి బాగా కలపాలి.
  • ఆ తరువాత 1 టీ స్పూన్ టమాటో సాస్, 1 టీ స్పూన్ పసుపు పొడి వేసి కుక్ చేయండి.
  • అన్ని పదార్థాలు బాగా ఫ్రై అయిన తరువాత ఉడికించిన పాస్తాను వేసి కలుపుకోవాలి.

అంతేనండి ఎంతో యమ్మీ ‘వెజ్ స్పైసీ పాస్తా’ రెడీ!