Posted on

Yogurt face packs & masks – చర్మ సౌందర్యానికి పెరుగు తో ఫేస్ మాస్క్ మరియు ఫేస్ ప్యాక్

భారత దేశంలో ప్రతి ఒక్క ఇంట్లో ఉండే ఆరోగ్యమైన ఆహార పదార్థాలలో పెరుగు కూడా ఒకటి. పెరుగు ఎన్నో రకాలుగా ఉపయోగపడే ఆహార పదార్థం. మార్కెట్ లో లభించే తియ్యని పెరుగు కంటే ఇంట్లో తయారు చేసుకునే పుల్లని పెరుగు ఆరోగ్యానికి ఎంతో మంచిది. వంద గ్రాముల పెరుగు లో 2000 కేలరీల ఎనర్జీ ఉంటుంది. అంతే కాదు పెరుగుని చర్మ సౌందర్యానికి కూడా ఉపయోగించవచ్చు. మరి పెరుగును ఉపయోగించటం వలన చర్మానికి కలిగే మేలు మరియు ఈ పదార్థాన్ని ఉపయోగించి మనం ఇంట్లోనే తయారు చేసుకునే ఫేస్ ప్యాక్ మరియు మాస్క్ వివరాలను ఈ వ్యాసంలో తెలుసుకుందాం.

పెరుగు యొక్క స్కిన్ కేర్ బెనిఫిట్స్

పెరుగు అనేక చర్మ సమస్యలను తొలగించేందుకు సహాయపడుతుంది. ఇది జిడ్డు చర్మం, పొడి చర్మం, సెన్సిటివ్ చర్మం, అన్ని రకాల చర్మం కల వారికీ ఉపయోగపడుతుంది. ఇందులో ప్రోటీన్, జింక్, విటమిన్స్ వంటి ఎన్నో పోషకాలు ఉన్నందున ఇది చర్మం మీద ఎన్నో అద్భుతాలను చేస్తుంది.

  • చర్మం పై ఉన్న టాన్ ని తొలగిస్తుంది. చర్మం యొక్క రంగుని మెరుగు పరుస్తుంది.
  • చర్మ రంధ్రాలను శుభ్రపరచి ఆక్టివేట్ చేస్తుంది.
  • ముఖంపై ఉండే ఏజ్ స్పాట్స్ ని తొలగిస్తుంది కనుక ఇది ఒక యాంటీ ఏజింగ్ ఇంగ్రీడియెంట్.
  • చర్మాన్ని హైడ్రేట్ చేస్తుంది.
  • ఇది చర్మాన్ని అద్భుతంగా కాంతివంతంగా మరియు ప్రకాశవంతంగా చేస్తుంది.
  • ఇందులో యాంటీ ఇన్‌ఫ్లమేటరీ లక్షణాలు ఉన్నందున చర్మ ఆరోగ్యానికి సహాయపడుతుంది.
  • పెరుగు గ్రేట్ ఎక్స్ ఫ్లోయేటర్ గా పనిచేస్తుంది. పెరుగు లో ఉండే ల్యాక్టిక్ యాసిడ్ డెడ్ స్కిన్‌ సెల్స్ ను తొలగిస్తుంది.
  • పెరుగు ని రెగ్యులర్ గా ఉపయోగించడం వల్ల కొత్త చర్మ కణాలు ఉత్పత్తి అయ్యేందుకు సహాయ పడుతుంది.
  • చర్మ సమస్యలకు మొటిమలకు కారణం అయ్యే బ్యాక్టీరియాను పెరుగు నాశనం చేస్తుంది.
  • జిడ్డు చర్మం ఉన్న వారిలో ఆయిల్ ప్రొడక్షన్ ను నియంత్రిస్తుంది.
  • పెరుగులో ఉండే ప్రోబయోటిక్స్, ప్యాథోజెనిక్, బ్యాక్టీరియా ను నాశనం చేసి చర్మం కాంతివంతంగా మెరుస్తుండేట్లు చేసి రేడియంట్ స్కిన్‌ ని అందిస్తుంది.
  • పెరుగు కళ్ల క్రింద డార్క్ సర్కిల్స్ ను తొలగిస్తుంది.
  • ఎండ వేడికి కమిలిన చర్మాన్ని క్యూర్ చేసి స్మూత్ గా చేస్తుంది. అంతే కాదు చర్మం పై ఇన్ఫ్లమేషన్ ని తగ్గిస్తుంది మరియు చర్మంలో నేచురల్ ఆయిల్స్ ను బ్యాలెన్స్ చేస్తుంది.

ఇంట్లోనే తయారు చేసుకునే పెరుగు ఫేస్ ప్యాక్ మరియు ఫేస్ మాస్క్

పెరుగు వళ్ళ కలిగే ప్రయోజనాలను తెలుసుకున్నాం కదా. మరి పెరుగుని ఉపయోగించి మన ఇంట్లో సులభంగా లభించే పదార్థాలను జోడించి తయారు చేసుకునే కొన్ని ఫేస్ మాస్క్ మరియు ప్యాక్స్ ని చూద్దాం.

  1. పెరుగు – శనగ పిండి ఫేస్ ప్యాక్ : ఒక బౌల్ లో 3 టేబుల్ స్పూన్ పెరుగు 3 టేబుల్ స్పూన్ శనగ పిండి ఒక టేబుల్ స్పూన్ తేనె వేసి బాగా కలపాలి. ఈ పేస్ట్ ను ముఖం పై అప్‌లై చేసి 15-20 నిముషాలు అలాగే ఉంచాలి. 20 నిముషాల తర్వాత చల్లని నీటితో వాష్ చేసుకోండి. ఇది పొడి చర్మం ఉన్న వారికి ఉత్తమమైన ప్యాక్. ఈ ప్యాక్ చర్మానికి ఇన్స్టంట్ గ్లో ని అందిస్తుంది. అంతే కాదు క్రమంగా రాసుకుంటే నల్లని మచ్చలను కూడా తొలగిస్తుంది.
  2. ఆలివ్ ఆయిల్ – పెరుగు ఫేస్ ప్యాక్ : ఒక బౌల్ లో 3 టేబుల్ స్పూన్ పెరుగు 2-3 టేబుల్ ఆలివ్ నూనె వేసి బాగా కలపాలి. ఈ పేస్ట్ ను ముఖం పై అప్‌లై చేసి 10 నిముషాలు అలాగే ఉంచాలి. ఆ తర్వాత చల్లని నీటితో వాష్ చేసుకోండి. పెరుగు లోని లాక్టిక్ ఆసిడ్ చర్మంపై ఉండే ముడతల్ని మొటిమల్ని తొలగిస్తుంది.
  3. ఆరంజ్ పీల్ పొడి – పెరుగు ఫేస్ ప్యాక్ : ఒక బౌల్ లో 4 టేబుల్ స్పూన్ పెరుగు 2 టేబుల్ స్పూన్ ఆరంజ్ పీల్ పొడి లేదా లెమన్ పీల్ పొడి వేసి కావల్సినంత నీటిని కలిపి ఒక పేస్ట్ తయారు చేసుకోండి. ఈ పేస్ట్ ని ముఖంపై రాసి 15 నిమిషాల తరువాత నీటితో కడగండి. పెరుగు మరియు ఆరంజ్ యొక్క మిశ్రమం చర్మంలో మెలనిన్ ఉత్పత్తిని నియంత్రిస్తుంది. క్రమంగా ఈ ప్యాక్ ని వాడటం వలన చర్మం యొక్క రంగు మెరుగవుతుంది.
  4. ముల్తానీ మట్టి – పెరుగు ఫేస్ ప్యాక్ : ఒక బౌల్ లో 3 టేబుల్ స్పూన్ పెరుగు 2 టేబుల్ స్పూన్ ముల్తానీ మట్టి 1 స్పూన్ నిమ్మరసం కలిపి ఒక పేస్ట్ లా చేసుకోండి. ఈ పేస్ట్ ని ముఖం పై రాసి 10 నిమిషాల తరువాత నీటితో కడగండి. ముల్తానీ మట్టి స్కిన్ ఎక్స్ ఫ్లోయేటర్ గా పనిచేస్తుంది. ఇది చర్మం యొక్క జిడ్డు మరియు డెడ్ సెల్స్ ని తొలగించి మచ్చలను తగ్గిస్తుంది.
  5. నిమ్మ – తేనె – పెరుగు ఫేస్ ప్యాక్ : ఒక బౌల్ లో 3 టేబుల్ స్పూన్ పెరుగు, 1 టేబుల్ స్పూన్ తేనె మరియు ఒక టేబుల్ స్పూన్ నిమ్మరసం వేసుకొని బాగా కలిపి ముఖం మరియు మెడ పై రాయాలి. 20 నిమిషాల తరువాత చల్లని నీటితో కడగాలి. ఈ ప్యాక్ మీ చర్మాన్ని శుభ్రపరచి ఇన్స్టంట్ గ్లో ని అందిస్తుంది.
  6. గోధుమ ఊక – పెరుగు ఫేస్ ప్యాక్ : ఒక బౌల్ లో 2 స్పూన్ పెరుగు 1 స్పూన్ గోధుమ ఊక కలిపి ముఖం పై రాసి 20 నిమిషాల తరువాత స్క్రబ్ చేస్తూ నీటితో శుభ్రం చేయాలి. గోధుమ ఊక ఒక అద్బుతమైన ఎక్స్ ఫ్లోయేటర్. ఈ ప్యాక్ ని రెగ్యులర్ గా వాడటం వలన డెడ్ స్కిన్‌ ని మరియు పిగ్మెంటేషన్ ని క్యూర్ చేస్తుంది. పొడి చర్మం ఉన్న వారికి ఇది ఒక అద్భుతమైన ఫేస్ ప్యాక్.
  7. దాల్చిన చెక్క – పెరుగు ఫేస్ ప్యాక్ : ఒక బౌల్ లో ఒక స్పూన్ దాల్చిన చెక్క 2 స్పూన్ పెరుగు వేసి బాగా కలుపుకోవాలి. ఈ పేస్ట్ ని ముఖంపై రాసి 15 నిమిషాల తరువాత చల్లని నీటితో కడగండి. దాల్చిన చెక్క చర్మానికి ఎన్నో మంచి ఫలితాలను అందిస్తుంది. ఫైన్ లైన్ ని నివారిస్తుంది, రక్త ప్రసరణను మెరుగుపరుస్తుంది, మొటిమలను తొలగిస్తుంది. పెరుగుతో కలిపి వాడినట్లయితే ఇంకా ఎఫెక్టివ్ గా పనిచేస్తుంది.
  8. పెరుగు – తేనె ఫేస్ ప్యాక్ : ఒక బౌల్ లో పెరుగు మరియు తేనె ని సమాన మోతాదులలో కలిపి ముఖం పై రాసి 10 నిమిషాల తరువాత నార్మల్ వాటర్ తో కడగండి. ఇది అన్ని రకాల చర్మానికి తగిన ఫేస్ ప్యాక్. ఈ ప్యాక్ ని వేసుకోవటం వలన చర్మం యవ్వనంగా గ్లో అవుతుంది.
  9. పసుపు – పెరుగు ఫేస్ ప్యాక్ : ఒక టీ స్పూన్ పెరుగులో చిటికెడు పసుపు వేసి బాగా కలపాలి. రెండూ మిక్స్ అయిన తర్వాత ముఖానికి అప్‌లై చేసి 10 నిముషాలు అలాగే ఉంచి ఆ తరువాత నీటితో శుభ్రం చేసుకోవాలి. ఇదే విధంగా వారంలో రెండు మూడు సార్లు రిపీట్ చేస్తే డార్క్ స్పాట్స్ పూర్తిగా తొలగిపోతాయి.
  10. పెరుగు – టమోటా ఫేస్ ప్యాక్ : రెండు స్పూన్ పెరుగు మరియు 2 స్పూన్ టమోటా జ్యూస్ ని కలిపి ముఖంపై రాసి 10 నిమిషాల తరువాత నీటితో శుభ్రం చేసుకోవాలి. ఇలా కొన్ని వారాలు చేయటం వలన ఎలాంటి సైడ్ ఎఫెక్ట్స్ లేకుండా చర్మం యొక్క రంగు మెరుగవుతుంది. పెరుగు లో కలిపిన టమోటా నేచురల్ బ్లీచ్ లా పని చేస్తుంది.
  11. బియ్యం పిండి – పెరుగు ఫేస్ ప్యాక్ : ఒక టీ స్పూన్ పెరుగు ఒక టీ స్పూన్ తేనె ని ఒక బౌల్లో వేసి బాగా మిక్స్ చేసి ముఖానికి ప్యాక్ లా వేసుకోవాలి. 15-20 నిముషాలు ఫేస్ ప్యాక్ ను అలాగే ఉంచి 20 నిముషాల తర్వాత నీటితో శుభ్రం చేసుకోవాలి. ఈ ఫేస్ ప్యాక్ ను వారానికి ఒకసారి వేసుకుంటే మంచి ఫలితం ఉంటుంది. చర్మంలో మొటిమల సమస్య తగ్గుతుంది.
  12. గంధపు పొడి – పెరుగు ఫేస్ ప్యాక్ : ఒక బౌల్ లో 1 స్పూన్ గంధపు పొడి 2 స్పూన్ పెరుగు కలిపి ముఖంపై రాసి 20 నిమిషాల తరువాత చల్లని నీటితో కడగాలి. ఇది అన్ని రకాల చర్మానికి అనుకూలమైన ఫేస్ ప్యాక్. ఈ ప్యాక్ ని వాడటం వలన చర్మం ప్రకాశవంతంగా అవుతుంది.
  13. తులసి ఆకులు – పెరుగు ఫేస్ ప్యాక్ : ఒక పిడికెడు తులసి ఆకులను బాగా నూరి పేస్ట్ చేసుకొని అందులో కొంత పెరుగుని కలిపి ముఖం పై రాయాలి. రాసిన 15 నిమిషాల తరువాత నీటితో కడగాలి. తులసి చర్మం పై ఉండే మొటిమలను తొలగిస్తుంది. ఇది మొటిమలను కలిగించే బాక్టీరియాతో పోరాడుతుంది. తులసి యాంటీ సెప్టిక్ గా పనిచేస్తుంది.
  14. దోసకాయ – పెరుగు ఫేస్ ప్యాక్ : ఒక టీ స్పూన్ పెరుగును ఒక టీ స్పూన్ దోసకాయ పేస్ట్ లో కలపాలి. ఈ మిశ్రమాన్ని ముఖానికి అప్‌లై చేసి 15 నిముషాలు ఉంచి గోరు వెచ్చని నీటితో కడిగేయాలి. ఈ ఫేస్ ప్యాక్ ను వారానికి రెండు సార్లు వేసుకుంటే మంచి ఫలితం ఉంటుంది. చర్మంలో డెడ్ సెల్స్ తగ్గిస్తుంది.
  15. పెరుగు – కలబంద ఫేస్ ప్యాక్ : ఒక టీ స్పూన్ పెరుగులో రెండు టీ స్పూన్ల అలోవెర జెల్ వేసి బాగా కలిపి ఈ మిశ్రమాన్ని ముఖం మరియు మెడకు అప్‌లై చేయాలి. 10 నిముషాలు ఫేస్ ప్యాక్ ను అలాగే ఉంచి గోరు వెచ్చని నీటితో శుభ్రం చేసుకోవాలి. ఇదే విధంగా వారంలో రెండు మూడు సార్లు రిపీట్ చేయండి. ఇది చర్మం పై ఉండే డెడ్ సెల్స్ ని తొలగించి ఇన్ స్టంట్ గ్లో ని అందిస్తుంది.
  16. పెరుగు – ఫ్లాక్ సీడ్స్ ఫేస్ ప్యాక్ : ఒక బౌల్లో నీళ్ళు పోసి అందులో ఫ్లాక్ సీడ్స్ ను (అవిసె గింజలను) 6-7 గంటలు నానబెట్టాలి. మరుసటి రోజున వీటిని మెత్తగా పేస్ట్ చేసి, అందులో రెండు స్పూన్ల పెరుగు మిక్స్ చేయాలి. తర్వాత ఈ మిశ్రమాన్ని ముఖానికి ప్యాక్ వేసుకొని 10-15 నిముషాలు ఉంచి నీటితో శుభ్రం చేసుకోవాలి. వారంలో రెండు మూడు సార్లు ఈ ప్యాక్ ను వేసుకుంటే పిగ్మెంటేషన్ ని తొలగిస్తుంది.
  17. ఓట్ మీల్ – పెరుగు ఫేస్ ప్యాక్ : ఒక టీ స్పూన్ పెరుగులో ఒక టీ స్పూన్ ఓట్ మీల్ పౌడర్ వేసి బాగా మిక్స్ చేయాలి. ఈ మిశ్రమాన్ని ముఖానికి అప్‌లై చేసి 5 నిమిషాలు మసాజ్ చేయాలి. ఆ తరువాత 20 నిముషాలు ఉంచి మంచి ఫేషియల్ క్లెన్సర్ తో ముఖం శుభ్రం చేసుకోవాలి. ఈ ఫేస్ ప్యాక్ ను వారానికి ఒకసారి ట్రై చేస్తే బ్లాక్ హెడ్స్ సమస్య ఉండదు.
  18. పెరుగు – ఎగ్ వైట్ ఫేస్ ప్యాక్ : ఒక గుడ్డులోని వైట్ ను బౌల్లో తీసుకుని అందులో ఒక టీ స్పూన్ ఫ్రెష్ పెరుగు మిక్స్ చేయాలి. ఈ మిశ్రమాన్ని ముఖానికి ఫేషియల్ ప్యాక్ లా వేసుకోవాలి. 15 నిముషాలు అలాగే ఉంచి తర్వాత నీటితో శుభ్రం చేసుకోవాలి. వారానికి ఒక సారి ఈ ప్యాక్ ను ఉపయోగించడం వల్ల యంగర్ లుక్ ను మీ సొంతం చేసుకుంటారు.
  19. కోకనట్ మిల్క్ – పెరుగు ఫేస్ ప్యాక్ : ఒక టీ స్పూన్ పెరుగులో ఒక టీ స్పూన్ కొబ్బరి పాలు కలపాలి. ఈ మిశ్రమాన్ని ముఖంలోని డార్క్ స్పాట్స్ మీద అప్‌లై చేయాలి. 15-20 నిముషాలు అలాగే ఉంచి గోరు వెచ్చని నీటితో శుభ్రం చేసుకోవాలి. ఈ ఫేస్ ప్యాక్ ను రోజూ కూడా వేసుకోవచ్చు. ఇలా వేసుకోవడం వల్ల డార్క్ స్పాట్స్ తొలగిపోతాయి.
Posted on

