Posted on

Easy veg sandwich recipe in Telugu – బ్రెడ్ సాండ్విచ్ రెసిపీ

ఎప్పుడూ ఒకే లాంటి బ్రేక్ ఫాస్ట్ తిని బోర్ కొట్టేసిందా! మరి పిల్లలు పెద్దలు ప్రతి ఒక్కరూ ఇష్టపడేటువంటి బ్రేక్ ఫాస్ట్ ని తయారు చేయాలనుకుంటున్నారా! అయితే తప్పక ఈ సాండ్విచ్ ని ట్రై చేసి ఎంతో తక్కువ సమయంలో ఆరోగ్యకరమైన బ్రేక్ ఫాస్ట్ ని తయారు చేసుకోండి.

కావలసిన పదార్థాలు

  • బట్టర్ – 2 టేబుల్ స్పూన్
  • బ్రెడ్ ముక్కలు – 3
  • ఉల్లిపాయలు
  • టమోటా
  • క్యారట్
  • క్యాప్సికం
  • టమోటా కెచ్అప్
  • సోయా సాస్
  • రెడ్ చిల్లీ సాస్
  • ఉప్పు
  • రెడ్ చిల్లీ పౌడర్
  • పెప్పర్ పౌడర్
  • మ్యాంగో పౌడర్
  • కొత్తిమీర
  • మోజెరెల్ల చీస్
  • పసుపు పొడి

తయారీ విధానం

  • స్టవ్ పై ప్యాన్ ని ఉంచి 2 టీ స్పూన్ల బట్టర్ ని వేసుకొని బట్టర్ ని కరిగించుకోవాలి.
  • బట్టర్ కరిగిన తరువాత అందులో 2 తురిమిన ఉల్లిపాయలు, 2 తురిమిన క్యాప్సికం, 1 తురిమిన క్యారట్, చిన్నగా తరిగిన 2 పచ్చి మిర్చీలు వేసి 5 నిమిషాలు దోరగా వేయించుకోవాలి.
  • వేసుకున్న కూరగాయలు బాగా ఫ్రై అయిన తరువాత అందులో 1 టీ స్పూన్ ఉప్పు, 1 టీ స్పూన్ మ్యాంగో పౌడర్, 1 టీ స్పూన్ పెప్పర్ పౌడర్ వేసుకొని 2 నిమిషాలు ఫ్రై చేసుకోవాలి.
  • ఆ తరువాత 2 తరిగిన టమోటాలు వేసి 2 నిమిషాలు కుక్ చేయాలి.
  • టమోటాలు బాగా ఉడికిన తరువాత అందులో 1 టీ స్పూన్ టమోటా కెచ్అప్, 1 టీ స్పూన్ సోయా సాస్, 1 టీ స్పూన్ రెడ్ చిల్లీ సాస్, 1 టీ స్పూన్ పసుపు పొడి, 1/2 టీ స్పూన్ ఉప్పు వేసి బాగా కలిపి 2 నిమిషాల పాటు ఫ్రై చేయాలి.
  • చివరిగా అందులో రెడ్ చిల్లీ పౌడర్, కొంత కొత్తిమీర వేసి 2 నిమిషాలు ఫ్రై చేసుకొని 4 క్యూబ్స్ మోజెరెల్ల చీస్ ని వేసి చీస్ కరిగే వరకు 2 నిమిషాలు ఫ్రై చేసుకోవాలి.
  • దానిపై కొత్తిమీరతో గార్నిష్ చేసి పక్కకు పెట్టుకోవాలి.
  • ఇప్పుడు బ్రెడ్ ముక్కల యొక్క సైడ్స్ ని ట్రిమ్ చేసి, తయారు చేసుకున్న స్టఫ్ ని రెండు బ్రెడ్ ముక్కల మధ్యలో స్టఫ్ చేసుకోవాలి.
  • ఇప్పుడు ఒక ప్యాన్ పై బట్టర్ రాసి సాండ్విచ్ యొక్క రెండు వైపులూ ఎర్రగా అయ్యే వరకు రోస్ట్ చేసుకుంటే ఎంతో రుచికరమైన వేడి వేడి బ్రెడ్ సాండ్విచ్ రెడీ!
Posted on

Aloo methi paratha recipe in Telugu – ఆలూ మేతి పరాతా రెసిపీ

ఈవినింగ్ స్నాక్స్, మార్నింగ్ టిఫన్ లేదా డిన్నర్ సమయంలోనైనా సరే ఎంతో సులువుగా తొందరగా ఆకలిని తీర్చే ఒక ఆహారం ‘ఆలూ మేతి పరాతా’. ఎంతో రుచికరమైన ఈ న్యుట్రీషియస్ పరాతాను పిల్లలు ఎంతో ఇష్టపడతారు. మరి దీనిని ఎలా చేయాలో చూద్దాం.

