Posted on

Aloo / Potato chips recipe in Telugu – పొటాటో చిప్స్ రెసిపీ

పిల్లలకి ఎంతో ఇష్టమైన పొటాటో చిప్స్ ని ఇంట్లోనే చేసుకోవడం ఎంతో సులభం మరియు టేస్టీ కూడా. ఈవినింగ్ స్నాక్స్ గానే కాదు లంచ్ లో నంచుకుని తినడానికి కూడా ఇవి ఎంతో బాగుంటాయి. చిప్స్ చేసేటప్పుడు మనం గుర్తుపెట్టుకోవాల్సిన ముఖ్యమైన విషయాలు, బంగాళదుంపలను బాగా తిన్ గా కట్ చేసుకోవాలి మరియు క్రిస్పీ గా అయ్యేంతవరకు ఫ్రై చేయాలి. మరి చేసే విధానం చూద్దామా?

కావలసిన పదార్థాలు

  • బంగాళదుంపలు – 3
  • ఉప్పు – 1 చిటికెడు
  • కరం పొడి – 2 చిటికెలు
  • నూనె – డీప్ ఫ్రై కి తగినంత

తయారు చేసే విధానం

  • ముందుగా బంగాళదుంపలను బాగా కడిగి తోలు తీసి నీటిలో వేసుకోవాలి.
  • ఆ తరువాత వాటిని స్లైసర్ తో రౌండ్ షాప్స్ లో గ్రేట్ చేసుకోవాలి.
  • 30 నుండి 45 నిమిషాలు ఫ్రిడ్జ్ లో ఉంచి నూనెలో డీప్ ఫ్రై చేసుకోవాలి.
  • బాగా ఎర్రగా వేంచిన తరువాత 1 చిటికెడు ఉప్పు, 2 చిటికెల కారం పొడిని చల్లితే స్పైసీ అండ్ టేస్టీ ఈవెనింగ్ స్నాక్స్ రెడీ!
Posted on

Pizza veg pockets recipe in Telugu – పిజ్జా పాకెట్స్ రెసిపీ

ఇటాలియన్ ఆరిజిన్ అయిన పిజ్జా ప్రస్తుతం ప్రపంచం మొత్తం ఎంతో మందికి ఫేవరెట్ ఫుడ్ అనిపించుకుంది. పిజ్జాలో రుచిని చేర్చే ప్రధాన పదార్థాలు చీస్, టమోటా మరియు గోధుమ పిండితో చేసే బేస్. మరి పిజ్జాలాంటి రుచిని అందించే మరియు ఎంతో సులభంగా చేసుకోగలిగే ‘పిజ్జా పాకెట్స్’ ని ముఖ్యమైన ఈ ఇంగ్రిడియెంట్స్ ఇంకా కొన్ని కూరగాయలు మరియు స్పైసెస్ ని ఉపయోగించి ఎలా చేయాలో చూద్దాం.

కావలసిన పదార్థాలు

  • వెన్న – 2 టేబుల్ స్పూన్
  • బ్రెడ్ స్లైసెస్ – 3
  • ఉల్లిపాయలు
  • టమాటాలు
  • క్యారట్
  • కాప్సికం
  • టమాటో కెచప్
  • సొయా సాస్
  • రెడ్ చిల్లీ సాస్
  • ఉప్పు
  • రెడ్ చిల్లీ పౌడర్
  • పెప్పర్ పౌడర్
  • మాంగో పౌడర్
  • కొత్తిమీర
  • మోజెరెల్లా చీస్
  • పసుపు పొడి
  • నూనె – డీప్ ఫ్రై కి తగినంత