Telugu face packs for glowing skin – ప్రకాశవంతమైన చర్మం కోసం ఆయుర్వేద ఫేస్ ప్యాక్స్

ఆయుర్వేదం అనేది అన్ని వ్యాధులు మరియు చర్మ సమస్యలకు సహజ వైద్యం యొక్క పురాతన ఔషధ వ్యవస్థలలో ఒకటి. ఆయుర్వేద సౌందర్య ఉత్పత్తులు సహజ మూలికలు, పండ్లు, కూరగాయల ఏక్సట్రాక్ట్స్ తో తయారు చేస్తారు. అవి ముఖం, చర్మం మరియు జుట్టు సంరక్షణ కొరకు సున్నితంగా పనిచేస్తాయి.

ప్రతి స్త్రీ ప్రకాశవంతమైన చర్మాన్ని కోరుకుంటారు. ముఖ్యంగా, మన శరీరం యొక్క ఇతర భాగాలతో పోల్చినప్పుడు ముఖానికి ఎక్కువ ప్రాముఖ్యత ఇవ్వబడుతుంది. ఆరోగ్యకరమైన మరియు ప్రకాశవంతమైన చర్మం ఒక వ్యక్తి యొక్క విశ్వాసాన్ని పెంచుతుంది. ఈ రోజుల్లో చాలామంది చిన్న వయసులోనే ముడతలతో మరియు నల్లని మచ్చలతో బాధపడుతున్నారు. అందుకు కారణం హానికరమైన కాస్మెటిక్స్ ని ఉపయోగించటమే.

కానీ, ఆయుర్వేద చికిత్సల ద్వారా మీరు మీ సౌందర్యాన్ని తిరిగి పొందవచ్చు. మన ఇంటిలో మరియు పరిసరాలలో కనిపించే సహజ పదార్ధాలు మెరిసే చర్మాన్ని పొందేందుకు సహాయపడతాయి. ప్రకాశవంతమైన చర్మం కొరకు సహజ పదార్థాలతో ఫేస్ ప్యాక్ లను తయారు చేయవచ్చు.

ఈ పద్ధతుల ద్వారా ఫలితాలను పొందేందుకు కొంత సమయం పడుతుంది. కానీ ఇవి శాశ్వత ఫలితాలను అందిస్తాయి. క్రింద చెప్పినటువంటి ఫేస్ ప్యాక్ లలో మీ చర్మానికి సరిపడే ఫేస్ ప్యాక్ ని ఎంచుకొని క్రమం తప్పకుండా ఉపయోగించి అందమైన ప్రకాశవంతమైన సహజ చర్మాన్ని పొందండి.

ప్రకాశవంతమైన చర్మం మరియు ముఖం కోసం కోసం ఆయుర్వేద ఫేస్ ప్యాక్స్

మ్యారిగోల్డ్ ఫేస్ ప్యాక్

బంతి పువ్వు అని పిలవబడే మేరిగోల్డ్ పుష్పం మీ తోటలో సులభంగా లభిస్తుంది. ఈ పువ్వులు భారత మహిళలు దైవ ఆరాధన కొరకు అధికంగా ఉపయోగిస్తారు. కనుక, ఈ పువ్వులు దుకాణంలో అలాగే తోటలో చాలా సులభంగా లభిస్తుంది. కొన్ని తాజా బంతిపువ్వులను తీసుకొచ్చి మెత్తగా పేస్ట్ చేసి అందులో కొంత పచ్చి పాలను, తేనె వేసి మిక్స్ చేయాలి. ఈ పేస్ట్ ను ముఖానికి అప్‌లై చేసి 15 నిముషాల తర్వాత గోరు వెచ్చని నీటితో శుభ్రం చేసుకోవాలి. ఇది మంచి సువాసన కలిగి ఉండటం మాత్రమే కాదు ఇందులో ఉండే యాంటీ బ్యాక్టీరియల్ మరియు యాంటీ సెప్టిక్ లక్షణాలు చర్మంలోని మొటిమలను మరియు జిడ్డును తొలగిస్తుంది. దీన్ని వారంలో ఒకటి లేదా రెండు సార్లు ఉపయోగించి మంచి ఫలితాలను పొందండి. జిడ్డు చర్మం ఉన్న వారికీ ఈ ప్యాక్ చాలా పర్ఫెక్ట్ గా ఉంటుంది.

శనగ పిండి మరియు పసుపు ఫేస్ ప్యాక్

కొంత శనగ పిండి మరియు చిటిక పసుపుని ఒక బౌల్ లో వేసుకొని ఈ మిశ్రమాన్ని డైల్యూట్ చేసేందుకు కొంత పాలు లేదా నీటిని ఉపయోగించండి. ఈ ప్యాక్ ని చర్మంపై రాసి 15 నిమిషాల తరువాత వెచ్చని నీటితో కడగండి.

చదనం లేదా గంధం ఫేస్ మాస్క్

చర్మాన్ని ప్రకాశవంతంగా చేయడానికి గంధంను ఎన్నో సంవత్సరాలుగా ఉపయోగిస్తున్నారు. గతంలో ప్రజలు గంధపు చెక్క యొక్క సారం పొందడానికి ఒక రఫ్ సర్ఫేస్ పై రుద్దేవారు. కానీ నేడు శాండిల్ వుడ్ పౌడర్ మార్కెట్లో అందుబాటులో ఉంది. ఫేస్ ప్యాక్ తయారు చేసేందుకు ఈ పొడిని మీరు ఉపయోగించవచ్చు. ఒకటి లేదా రెండు స్పూన్ గంధపు పొడిలో రోజ్ వాటర్ మిక్స్ చేసి ముఖానికి అప్‌లై చేసి 15 నిముషాల తర్వాత నీటితో కడగండి. ఈ ఫేస్ ప్యాక్ వేసుకోవడం వలన ముఖంపై మొటిమలు తగ్గుతాయి మరియు ముఖంలో కాంతి పెరుగుతుంది. స్కిన్ సాప్ట్ గా అవుతుంది. వారంలో 3 లేదా 4 సార్లు ఉపయోగిస్తే మరింత బెటర్ రిజల్ట్ పొందుతారు.

అందమైన చర్మం కోసం సుగంధ ప్యాక్

కొన్ని సహజ పదార్ధాలతో ఈ ప్యాక్ ని తయారు చేయవచ్చు. ఒక చిన్న గిన్నె తీసుకొని ఒక స్పూన్ లావెండర్ నూనె, ఒక స్పూన్ గంధపు పొడి, రెండు టేబుల్ స్పూన్లు శనగ పిండి, చిటిక పసుపు పొడి, తగినంత వెన్న లేదా తాజా క్రీము లేదా రోజ్ వాటర్ వేసుకోవాలి. ఇప్పుడు ఈ పదార్థాలన్నింటినీ బాగా కలిపి ముఖంపై రాసి బాగా ఆరిన తరువాత వెచ్చని నీటితో కడగండి. వారానికి ఒకసారి ఈ ప్యాక్ వేసుకోవడం వల్ల స్ట్రెస్ తగ్గుతుంది మరియు చర్మం యవ్వనంగా ప్రకాశవంతంగా అవుతుంది.

తేనె మరియు లెమన్ ఫేస్ ప్యాక్

తేనె మరియు నిమ్మలో యాంటీ ఆక్సిడెంట్ మరియు మాయిశ్చరైజింగ్ లక్షణాలు పుష్కలంగా ఉన్నాయి. ఇది చర్మాన్ని శుభ్రం చేయడంలో మరియు చర్మాన్ని తేలికపరచడంలో సహాయపడుతుంది. ఒక టేబుల్ స్పూన్ ఆర్గానిక్ హనీ తీసుకుని దీనికి అర చెంచ నిమ్మరసం మిక్స్ చేసి ముఖానికి అప్‌లై చేయాలి. ముఖంలో కళ్లకు తప్పా మిగిలిన భాగాలపై అప్‌లై చేసుకోవాలి. ఈ ప్యాక్ ఆరే వరకు ఆగి 15 నిముషాల తర్వాత చల్లని నీటితో శుభ్రం చేసుకోవాలి. ఈ ప్యాక్ వల్ల చర్మం సాప్ట్ గా మరియు ప్రకాశవంతంగా తయారవుతుంది.

హెర్బల్ ఫేస్ మాస్క్

కొద్దిగా శనగ పిండి, చిటికెడు పసుపు మరియు కొన్ని చుక్కల నిమ్మరసం మిక్స్ చేయాలి. దీనికి పచ్చి పాలు లేదా రోజ్ వాటర్ మిక్స్ చేసి స్మూత్ ప్యాక్ లా తయారు చేసుకోవాలి. దీన్ని ముఖం మొత్తం అప్‌లై చేసి 10 నిముషాల తర్వాత శుభ్రం చేసుకోవాలి. చల్లని నీటితో శుభ్రం చేసుకోవడం వల్ల స్కిన్ సాప్ట్ గా మరియు స్మూత్ గా ప్రకాశవంతంగా అవుతుంది. ఇది స్కిన్ టాన్ మరియు డెడ్ స్కిన్ సెల్స్ ను నివారించేందుకు సహాయపడుతుంది.

ఆయుర్వేద స్క్రబ్

ఒక టేబుల్ స్పూన్ బియ్యం పిండి మరియు గంధపు పొడిని మిక్స్ చేయాలి. దీనికి అర చెంచా పాలను మరియు ఒక టేబుల్ స్పూన్ శనగ పిండి, తగినంత రోజ్ వాటర్ మిక్స్ చేయాలి. ఈ మిశ్రమాన్ని బాగా కలిపి ఒక మెత్తని పేస్ట్ తయారు చేసుకోవాలి. ఈ ఆయుర్వేద స్క్రబ్ తో వారంలో ఒకటి లేదా రెండు సార్లు ముఖాన్ని స్క్రబ్ చేయాలి.