కావలసిన పదార్థాలు

  • గోధుమ పిండి- 1 కప్పు
  • ఉప్పు – 1 టీ స్పూన్
  • నూనె
  • బంగాళదుంపలు – 3
  • తరిగిన పచ్చి మిర్చులు – 2
  • కసూరి మేతి – 1 టీ స్పూన్
  • చాట్ మసాలా – 1 టీ స్పూన్
  • తరిగిన ఉల్లిపాయలు – 1
  • జీరా – 1 టీ స్పూన్
  • మెంతి ఆకులు – 1 కప్పు
  • అల్లం పేస్ట్ – 1 టీ స్పూన్
  • పసుపు పొడి – 1 టీ స్పూన్
  • ధనియాల పొడి – 1 టీ స్పూన్
  • గరం మసాలా -1 టీ స్పూన్
  • బట్టర్ – 2 టీ స్పూన్లు

తయారీ విధానం

  • ఒక బౌల్ లో 1 కప్పు గోధుమ పిండి, 1 టీ స్పూన్ ఉప్పు, 1 టీ స్పూన్ నూనె వేసుకొని బాగా కలుపుకోవాలి.
  • ఇప్పుడు అందులో కొద్దిగా నీళ్లు పోసి చపాతీ పిండిలా కలుపుకొని పక్కకు పెట్టుకోవాలి.
  • పరాతా యొక్క స్టఫింగ్ ని తయారుచేయడానికి ముందుగా 3 బంగాళదుంపలను కుక్కర్లో ఉడకబెట్టి తోలు తీసి బాగా మ్యాష్ చేసుకోవాలి.
  • ఆ తరువాత అందులో చిన్నగా తరిగిన 2 పచ్చి మిర్చులు, 1 టీ స్పూన్ కసూరి మేతి, 1 టీ స్పూన్ చాట్ మసాలా, 1 తరిగిన ఉల్లిపాయలు వేసి బాగా కలుపుకోవాలి.
  • స్టవ్ పై ఒక ప్యాన్ ని ఉంచి 2 టీ స్పూన్ నూనె పోసుకొని 1 టీ స్పూన్ జీరా, 1 కప్పు మేతి ఆకులు, వేసుకొని 2 నిమిషాల పాటు దోరగా వేయించుకోవాలి.
  • ఆ తరువాత అందులో 1 టీ స్పూన్ అల్లం పేస్ట్ వేసి 2 నిమిషాలు వేయించాలి.
  • ఇప్పుడు అందులో 1 టీ స్పూన్ పసుపు పొడి, 1 టీ స్పూన్ ధనియాల పొడి, 1 టీ స్పూన్ గరం మసాలా వేసి కలుపుకోవాలి.
  • పై మిశ్రమంలో మ్యాష్ చేసి ఉంచుకున్న బంగాళదుంపలను కూడా వేసుకొని దోరగా వేయించి బాగా కలుపుకొని పక్కకు పెట్టుకోవాలి.
  • ఇప్పుడు తయారు చేసి ఉంచుకున్న చపాతీ పిండిని తీసుకొని చపాతీ కర్రతో చిన్నగా తిక్కి మధ్యలో బంగాళదుంప మిశ్రమాన్ని ఉంచి అన్ని వైపులా పిండితో కవర్ చేసి పరాతా లా తిక్కుకోవాలి.
  • స్టవ్ పై ప్యాన్ ఉంచి బట్టర్ రాసి ప్యాన్ వేడెక్కిన తరువాత పరాతాను రెండు వైపులా బాగా ఎర్రగా అయ్యేలా కాల్చుకుంటే ఎంతో రుచికరమైన ఆలూ మేతి పరాతా రెడీ!
Posted on