తయారు చేసే విధానం

  • స్టవ్ పై ఒక ప్యాన్ ఉంచి 2 టీ స్పూన్ బట్టర్ వేసి, బట్టర్ బాగా కరిగిన తరువాత అందులో తరిగిన ఉల్లిపాయలు 2, తరిగిన కాప్సికం 2, తరిగిన క్యారట్ 1, తరిగిన పచ్చి మిర్చీలు 2 వేసుకొని 5 నిమిషాల పాటు ఫ్రై చేయాలి.
  • తరువాత అందులో 1 టీ స్పూన్ ఉప్పు, 1 టీ స్పూన్ మాంగో పౌడర్ మరియు 1 టీ స్పూన్ పెప్పర్ పొడి వేసి 2 నిమిషాల పాటు వేయించాలి.
  • 2 నిమిషాల తరువాత అందులో 2 తరిగిన టమాటాలు వేసి మరో 2 నిమిషాల పాటు వేయించాలి.
  • ఇప్పుడు అందులో 1 టీ స్పూన్ టమాటో కెచప్, 1 టీ స్పూన్ సొయా సాస్, 1 టీ స్పూన్ రెడ్ చిల్లీ సాస్, 1 టీ స్పూన్ పసుపు పొడి, 1/2 టీ స్పూన్ ఉప్పు వేసి బాగా కలిపి 2 నిమిషాలు వేయించాలి.
  • ఆ తరువాత అందులో రెడ్ చిల్లీ పౌడర్, కొత్తిమీర వేసి మరో 2 నిమిషాలు ఫ్రై చేయాలి.
  • 2 క్యూబ్స్ మోజెరెల్లా చీస్ వేసుకుని 2 నిమిషాలు వేయించాలి.
  • చీస్ కరిగిన తరువాత కొంత కొత్తిమీరను చల్లి స్టవ్ ఆఫ్ చేసుకుంటే శాండ్విచ్ స్టఫ్ రెడీ.
  • రెడీ అయిన స్టఫ్ ని పక్కకు పెట్టి, 4 బ్రెడ్ ముక్కలను తీసుకొని వాటి ఎడ్జెస్ ని కట్ చేయాలి.
  • ఆ తరువాత చపాతి కర్రతో వాటిని ఫ్లాట్ గా తిక్కాలి.
  • ఇప్పుడు ఆ బ్రెడ్ మధ్యలో స్టఫ్ ని ఉంచి ప్యాక్ చేసుకోవాలి.
  • ప్యాక్ చేయడానికి నీటిని లేదా పాలను ఉపయోగించవచ్చు.
  • అలా ప్యాక్ చేసి ఉంచుకున్న స్టఫ్స్ యొక్క ఎడ్జెస్ ని ట్రిమ్ చేసి నూనెలో డీప్ ఫ్రై చేస్తే వేడి వేడి పిజ్జా పాకెట్స్ రెడీ!
  • వీటిని టమాటో సాస్ తో సర్వ్ చేస్తే ఎంతో రుచిగా ఉంటుంది.
Posted on

Aloo kachori recipe in Telugu – ఆలూ కచోరి రెసిపీ

కచోరి ఒక కారమైన స్నాక్స్. చలి కాలంలో ముఖ్యంగా వానా కాలంలో ప్రతి ఒక్కరికి తినాలనిపించే స్నాక్స్ లో ఇది ఒకటి. ఇది నేపాల్, రాజస్థాన్ మరియు ఉత్తర్ ప్రదేష్ లో ఎంతో ప్రసిద్ధం. దీనిని అనేక ప్రాంతాలలో వేరువేరు పేర్లతో పిలుస్తారు.

ఇందులో ఎన్నో రకాలు కూడా ఉన్నాయి. ఉదాహరణకు మొగర్ కచోరి, రాజ్ కచోరి, ప్యాజ్ కచోరి, నాగోరి కచోరి, మావా కచోరి, లిల్వా కచోరి ఇంకా ఎన్నో. మరి ఇన్ని రకాల కచోరిలలో ఒకటి అయిన ఆలూ కచోరి ఎలా చేయాలో తెలుసుకుందాం.

కావలసిన పదార్థాలు

  • బంగాళదుంపలు -4
  • గోధుమ పిండి – 400 గ్రాములు
  • ఉప్పు – 2 టేబుల్ స్పూన్
  • ఓమం – 1 టేబుల్ స్పూన్
  • చిల్లీ పౌడర్ – 2 టేబుల్ స్పూన్
  • నూనె – డీప్ ఫ్రై చేయడానికి తగినంత