అత్తి పండు మరియు గుమ్మడికాయ ఫేస్ ప్యాక్

అత్తి పండులో ఆల్ఫా హైడ్రో ఆసిడ్స్, యాంటీ ఆక్సిడెంట్స్ మరియు విటమిన్లు ఉంటాయి. ఇవి చర్మాన్ని ప్రకాశవంతంగా చేస్తాయి. రెండు అత్తి పండ్లను మరియు 2 ముక్కల గుమ్మడికాయను మృదువైన పేస్ట్ చేయండి. ఇందులో కొన్ని చుక్కల బాదం నూనె జోడించండి. ఈ మిశ్రమాన్ని బాగా కలిపి ముఖంపై రాసి బాగా ఆరిన తరువాత నీటితో కడగండి.

ఆరెంజ్ ఫేస్ ప్యాక్

ఆరెంజ్ లో యాంటీ ఆక్సిడెంట్లు, ముఖ్యమైన ఖనిజాలు మరియు విటమిన్స్ సమృద్ధిగా ఉండటం వలన మనకు ఆరోగ్య ప్రయోజనాలను ఇవ్వటమే కాకుండా చర్మ సంరక్షణంకు కూడా సహాయపడుతుంది. ఆరెంజ్ ఫేస్ పాక్స్ వేసవిలో చాలా ఉపయోగకరంగా ఉంటుంది. చర్మంపై ఉన్న ట్యాన్, నల్లని మచ్చలు, జిడ్డు తొలగించటానికి చాల సమర్ధవంతంగా పనిచేస్తాయి. ఆరెంజ్ లో ఉండే విటమిన్ సి మరియు యాంటీ ఆక్సిడెంట్స్ చర్మం కాంతివంతంగా మారటానికి సహాయపడతాయి.

  • ఒక స్పూన్ ఆరెంజ్ రసంలో అర స్పూన్ తేనే కలిపి ముఖానికి పట్టించి 15 నిమిషాల తర్వాత శుభ్రం చేసుకుంటే కాంతివంతమైన చర్మాన్ని పొందుతారు. ఈ విధంగా వారంలో మూడు సార్లు చేస్తూ మంచి ఫలితం కనపడుతుంది.
  • రెండు స్పూన్ల ఆరెంజ్ రసంలో ఒక స్పూన్ సోర్ క్రీం వేసి బాగా కలపాలి. ఈ పేస్ట్ ని ముఖానికి పట్టించి 15 నిమిషాల తర్వాత గోరు వెచ్చని నీటితో శుభ్రం చేసుకోవాలి. ఈ ప్యాక్ యాంటీ ఏజింగ్ లా పనిచేస్తుంది.
  • మూడు స్పూన్ల ఆరెంజ్ రసంలో ఒక స్పూన్ మజ్జిగ, రెండు స్పూన్ శనగ పిండి, ఒక స్పూన్ నిమ్మరసం వేసి బాగా కలిపి పేస్ట్ గా తయారు చేసుకోవాలి. ఈ పేస్ట్ ని ముఖానికి రాసి 15 నిమిషాల తర్వాత గోరు వెచ్చని నీటితో శుభ్రం చేసుకోవాలి.

కలబంద డిటానింగ్ ప్యాక్

కలబంద చర్మంపై టాన్ ని తగ్గించటానికి సహాయపడుతుంది. రెండు టేబుల్ స్పూన్ కలబంద జెల్ మరియు ఒక టేబుల్ స్పూన్ రోజ్ వాటర్ లేదా నిమ్మరసం వేసి బాగా కలుపుకోవాలి. ఈ మిశ్రమాన్ని ముఖంపై రాసి 15 నిమిషాలు ఉంచి కడగాలి.

ఫుల్లర్స్ ఎర్త్ మరియు కలబంద జెల్

రెండు లేదా మూడు టీ స్పూన్ల అలో వెరా జెల్ ని తీసుకొని 1 టీ స్పూన్  ఫుల్లర్స్ ఎర్త్ మట్టిని కలపండి. ఇప్పుడు ఈ మిశ్రమాన్ని మీ ముఖంపై రాసి 10 నిమిషాల తర్వాత గోరు వెచ్చని నీటితో శుభ్రం చేసుకోండి.

కలబంద లేకపోతే ఫుల్లర్స్ ఎర్త్ ని రెండు స్పూన్ రోజ్ వాటర్ తో కూడా కలిపి అప్‌లై చేసుకోవచ్చు. ఇది మీ చర్మాన్ని ఆరోగ్యంగా మరియు ప్రకాశవంతంగా ఉంచేందుకు సహాయపడుతుంది.

స్పష్టమైన చర్మం కోసం గూస్బెర్రీ

గూస్బెర్రీ చర్మపు రంధ్రాలను చిన్నగా చేసి నల్లని మచ్చలను తొలగిస్తుంది. రెండు లేదా మూడు గూస్బెర్రీలను మాష్ చేయి ఒక స్పూన్ తాజా పెరుగు మరియు ఒక చెంచా తేనె కలపాలి. ఈ మిశ్రమాన్ని ముఖంపై రాసి 20 నిమిషాల తరువాత కడగాలి.

పుదీనా

పుదీనా చర్మంపై ఉన్న మచ్చలను మరియు పింపుల్స్ ను తొలగిస్తుంది. ఇది మీ చర్మాన్ని తాజాగా ఉంచుతుంది. కొన్ని పుదీనా ఆకులను నలిపి వాటి రసాన్ని పిండి ముఖంపై రాసి 30 నిమిషాల తరువాత నీటితో కడగండి.

జిడ్డు చర్మం కోసం మెంతులు

మెంతులు చర్మం యొక్క సేబాషియస్ గ్లాండ్స్ ని నియంత్రించడం ద్వారా జిడ్డును తగ్గిస్తుంది. కొన్ని మెంతులను రాత్రంతా నీటిలో నానబెట్టి రోజ్ వాటర్ మరియు పుదీనా ఆకులతో కలిపి గ్రైండ్ చేయాలి. ఈ మిశ్రమాన్ని ముఖంపై రాసి 15 నిమిషాల తరువాత కడగండి.

నువ్వుల గింజలు మరియు పసుపు ఫేస్ ప్యాక్

సెసెమీ గింజలలో యాంటీ ఆక్సిడెంట్స్, విటమిన్ ఇ మరియు ప్రోటీన్లు ఉంటాయి. ఈ ప్యాక్ చర్మంపై ఉన్న మొటిమలను తొలగించి చర్మాన్ని మృదువుగా చేస్తుంది. ఇది యాంటీ బాక్టీరియా, యాంటీ ఫంగల్ మరియు యాంటీ ఇన్‌ఫ్లమేటరీ ఏజెంట్గా పనిచేస్తుంది. కొన్ని చుక్కల నువ్వుల నూనె, కొన్ని చుక్కల ఆపిల్ సీడర్ వినిగర్ మరియు నీటిని కలిపి ప్యాక్ ని తయారు చేయండి. ఈ ప్యాక్ ని ముఖంపై రాసి 20 నిమిషాల తర్వాత కడగాలి.

వేప మరియు తేనె ఫేస్ ప్యాక్

మొటిమలను తొలగించి ఆరోగ్యమైన ప్రకాశవంతమైన చర్మం కొరకు వేప ఫేస్ ప్యాక్ ఉత్తమ ఎంపిక. వేపాకులో యాంటీ ఫంగల్, యాంటీ బాక్టీరియల్ మరియు యాంటీ మైక్రోబియల్ లక్షణాలు ఉంటాయి. వేప ఆకులు, తేనె మరియు పసుపు యొక్క పేస్ట్ తో ఫేస్ ప్యాక్ ని తయారు చేయండి మరియు చర్మంపై రాసి 15-20 నిమిషాల తరువాత కడగండి.

Posted on

Skin tightening face packs in Telugu – స్కిన్‌ టైటనింగ్ ఫేస్ ప్యాక్స్

చర్మ సంరక్షణ పద్ధతిలో స్కిన్‌ టైటనింగ్ ఒక ముఖ్యమైన భాగం. ఇందుకొరకు మన ఇంట్లోనే లభించే పదార్థాలతో అద్భుతమైన ఫేస్ ప్యాక్ లను తయారు చేసుకోవచ్చు. ఈ పాక్స్ ని రెగ్యులర్గా వాడటం వలన చర్మం యొక్క ఎలాస్టిసిటీ ని నిలబెట్టుకోవడానికి సహాయపడుతుంది.

మన ఇంటిలోనే సులభంగా లభించే పదార్ధాలతో తయారు చేసుకునే ఫేస్ ప్యాక్ లను ఈ ఆర్టికల్ లో వివరించాము. ఇవి మీ చర్మాన్ని టైట్ గా, మృదువు గా మరియు ప్రకాశవంతంగా అయ్యేందుకు సహాయపడుతుంది. వీటిని రెగ్యులర్గా వాడి మంచి ఫలితాలను పొందండి.

గమనిక : మీకు జిడ్డు చర్మం అయితే, క్రింద చెప్పినటువంటి ప్యాక్ లలో ఆయిల్స్ ని అవాయిడ్ చేయండి.

మంచి ఫలితాల కోసం ఈ ప్యాక్ లను రాసుకున్నప్పుడు డ్రై అయ్యే వరకు ముఖాన్ని కదలించకుండా రిలాక్స్ అవ్వండి.

ఎగ్ వైట్ ఫేస్ ప్యాక్

గుడ్డును పగలగొట్టి అందులోని తెల్లసొన మాత్రమే ముఖంపై రాయండి. బాగా ఆరే వరకు ఉంచి వెచ్చని నీటితో కడగండి. ఈ ప్యాక్ చాలా సులభమైనది కనుక మీరు ఎప్పుడైనా ప్రయత్నించవచ్చు, అధిక సమయం కూడా అవసరం లేదు.

ఎగ్ వైట్ మరియు పుల్లర్స్ ఎర్త్/ముల్తాని మట్టి ప్యాక్

ఒక గుడ్డు లోని తెల్ల సొన, రెండు టేబుల్ స్పూన్ ముల్తాని మట్టి, కొన్ని చుక్కల గ్లిజరిన్ మరియు ఒక టేబుల్ స్పూన్ తేనెని ఒక బౌల్లో వేసుకొని బాగా కలిపి పేస్ట్ లా తయారు చేసుకోండి. ఈ పేస్ట్ ని ముఖం పై రాసి 20 నిమిషాల పాటు ఉంచండి. ఆ తర్వాత వెచ్చని నీటితో కడగండి.

మీకు జిడ్డు చర్మం ఉన్నట్లయితే గ్లిజరిన్ వాడకుండా మిగతా పదార్థాలతో ప్యాక్ ని సిద్ధం చేసి ఉపయోగించండి. అలాగే చాలా డ్రై చర్మం అయితే ముల్తాని మట్టి ని అవాయిడ్ చేయండి. ఇది అధిక జిడ్డును మరియు సన్ టాన్ ని తొలగిస్తుంది.

క్యాబేజీ మరియు బియ్యం పిండి ఫేస్ ప్యాక్

2 లేదా 3 క్యాబేజీ ఆకులను బాగా రుబ్బి మెత్తని పేస్ట్ లా చేసుకోండి. ఇందులో రెండు టేబుల్ స్పూన్ బియ్యం పిండి మరియు కొన్ని చుక్కల ఆల్మండ్ ఆయిల్ ని వేసి బాగా కలపండి. ఈ మిశ్రమాన్ని ముఖంపై రాసి 15 నుండి 20 నిమిషాలు ఉంచండి. బాగా ఆరిన తరువాత వెచ్చని నీటితో కడగండి.

క్యాబేజీ ముడతల్ని తగ్గిస్తుంది మరియు చర్మాన్ని బిగుతుగా చేస్తుంది. బాదం నూనె చర్మాన్ని మాయిశ్చరైజ్ చేసి చర్మాన్ని ప్రకాశవంతంగా చేస్తుంది. మీకు జిడ్డు చర్మం అయితే ఆయిల్ ని కలప వద్దు.

క్యాబేజీ మరియు పెరుగు ఫేస్ ప్యాక్

2 లేదా 3 క్యాబేజీ ఆకులను బాగా రుబ్బి పేస్ట్ లా చేసుకోవాలి. అందులో రెండు టేబుల్ స్పూన్ పెరుగు, ఒక టేబుల్ స్పూన్ తేనె మరియు కొన్ని చుక్కల ఆల్మండ్ లేదా ఆలివ్ ఆయిల్ ని వేసుకొని బాగా కలపాలి. ఈ మిశ్రమాన్ని ముఖంపై రాసి 15 నుండి 25 నిమిషాల పాటు ఉంచాలి. బాగా ఆరిన తరువాత వెచ్చని నీటితో కడగండి.

పాలు తో ఫేస్ మాస్క్

అర కప్పు పాల పొడిలో కావల్సినంత నీటిని కలిపి పేస్ట్ లా చేసుకోవాలి. ఈ పేస్ట్ ని ముఖంపై రాసి పూర్తిగా ఆరే వరకు ఉంచాలి. ఆ తరువాత వెచ్చని నీటితో కడగాలి. ఈ ప్యాక్ ని 2 లేదా 3 సార్లు వాడగానే మీ చర్మం మృదువుగా మారటం గమనించవచ్చు.

బనానా మాస్క్

బాగా పండిన మీడియం సైజ్ అరటి పండును గుజ్జులా చేసి ముఖం మరియు మెడ భాగాలపై రాయండి. 15 – 20 నిమిషాల తరువాత చల్లని నీటితో కడగండి. ఈ ప్యాక్ ని ఇంకా ప్రభావితంగా చేయటానికి ఇందులో కొంత తేనె మరియు పెరుగు కూడా చేర్చుకోవచ్చు. అరటి పండు మీ చర్మానికి కావలసిన మాయిశ్చర్ ను అందించటం ద్వారా చర్మాన్ని మృదువుగా మరియు బిగుతుగా చేస్తుంది.

పెరుగు తో ఫేస్ మాస్క్

వట్టి పెరుగును కూడా ఫేస్ ప్యాక్ లా వాడవచ్చు. కావల్సినంత పెరుగును ముఖంపై రాసి, కనీసం 20 నిమిషాలు అలాగే ఉంచి, ఆ తరువాత చల్లని నీటితో కడగాలి. పెరుగు మీ చర్మానికి పునరుత్తేజాన్ని అందిస్తుంది. చర్మపు రంధ్రాలను శుభ్ర పరిచి చర్మాన్ని బిగుతుగా చేస్తుంది.

పెరుగు, ఆరంజ్ మరియు కలబంద జెల్

ఒక ఆరంజ్ పండు ముక్క లోని 1/4th భాగం మరియు ఒక టేబుల్ స్పూన్ కలబంద జెల్ ను కూడా పెరుగులో కలిపి పై చెప్పిన విధంగా ఉపయోగించవచ్చు.