Egg kabab / Egg kebab recipe in Telugu – ఎగ్ కబాబ్ రెసిపీ

ఎగ్ కబాబ్ ఎంతో రుచికరమైన ఈవెనింగ్ స్నాక్స్. రుచి మాత్రమే కాదండి, ఇందులోని ముఖ్యమైన ఇంగ్రీడియంట్ గుడ్లలో అధిక నాణ్యత కలిగిన ప్రోటీన్లు, విటమిన్లు మరియు ఎన్నో ఖనిజాలు కూడా ఉన్నాయి. ఎదుగుతున్న పిల్లల ఆరోగ్యానికి ఎంతో మంచిది. మరి అటువంటి ఇంగ్రీడియంట్ తో ఎంతో రుచికరమైన ఎగ్ కబాబ్ ని ఎలా చేయాలో చూద్దాం.

కావలసిన పదార్థాలు

  • నూనె – 1/4 కప్పు
  • తరిగిన ఉల్లిపాయలు – 1
  • బంగాళదుంపలు – 3
  • ఉప్పు – 1 టేబుల్ స్పూన్
  • కొట్టిన గుడ్లు – 2
  • బ్రెడ్ క్రమ్బ్స్
  • ఉడికించిన గుడ్లు – 5
  • జీలకర్ర పొడి – 1 టేబుల్ స్పూన్
  • ధనియాల పొడి – 1 టేబుల్ స్పూన్
  • పసుపు పొడి – 1 టేబుల్ స్పూన్
  • రెడ్ చిల్లీ పౌడర్ – 1 టేబుల్ స్పూన్
  • గరం మసాలా – 1 టేబుల్ స్పూన్
  • కొత్తిమీర – 1/2 కప్పు
  • తురిమిన మోజరెల్లా చీస్ – 1/4 కప్పు

తయారీ విధానం

  • స్టవ్ పై ఒక ప్యాన్ ని ఉంచి అందులో 1 కప్పు నూనె పోసుకొని, నూనె వేడయ్యాక 1 కప్పు తరిగిన ఉల్లిపాయలను వేసి వేయించుకోవాలి.
  • ఆ తరువాత ఉడికించి మ్యాష్ చేసుకున్న 3 బంగాళదుంపలను, 1 టీ స్పూన్ జీలకర్ర పొడి, 1 టీ స్పూన్ ధనియాల పొడి, 1 టీ స్పూన్ ఉప్పు, 1 టీ స్పూన్ రెడ్ చిల్లీ పౌడర్, 1/2  టీ స్పూన్ పసుపు పొడి వేసి బాగా కలిపి 5 నిమిషాల పాటు దోరగా వేయించుకోవాలి.
  • ఆ తరువాత అందులో 1 టీ స్పూన్ గరం మసాలా వేసి కలుపుకోవాలి.
  • ఇప్పుడు 1/2 కప్పు తరిగిన కొత్తిమీర, 1/4 కప్పు తరిగిన మోజరెల్లా చీస్ వేసి 5 నిమిషాల పాటు దోరగా వేయించుకుంటే కబాబ్ కి కావలసిన మిశ్రమం తయారవుతుంది.
  • ఈ మిశ్రమాన్ని కొద్దిగా తీసుకొని అందులో ఉడికించిన గుడ్డుని ఉంచి చుట్టూ ఈ మిశ్రమం కవర్ అయ్యేలా స్టఫ్ చేసుకోవాలి.
  • అలా 5 స్టఫ్ చేసుకున్న కబాబ్ లను సిద్ధం చేసుకొని పక్కన పెట్టుకోవాలి.
  • ఇప్పుడు ఆ కబాబ్లను కొట్టిన గుడ్లలో ముంచి ఆ తరువాత బ్రెడ్ క్రమ్స్ లో ముంచి ఫ్రై చేయడానికి సిద్ధంగా ఉంచుకోవాలి.
  • ఇప్పుడు స్టవ్ పై డీప్ ఫ్రై చేసేందుకు ఒక ప్యాన్ ని ఉంచి 1 కప్పు నూనెని అందులో పోయాలి.
  • నూనె బాగా వేడెక్కిన తరువాత సిద్ధంగా ఉంచుకున్న కబాబ్ లను అందులో వేసి డీప్ ఫ్రై చేసుకుంటే ఎంతో రుచికరమైన వేడి వేడి ఎగ్ కబాబ్ రెడీ!
Posted on