తయారు చేసే విధానం

  • ముందుగా బంగాళదుంపలను ఉడకబెట్టి తొక్క తీసేసి గ్రేట్ చేసుకోవాలి.
  • గ్రేట్ చేసుకున్న బంగాళదుంపలో 1 టీ స్పూన్ ఉప్పు, 2 టీ స్పూన్ల కారం పొడి, 1 టీ స్పూన్ ఓమం వేసి బాగా కలపాలి.
  • ఒక బౌల్లో 400 గ్రాముల గోధుమ పిండి, 2 టేబుల్ స్పూన్ నూనె, 1 టీ స్పూన్ సాల్ట్ మరియు తగినంత నీళ్లు పోసి చపాతి పిండిలా కలుపుకోవాలి.
  • ఇప్పుడు మనం తయారుచేసుకున్న గోధుమ పిండిని కొంచం తీసుకొని దానికి నూనె రాసి చపాతీ కర్రతో చిన్న రౌండ్స్ చేసుకోవాలి.
  • అందులో బంగాళదుంప మిశ్రమాన్ని స్టఫ్ఫ్ చేసి పూరి లాగా రుద్దుకోవాలి.
  • వీటిని బాగా కాగిన నూనె లో డీప్ ఫ్రై చేసుకుంటే నోరూరించే ఆలు కచోరి తయారు!!!
  • దీనిని టొమాటో సౌస్ తో నంజుకుని తింటే రుచి అమోఘంగా ఉంటుంది!!! పిల్లలు కూడా ఎంతో ఇష్టంగా తింటారు.
Posted on

Kajjikayalu / Gujiya recipe in Telugu – కజ్జికాయలు / గుజియా రెసిపీ

మన ఆంధ్ర మరియు తెలంగాణ రాష్ట్రాలలో ఎంతో ప్రసిద్ధమైన స్వీట్స్ లో కజ్జికాయలు ఒకటి. ఈవెనింగ్ స్నాక్స్ గా గాని లంచ్ తరువాత డెసర్ట్ గా గాని ఎంతో రుచిని చేరుస్తుంది. వీటిని గుజరాతి లో ‘గుగ్ర’, మహారాష్ట్రలో ‘కరంజి’ మరియు తమిళనాడులో ‘సోమాస్’ అని అంటారు.

ఇందులో ఒక రకం బొంబాయి రవతో చేస్తే ఇంకోటి కోవా తో చేస్తారు. ఇవి ఎంతో లైట్ వెయిట్ గా క్రిస్పీ గా ఉంటాయి. వినాయకుడికి ఎంతో ఇష్టమైన స్వీట్ కూడా. మరి వీటిని బొంబాయి రవ్వ తో ఎలా తయారు చేయాలో తెలుసుకుందాం.

కావలసిన పదార్థాలు

  • మైదా-500 గ్రాములు
  • నెయ్యి- 5 టేబుల్ స్పూన్లు
  • సాల్ట్ – 1 టేబుల్ స్పూన్
  • మిల్క్ మేడ్- 400 గ్రాములు
  • పంచదార పొడి- 200 గ్రాములు
  • బొంబాయి రవ్వ – 100 గ్రాములు
  • తురుమిన కొబ్బరి – 2-3 టేబుల్ స్పూన్లు
  • డ్రై ఫ్రూట్స్
  • రిఫైన్డ్ ఆయిల్ – డీప్ ఫ్రై చేయడానికి తగినంత

తయారు చేసే విధానం

  • ముందుగా స్టవ్ పై పాన్ లో 100 గ్రాముల బొంబాయి రవ వేసి ఎర్రగా వచ్చే వరకూ వేయించుకోవాలి.
  • తర్వాత అందులో 400 గ్రాముల మిల్క్ మేడ్ వేసి బాగా కలుపుతూ కుక్ చేయాలి.
  • అందులో కట్ చేసిన డ్రై ఫ్రూట్స్, 2 లేదా 3 టీ స్పూన్ల కొబ్బరి పొడి వేసి బాగా కలపాలి.
  • ఆ తరువాత స్టవ్ ఆఫ్ చేసి అందులో 200 గ్రాముల పంచదార పొడి వేసి బాగా కలుపుకోవాలి.
  • ఒక బౌల్ లో 500 గ్రాముల మైదా, 5 టీ స్పూన్లు నెయ్యి, 1 టీ స్పూన్ ఉప్పు మరియు తగినన్ని నీళ్లు పోసుకొని చపాతీ పిండిలా చేసుకోవాలి.
  • కొంత పిండిని తీసుకొని దానికి నెయ్యి రాసి చపాతీ కర్రతో చిన్న రౌండ్స్ చేసుకోవాలి.
  • అందులో బొంబాయి రవ్వ మిశ్రమాన్ని ఉంచి సెమీ సర్కిల్ షేప్ లో స్టఫ్ చేసి పిండిని తయారు చేసుకోవాలి.
  • వీటిని బాగా కాగిన నూనె లో డీప్ ఫ్రై చేసుకుంటే తియ్యని కజ్జికాయలు రెడీ!
Posted on

Tasty snack samosa recipe in Telugu – ఆనియన్ సమోసా రెసిపీ

భారతీయులకు ఎల్లప్పుడూ ఇష్టమైన మరియు విస్తృతంగా లభించే స్నాక్స్ సమోసా. ఒకప్పుడు ఇది రాయల్ ఫుడ్ అని చెప్పబడేది. మొగల్ రాజులు పనివారితో అడిగి మరీ చేయించుకొని తినేవారట. మరి ఎంతో రుచికరమైన ఆనియన్ సమోసాని ఇంట్లోనే ఎలా చేసుకోవచ్చో చూద్దాం.