మయోన్నైస్ ఫేస్ మాస్క్

హోల్ ఎగ్ మయోన్నైస్ ని ముఖంపై రాసి 5 నిమిషాల పాటు మసాజ్ చేయండి. ఆ తరువాత 20 నిమిషాల పాటు ఉంచి చల్లని నీటితో కడగండి. ఇది మీ చర్మాన్ని శుభ్రపరచి స్మూత్ గా చేస్తుంది.  

వోట్మీల్ ఫేస్ ప్యాక్

అర కప్పు వెచ్చని నీటిలో 1/3 కప్పు వోట్మీల్ ని వేసి 2-3 నిమిషాల పాటు అలాగే ఉంచి, ఆ తరువాత అందులో రెండు టేబుల్ స్పూన్ పెరుగు, రెండు టేబుల్ స్పూన్ తేనె మరియు ఒక ఎగ్ వైట్ వేసి మిక్సీ లో బాగా బ్లెండ్ చేయాలి. ఒక చక్కని పేస్ట్ లా తయారవుతుంది. ఈ పేస్ట్ ని ముఖంపై రాసి 10-15 నిమిషాల పాటు ఉంచి వెచ్చని నీటితో కడగండి. ఈ మాస్క్ మీ చర్మంలోని మురికి, టాక్సిన్స్ మరియు చనిపోయిన చర్మ కణాలను తొలగించి మృదువుగా మరియు బిగుతుగా చేస్తుంది.

శనగ పిండి ఫేస్ ప్యాక్

ఒక బౌల్లో శనగ పిండి, ఎగ్ వైట్ మరియు ముల్తాని మట్టిని మిక్స్ చేసి మెత్తగా పేస్ట్ చేయాలి. ఈ పేస్ట్ ను ముఖంపై మరియు మెడపై అప్‌లై చేసి మసాజ్ చేయాలి. 30 నిముషాల తర్వాత చల్లని నీటితో శుభ్రం చేయండి.

బియ్యం పిండి మరియు పాలతో ఫేస్ ప్యాక్

2-3 టేబుల్ స్పూన్ బియ్యం పిండిలో 2 స్పూన్ పాలు కలిపి ఒక పేస్ట్ లా చేసుకోవాలి.  ఈ ప్యాక్ ని ముఖంపై రాసి 15 నిముషాల తర్వాత చల్లని నీటితో శుభ్రం చేసుకోవాలి. బియ్యం పిండి సాగిన చర్మంను టైట్ చేస్తుంది దాంతో యవ్వనంగా కనబడతారు. బియ్యం పిండిలో కొద్దిగా పాలు మిక్స్ చేయడం వల్ల చర్మానికి మరింత గ్లో వస్తుంది. చర్మం యొక్క కాంతి మెరగవుతుంది ఇంకా డెడ్ స్కిన్‌ సెల్స్ తొలగిపోతాయి.

ఓట్స్ అండ్ పెరుగు ప్యాక్

2-3 స్పూన్ ఓట్స్ పొడిని రెండు స్పూన్ పెరుగులో వేసి మిక్స్ చేసి ముఖానికి పట్టించి 5 నిమిషాలు సర్కులర్ మోషన్ లో మసాజ్ చేయాలి. 15 నిమిషాలు అలాగే ఉంచి బాగా ఆరిన తరువాత వెచ్చని నీటితో కడగండి. ఈ ప్యాక్ మీ చర్మంను ఎక్స్-ఫ్లోయేట్ చేస్తుంది మరియు డెడ్ స్కిన్‌ సెల్స్ ను నివారిస్తుంది. పెరుగు చర్మానికి పోషణ అందిస్తుంది మరియు చర్మం మెరిసేలా చేస్తుంది.

బొప్పాయి మరియు నిమ్మరసం

2-3 ముక్కల బొప్పాయి మరియు 2 స్పూన్ నిమ్మరసం ను స్మాష్ చేసి ముఖం పై అప్‌లై చేయాలి. బాగా ఆరిన తరువాత చల్లని నీటితో కడగండి. ఇది మీ చర్మంను సాఫ్ట్ గా చేస్తుంది మరియు యంగ్ అండ్ గ్లోయింగ్ గా మార్చుతుంది. ఇందులో ఎక్కువ యాంటీ ఆక్సిడెంట్స్ , విటమిన్స్ మరియు పెపైన్ అనే ఎంజైమ్ ఉండటం వల్ల డెడ్ స్కిన్‌ సెల్స్ తొలగిపోతాయి.

Posted on

Telugu tips for pimples – మొటిమల చర్మానికి ముల్తాని మట్టి ఫేస్ ప్యాక్స్

ఫుల్లర్ ఎర్త్ లేదా ముల్తాని మట్టి ఒక అద్భుతమైన ఎంపికగా చెప్పవచ్చు. దానిని మీరు మీ చర్మానికి ఉపయోగించినా లేదా జుట్టుకి ఉపయోగించినా, శుభ్రపరచడంలో రెండూ నిజంగా ప్రభావవంతంగా పనిచేస్తాయి. జిడ్డు చర్మం కలిగిన వారిలో ఉండే ప్రధాన సమస్య మొటిమలు. దానికి కారణం చర్మపు బయట పొరలలో ఉండే జిడ్డు. ఇలాంటి సమస్యలను నిర్మూలించడానికే మనము ముల్తాని మట్టిని ఉపయోగించవచ్చు.

ఇప్పుడు మేము మీకు ఫుల్లర్ ఎర్త్ తో తయారు చేసే ముఖ్యమైన కొన్ని ఫేస్ ప్యాక్ లను మీ ముందు ఉంచుతున్నాం. ఇది అధిక జిడ్డు, బ్లాక్ హెడ్స్, చర్మపు రంధ్రాలలో పేరుకుపోయిన మృత కణాలు మరియు మొటిమలతో బాధ పడుతున్న అన్ని రకాల చర్మాలకు ఒకేలా పనిచేస్తుంది. సంవత్సరాలుగా ఈ ముల్తాని మట్టి ప్యాక్ లను మహిళలు ఉపయోగిస్తున్నారు. సౌందర్య చికిత్సలో నిష్ణాతులు అయిన వారు కూడా ఈ సహజ ముల్తాని మట్టితో వివిధ రకాల ప్యాక్ లను చేసి ఉపయోగిస్తున్నారు.

ముల్తాని మట్టి, తేనె, పెరుగు మరియు నిమ్మ రసంతో ఫేస్ ప్యాక్

ముల్తాని మట్టి మృత చర్మ కణాలను మరియు చర్మం మీద ఉన్న రంధ్రాలను తొలగించడంలో చాలా మంచి ఉపయోగకారినిగా పనిచేస్తుంది. ఇందుకోసం ముల్తాని మట్టికి కాస్త తేనె, 1 టేబుల్ స్పూన్ పెరుగు మరియు కాస్త నిమ్మ రసాన్ని వేసి కలపండి. తేనె చర్మానికి మృదుత్వాన్ని ఇస్తుంది మరియు పెరుగు చర్మంలో ప్రోటీన్ ల స్థాయిని పెంచుతుంది అలాగే మొటిమలను నివారిస్తుంది.

కలబందతో ముల్తాని మట్టి

ముల్తాని మట్టి చర్మం మీద మొటిమలను తొలగించడంలో అనంతమైన చికిత్సలలో ఒకటి. ముల్తాని మట్టికి కాస్త కలబంద గుజ్జుని జోడించి, ఆ పేస్టుని ముఖానికి రాసుకోండి. ఇది మొటిమలను నివారిస్తుంది. అలాగే మంచి ఫలితాలను కూడా పొందుతారు.

పిండి చేసిన బాదం తో ముల్తాని మట్టి

మీకు బాదం అంటే బాగా ఇష్టం ఉన్నవారు అయితే, అప్పుడు ఈ ఫేస్ ప్యాక్ మీకు సరిగ్గా సరిపోతుంది. ఒక గిన్నెలో కాస్త పిండి చేసిన బాదం మరియు కాస్త ముల్తాని మట్టిని వేసి బాగా కలపండి. ఆ మిశ్రమాన్ని మీ ముఖం మీద వలయాకారంలో రాసుకుని, ఆరిన తరువాత గోరు వెచ్చని నీటితో ఆ ఫేస్ ప్యాక్ ని కడిగేసుకోండి. ఈ ప్యాక్ ను వారంలో ఒకసారి రాసుకోండి.

మొటిమల నివారణకు ముల్తానీ మట్టి

మీరు మొటిమలను ప్రభావితం చేసే చర్మాన్ని కలిగి ఉన్నట్లయితే మీరు చేయాల్సిన అతి ముఖ్యమైన పని ముల్తానీ మట్టిని ఉపయోగించడమే. దీనితో మీరు సమతలమైన మరియు మృదువైన చర్మాన్ని పొందుతారు. మీరు ముల్తానీ మట్టి స్టోన్ కు సులభంగా నీటిని చేర్చడం ద్వారా ఈ ఫలితాన్ని పొందవచ్చు. అంతేకాకుండా ముల్తానీ మట్టి పౌడర్కు నీటిని కలపడం ద్వారా పేస్టులాగా తయారుచేసుకుని కూడా ఉపయోగించవచ్చు. ఈ పేస్టుని మొటిమలు ఉన్న చోట రాయడం ద్వారా మొటిమల నుండి ఉపశమనాన్ని పొందవచ్చు.

చర్మ సంరక్షణకు ముల్తానీ మట్టి

చర్మ సంరక్షణకుమార్కెట్లో లభించే వివిధ సంరక్షక ఔషధాలు పొందడం చాలా సులభం. కానీ ఎప్పుడైనా ఉపయోగించారా? ముల్తానీ మట్టి క్లే స్టోన్ రూపంలోనూ మరియు పౌడరు రూపంలోనూ మార్కెట్లో లభిస్తుంది. ఒకవేళ మీ దగ్గర ఉన్నది స్టోన్ అయితే దానిని పగలగొట్టి చిన్న భాగాన్ని వేరు చేసి, ఆ భాగాన్ని చూర్ణంగా ఏర్పడటానికి సరిపడా నీటిలో వేసి ఉంచండి. అది కరిగి పేస్టులాగా ఏర్పడుతుంది. ఇప్పుడు చూర్ణానికి చిటికెడు పసుపు కొన్ని చుక్కల రోజ్ వాటర్ ను కలపండి. వాటిని బాగా కలిపి ముఖ చర్మం మీద పట్టించండి. 15 నిమిషాల పాటు దానిని ఆరనిచ్చి తర్వాత కడిగేసుకోండి.

చర్మశుద్ధి మరియు చర్మకాంతికి ముల్తానీ మట్టి

మీ చర్మాన్ని శుద్ధి పరుచుకోవడానికి మరియు అసమాన చర్మ వర్ణాన్ని సమ వర్ణంగా చేయుటకు ముల్తానీ మట్టి, బంగాళదుంప యొక్క అద్భుతమైన కలయిక మీకు అవసరం అవుతుంది. ఇందుకోసం మీరు ఒక బంగాళదుంప తీసుకొని తొక్కను తీసి గుజ్జులా చేయండి. రెండు స్పూన్ల బంగాళదుంప గుజ్జును ఒక కప్పులో తీసుకోండి. దానికి కొన్ని చుక్కల ఆలివ్ ఆయిల్ ను కలపండి. అందులో ఒక స్పూన్ ముల్తానీ మట్టి కూడా వేసి ఈ పదార్థాలను పేస్టు లాగా బాగా కలపండి. ఈ మిశ్రమాన్ని మీ ముఖానికి పట్టించి కాసేపు దాన్ని ఆరనిచ్చాక నీళ్ళతో కడిగేసుకోండి.

చర్మానికి ముల్తాని మట్టి ప్రయోజనాలు

  • ఇది మొటిమలను మరియు మచ్చలను తొలగిస్తుంది.
  • మీరు మృదువైన మరియు కాంతివంతమైన చర్మాన్ని పొందుతారు.
  • మీ రక్త ప్రసరణ మెరుగుపడుతుంది.
  • మెడ మరియు ముఖం మీద ఉన్న ముడతలు తొలగించబడతాయి.
  • మీరు బ్లాక్ హెడ్స్ మరియు వైట్ హెడ్స్ ను నిర్మూలించవచ్చు.

ముల్తాని మట్టిని ఉపయోగించి ఫేస్ ప్యాక్లు

నిమ్మతో ముల్తాని మట్టి

మొటిమలు తగ్గిన తరువాత, ఎర్రని చర్మం మాయమవ్వచ్చు కానీ వాటి వలన ఏర్పడిన మచ్చలు చర్మం మీద అలానే ఉండిపోతాయి. నిమ్మ ఒక సహజ సిద్ధమైన బ్లీచ్ గా పనిచేస్తుంది కనుక ఇది ముఖం మీద ఏర్పడిన మచ్చలను నిర్మూలిస్తుంది. అలాగే చర్మం నుండి అధికంగా స్రవించే జిడ్డుని కూడా నిమ్మ తొలగిస్తుంది. ఈ ప్యాక్ కోసం ఒక గిన్నెలో రెండు స్పూన్ల ముల్తానీ మట్టి. ఒక స్పూన్ రోజ్ వాటర్ మరియు 10 నుండి 12 చుక్కల నిమ్మరసం తీసుకొని పేస్టులా తయారు చేసుకోండి. ఈ మిశ్రమాన్ని మీ ముఖం అంతటా పట్టించండి. ఇది ముఖం మీద ఏర్పడిన మచ్చలను తొలగించి ముఖాన్ని కాంతివంతంగా చేస్తుంది.

వేపతో ముల్తానీ మట్టి

వేప క్రిమినాశక లక్షణాన్ని కలిగిన ఒక సహజ మూలిక. ఇది అన్ని రకాల ఇన్ఫెక్షన్లను లోపలి నుండి చికిత్స చేస్తుంది. అందువలన, ఉదయాన్నే ప్రతిరోజు వేప ఆకులను తీసుకోవడం చాలా ఆరోగ్యకరమైన విషయం. అదేవిధంగా, వేప ఆకులను ముల్తానీ మట్టితో తీసుకుని ప్యాక్ లా తయారు చేసుకొని బాహ్యంగా కూడా ప్రయోజనాలను పొందవచ్చు. ఇందుకోసం వేప ఆకులను ఎండబెట్టి పొడిచేసి ఉంచుకోవాలి. ఒక చెంచా వేప పొడిని, ఒక చెంచా ముల్తానీ మట్టి పొడిని తీసుకొని రెండు చుక్కల తాజా నిమ్మరసాన్ని మరియు రోజ్ వాటర్ ను కలిపి పేస్టులా తయారు చేసుకోండి. ఈ పేస్టుని ముఖానికి పట్టించి ఆరిన తర్వాత కడిగేసుకోండి. ఇది మీ ముఖాన్ని మృదువుగా మరియు అందంగా మారుస్తుంది.