How to make potato tawa in Telugu – పొటాటో తవా / ఆలూ కే నాన్ రెసిపీ

బంగాళదుంపలతో ఎన్నో రకాల వంటకాలను చేసుకోవచ్చు. బ్రేక్ ఫాస్ట్, లంచ్, ఈవినింగ్ స్నాక్స్ ఇంకా డిన్నర్, ఏ సమయంలోనైనా బంగాళదుంపలతో ఎన్నో రుచికరమైన వంటలను చేసుకోవచ్చు. సడన్ గా మీ ఇంటికి ఎవరైనా గెస్ట్స్ వచ్చినప్పుడు, లేదా మీ కొరకు తొందరగా ఏదైనా స్నాక్స్ ని చేసుకోవాలని అనుకున్నప్పుడు ఈ ఈజీ అండ్ క్విక్ పొటాటో తవా రెసిపీ ని ట్రై చేయండి.

కావలసిన పదార్థాలు

  • బంగాళదుంపలు – 2
  • నిమ్మరసం – 1 టేబుల్స్ స్పూన్
  • రెడ్ చిల్లీ పౌడర్
  • ఉప్పు – 1 టేబుల్ స్పూన్
  • అల్లం వెలుల్లి పేస్ట్ – 1 టేబుల్స్ స్పూన్
  • నూనె
  • పసుపు పొడి – 1 టేబుల్స్ స్పూన్

తయారీ విధానం

  • ముందుగా బంగాళదుంపలను బాగా కడిగి తోలు తీసి, చిన్న చిన్న రౌండ్ స్లైసస్ గా కట్ చేసుకోవాలి.
  • ఆ తరువాత స్టవ్ పై ప్యాన్ ని ఉంచి 1 కప్పు నీళ్లు పోసి మూత పెట్టి 5 నిమిషాలు ఉడికించాలి.
  • నీళ్లు బాగా ఉడుకుతుండగా కట్ చేసి ఉంచుకున్న బంగాళదుంపలను వేసి మూత పెట్టి మరో 5 నిమిషాలు ఉడికించాలి.
  • ఆ తరువాత నీటిని వడగట్టి బంగాళదుంపలను ఒక బౌల్ లోకి తీసుకోవాలి.
  • ఇప్పుడు అందులో 1 టీ స్పూన్ నిమ్మరసం, 1 టీ స్పూన్ ఉప్పు, 1 స్పూన్ పసుపు పొడి, 1 స్పూన్ రెడ్ చిల్లీ పౌడర్, 1 స్పూన్ అల్లం వెలుల్లి పేస్ట్ వేసి అన్ని స్లైసస్ పై సమానంగా స్ప్రెడ్ అయ్యేటట్లు కలుపుకోవాలి.
  • ఇప్పుడు స్టవ్ పై ఒక తవా ఉంచి 4 స్పూన్ల నూనెని రాసి బంగాళదుంప స్లైసస్ ని రెండు వైపులా రోస్ట్ చేసుకుంటే, ఎంతో రుచికరమైన పొటాటో తవా రెడీ!
Posted on

How to make Nutella biscuits in Telugu – నూటెల్లా బిస్కట్స్ రెసిపీ

రోజూ ఒకే రకమైన బిస్కట్స్ ని తిని బోర్ కొడుతోందా! పిల్లలకు ఎంతో ఇష్టమైన బిస్కట్స్ ని మరింత రుచికరంగా ఆరోగ్యకరంగా మార్చాలనుకుంటున్నారా! అయితే ఈ రెసిపీని ట్రై చేయండి. బిస్కట్స్ కి రుచితో పాటు ఆరోగ్యాన్ని కూడా జోడించేందుకు నూటెల్లా క్రీం ని ఉపయోగించి నూటెల్లా బిస్కట్స్ ని తయారు చేసుకోండి.