కావలసిన పదార్థాలు

  • మైదా – 1 కప్పు
  • గోధుమ పిండి – 1 కప్పు
  • ఉప్పు -2 టేబుల్ స్పూన్
  • కార్న్ ఫ్లోర్
  • చాట్ మసాలా – 1 చిటికెడు
  • అటుకులు/పోహా – 1 కప్పు
  • కారం పొడి – 1 టేబుల్ స్పూన్
  • తరిగిన ఆనియన్స్ – 1 కప్పు
  • తరిగిన పచ్చిమిర్చి
  • తరిగిన కొత్తిమీర
  • ధనియాల పొడి -1 టేబుల్ స్పూన్
  • నూనె – డీప్ ఫ్రై చేయడానికి తగినంత

తయారు చేసే విధానం

  • ముందుగా ఒక బౌల్లో ఒక కప్పు మైదా,ఒక కప్పు గోధుమ పిండి, ఒక టీ స్పూన్ సాల్ట్, రెండు టీ స్పూన్ల నూనె తగినన్ని నీళ్లు పోసి బాగా కలిపి చపాతీ పిండిలా కలుపుకొని మూత మూసి ఒక గంట పక్కన పెట్టుకోవాలి.
  • మరో బౌల్లో తరిగిన ఉల్లిపాయలు, ఒక కప్పు పోహా/అటుకులు, ఒక టీ స్పూన్ కారం పొడి, ఒక టీ స్పూన్ ధనియాల పొడి, తరిగిన పచ్చిమిర్చి, ఒక టీ స్పూన్ సాల్ట్ మరియు తరిగిన కొత్తిమీర వేసి కలిపుకోవాలి.
  • ఇప్పుడు మనం తయారు చేసుకున్న గోధుమ పిండి నుండి కొంత పిండిని తీసుకొని చపాతీ లాగా చేసుకోవాలి.
  • చపాతీ లాగా చేసుకున్న పిండి యొక్క అంచులను కట్ చేసి స్క్వేర్ షేప్ చేసుకోండి.
  • ఆ తరువాత తవా పై వేసి రెండు వైపులా సుమారు 30 సెకండ్ల పాటు హీట్ చేయాలి.
  • ఇప్పుడు దానిని మూడు దీర్ఘ చతురస్ర (rectangle) భాగాలుగా చాకుతో కోసి ఒక్కొక్క భాగాన్ని ఒక ట్రయాంగిల్ ఆకారంలో మడిచి ఆనియన్ మిశ్రమాన్ని స్టఫ్ఫ్ చేసుకోవాలి.
  • కార్న్ ఫ్లోర్ లో కొద్దిగా నీళ్ళు కలిపి ఆ తడితో సమోసా యొక్క అన్ని అంచులను గ్యాప్ లేకుండా మూయాలి.
  • వీటిని బాగా కాగిన నూనె లో డీప్ ఫ్రై చేసుకుంటే నోరూరించే ఆనియన్ సమోసా తయారు!!!
Posted on

Baby corn soup recipe in Telugu – బేబీ కార్న్ సూప్ రెసిపీ

ప్రపంచవ్యాప్తంగా అత్యధికంగా దిగుమతి చేయబడే ఆరోగ్యకరమైన కూరగాయలలో బేబీ కార్న్ ఒకటి. ఆసియా మరియు ఓరియంటల్ వంటలలో విస్తృతంగా ఉపయోగించబడుతున్న బేబీ కార్న్ ని ఫ్రైస్ మరియు సలాడ్లకు జోడించుకుంటే ఎంతో రుచిరమైన క్రిస్పీ ఫుడ్ తయారవుతుంది. బరువు తగ్గడానికి ప్రయత్నిస్తున్నవారికి బేబీ కార్న్ ఒక మంచి ఆహార పదార్థం. తక్కువ కేలరీలు, అధిక ఫైబర్ మరియు న్యూట్రియెంట్స్ గల ఆరోగ్యకరమైన ‘బేబీ కార్న్ సూప్’ని ఎలా తయారు చేయాలో చూద్దాం.