చందనం మరియు ఫుల్లర్ ఎర్త్

మనం చందనాన్ని దేవుడిని పూజించడానికి ఒక పవిత్రమైన మూలికగా ఉపయోగిస్తుంటాం. ఒక చందనం చక్కని తీసుకొని దానిని ఒక రాయి మీద చిక్కటి పేస్టులా రుద్దండి. రెండు చెంచాల చందనం పేస్టుకి, ఒక చెంచా ఫుల్లర్ ఎర్త్ ని, అరచెంచా శనగపిండి మరియు రోజ్ వాటర్ ను వేసి పేస్టులా తయారు చేయండి. ఈ మిశ్రమాన్ని ముఖానికి రాసుకొని ఆరిన తర్వాత కడిగేసుకోండి. ఇది మీ ముఖం మీద మొటిమలను తొలగించడమే కాకుండా కాంతివంతమైన ముఖాన్ని ఇస్తుంది.

నారింజ తొక్కతో ముల్తానీ మట్టి

ముఖ చర్మం మీద ఏర్పడిన మొటిమలు బ్యాక్టీరియా కారకం కావచ్చు. నారింజ తొక్క ఇటువంటి సమస్యలకు సహాయపడుతుంది. ఇందుకోసం ఒక చిన్న గిన్నె తీసుకొని అందులో ఒక చెంచా ఎండిన నారింజ తొక్కల పొడి మరియు ఒక చెంచా ముల్తానీ మట్టి అలాగే పచ్చిపాలు వేసి పేస్టులాగా కలపండి. దీనిని మీ ముఖం మీద రాసుకుని కాసేపు ఉంచి ఆరిన తర్వాత శుభ్రం చేసుకోండి.

ఫుల్లర్ ఎర్త్ తో పసుపు

శోధ నిరోధక లక్షణం కలిగిన పసుపుని ముల్తానీ మట్టితో తీసుకోవడం వలన అందమైన మరియు కాంతివంతమైన ముఖాన్ని పొందవచ్చు. ఇందుకోసం ముల్తానీ మట్టి, చిటికెడు పసుపు మరియు పచ్చి పాలు తీసుకొని పేస్టులా తయారు చేసుకోండి. ఈ పేస్టుని ముఖానికి పట్టించి ఆరిన తర్వాత కడిగేసుకోండి.

క్యారెట్ తో ముల్తానీ మట్టి

క్యారెట్ కూడా మీ చర్మానికి ఒక మంచి సహజ పదార్థం. నిమ్మరసంతో కలిపిన క్యారెట్ జ్యూస్ తాగడం వలన మొటిమలు, మచ్చలు లేని అందమైన ముఖాన్ని పొందవచ్చు. ఈ క్యారెట్ ని ముల్తానీ మట్టితో కలిపి ప్యాక్ లా కూడా తయారుచేసుకోవచ్చు. దీనికోసం ముల్తానీ మట్టి మరియు 3 నుండి 4 చెంచాల క్యారెట్ జ్యూస్ ని కలిపి పేస్టులా తయారు చేసి ముఖానికి పట్టించండి. ఈ ఫేస్ ప్యాక్ ముఖం మీద మొటిమలు మరియు మచ్చలను నిర్మూలిస్తుంది.

తేనెతో ముల్తానీ మట్టి

తేనె ఒక సహజ ఉత్పత్తి, ఇది మీ చర్మపు రంగును మెరుగుపరుస్తుంది. ఈ ఫేస్ ప్యాక్ తయారుచేయడానికి మీకు ఒక చెంచా ముల్తానీ మట్టి మరియు ఒకటి నుండి రెండు చెంచాల తేనె అవసరం అవుతాయి. ఈ రెండింటినీ కలిపి మీ ముఖం మీద సున్నితంగా రుద్దండి. పది నిమిషాలు ఉంచి ఆరిన తరువాత గోరువెచ్చని నీటితో శుభ్రపరుచుకోండి.

Posted on

Besan face packs for glowing skin in Telugu – మెరిసే చర్మం కోసం ఫేస్ ప్యాక్స్

శనగ పిండి మీ చర్మాన్ని సులభంగా శుభ్రపరచి మృదువుగా మార్చుకునేందుకు ఒక అద్భుతమైన గృహోపకరణం అని చెప్పవచ్చు. శనగ పిండితో చేసిన ఫేస్ ప్యాక్ ను మీ ముఖం మీద అప్లై చేసినపుడు మీ ముఖములో ప్రకాశవంతమైన వెలుగును గమనించవచ్చు. మీరు పొడి చర్మం లేదా జిడ్డు చర్మం కలిగి ఉన్నా, దానిని సరైన పద్ధతిలో నిర్వహించుకోకపోతే సహజమైన సౌందర్యాన్ని కోల్పోతారు. శనగ పిండి వివిధ రకాల ప్రయోజనాలను కలిగి ఉంది. చర్మ చికిత్సలో శనగ పిండిని ఉengపయోగించడం కొత్త పధ్ధతి ఏమీ కాదు. మన పెద్దలు ముఖ్యంగా పూర్వీకులు వారి చర్మాన్ని అందంగా ఉంచుకోవడానికి ఈ శనగ పిండిని ఉపయోగించేవారు.

మీ చర్మపు రకాన్ని బట్టి ఈ క్రింద చెప్పిన వివిధ ఫేస్ ప్యాక్ ల గురించి తెలుసుకోండి.

ప్రకాశవంతమైన చర్మం కోసం ఇంటి నివారణలు

అరటి పండు మరియు శనగ పిండి

3-4 ముగ్గిన అరటి పళ్ళు మరియు 2 టీ స్పూన్ల శనగ పిండిని తీసుకోండి.  ఆ రెండింటినీ కాస్త పాలు లేదా రోజ్ వాటర్ తో కలిపి ఒక పేస్టులా తయారు చేయండి. తరువాత ఈ పేస్టుని ఒక గ్రైండర్ లో వేసి దానికి 2 టేబుల్ స్పూన్ల శనగ పిండిని జోడించి మిక్సీ పట్టండి. అప్పుడు ఆ పేస్టుని ముఖానికి రాసుకుని 15 నిమిషాలు ఉంచుకోండి. ఆరిన తర్వాత గోరు వెచ్చని నీటితో ముఖాన్ని శుభ్రపరుచుకోండి.

గుడ్డు తెల్లసొన మరియు శనగ పిండి

ఒక గిన్నె తీసుకుని అందులో 2 టేబుల్ స్పూన్ల శనగ పిండి, 1 గుడ్డు తెల్లసొన వేసి కలపండి. దానిలో అర చెంచా తేనె వేసి మరలా బాగా కలపండి. ఆ మిశ్రమాన్ని ముఖానికి రాసుకుని ఆరిన తరువాత గోరు వెచ్చని నీటితో శుభ్రపరుచుకోండి.  

గ్రీన్ టీ మరియు శనగ పిండి

ఒక గిన్నెలో వేడి నీటిని తీసుకుని గ్రీన్ టీ బాగ్ ని వేయండి. గ్రీన్ టీ నుండి వచ్చే కషాయాన్ని చల్లార్చండి. ఇప్పుడు అందులో కొంత శనగ పిండి వేసి కలపండి. ఆ మిశ్రమాన్ని మీ ముఖానికి పట్టించి 20 నిమిషాల పాటూ ఉంచుకోండి. తర్వాత గోరు వెచ్చని నీటితో కడిగేసుకోండి. ఇది వాడిన తరువాత కొద్ది రోజులలోనే మీరు మార్పుని గమనిస్తారు.  

వేప మరియు శనగ పిండి

ఒక గిన్నెలో కాస్త వేప పొడి, కాస్త శనగ పిండిని తీసుకుని రోజ్ వాటర్ వేసి వాటిని బాగా కలపండి. ఆ మిశ్రమాన్ని ముఖానికి పట్టించి గోరు వెచ్చని నీటితో శుభ్రపరుచుకోండి. ఈ ప్యాక్ వేసుకున్న తరువాత మీరు మీ చర్మం మీద మృదుత్వాన్ని గమనిస్తారు.  

బంగాళదుంప మరియు శనగ పిండి

కొన్ని బంగాళదుంపలు తీసుకుని వాటిని గ్రేట్ చేసి దాని నుండి వచ్చే రసాన్ని సేకరించండి. ఇప్పుడు అందులో శనగ పిండి మరియు నిమ్మ రసం వేసి ప్యాక్ లా చేసుకోండి. ఆ మిశ్రమాన్ని ముఖానికి పట్టించి ఆరిన తరువాత గోరి వెచ్చని నీటితో శుభ్రపరుచుకోండి. ఈ ప్యాక్ ఉపయోగించటం వలన కొద్ది వారాల లోనే మీరు మార్పుని గమనిస్తారు.

శనగ పిండి ఉబ్టన్

ఒక గిన్నె తీసుకుని అందులో కాస్త శనగ పిండి, తాజా మీగడ, పచ్చి పాలు, తేనె మరియు పసుపు వేసి కలపండి. ఈ పదార్ధాలు అన్నిటితో ఉబ్టన్ అనే ఒక సంప్రదాయకమైన ఫేస్ ప్యాక్ తయారవుతుంది. దీనిని రోజూ రాసుకోవడం వలన మెరిసే కాంతివంతమైన చర్మం మీ సొంతం అవుతుంది. ఈ మిశ్రమాన్ని ముఖానికి రాసుకుని 20-30 నిమిషాల పాటూ ఉంచి ఆరిన తరువాత గోరు వెచ్చని నీటితో శుభ్రపరుచుకోండి. ఈ ప్యాక్ మీ చర్మాన్ని తేమగా ఉండేలా చేస్తుంది.

బొప్పాయి, శనగ పిండి మరియు నారింజ రసం

శనగ పిండి, బొప్పాయి మరియు నారింజ రసం యొక్క కలయిక సమాన చర్మ ఛాయని కలిగి ఉండేలా ఉపయోగపడుతుంది. ఒక బొప్పాయి తీసుకుని దాని తొక్క తీసి గుజ్జులా చేసి పక్కన పెట్టండి. దానికి సుమారు రెండు టేబుల్ స్పూన్ల నారింజ రసం మరియు ఒక టేబుల్ స్పూన్ శనగ పిండి వేసి బాగా కలపండి. అయితే, ఆ మిశ్రమం మరీ చిక్కగా కాకుండా ఉండేలా చూసుకోండి.

ఇప్పుడు ఆ మిశ్రమాన్ని మీ ముఖానికి రాసుకుని 30 నిమిషాల పాటూ ఉంచుకోండి. అది ఆరిన తరువాత ముఖాన్ని శుభ్రపరుచుకోండి. ఈ ప్యాక్ మీ చర్మం మీద పేరుకుపోయిన ట్యాన్ ని తొలగించి మీ ముఖాన్ని కాంతివంతంగా మరియు సమాన మేని ఛాయ కలిగి ఉండేలా చేస్తుంది.

శనగ పిండి మరియు కలబంద

శనగ పిండి మరియు కలబంద తో చేసిన ఫేస్ ప్యాక్ మీ చర్మాన్ని ఆరోగ్యవంతంగా తేమగా ఉంచుతుంది. ఇందుకోసం ఒక టమాటా తీసుకుని గుజ్జులా చేసి అందులో 2 టేబుల్ స్పూన్ల కలబంద గుజ్జు మరియు 1 టేబుల్ స్పూన్ శనగ పిండి వేసి బాగా కలపండి. ఆ ప్యాక్ ని ముఖానికి రాసుకుని 30 నిమిషాల పాటూ ఉంచి గోరు వెచ్చని నీటితో కడిగేయండి. ఈ ఫేస్ ప్యాక్ ఉపయోగించడం వలన ముఖం మీద మచ్చలు, సూర్యరశ్మి కి కందిపోయిన చర్మం మరియు పిగ్మెన్టేషన్ వంటివి తొలగిపోతాయి.

శనగ పిండి, రోజ్ వాటర్ మరియు ఫుల్లర్స్ ఎర్త్ (ముల్తాని మిట్టి)

ఒక టేబుల్ స్పూన్ ముల్తాని మిట్టి, 2 టేబుల్ స్పూన్ల శనగ పిండి మరియు రోజ్ వాటర్ తీసుకుని పేస్టులా కలపండి. ఈ మిశ్రమం మరీ చిక్కగా లేకుండా చూసుకోండి. ఇప్పుడు ఈ ఫేస్ ప్యాక్ ని మీ ముఖానికి పట్టించి సరిగ్గా 40 నిముషాలు ఉంచుకోండి. ఆరిన తరువాత వలయాకారంలో రబ్ చేస్తూ గోరు వెచ్చని నీటితో కడిగేసుకోండి. ఇలా వలయాకారంలో మసాజ్ చేస్తూ ఫేస్ ప్యాక్ ని కడుగుతున్నప్పుడు మీ ముఖ చర్మం మీద పేరుకుపోయిన బ్లాక్‌హెడ్స్ మరియు మురికి వంటివి తొలగించబడతాయి. ఈ ఫేస్ ప్యాక్ ని వారానికి ఒకటి లేదా రెండు సార్లు అప్లై చేసుకోవాలి.  

జిడ్డు చర్మానికి శనగ పిండితో ప్యాక్

శనగ పిండి చర్మపు రంధ్రాలలో పేరుకుపోయిన అధిక జిడ్డుని తొలగించే లక్షణాన్ని కలిగి ఉంది. కాబట్టి ఇది వివిధ రకాల ఫేస్ ప్యాక్ లలో ఉపయోగించబడుతుంది.