కావలసిన పదార్థాలు

  • పాలు
  • నూటెల్లా క్రీం
  • పైన్ ఆపిల్ (అనాస పండు) ఎస్సెన్స్
  • వైట్ బట్టర్ – 200 గ్రాములు
  • ఏలకుల పొడి – 1 టేబుల్ స్పూన్

తయారీ విధానం

  • ఒక బౌల్ లో 200 గ్రాముల వైట్ బటర్ ని బాగా చూర్ణం చేసుకోవాలి.
  • ఆ తరువాత అందులో కొద్దిగా నూటెల్లా క్రీం వేసుకొని బాగా కలుపుకోవాలి.
  • అందులో 1 స్పూన్ ఏలకుల పొడి, కొద్దిగా పైన్ ఆపిల్ ఎస్సెన్స్ వేసుకొని బాగా కలుపుకొని సిద్ధంగా ఉంచుకోవాలి.
  • ఇప్పుడు మీకు నచ్చిన బిస్కట్‌లను పాలలో ముంచి ముందుగా సిద్ధం చేసుకున్న నూటెల్లా మిశ్రమాన్ని రెండు వైపులా రాసి, ఒకదానిపై ఒకటి ఉంచుకోవాలి.
  • ఇప్పుడు ఈ బిస్కట్‌లను 1 గంట సేపు ఫ్రీజర్ లో ఫ్రీజ్ చేసి కట్ చేసుకుంటే ఎంతో రుచికరమైన నూటెల్ల బిస్కట్స్ రెడీ!
Posted on

Aloo tikki / Potato patty recipe in Telugu – ఆలూ టిక్కీ రెసిపీ

ఉత్తర భారత దేశం మరియు బంగ్లాదేశ్ లో ఎంతో ప్రసిద్ధమైన చాట్ ఆలూ టిక్కీ. కొన్ని చోట్లలో దీనిని ఆలూ ప్యాటీస్ అని కూడా అంటారు. టిక్కీ అంటే కట్లెట్ అని అర్థం. మాములుగా దీనిపై ఉల్లిపాయలు చల్లి చోలే (బఠాణి కరీ) తో సర్వ్ చేస్తారు. మరి ఎంతో రుచికరమైన ఈ చాట్ ని ఎలా చేయాలో చూద్దాం.

కావలసిన పదార్థాలు: 

  • బంగాళదుంపలు – 3
  • బ్రెడ్ స్లైసులు – 3
  • గరం మసాలా – 1 టేబుల్స్ స్పూన్
  • తరిగిన ఉల్లిపాయలు – 1
  • ఉప్పు – 1 టేబుల్ స్పూన్
  • జీరా పౌడర్ – 1/2 టేబుల్ స్పూన్
  • తరిగిన పచ్చి మిర్చి – 1
  • పసుపు పొడి – 2 చిటికెలు
  • నూనె
  • కొత్తిమీర

తయారీ విధానం:

  • ముందుగా బ్రెడ్ యొక్క కార్నర్స్ ని తీసేసి, చిన్న ముక్కలుగా కట్ చేసుకొని పక్కన పెట్టుకోవాలి.
  • ఆ తరువాత 3 బంగాళదుంపలను ప్రెషర్ కుక్ చేసి తోలు తీసి బాగా మ్యాష్ చేసుకొని అందులో తయారుగా ఉంచుకున్న బ్రెడ్ ముక్కలను కూడా వేసుకొని బాగా చూర్ణం చేసుకోవాలి.
  • ఆ తరువాత అందులో 1 తరిగిన పచ్చి మిర్చి, 1 టీ స్పూన్ గరం మసాలా, 2 చిటికెల పసుపు పొడి, 1/2 టీ స్పూన్ జీరా పౌడర్, 1 తరిగిన ఉల్లిపాయలు, కొన్ని కొత్తిమీరలు, 1 టీ స్పూన్ ఉప్పు వేసి బాగా కలుపుకోవాలి.
  • ఈ మిశ్రమాన్ని చిన్న చిన్న రౌండ్స్ గా చేసి కట్లెట్ షేప్ లో సిద్దంచేసుకోవాలి.
  • ఆ తరువాత పెనుము పై కొద్దిగా ఆయిల్ పోసుకొని కట్లెట్స్ ని రెండు వైపులా గోల్డెన్‌ బ్రౌన్ రంగు వచ్చే వరకు రోష్ట్ చేసుకుంటే ఎంతో రుచికరమైన ‘ఆలూ టిక్కీలు’ రెడీ!
Posted on