 కావలసిన పదార్థాలు

  • నూనె – 1 కప్పు
  • ఉప్పు – 2 టేబుల్ స్పూన్
  • కార్న్ ఫ్లోర్ – 1/2 కప్పు
  • సొయా సాస్ – 1 టేబుల్ స్పూన్
  • గ్రీన్ చిల్లీ సాస్ – 1 టేబుల్ స్పూన్
  • రెడ్ చిల్లీ సాస్ – 1 టేబుల్ స్పూన్
  • కట్ చేసుకున్న బేబీ కార్న్
  • టమాటో సాస్ – 1 టేబుల్ స్పూన్
  • కట్ చేసుకున్న క్యారట్ – 1/2 కప్పు
  • కట్ చేసుకున్న రెడ్ కాప్సికం – 1/2 కప్పు
  • కట్ చేసుకున్న ఎల్లో కాప్సికం – 1 కప్పు
  • కట్ చేసుకున్న క్యాబేజి – 1 కప్పు
  • వెలుల్లి ముక్కలు

తయారు చేసే విధానం

  • ఒక ఫ్యాన్ లో 2 టీ స్పూన్ ల నూనె అందులో కట్ చేసుకున్న క్యారట్, రెడ్ కాప్సికం, 1 కప్పు ఎల్లో కాప్సికం వేసుకొని బాగా ఫ్రై చేయాలి.
  • ఆ తరువాత అందులో ఒక స్పూన్ వెలుల్లి ముక్కలను వేసుకోవాలి.
  • వెలుల్లి కుక్ అయిన తరువాత కట్ చేసి ఉంచుకున్న బేబీ కార్న్ ముక్కలను వేసి ఫ్రై చేయాలి.
  • తరువాత 1 కప్పు క్యాబేజి వేసి ఫ్రై చేసుకోవాలి.
  • ఇప్పుడు అందులో 1 టీ స్పూన్ సొయా సాస్, 1 టీ స్పూన్ గ్రీన్ చిల్లీ సాస్, 1 టీ స్పూన్ టమాటో సాస్, 1 టీ స్పూన్ రెడ్ చిల్లీ సాస్ వేసుకొని ఫ్రై చేయాలి.
  • ఆ తరువాత అందులో కార్న్ ఫ్లోర్ నీటిని (కార్న్ ఫ్లోర్ లో తగినన్ని నీళ్లు పోసుకొని బాగా కలుపుకోవాలి) మరియు తగినంత నీటిని, 1 టీ స్పూన్ ఉప్పు వేసి బాగా కలిపి ఉడికించాలి.
  • మిశ్రమం బాగా ఉడికిన తరువాత స్టవ్ ఆఫ్ చేయండి.
  • ఎంతో రుచికరమైన ఆరోగ్యకరమైన ‘బేబీ కార్న్ సూప్’ రెడీ. దీనిని సర్వింగ్ బౌల్ లో సర్వ్ చేయండి.
Posted on

How to make veg fish – Best Indian snack recipe – వెజ్ ఫిష్ రెసిపీ

వెజిటేరియన్ ఇంగ్రీడియెంట్స్ ని ఉపయోగించి ఫిష్ ఆకారంలో ఒక వంటకాన్ని మనం ఇప్పుడు తయారు చేయబోతున్నాము. ఇది ఎంతో రుచికరమైన, క్రిస్పీ గా ఉండే ఒక వెజిటేరియన్ ఈవినింగ్ స్నాక్స్. మరి పిల్లలు ఎంతో ఇష్టపడే ‘వెజ్ ఫిష్’ ని ఎలా చేయాలో చూద్దాం.