కావలసిన పదార్ధాలు మరియు తయారు చేయు విధానం

  • రెండు టేబుల్ స్పూన్ల శనగ పిండి
  • కొన్ని చుక్కల రోజ్ వాటర్

రోజ్ వాటర్ ని శనగ పిండిలో వేసి ప్యాక్ లాగా తాయారు చేయండి, దానిని మీ ముఖానికి మరియు మెడకి రాసుకోండి. 15 నిమిషాలు ఉంచుకుని ఆరిన తరువాత గోరు వెచ్చని నీటితో శుభ్రపరుచుకోండి. మీకు కావాలి అనుకుంటే ఆ పేస్టులో పెరుగుని కూడా కలుపుకోవచ్చు. ఈ సులభమైన ఫేస్ ప్యాక్ మీ చర్మాన్ని శుభ్రపరచి తాజా అనుభూతిని ఇస్తుంది.

పొడి చర్మానికి శనగ పిండితో ప్యాక్

శనగ పిండితో ఇంటి వద్దనే అందుబాటులో ఉండే సులభమైన పదార్ధాలను ఉపయోగించి జిడ్డు చర్మాన్ని మాత్రమే కాకుండా పొడి చర్మాన్ని కూడా చికిత్స చేయవచ్చు.

కావలసిన పదార్ధాలు మరియు తయారు చేయు విధానం

  • ఒక టేబుల్ స్పూన్ పాలు
  • ఒక టేబుల్ స్పూన్ తేనె
  • అర టేబుల్ స్పూన్ పసుపు

శనగ పిండి, పాలు, తేనె మరియు పసుపుని తీసుకుని పేస్టులా కలపండి. ఈ ప్యాక్ ని ముఖానికి రాసుకుని 15 నిమిషాలు ఉంచి మామూలు నీటితో కడిగేసుకోండి. ఈ మిశ్రమం లో మోయిశ్చరైజర్ లా పనిచేసే తేనె మరియు పాలు ఉండటం వలన పొడి చర్మం ఉన్న వారికి ఒక అద్భుతమైన ప్యాక్ అని చెప్పవచ్చు.  ఈ ఫేస్ ప్యాక్ ని రోజూ ఉపయోగిస్తే చర్మం పొడిబారకుండా ఉండి మృదువుగా మరియు కాంతివంతంగా మారుతుంది.

మొటిమల చర్మానికి శనగ పిండితో ప్యాక్

శనగ పిండి మొటిమలను సహజంగా తొలగించడానికి పోరాడుతుంది. మీరు మొటిమలతో బాధపడుతున్నట్లైతే మొటిమలు నివారణా శనగ పిండి మాస్క్ ని ఉపయోగించవచ్చు. ఈ పేస్టుని తయారు చేయు విధానం క్రింద ఇవ్వబడినది.

కావలసిన పదార్ధాలు మరియు తయారు చేయు విధానం

  • రెండు టేబుల్ స్పూన్ల శనగ పిండి
  • ఒక టేబుల్ స్పూన్ తేనె
  • ఒక టేబుల్ స్పూన్ చందనం పొడి
  • కొన్ని చుక్కల రోజ్ వాటర్
  • చిటికెడు పసుపు

పైన చెప్పిన పదార్ధాలు అన్నీ ఒక గిన్నెలో తీసుకుని పేస్టులా కలపండి. ఈ ప్యాక్ ని వేసుకునే ముందు ముఖాన్ని నీటితో శుభ్రం చేసుకుని అప్పుడు రాసుకోండి. 15 నిమిషాల పాటూ ఉంచుకుని ఆరిన తరువాత గోరు వెచ్చని నీటితో కడిగేసుకోండి. మొటిమల బారి నుండి బయట పడటానికి ఈ ప్యాక్ ని తరచుగా ఉపయోగించండి. ఈ ప్యాక్ ని వారానికి కనీసం మూడు సార్లు వాడండి.    

మచ్చలు మరియు తెరిచివున్న రంధ్రాలకు శనగ పిండితో ప్యాక్

మహిళలలో వయసు పెరిగే కొద్దీ మచ్చలు మరియు తెరిచివున్న రంధ్రాలు సర్వసాధారణ సమస్యలు. ఇవి మీ చర్మాన్ని నిస్తేజంగా మార్చడం వలన వయసు పైబడిన వారిలా కనపడతారు. కాబట్టి మచ్చలు మరియు రంధ్రాల సమస్య నివారణకు ఈ క్రింది ఉన్న ప్యాక్ ని ఉపయోగించండి.  

కావలసిన పదార్ధాలు మరియు తయారు చేయు విధానం

  • మూడు టేబుల్ స్పూన్ల శనగ పిండి
  • మూడు టేబుల్ స్పూన్ల కీరదోస పేస్టు

శనగ పిండిని కీరదోస గుజ్జు తో కలిపి పేస్టులా తయారు చేయండి. దీనిని ఒక ఫేస్ మాస్క్ లా వేసుకుని 20 నిమిషాలు ఉంచుకోండి. ఆరిన తరువాత గోరు వెచ్చని నీటితో కడిగేసుకుని కాటన్ వస్త్రం తో తుడుచుకోండి. ఈ ప్యాక్ ని తరచుగా వాడుతూ ఉండండి. ఇది మీ ముఖంలో రంధ్రాలను మూసుకునేలా చేసి క్రమంగా మొటిమలను కూడా తొలగిస్తుంది.

సూర్యరశ్మి కి నిస్తేజంగా మారిన చర్మానికి శనగ పిండితో ప్యాక్

ఎక్కువ సేపు సూర్యరశ్మి లో ఉండేవారికి ఈ ట్యానింగ్ సమస్య ఎదురవుతుంది. ఫేస్ వాష్ వాడి బయటకి వెళ్ళినప్పటికీ కూడా ఈ సమస్యకు లోనవుతారు. శనగ పిండి ఇందుకు చక్కగా ఉపయోగపడుతుందని రుజువయ్యింది. ఈ గృహ చిట్కా ఉపయోగించి మీ నిస్తేజమైన చర్మాన్ని కాంతివంతంగా మార్చుకోండి.  

కావలసిన పదార్ధాలు మరియు తయారు చేయు విధానం

  • రెండు టేబుల్ స్పూన్ల శనగ పిండి
  • చిటికెడు పసుపు
  • 4-5 చుక్కల రోజ్ వాటర్
  • కొన్ని చుక్కలు నిమ్మరసం

పైన చెప్పిన పదార్ధాలను ఒక గిన్నెలో తీసుకుని పేస్టులా తయారుచేసి ముఖానికి మరియు మెడకి రాసుకోండి. 20 నిమిషాల పాటూ ఉంచి గోరు వెచ్చని నీటితో కడిగేసుకోండి. ఈ ప్యాక్ ట్యానింగ్ ని తొలగించడమే కాకుండా చర్మాన్ని తెలుపుగా మారుస్తుంది.   

ఇలా వివిధ రకాల పదార్ధాలతో ఇంటి వద్దనే శనగ పిండిని మన సౌందర్యం కోసం కొన్ని పద్ధతులలో ఉపయోగించవచ్చు. ఇది సహజ సిద్ధమైన పదార్ధం కనుక ఎటువంటి చెడు ప్రభావాలు కలగకుండా మన చర్మాన్ని మొటిమలు, మచ్చలు, ట్యానింగ్, జిడ్డు చర్మం, పొడి చర్మం వంటి అన్ని రకాల సమస్యలకు చక్కగా పనిచేస్తుంది.

Posted on

Best face washes for oily skin in Telugu – జిడ్డు చర్మ నివారణకు టాప్ ఫేస్ వాషెస్

జిడ్డు చర్మం చాలా ఇబ్బందిని కలిగించటమేకాక తాజాదనపు అనుభూతిని దూరం చేసి ఎంతో న్యూన్యతా భావాన్ని కలిగిస్తుంది. సాధారణంగా చాలా మంది ఆడవారు ఈ జిడ్డు చర్మాన్ని కలిగి ఉంటారు. జిడ్డు చర్మం చాలా రకాలైన సమస్యలను తెస్తుంది. మొటిమలు, మచ్చలు వచ్చేలా చేస్తుంది. దీనికి కారణం సెబాకస్ గ్రంధులు ఎక్కువగా జిడ్డును విడుదల చేయటం వల్ల ఈ సమస్య తలెత్తుతుంది. ఈ సమస్య నుంచీ అధిగమించటం కష్టమే కానీ సరైన జాగ్రత్తలు, జీవన శైలి పాటిస్తూ ఉంటే అధిగమించవచ్చు.

జిడ్డు చర్మాన్ని నివారించటానికి కొన్ని సోపానాలు

1. జిడ్డు చర్మాన్ని అతిగా కడిగినా లేదా అస్సలు కడగపోయినా రెండూ ఇబ్బందికరమైనవే కాబట్టి రోజుకు రెండు సార్లు మాత్రమే కడుగుకోవటం మంచిది.
2. ఆయిల్ స్కిన్ ను శుభ్రం చేసుకునేందుకు ఫేసియల్ సోప్ అనగా ముఖానికి సంబంధిన సోపును మాత్రమే వాడాలి. కానీ ఎక్కువగా ప్రాభావితం చేసే హార్ష్ సోపులను వాడటం మంచిది కాదు.
3. ఆయిల్ స్కిన్ ను శుభ్రం చేసుకునేప్పుడు ఎప్పుడూ చాలా వరకు వేడి నీటినే వాడాలి. వేడి నీటిని వాడటం వల్ల మీ చర్మం లోని గ్రంధుల్ని వేడి నీరు ప్రభావితం అయ్యేల చేస్తుంది. దీని వల్ల ఆ జిడ్డు రాకుండా చేస్తుంది.
4. చల్లని లేత గోధుమ రంగు నీరు లేదా రోజ్ వాటర్ చర్మానికి రాయటం చాలా మంచిది. ఎందుకంటే వేడి నీటితో చేయటం వల్ల గ్రంధులు విచ్చుకునే ఉంటాయి. ఇలా రోజ్ వాటర్ రాయటం వల్ల అది స్కిన్ టోనర్ గా పనిచేయటమే కాక అది గ్రంధుల్ని మూసుకుపోయేలా చేసి, చర్మాన్ని కూడా బిగుతుగా చేస్తుంది. సహజసిధ్ధమైన తేయాకు నూనె చాలా మంచిది. ఈ నూనె మచ్చలపై, మొటిమలపై పని చేస్తుంది.
5. ముఖానికి స్క్రబ్ చాలా మంచిది. ఇలా స్క్రబ్ చేయటం వల్ల ముఖంపై జుడ్డు పోయి తాజాగా ఉంటుంది. ఈ స్క్రబ్ చేయటానికి ఓట్మీల్, ఆల్మండ్, సముద్రపు ఉప్పు, యాపిల్ మీల్, బేకింగ్ పవ్డర్, మొదలైనవి వాడాలి.
6. ముఖంపై ఎక్కువగా జుట్టు పడేలా ఉండకుండా చూసుకోవాలి. ఇలా చేయటం వల్ల అధికంగా వచ్చే జిడ్డును నివారించవచ్చు. ఆయిల్ శాతం ఎక్కువగా ఉండే షాంపూలను వాడకపోవటం ఉత్తమం. అంతేకాక తలగడదిండ్లను తరచుగా శుభ్రం చేసేలా చూడాలి. ఎందుకంటే వీటిపై ఉండే జిడ్డు పోగెట్టేటందుకు ఇలా చేయాలి.
ఇక చిట్టచివరిది ఫేస్ వాష్. ఇది ఎందుకు అవసరమంటే మన చర్మం జిడ్డు శాతాన్ని ఎప్పటికప్పుడు తగ్గించుకుని తాజాగా ఉండేదుకు. అయితే ప్రస్తుతం మార్కెట్లో చాలా రకాల క్రీములు లభ్యమవుతున్నాయి. అయితే వీటిలో మంచిదాన్ని ఎంచుకోవటమే కష్టం.

జిడ్డు చర్మానికి 10 ముఖ్యమైన టాప్ ఫేస్ వాషెస్

సెటాఫిల్ క్లీన్సింగ్ లోషన్ రూ. 1,247

ఇది జిడ్డు చర్మాన్ని సమర్ధవంతంగా నివారించగలదు. అంతేకాక ఈ క్రీముమొటిమల్ని, మచ్చల్ని పోగొడుతుంది. దీనిలో ఉన్న ప్రత్యేక గుణాలు కొత్తగా వచ్చే మొటిమలని రాకుండా చేస్తుంది. చర్మం పై ఉన్న మట్టిని, మురికినీ తీసివేస్తుంది.

న్యూట్రొజెనా ఫేస్ వాష్

ఇది జిడ్డు చర్మం పై చాలా చక్కగా పని చేస్తుంది. అంతేకాక దీనిలో ఉన్న సలిసిలిక్ ఆసిడ్ మొటిమల్ని నివారిస్తుంది. చర్మాన్ని చాలా చక్కగా శుభ్రం చేస్తుంది.

హిమాలయా నీం ఫేస్ వాష్

ప్రస్తుతం మార్కెట్లో ఉన్న సహజసిధ్ధమైన క్రీముల్లో ఒకటి హిమాలయా నీం ఫేస్ వాష్. ఇది జిడ్డు చర్మంపై చాలా చక్కగా పని చేస్తుంది. ఇది చర్మంలోని మట్టిని తీసివేసి చక్కటి కాంతివంతమైన చర్మాన్ని వచ్చేలా చేస్తుంది. దీనిలో ఉన్న పసుపు కూడా చక్కటి నేచురల్ ఔషధం.

గార్నియర్ స్కిన్ నేచురల్స్ ఫ్రెష్ డీప్ క్లీన్ ఫేస్ వాష్ మింట్ ఎక్స్ట్రాక్ట్

దీనిలో ఉన్న మింట్ ఎక్స్ట్రాక్ట్ చక్కగా సమర్ధవంతంగా చర్మం పై పని చేసేలా చేస్తుంది. అంతేకా చర్మాన్ని తాజాగా ఉండేలా చేస్తుంది. దీనిలో ఉన్న సహజసిధ్ధ గుణాలు ఎంతో చక్కటి ఫలితాలు వచ్చేలా చేయగలదు. ఇది మొటిమల్ని నివారిస్తుంది.

సస్లిక్ ఫోమింగ్ ఫేస్ వాష్

ఇది చర్మంలో ఉండే అదికమైన అవాంచితమైన జిడ్డుని తీసివేస్తుంది. చర్మం మెరిసేలా ఆరోగ్యవంతంగా చేస్తుంది. దీనిని చాలామంది డెర్మటాలజిస్టులు సిఫారసు చేస్తున్నారు.