Easy egg roll recipe in Telugu – ఎగ్ రోల్ రెసిపీ

ఎంతో ఆరోగ్యకరమైన మరియు రుచికరమైన డిన్నర్ కొరకు ఎగ్ రోల్ ని ట్రై చేయండి. గోధుమ పిండి మరియు గుడ్లను ఉపయోగించి తయారు చేసే ఈ వంటకం కలకత్తా లో ఎంతో ప్రసిద్ధి చెందిన స్ట్రీట్ ఫుడ్. మధ్యలో ఉంచే స్టఫ్ ని సమానంగా స్ప్రెడ్ చేయడం ద్వారా ప్రతి బైట్ లో అద్భుతమైన రుచిని పొందగలరు. మరి ఎంతో రుచికరమైన ఆరోగ్యకరమైన ఎగ్ రోల్ ని ఎలా చేయాలో తెలుసుకుందాం.

కావలసిన పదార్థాలు

  • గోధుమ పిండి – 1 కప్పు
  • ఉప్పు – 2 టీ స్పూన్లు
  • నూనె
  • గుడ్డు –  1
  • బట్టర్ (optional)
  • దోసకాయ ముక్కలు
  • తరిగిన ఉల్లిపాయలు
  • చిన్నగా తరిగిన పచ్చి మిర్చీ
  • మిరియాల పొడి
  • నిమ్మరసం
  • టమాటో కెచప్
  • గ్రీన్ చిల్లీ సాస్

తయారీ విధానం

  • ఒక బౌల్ లో 1 కప్పు గోధుమ పిండి, 2 టీ స్పూన్ ఉప్పు, 2 టీ స్పూన్ నూనె వేసి బాగా కలిపి కొద్ది కొద్దిగా నీళ్లను పోస్తూ చపాతీ పిండిలా కలుపుకొని పక్కకు పెట్టుకోవాలి.
  • ఇప్పుడు బౌల్ లో 1 గుడ్డును కొట్టుకొని, 1 చిటిక ఉప్పు వేసి బాగా కలుపుకోవాలి.
  • కలిపి ఉంచుకున్న గోధుమ పిండిని చపాతీలా తిక్కుకోవాలి.
  • ఇప్పుడు స్టవ్ పై ఒక ప్యాన్ ని ఉంచి నూనె లేదా బట్టర్ ని రాసి చపాతీ ని రెండు వైపులా వేడి చేసుకోవాలి.
  • ఆ తరువాత చపాతీని పక్కకుతీసి అదే పెనము పై కలిపి ఉంచుకున్న గుడ్డును వేసి ప్యాన్ పై బాగా స్ప్రెడ్ చేయాలి.
  • ఆ తరువాత దాని పై చపాతీని ఉంచి, గుడ్డు బాగా కుక్ అయిన తరువాత ఒక ప్లేట్ లో తీసుకోవాలి.
  • మధ్యలో కొన్ని దోసకాయ ముక్కలు, తరిగిన ఉల్లిపాయలు, ఉప్పు, చిన్నగా తరిగిన పచ్చి మిర్చులు, మిరియాల పొడి, నిమ్మరసం, కొద్దిగా టమాటో కెచప్ మరియు గ్రీన్ చిల్లీ సాస్ ని వేసుకొని రోల్ చేసుకుంటే ఎంతో రుచికరమైన స్పైసీ ఎగ్ రోల్ రెడీ!
Posted on

Raw banana chips in Telugu – బనానా చిప్స్ రెసిపీ

బనానా చిప్స్ కేరళలో ఎంతో ఫేమస్. దీనిని నేంత్ర-కాయ ఓపెరి లేదా ఉప్పరీ అని పిలుస్తారు. కేరళలో వీటిని కొబ్బరి నూనెలో వేయించి తయారు చేస్తారు. అరటి పండు మరియు అరటి కాయ రెండింటినీ ఈ రకమైన చిప్స్ తయారీకి ఉపయోగిస్తారు. వీటితో సాల్ట్, మసాలా చిప్స్ లేదా బెల్లం చిప్స్ అని అనేక రకాలుగా చేస్తారు. మరి ఇప్పుడు సాల్ట్ బనానా చిప్స్ ని ఎలా తయారు చేయాలో చూద్దాం.