కావలసిన పదార్థాలు

  • మైదా – 1 కప్పు
  • ఉప్పు – 4 టేబుల్ స్పూన్
  • బంగాళదుంప – 3
  • చాట్ మసాలా – 1 టేబుల్ స్పూన్
  • సోంపు – 1 టేబుల్ స్పూన్
  • మిరియాల పొడి – 1 టేబుల్ స్పూన్
  • మ్యాంగో పొడి – 1 టేబుల్ స్పూన్
  • రెడ్ చిల్లీ పౌడర్ – 1 టేబుల్ స్పూన్
  • కిచెన్ కింగ్ మసాలా – 1 టేబుల్ స్పూన్
  • నెయ్యి
  • లవంగాలు
  • నూనె – డీప్ ఫ్రై చేయడానికి

తయారు చేసే విధానం

  • 3 బంగాళదుంపలను బాగా ఉడికించి తోలు వొలిచి ఉంచుకోవాలి.
  • ఒక బౌల్ లో 1 కప్పు మైదా, 2 టీ స్పూన్ ఉప్పు వేసుకొని కావలసినంత నీటిని చేర్చి చపాతి పిండి ముద్దలా చేసుకోవాలి.
  • అందులో కొంత నెయ్యి వేసి బాగా కలుపుకోవాలి.
  • ఆ తరువాత ఒక క్లోత్ తో కవర్ చేసి 30 నిమిషాల పాటు ఉంచాలి.
  • ఆ సమయంలో ఉడికించుకున్న బంగాళదుంపలను మాష్ చేసుకొని 1 టీ స్పూన్ చాట్ మసాలా, 1 టీ స్పూన్ కిచెన్ కింగ్ మసాలా, 2 టీ స్పూన్ ఉప్పు, 1 టీ స్పూన్ మిరియాల పొడి మరియు 1 టీ స్పూన్ మ్యాంగో పౌడర్ వేసి బాగా కలుపుకోవాలి.
  • ఇప్పుడు అందులో 1 టీ స్పూన్ రెడ్ చిల్లీ పౌడర్, సోంపు వేసి కలుపుకుంటే స్టఫ్ చేయడానికి కావలసిన బంగాళదుంప రెడీ.
  • 30 నిమిషాల పాటు క్లోత్ వేసి ఉంచిన పిండిని తీసుకొని 9 రౌండ్స్ లా చేసుకొని చపాతి కర్రను ఉపయోగించి ఫిష్ ఆకారంలోకి చేసుకోవాలి.
  • మధ్యలో స్టఫ్ ని ఉంచి సైడ్స్ లో ఉన్న పిండిని చిన్న చిన్న రెక్కలుగా కట్ చేసుకొని జిగ్ జాగ్ స్టైల్ లో స్టఫ్ పై కవర్ చేసుకొని ఫిష్ ఆకారంలో రెడీ చేసుకోవాలి.
  • ఇప్పుడు ఒక ఫ్యాన్ లో డీప్ ఫ్రై చేయడానికి కావలసినంత నూనె పోసుకొని, నూనె వేడెక్కిన తరువాత రెడీ గా ఉంచుకున్న ఫిష్ ని అందులో డీప్ ఫ్రై చేసుకోవాలి.
  • రెండు వైపులా బాగా ఫ్రై అయిన తరువాత ప్లేట్ లో ఉంచి ఆనియన్స్ మరియు కొత్తిమీరను చల్లి డెకరేట్ చేసి సర్వ్ చేయండి.
  • అంతే ఎంతో రుచికరమైన ‘చికెన్ సూప్’ రెడీ.
Posted on

Chicken soup recipe in Telugu – చికెన్ సూప్ రెసిపీ

చలి కాలంలో ప్రతి ఒక్కరూ ఎంతో ఇష్టపడే నాన్ వెజిటేరియన్ ఫుడ్ ‘చికెన్’. అందులోనూ సూప్ ని డిన్నర్ స్పెషల్ గా తీసుకుంటారు. మరి కొన్ని వెజిటేబుల్స్ ని జోడించి ఎంతో యమ్మీ మరియు ఆరోగ్యకరమైన చికెన్ క్లియర్ సూప్ ఎలా చేయాలో తెలుసుకుందామా?

కావలసిన పదార్థాలు

  • బే లీఫ్ – 1
  • లవంగాలు – 5  లేదా 6
  • ఏలకులు- 3
  • మిరియాలు – కొన్ని  (1 స్పూన్)
  • ధనియాలు – కొన్ని (1 స్పూన్)
  • వెలుల్లి – 5 ముక్కలు
  • అల్లం – 3 లేదా 4 చిన్న ముక్కలు
  • కట్ చేసుకున్న పచ్చి మిరపకాయలు – 2
  • కట్ చేసుకున్న క్యారట్ – 1
  • కట్ చేసుకున్న క్యాబేజీ – 1/2 కప్పు
  • కట్ చేసుకున్న ఉల్లిపాయ – 1
  • చికెన్ బోన్స్ – 1 బౌల్
  • నీరు – 1 లీటర్
  • ఉప్పు
  • బోన్ లెస్ చికెన్ – 1 కప్పు
  • కొత్తిమీర
  • నిమ్మరసం – 1 స్పూన్