లాక్టో కాలమైన్ డీప్ చ్లీన్సింగ్ ఫేస్ వాష్

లాక్టో కాలమైన డీప్ చ్లేన్సింగ్ ఫేస్ వాష్ ప్రత్యేకత ఎమిటంటే ఇది చర్మం లోలోతుల వరకూ వేల్లి శుభ్రపరుస్తుంది. దీని వల్ల చర్మం ఆరోగ్యవంతంగా తయారవుతుంది. అంతేకాక ఇది చక్కటి సువాసన కలిగి ఉండటంతో ఇబ్బంది లేకుండా ఉంటుంది . ఇది చర్మాని మృదువుగా చేస్తుంది. అంతేకాక దీనికి రెఫ్రెష్ చేసే లక్షణం ఉంది. చర్మాన్ని మరీ పొడిబారకుండా చేస్తుంది.

క్లీన్ అండ్ క్లియర్ డీప్ యాక్షన్ ఆయిల్ కంట్రోల్ ఫేస్ వాష్

ఈ క్రీము ప్రత్యేకత ఏమిటంటే చర్మాన్ని చక్కగా పరిరక్షిస్తుంది. పొడిబరనీయకుండా చేస్తుంది.

ఫేబిండియా టీ ట్రీ ఫేస్ వాష్

ఇది చర్మాన్ని చక్కగా ఆరోగ్యవంతంగా ఉండేలా చేస్తుంది. దీనిలో ఉన్న సహజసిధ్ధ గుణాలు మొటిమలు మళ్ళి మళ్ళీ రాకుండా చేస్తాయి. అంతేకాకా చర్మం లో ఎటువంటి ఇబ్బందికరమైన లక్షణాల్ని రానివ్వకుండా చేస్తుంది. దీనిలో ఏరకమైన రసాయనాలు లేవు.

సెబామెడ్ క్లియర్ ఫేస్ క్లీన్సింగ్ ఫోం

ఇది చర్మం లో ఉండే పిహెచ్ స్తాయిల్ని చక్కగా ఉండేలా చేస్తుంది. అంతేకాక చర్మాన్ని మృదువుగా, ఆరోగ్యవంతంగా చేయటమేకాక ఇది మొటిమల్ని, బ్లాక్ హేడ్స్ ని పోగొడతాయి. కాకపోతే ఇది చాలా ఖరీదు గల ప్రోడక్టు. అందువల్ల దీనిని వాడలేకపోవచ్చు.

లోటస్ హెర్బల్ టీ ట్రీ ఫేస్ వాష్

ఇది చాలా మృదువుగా చర్మం పై పని చేస్తుంది. ఇది చల్లదనాన్ని కలిగి ఉండి చక్కగా శుభ్రపరుస్తుంది. అంతేకాక దీని సువాసన ఎంతో మృదువుగా ఉంటుంది. ఇది హెర్బల్ వాసన కలిగి ఉండి అవాంచితమైన జిడ్డును పోగొడుతుంది.

Posted on

Orange peel face packs for the glowing face – మెరిసే చర్మం కోసం గృహసిధ్ధమైన ఆరెంజ్ తొక్కల ఫేస్ ప్యాక్స్

మన చర్మానికి పండ్లతో మంచి ఆరోగ్యం లభిస్తుందని వింటూనే ఉంటాం. ఈ విషయం నిజమే. చర్మానికే కాదు మన శరీరానికి కూడా చాలా మంచిది. అదీ ఆరెంజ్ తో మీ చర్మ సౌందర్యం చాలా మెరుగుగా తయారవుతుంది. ఆరెంజ్ మీ చర్మంలోని అధికమైన ఆయిల్ తీసివేస్తుంది. అంతేకాక ఆరెంజ్ మీ చర్మానికే కాకుండా మీ మెదడును చక్కగా పనిచేసేలా చేస్తుంది. మీ ఎముకల్లో శక్తిని నింపుతుంది. ఈ ఆరెంజ్ ఫ్లేవర్ను మార్కెట్లో మీరు ఖరీదు చేసినా ఏ లాభం ఉండదు. ఎందుకంటే వీటిల్లో రసాయనాలు ఉంటాయి. వీటి వల్ల మీ చర్మం పాడయ్యే అవకాశం ఉంది. అదే ఆరెంజ్ అయితే పండు కాబట్టి మీ చర్మానికి ఎటువంటి సైడ్ ఎఫ్ఫెక్ట్స్ ఉండవు. ఆరెంజ్ లో ఫోలిక్ యాసిడ్, కాల్సియం ఉంటాయి. ఆరెంజ్ జ్యూస్ లో విటమిన్-సి ఉంటుంది. ఇదీ మీ చర్మ కాంతివంతంగా చేయగలదు.

ఆరెంజ్ తొక్కలతో మీ చర్మం చాలా ఆరోగ్యంగా తయారవుతుంది. ఆరెంజ్ లో యాంటీ ఆక్సిడెంట్లు పుష్కలంగా ఉంటాయి. ఇవి మీ శరీరంలో ఉన్న టాక్సిన్లను పారద్రోలతాయి. ఆరెంజ్ తొక్కలతో తయారైన ఫేస్ ప్యాక్స్ చర్మాన్ని ఆరోగ్యంగా చేయటమేకాక మీ ముఖం పై ఉన్న ముడుతల్ని పోగోడతాయి. ఇవి మీ వృధాప్య చాయల్ని కూడా చర్మానికి రాకుండా చేయగలవు.

ఆరెంజ్ ఫ్రూట్స్ ను మార్కెట్లో ఖరీదు చేసినప్పుడు మీకెంత ఉపయోగమో అంతే ఉపయోగం మీ చర్మానికి కలిగిస్తాయి. ఆరెంజ్ తొనలనే కాదు, ఆరెంజ్ తొక్కల్ని కూడా వాడవచ్చు. ఆరెంజ్ తొక్కలు మీ చర్మంపై ఉన్న మొటిమలను, మచ్చ్లను, ముడతలను, నల్లటి వలయాలను తీసివేస్తాయి. అంతేకాదు మీ చర్మం లొని మృత కణాలను తీసివేస్తాయి. తలనొప్పుల్ని కూడా తగ్గిస్తాయి. ఎప్పుడూ ఉల్లాసంగా ఉండేలా చేస్తాయి. వీటిలో ఉన్న విటమిన్ సి, సిట్రిచ్ యాసిడ్ చాలా చక్కగా వృధాప్య చాయల్ని చర్మంపై రాకుండా చేసి, సూర్యుని అతి శక్తివంతమైన కిరణాల నుంచీ కాపాడతాయి.ఆరెంజ్ తొక్కల్ని సాధారణంగా చాల రెసిపీలలో ఫ్లేవర్గా వాడతారు. ఇవి రక్తప్రసరణ పునరుధ్ధరించి, గుండె ను కాపాడతాయి.

గృహసిధ్ధమైన ఆరెంజ్ ఫేస్ ప్యాక్

ఆరెంజ్ తొక్కలను ఎలా తయారు చేసుకోవాలి

ముందుగా ఆరెంజ్ ను వలిచి తొనలని వేరుచేయాలి. తర్వాత తొక్కల్ని వేరు చేసి వాటిల్ని సూర్యుని ఎండలో ఎండబెట్టాలి. ఇలా 2-3 రోజులు బాగా ఎండబెట్టాలి. తర్వాత ఆ తొక్కల్ని తీసుకుని వాటిని గ్రైండర్ లో వేసి మెత్తగా పొడిగా వచ్చేలా జార్ లో గ్రైండ్ చేసుకోవాలి. ఆ తర్వాత ఒక బౌల్ లో చక్కగా ఆ పవ్డర్ ను నిల్వ చేసుకోవాలి.దీనిని ఎప్పుడు మీరు ఫేస్ప్యాక్ గా వేస్తే అప్పుడు వాడుకోవచ్చు.

ఆరెంజ్ తొక్కలు మరియు పెరుగు ఫేస్ ప్యాక్

ముందు ఒక ఆరెంజ్ పీల్ ను తీసుకుని దానిని మెత్తగా పొడి చేసి దానికి పెరుగును కలిపి పేస్ట్గా వేసుకోవాలి. ఫేస్ప్యాక్ వేసె ముందు గోరు వెచ్చని నీటితో ముఖాన్ని కడుగుకోవాలి. తర్వాత ఫేస్ ప్యాక్ వేసి దానిని ముఖం పై ఆరేంతవరకూ రబ్ చేసుకోవాలి.

తర్వాత అది బాగ ఎండిపోయేవరకూ ఆగి తర్వాత 20 నిముషాల తర్వాత చల్లని నీటితో వాష్ చేసుకోవాలి.
ఈ ప్యాక్ ముఖంపై ఏర్పడిన మృత చర్మాన్ని పోగొట్టేలా చేస్తుంది.

ఆరెంజ్ మరియు నిమ్మ ఫేస్ ప్యాక్

ఈ ఫేస్ప్యాక్ వేసుకోవటం వల్ల మల్లీ మీ చర్మం చిన్న పిల్లల చర్మంలా మారుతుంది.

ఇక తయారు చేసే విధానం

ముందుగా ఒక ఆరెంజ్ పీల్ అంటే తొక్కని తీసుకుని గ్రైండ్ చేసుకోవాలి. ఈ పొడికి ఒక టేబుల్ స్పూన్ తేనె, ఒక టేబుల్ స్పూన్ నిమ్మ రసాన్ని కలిపి పేస్ట్గా చేసుకోవాలి. తర్వాత ఆ పేస్ట్ ను ముఖానికి ఫేస్ప్యాక్ గా వేసుకోవాలి. 20 నిముషాల పాటు ఆ ప్యాక్ ను ఉంచుకోవాలి. తర్వాత గోరువెచ్చని నీటితో వాష్ చేసుకోవాలి.

ఆరెంజ్ తొక్క మరియు పసుపు ఫేస్ ప్యాక్

ఒక ఆరెంజ్ తొక్కను తీసుకుని దానికి ఒక టేబుల్ స్పూన్ పసుపు, ఒక టేబుల్ స్పూన్ తేనె వేసుకోవాలి. తర్వాత ముఖానికి వేసుకోవాలి. 30 నిముషాల పాటు ఉంచుకోవాలి. తర్వత గోరు వెచ్చని నీటితో వాష్ చేసుకోవాలి. ఇది మీ చర్మం నిగారింపుగా ఉండేలా చేస్తుంది.

ఆరెంజ్ తొక్క మరియు గంధం పొడి ఫేస్ ప్యాక్

ఒక ఆరెంజ్ తొక్కని తీసుకుని దానిని బాగ ఎండలో సూర్య కాంతిలో దాదాపు 2-3 రోజులు ఎండబెట్టాలి. దీనితో పాటు పాలు లేదా రోజ్ వాటర్ లేదా నీరు వేసుకోవాలి.

కానీ ముందు మాత్రం మీరు తొక్కల్ని ఎండబెట్టి దానిని గ్రైండర్లో వేసి గ్రైండ్ చేసుకుని దానిని గాలి ఆడని కంటేనర్లో నిల్వ చేసుకోవాలి. తర్వాత పైన చెప్పిన విధంగా ఆరెంజ్ తొక్కల పొడిని, పాలు లేదా రోజ్ వాటర్ ను కలిపిన మిశ్రమాన్ని బాగా కలిపి ముఖానికి ఫేస్ ప్యాక్ గా మెడ వరకూ వేసుకోవాలి. 30 నిముషాల పాటూ ఆరెంత వరకూ ఉండి తర్వాత వాష్ చేసుకోవాలి. ఒకవేళ మీది పొడి చర్మం అయితే మీరు నీటిని ఎక్కువ పోసుకోవాలి. అదే మీది బాగా ఆయిల్ స్కిన్ అయితే మీరు రోజ్ వాటర్ ని మాత్రమే వాడాలి.

పిండి మరియు ఆరెంజ్ తొక్కల ఫేస్ ప్యాక్

ముందు ఒక ఆరెంజ్ ను తీసుకుని దాని తొక్కల్ని తీసుకుని దానిని పొడిగా చేసుకోవాలి. తర్వాత దానికి రోజ్ వాటర్ ను వేసి దానిలో పిండి ని తగినంతగా కలుపుకోవాలి. ఆ మిశ్రమాన్ని ముఖానికి వేసుకోవాలి. వేసుకుని రబ్ చేసుకోవాలి. 20 నిముషాల పాటూ ఉంచుకుని తర్వాత వెచ్చని నీటితో వాష్ చేసుకోవాలి. తర్వాత మీ చర్మం మునుపెన్నడూ లేని విధంగా మెరవటం మీరు గుర్తించవచ్చు.

పచ్చని బంకమట్టి మరియు ఆరెంజ్ తొక్కల ఫేస్ ప్యాక్

ముందుగా ఒక ఆరెంజ్ ను తీసుకుని దానిలో నుంచీ జ్యూస్ ను తీసివేయాలి. తర్వాత ఆ తొక్కల్ని సూర్య కాంతిలో ఎండబెట్టాలి. తర్వాత ఆ పొడిని తీసుకుని దానికి ఇదివరకే తీసిన ఆరెంజ్ జ్యూస్ ను వేసి మిక్స్ చేసుకోవాలి. దీనికి పచ్చ బంక మట్టి పవ్డర్ను వేసుకోవాలి. చివరిగా మిశ్రమాన్ని పేస్ట్ గా చేసుకోవటానికి అనువుగా పాలను వేసుకుని పేస్ట్ గా చేసుకోవాలి. ముఖానికి ఈ పేస్ట్ ను వేసుకోవాలి. తర్వాత 20 నిముషాలపాటు ఉంచుకుని వెచ్చని నీటితో వాష్ చేసుకోవాలి.

ఆరెంజ్ మరియు తేనె

ఈ ప్యాక్ చాలా తేలికైనదీ అంతేకాక చాలా ప్రభావవంతమైనది. ఒక ఆరెంజ్ తీసుకుని దానిని ఎండబెట్టి ఆ పొడిని తీసుకుని దానికి 2 టేబుల్ స్పూన్స్ తేనె వేసి ఆ మిశ్రమాన్ని పేస్ట్ గా చేసుకోవాలి. ఈ ప్యాక్ మీ చర్మం మునుపెన్నడూ లేని విధంగా చక్కగా చేస్తుంది.