కావలసిన పదార్థాలు

  • పసుపు పొడి – 1/2 టేబుల్ స్పూన్
  • అరటి కాయలు
  • ఉప్పు – 1 టేబుల్ స్పూన్
  • నూనె – డీప్ ఫ్రై కి తగినంత

తయారీ విధానం

  • ముందుగా అరటి కాయలను మరియు ఒక బౌల్ లో 1 కప్పు నీటిని సిద్ధంగా ఉంచుకోవాలి.
  • ఇప్పుడు ఆ నీటిలో 1/2 టీ స్పూన్ పసుపును, 1 టీ స్పూన్ ఉప్పును వేసి బాగా కలుపుకోవాలి.
  • ఆ తరువాత అరటి కాయల తోలును తీసి, చిన్న చిన్న స్లైసెస్ గా కట్ చేసి ఆ నీటిలో వేసుకోవాలి.
  • అరటి కాయ స్లైసెస్ నీటిలో 10 నిమిషాలు నానిన తరువాత నీటిని వడగట్టి, ఒక క్లాత్ పై వేసి ఆరనివ్వాలి.
  • బాగా ఆరిన తరువాత స్టవ్ పై ఒక ప్యాన్ ని ఉంచి, డీప్ ఫ్రై కి కావల్సినంత నూనెని పోసుకొని, నూనె వేడెక్కిన తరువాత అరటి కాయ స్లైసెస్ ని అందులో డీప్ ఫ్రై చేసుకోవాలి.
  • గోల్డెన్‌ బ్రౌన్ రంగు వచ్చే వరకు ఫ్రై చేసుకుంటే ఎంతో రుచికరమైన ఫేవరెట్ బనానా చిప్స్ రెడీ!
Posted on

Sabudana dosa / Sago dosa recipe in Telugu – సాగో దోసె లేదా సాబుదానా దోసె రెసిపీ

బియ్యం, పోహా, గ్రీన్ మూంగ్ దాల్ లాంటి పదార్థాలను ఉపయోగించి దోసెలు చేయటం చూసే ఉంటాము. మరి సాబుదానా అని పిలవబడే సగ్గుబియ్యంతో దోసెలు చేయవచ్చని మీకు తెలుసా? వ్రతాలు మరియు ఉపవాసం చేసేవారు ఎక్కువగా సగ్గుబియ్యంతో దోసెను తయారు చేసుకుంటారు. అందుకే దీనిని ‘ఫరాలి దోసె’ లేదా ‘ఉప్వాస్ దోసె’ అని కూడా పిలుస్తారు. మరి ఎంతో రుచికరమైన సగ్గుబియ్యం దోసెలను ఎలా చేయాలో చూద్దాం.

కావలసిన పదార్థాలు

  • నూనె – 4 టేబుల్ స్పూన్
  • ఉప్పు – 1 టేబుల్ స్పూన్
  • బియ్యం – 1 కప్పు
  • సగ్గుబియ్యం – 1 టేబుల్ స్పూన్
  • మెంతి విత్తనాలు – 1 టేబుల్ స్పూన్
  • పెరుగు – 1 కప్పు

తయారు చేసే విధానం

  • ఒక బౌల్ లో 1 కప్పు బియ్యం మరియు 1 టీ స్పూన్ మెంతులను వేసి నీటితో బాగా కడగాలి.
  • అందులో 1 కప్పు పెరుగు, 1 టీ స్పూన్ ఉప్పు వేసుకొని గ్రైండర్ లో బాగా రుబ్బుకోవాలి.
  • ఒక పెద్ద బౌల్ లో 1 స్పూన్ సగ్గుబియ్యం, 2 స్పూన్ నీళ్ళు, గ్రైండ్ చేసిన దోసె పిండిని వేసుకొని బాగా కలుపుకోవాలి.
  • ఈ పిండిని 12 గంటల వరకు కదల్చకుండా ఊరనివ్వాలి.
  • 12 గంటల తరువాత స్టవ్ పై దోసె తవా ఉంచి నూనె రాసి ఈ పిండిని దోసెలా పోసి రెండు వైపులా కుక్ చేస్తే వేడి వేడి సాబుదానా దోసెలు తయారు!
Posted on