తయారు చేసే విధానం

  • స్టవ్ పై ప్రెషర్ కుక్కర్ ఉంచి అందులో బే లీఫ్, లవంగాలు, ఏలకులు, మిరియాలు, ధనియాలు, వెలుల్లి, అల్లం, కట్ చేసుకున్న పచ్చి మిరపకాయలు, కట్ చేసుకున్న క్యారట్, కట్ చేసుకున్న క్యాబేజీ, కట్ చేసుకున్న ఉల్లిపాయ, చికెన్ బోన్స్, 1 లీటర్ నీరు మరియు 1 టీ స్పూన్ ఉప్పు వేసి 10 నిమిషాల పాటు ప్రెషర్ కుక్ చేయండి.
  • ఆ తరువాత నీటిని వడగట్టి అందులో 1 టీ స్పూన్ ఉప్పు, బోన్ లెస్ చికెన్ వేసి 15 నిమిషాల పాటు కుక్ చేయండి.
  • బాగా ఉడికిన తరువాత కొంచెం కొత్తిమీర, 1 స్పూన్ నిమ్మరసం పిండి స్టవ్ ఆఫ్ చేయండి. ఇందులో ఇదివరకే ఉడికించిన వెజిటేబుల్స్ ని జోడించుకోవచ్చు.
  • ఎంతో రుచికరమైన ‘చికెన్ సూప్’ రెడీ.
Posted on

Veg pasta recipe in Telugu – వెజ్ స్పైసీ పాస్తా రెసిపీ

దురుమ్ గోధుమ పిండితో తయారు చేయబడే ఒక ఇంగ్రీడియెంట్ పాస్తా. ఇది చాలా ఇటాలియన్ వంటకాలకు ప్రధానమైన పదార్థం. పాస్తా అనగానే ఇటాలియన్ రెసిపీస్ గుర్తొస్తాయి. పాస్తా లో లాంగ్ పాస్తా, షార్ట్ పాస్తా, ఎగ్ పాస్తా, ఫ్రెష్ పాస్తా మరియు అల్ ఫోర్నో పాస్తా లాంటి ఎన్నో రకాలు ఉన్నాయి. మరి మనకు అందుబాటులో ఉండే స్ప్రింగ్ పాస్తా తో ఈవినింగ్ స్నాక్స్ లేదా డిన్నర్ కి ఎంతో రుచికరమైన ‘వెజ్ స్పైసీ పాస్తా’ ఎలా చేయాలో చూద్దాం.

కావలసిన పదార్థాలు

  • పాస్తా – 1 కప్పు
  • నూనె – 6 టేబుల్ స్పూన్
  • ఉప్పు – 1 టేబుల్ స్పూన్
  • టమాటో సాస్ – 1 టేబుల్ స్పూన్
  • పసుపు పొడి – 1 టేబుల్ స్పూన్
  • జింజర్ అండ్ గార్లిక్ పేస్ట్ – 1 టేబుల్ స్పూన్
  • రెడ్ కాప్సికం – ¼ కప్పు
  • గ్రీన్ కాప్సికం – 1 కప్పు
  • తరిగిన ఉల్లిపాయలు – 1 కప్పు
  • తరిగిన క్యారట్ – ¼ కప్పు
  • టమాటో పురీ – 1 కప్పు
  • వెల్లుల్లి ముక్కలు – 2 స్పూన్