Posted on

Homemade packs and masks for foot care in Telugu – ‘క్యా’రెట్ ప్యాక్

మనం తరచూ ఏదో ఓ ప్యాక్ వేసుకుని ఫ్రెష్ అవుతుంటాం. పార్లర్ కు వెళ్ళినా ఫ్రూట్ ప్యాక్ను వేయటానికే బ్యుటీషియన్ వాళ్ళు ముందుకొస్తారు. అందుకు కారణం ఫ్రూట్ ప్యాక్ ఎన్నో రకాలుగా పని చేస్తుంది. శరీర తత్వాన్ని మారుస్తుంది, రంగును ఇనుమడింప చేతుంది. అందుకే ఈ ప్యాక్ కు అంత ప్రాధాన్యం ఇస్తారు. అయితే పాదాలకు ఏ ప్యాక్ వేస్తే బాగుంటుందో తెలియక, ఎవైనా వేసుకున్నా సంతృప్తి కలుగక మనం బాధపడుతుంతాం. అటువంటి సమస్యకు సొల్యూషన్ క్యారెట్ పాదాలకు ప్యాక్ గా వేస్తే ఎన్నో సహజ సిధ్ధ గుణాలతో మన పాదాలకు మంచి చేస్తోందట. అంతేకాక పాదాల రంగునూ ఇనుమడింప చేస్తుందట. ఆ వివరాలేంటో ఇప్పుడు చూద్దాం.

1 . క్యారెట్‌ తురుమునకు రెండు టేబుల్‌ స్పూన్ల గ్లిజరిన్‌ చేర్చి ప్యాక్‌లా వేసుకుంటే పాదాలు మృదువుగా తయారవుతాయి. అలాగే అర టీస్పూన్‌ పసుపు, తాజా కొబ్బరి తురుము అరకప్పు తీసుకోవాలి. ఈ రెండింటినీ బాగా కలిపి పాదాలకు పట్టించి మర్దనా చేయాలి.తర్వాత గోరువెచ్చటి నీటితో కడిగేయాలి.

2 . అరి కాళ్ళు మృదువుగా ఉండాలంటే తరచూ వాటిని కొబ్బరినూనెతో మర్దనా చేస్తుండాలి.

3 . మోకాళ్లు నల్లగా ఉంటే బాగుండదు. అందుకు కమలాపండు ముద్దలా చేసి కొబ్బరినూనెలో అరగంట పాటు నానబెట్టి ఆ మిశ్రమాన్ని ప్యాక్‌ లా వేయాలి. తర్వాత శనగపిండి, పాలు, తేనె ఒక్కో చెంచాడు చొప్పున కలపాలి. ఈ మిశ్రమాన్ని మోకాళ్ల కు పట్టించి ఆరాక కడిగేయాలి.

4 . కీరా జ్యూస్‌లో బియ్యపు పిండిని కలిపి పాదాలకు ప్యాక్‌గా వేసుకుంటే కాళ్ళపగుళ్ళు తగ్గుతాయి.

5 . కొందరికి పాదాల మడమలు మోటుగా బిరుసైన చర్మంతో ఉంటాయి. ఇటువంటివారు నిమ్మరసం పంచదార కలిపిన మిశ్రమంలో మర్దనా చేసుకుంటే ఫలితం ఉంటుంది.

6 . టేబుల్‌స్పూన్‌ శనగపిండి పుల్లపెరుగు తీసుకుని కలిపి మిశ్రమంలా చేసి దానికి కాస్త పసుపు కలిపి పాదాలకు రాసి కాస్త ఆరిన తర్వాత గట్టిగా రుద్ది కడిగేస్తే మృతకణాలు తొలగిపోతాయి.

Posted on

Banana face packs & masks for all skin tones in Telugu – మీ చర్మ సౌందర్యం కోసం అరటి పండ్లు చెప్పే తీపి కబుర్లు(బనానా ఫేస్ ప్యాక్స్)

ఆరోగ్యాన్ని ఇచ్చే అరటి పండు అంటే ఎంతో మందికి ఇష్టం, అయితే ఇదే అరటి పండు, మీ చర్మ రక్షణలో కూడా ఉపయోగపడుతుంది అంటే నమ్మగలరా, ఇంకెందుకు సందేహం, రండి ఆ ఉపయోగాలు,వాటి ప్రయోగాలు తెలుసుకుందాం:
వివిధ రకముల “బనానా ఫేస్ ప్యాక్స్”:

1.అవకాడో, బనానా ఫేస్ ప్యాక్:

కావాల్సినవి: 1 / 2 అవెకాడో పండు గుజ్జు , 1 / 2 అరటిగుజ్జు
ఈ మిశ్రమాన్ని కలిపి, ఒక పేస్ట్ లాగా అయిన తరువాత దానిని మీ ముఖానికి పట్టించి, 15 నిమిషాల తరువాత మీ ముఖాన్ని గోరు వెచ్చని నీటితో శుబ్రం చేసుకోవాలి.

2.బనానా ఫేస్ ప్యాక్:

కావాల్సినవి: 1 / 2 అరటిగుజ్జు
మీ ముఖాన్ని శుబ్రంగా కడిగి, పొడి బట్టతో శుబ్రం చేసుకోండి,తరువాత ఈ అరటి పండు మిశ్రమాన్ని మీ ముఖం పై రాయండి,15 నిమిషాల తరువాత గోరు వెచ్చని నీటితో శుబ్రంచేసుకోండి.ఎలా చేస్తే మీ ముఖం అందంగా,మృదువుగా, ఎంతో కోమలంగా
మారుతుంది.

3.బనానా,తేనె ఫేస్ ప్యాక్:

కావలసినవి: 1/2 అరటి గుజ్జు , 1 టేబుల్ స్పూన్ తేనె
ఈ పై మిశ్రమాన్ని మీ ముఖానికి, మెడకి పట్టించి ఒక 15 నిమిషాల తరువాత గోరు వెచ్చని నీటితో శుబ్రం చేసుకోవాలి,తరువాత ఒక మెత్తటి గుడ్డతో మీ ముఖాన్ని తుడుచుకుంటే మంచి కోమలమైన చర్మం మీ సొంతం అవుతుంది.

4.మోటిమలు యొక్క చికిత్సకు బనానా ఫేస్ ప్యాక్:

కావలసినవి: 1 అరటి, 1 టేబుల్ స్పూన్ తేనె, 1 టేబుల్ స్పూన్ నిమ్మరసం
ఈ పై సూచించిన పదార్దములను ఒక చిన్న గిన్నెలో తీసుకుని బాగా కలిపి,ఈ మిశ్రమాన్ని మీ ముఖానికి పట్టించాలి,15-20 నిమిషాల తరువాత చల్లని నీటితో శుబ్రం చేసుకుంటే, మచ్చ రహితమైన, మొటిమ రహితమైన చర్మం మీ సోంతం అవుతుంది.

5.పొడి చర్మం కోసం బనానా ఫేస్ ప్యాక్:

కావలసినవి: 1/2 అరటి గుజ్జు,1/2 గిన్నె ఉడికించిన ఓట్మీల్,1 స్పూన్ చక్కెర,1 గుడ్డు(గ్రుడ్డులో ఉండే పచ్చ సొన)
ఈ పై సూచించిన పదార్దములను ఒక చిన్న గిన్నెలో తీసుకుని బాగా కలిపి,ఈ మిశ్రమాన్ని మీ ముఖానికి పట్టించాలి,15-20 నిమిషాల తరువాత చల్లని నీటితో శుబ్రం చేసుకుంటే, మంచి ప్రబావాన్ని చూపిస్తుంది.

6.జిడ్డుగల చర్మం కోసం బనానా ఫేస్ ప్యాక్:

కావలసినవి: గుజ్జు 1/2 అరటి, 1 స్పూన్ తేనె, 1 టేబుల్ స్పూన్ పెరుగు.
ఈ పై సూచించిన పదార్దములను ఒక చిన్న గిన్నెలో తీసుకుని బాగా కలిపి,ఈ మిశ్రమాన్ని మీ ముఖానికి పట్టించాలి,15-20 నిమిషాల తరువాత చల్లని నీటితో శుబ్రం చేసుకుంటే, మంచి ప్రబావాన్ని చూపిస్తుంది

7.ముడతలు పడ్డ మీ చర్మాన్ని రక్షించుకునేందుకు బనానా ఫేస్ ప్యాక్:

కావలసినవి:1/2 అరటి గుజ్జు, 1 టేబుల్ స్పూన్ తేనె, 1 గుడ్డు( గ్రుడ్డులో ఉండే పచ్చ సొన)
ఈ పై సూచించిన పదార్దములను ఒక చిన్న గిన్నెలో తీసుకుని బాగా కలిపి,ఈ మిశ్రమాన్ని మీ ముఖానికి పట్టించాలి,15-20 నిమిషాల తరువాత చల్లని నీటితో శుబ్రం చేసుకోవాలి,ఎలా వారానికి 2 రోజులు చేస్తే మంచి ప్రాభావం చూపిస్తుంది.

8.బనానా,పాలు ఫేస్ ప్యాక్:

కావలసినవి: 1/2 అరటి గుజ్జు , 1 స్పూన్ తేనె, 1స్పూన్ పాలు:
ఈ పై సూచించిన పదార్దములను ఒక చిన్న గిన్నెలో తీసుకుని బాగా కలిపి,ఈ మిశ్రమాన్ని మీ ముఖానికి పట్టించాలి,15-20 నిమిషాల తరువాత చల్లని నీటితో శుబ్రం చేసుకుంటే మంచి ఫలితం లబిస్తుంది

9.బనానా,ఓట్మీల్ ఫేస్ ప్యాక్:

1\2 గిన్నెలో ఓట్మీల్ , 1 స్పూన్ తేనె, 1/2 అరటి గుజ్జు, 1 గుడ్డు( గ్రుడ్డులో ఉండే పచ్చ సొన)
ఈ పై సూచించిన పదార్దములను ఒక చిన్న గిన్నెలో తీసుకుని బాగా కలిపి,ఈ మిశ్రమాన్ని మీ ముఖానికి పట్టించాలి,15-20 నిమిషాల తరువాత చల్లని నీటితో శుబ్రం చేసుకుంటే మంచి ఫలితం లబిస్తుంది.
Posted on

Orange and lemon face pack for glowing skin in Telugu – మెరిసే చర్మం కోసం నారింజ, నిమ్మ తొక్కలతో “ఫేస్ ప్యాక్”

సహజంగా మన ఏ పండ్లు తిన్నా వాటి పై తొక్కను తీసి పడేస్తాము, అయితే చాలా మందికి తెలియని, విషయం ఏమిటంటే, చెత్త అనుకునే ఆ పై తొక్కలో కూడా మన చర్మాన్ని కాపాడే గుణం ఉంది, అది ఏమిటో తెలుసుకోవాలంటే ఇది చూడాల్సిందే..

ప్రస్తుత సమాజంలో తొందరపాటు తనంతో, సమయాన్ని వృదా చేసుకోకూడదు అనే తత్వంతో మన చర్మ సం రక్షణ కోసం మనం మార్కెట్లో దొరికే అనేక వాటిపై ఆదారపడతాము, సరిగ్గా గమనిస్తే మనం వాడేవాటిల్లో ఎన్నో మనం ఇంట్లో ఉపయోగించుకునే వస్తువులతోనే తయరు చేస్తారు, అలాంటప్పుడు, డబ్బులు ఖర్చుపెట్టి, ఆ రసాయనాల ప్రభావం వల్ల ఇబ్బందులు పడే కన్నా మీరే ఈ “ఫేస్ ప్యాక్స్”ని తయారు చేసుకోవచ్చు, అది ఎలా అంటే…ఇలా

మన మార్కెట్లో నారింజా, నిమ్మ పుష్కలంగా దొరుకుతాయి, అందులో సందేహమే లేదు, అయితే ఈ పండ్ల పై తొక్కలలోని “విటమిన్ C” మీ చర్మ సం రక్షణలో ఎంతగానో సహాయపడుతుంది.అయితే నేరుగా ఉపయోగించడం కన్నా ఈ తొక్కలను పొడిగా చేసి పౌడరు రూపంలో ఉపయోగించుకోవడం సులభము.

ఈ “ఫేస్ ప్యాక్” ని ఉపయోగించే ముందు చర్మాన్ని శుబ్రం చేసుకుంటే దానివల్ల మీ చర్మం లోని చనిపోయిన, అనవసరమైన కణాలు తొలగిపోతాయి.

 ఈ నారింజ, నిమ్మ తొక్కల పొడి తయరు చేసుకోవడం ఎలా?

నారింజ, మరియు నిమ్మ తొక్కలని తీసి కొన్ని రోజులు ఎండపెట్టాలి, అవి గట్టిగా అయిన తరువాత మెత్తగా పౌడరు లాగా చేసి ఒక డబ్బాలో ఉంచాలి.అలా మీరు “ఫేస్ ప్యాక్” తయారు చేసుకునేటప్పుడు ఉపయోగించుకోవచ్చు”

 ఉపయోగించుకోవడం ఎలా??

ఈ పొడిని, కొంచెం పెరుగు, నీటిలో కలిపి ముఖానికి పట్టించి 15 నిమిషాల తరువాత శుబ్రం చేసుకుంటే మీ చర్మంలోని జిడ్డు తొలగిపోయి మిల మిల మెరిసే చర్మం మీ సొంతం అవుతుంది.

కొంచెం పెసర పిండి, నిమ్మ రసం కలిపి ముఖానికి పట్టిస్తే అందమైన చర్మం కలిగి, మృదువుగా మచ్చలు లేని చర్మం మీ సొంతం అవుతుంది.

ఈ పొడిని పసుపుతో కలిపి ఉపయోగించుకుంటే మొటిమల నుంచి, నల్లని మచ్చలనుంచి, చర్మం ముడతలు పడకుండా ఎంతగానో సహాయపడుతుంది.

ఈ పొడిని ఎక్కువగా చేసుకుని ఉంచుకోవడం మంచిది, ఇది పాడైపోతుందేమో అనే భయం అవసరం లేదు ఎందుకంటే ఇది పూర్తిగా ఎండిపొయిన పండ్ల తొక్కలతో తయారుచేసింది .

ఈ పై మిశ్రమం వల్ల ఎన్నో ఉపయోగాలు ఉన్నాయి, ఒక్కసారి ఉపయోగించి చూడండి,

 

వేసవిలో నారింజ మరియూ తేనె “ఫేస్ ప్యాక్”

1/4 కప్పు తేనె

1 1/2 టేబుల్ స్పూన్ నారింజ

ఈ పై వన్నీ కలిపి మీ ముఖానికి పట్టించి 20-30 నిమిషాల తరువాత శుబ్రం చేసుకుంటే మంచి ఫలితాలు లభిస్తాయి.