Poha / Murmura upma recipe in Telugu – ముర్మురు ఉప్మా రెసిపీ

రాయలసీమలో ఎంతో ప్రసిద్ధమైన అల్పాహారం ఉగ్గాని. ఇది ఎంతో లైట్ వెయిట్ టిఫిన్. దీనిని టీ టైం స్నాక్స్ గా కూడా తీసుకోవచ్చు. దానినే ‘ముర్మురా ఉప్మా’ అని కూడా అంటారు. ఇందులోని ప్రత్యేకత ఏమిటంటే ఈ ఉప్మా ని బొరుగులతో తయారు చేస్తారు. ఎంతో తక్కువ సమయంలో రుచికరమైన ఉగ్గాని (ముర్మురా ఉప్మా) ఎలా చేయాలో చూద్దాం.

కావలసిన పదార్థాలు

  • నూనె – 2 టేబుల్ స్పూన్
  • శనగ పిండి – 2 టేబుల్ స్పూన్
  • వేరుశనగలు – 2 టేబుల్ స్పూన్
  • ఎండు మిరపకాయలు – 3
  • కరివేపాకు – 1 గుత్తి
  • నిమ్మరసం – 1 టేబుల్ స్పూన్
  • చిన్నగా తరిగిన పచ్చి మిర్చి
  • తురిమిన టమోటా – 1
  • తురిమిన ఉల్లిపాయలు – 2
  • ఉప్పు – 2 టేబుల్ స్పూన్
  • పసుపు పొడి – 1 టేబుల్ స్పూన్
  • బొరుగులు – 1 కప్పు
  • శనగలు – 2 టేబుల్ స్పూన్
  • రెడ్ చిల్లీ పౌడర్ – 1 టేబుల్ స్పూన్

తయారు చేసే విధానం

  • ముందుగా ఒక కప్పు బొరుగులలో నీళ్లు పోసి మట్టి పదార్థాలు లేకుండా కడిగి 5 నిమిషాల పాటు నీటిలో నానపెట్టాలి.
  • ఆ తరువాత నీటిని బాగా పిండి బొరుగులను ఒక బౌల్ లో వేసుకొని 2 టీ స్పూన్ శనగ పిండిని వేసి బాగా కలుపుకోవాలి.
  • స్టవ్ పై పాన్లో 2 టీ స్పూన్ నూనెని హీట్ చేసి 2 టీ స్పూన్ వేరుశనగలను దోరగా వేయించి సగం శనగలను ఒక బౌల్ లో తీసుకోవాలి.
  • మిగిలిన వేరుశనగలతో పాటు 2 టీ స్పూన్ శనగలను వేసి దోరగా వేయించాలి.
  • అందులో పచ్చి మిరపకాయలు, 1 గుత్తి కరివేపాకులు, తరిగిన పచ్చి మిర్చి వేసుకొని 2 నిమిషాల పాటు ఫ్రై చేయాలి.
  • తరువాత అందులో 2 తురిమిన ఉల్లిపాయలు, 1 టీ స్పూన్ ఉప్పు వేసుకొని 2 నిమిషాలు ఫ్రై చేయాలి.
  • ఉల్లిపాయలు బాగా కుక్ అయిన తరువాత 1 టీ స్పూన్ పసుపు పొడి వేసి బాగా కలపాలి.
  • ఇప్పుడు 1 టీ స్పూన్ రెడ్ చిల్లీ పౌడర్, 1 తరిగిన టమోటో వేసి బాగా కలపి ఫ్రై చేయాలి.
  • టమోటా బాగా ఉడికిన తరువాత నీటిలో ఊరబెట్టి తయారుగా ఉంచుకున్న బొరుగులను అందులో వేసి బాగా కలపాలి.
  • చివరిగా రుచి కోసం 1 టీ స్పూన్ నిమ్మరసం వేసి బాగా కలిపి మనం ఫ్రై చేసి విడిగా ఉంచిన వేరుశనగలను వేసుకుంటే ఎంతో రుచికరమైన ఉగ్గాని (ముర్మురా ఉప్మా) తయారు!