తయారు చేసే విధానం

  • స్టవ్ పై ఒక ఫ్యాన్ లో 1 కప్పు నీళ్లు, 2 టీ స్పూన్ నూనె మరియు 1 కప్పు పాస్తా వేసి రెండు నిమిషాల పాటు మూత వేసి ఉడికించాలి.
  • పాస్తా కుక్ అవ్వగానే వాటిని వడగట్టి ఒక బౌల్ లోకి తీసుకోండి.
  • ఇప్పుడు ఒక ప్యాన్ లో 4 టీ స్పూన్ నూనె, 2 – స్పూన్ వెల్లుల్లి ముక్కలు వేసి ఫ్రై చేయాలి.
  • వెలుల్లి ఫ్రై అయిన తరువాత అందులో 1 టీ స్పూన్ జింజర్ అండ్ గార్లిక్ పేస్ట్ వేసి ఫ్రై చేయాలి.
  • జింజర్ అండ్ గార్లిక్ పేస్ట్ బాగా ఫ్రై అయిన తరువాత 1 కప్పు తరిగిన ఉల్లిపాయలను వేసి 2 నిమిషాల పాటు ఫ్రై చేయండి.
  • ఉల్లిపాయలను బాగా ఫ్రై చేసిన తరువాత 1 కప్పు టమాటో పురీ వేసి రెండు నిమిషాల పాటు కుక్ చేయండి.
  • ఆ తరువాత, 1/4 కప్పు తరిగిన రెడ్ కాప్సికం, 1 కప్పు తరిగిన గ్రీన్ కాప్సికం మరియు 1/4 కప్పు తరిగిన క్యారట్ వేసి బాగా కలపండి.
  • అందులో 1 టేబుల్ స్పూన్ ఉప్పు వేసి బాగా కలపాలి.
  • ఆ తరువాత 1 టీ స్పూన్ టమాటో సాస్, 1 టీ స్పూన్ పసుపు పొడి వేసి కుక్ చేయండి.
  • అన్ని పదార్థాలు బాగా ఫ్రై అయిన తరువాత ఉడికించిన పాస్తాను వేసి కలుపుకోవాలి.

అంతేనండి ఎంతో యమ్మీ ‘వెజ్ స్పైసీ పాస్తా’ రెడీ!

Posted on

Potato and spring onion recipe in Telugu – ఆలూ స్ప్రింగ్ ఆనియన్ రెసిపీ

సంవత్సరం పొడుగునా మనకు అందుబాటులో ఉండే కూరగాయలలో ఒకటి బంగాళదుంప. దీనినే ఆలు అని కూడా అంటారు. బంగాళదుంప లో పోషకాలు సమృద్ధిగా ఉంటాయి మరియు వాటితో ఎంతో రుచికరమైన వంటకాలను చేసుకోవచ్చు. భోజనం సమయంలో గాని రాత్రి డిన్నర్ కి చపాతీ లోకి గాని ఎంతో రుచిని చేకూర్చే మరియు ఎంతో సింపుల్ గా చేయగలిగే “ఆలూ స్ప్రింగ్ ఆనియన్” ని  ఎలా చేయాలో చూద్దాం.

కావలసిన పదార్థాలు

  • నూనె – 2 టీ స్పూన్
  • జీరా – 1 టీ స్పూన్
  • బంగాళదుంప – 1
  • ఉప్పు – 1 టీ స్పూన్
  • పసుపు పొడి – 1 టీ స్పూన్
  • చిల్లీ పౌడర్ – 1 టీ స్పూన్
  • గరం మసాలా పొడి – 1/2 టీ స్పూన్
  • స్ప్రింగ్ ఆనియన్ – 1 కప్పు
  • కొత్తిమీర

తయారు చేసే విధానం

  • ఒక ప్యాన్ ని స్టవ్ మీద ఉంచి అందులో 2 టీ స్పూన్ నూనె పోయాలి.
  • నూనె వేడయిన తరువాత ఒక టీ స్పూన్ జీరా, చిన్న చిన్న ముక్కలుగా తరిగిన ఆలు ను వేసి రెండు నిమిషాల పాటు ఫ్రై చేయాలి.
  • ఆ తరువాత 1 టీ స్పూన్ ఉప్పు, 1 టీ స్పూన్ పసుపు పొడి, 1 టీ స్పూన్ మిరప్పొడి మరియు 1/2 టీ స్పూన్ గరం మసాలా పొడి వేసి ఒక నిమిషం పాటు ఫ్రై చేయాలి.
  • ఆ తరువాత చిన్న చిన్న ముక్కలుగా తరిగిన 1 కప్పు స్ప్రింగ్ ఆనియన్ ని అందులో వేసి రెండు నిమిషాల పాటు ఫ్రై చేయండి.
  • ఇప్పుడు ఆ ప్యాన్ పై మూత వేసి 2 నిమిషాల పాటు కుక్ చేయాలి.
  • కుక్ అయిన తరువాత మరో నిమిషం పాటు ఫ్రై చేసి కొంత కొత్తిమీరని పైన చల్లండి.
  • అంతే ఎంతో రుచికరమైన ‘ఆలూ స్ప్రింగ్ ఆనియన్’ రెడీ.