కరోనా వైరస్ – Coronavirus in Telugu

0
74

కరో’ నా…ప్రపంచాన్నే గడ…గడ…వణికిస్తోంది…ఆ వైరస్…ఆక్సిజన్ పీల్చే మనిషి…నేడు గాలి పిల్చాలంటే భయాందోళనలకు గురి అవుతున్నాడు. ఆ వైరసే…నోవెల్ కరోనా…వ్యక్తులు ముఖాముఖీ అయినప్పుడు కరచాలనం చేసుకోవటం, ఆప్తులు కనిపించినప్పుడు ఆలింగనం చేసుకోవటం సర్వసాధారణం…కానీ వాటన్నింటికి స్వస్తి పలికేలా చేసింది…కోవిడ్-19వ్యాధి….సంఘ జీవిగా మెలిగే మానవుని ఉనికిని…మనుగడను ప్రశ్నర్ధకం చేసిన నోవెల్ కరోనా వైరస్ పై తెలుగు టిప్స్ ప్రత్యేక కథనం…మా పాఠకుల కోసం ప్రత్యేకంగా అందిస్తున్నాం…చూసేద్దామా…

అస్సలు నోవెల్ కరోనా వైరస్ జననం ఎక్కడ?

కరోనా వైరస్‌ను 1937లో గుర్తించారు. లాటిన్‌ భాషలో కరోనా అంటే క్రౌన్‌ అని అర్ధం. క్రౌన్‌ లేదా, హేలో ఆకారంలో వైరస్‌ ఉండటం వల్ల దీనికి ఆపేరు పెట్టారు. ఈ వైరస్‌ ఎక్కువగా కోళ్లు, చుంచుఎలుకలు, ఎలుకలు, కుక్కలు, పిల్లులు, గుర్రాలు, పందులు, ఆవులు, గేదెలు, ఒంటెలు, గబ్బిళాల ఊపిరితిత్తుల వ్యాధులకు కరోనా వైరస్‌ కారణమవుతోంది. SARS-COV-2 అనే నోవెల్ కరోనావైరస్ అంటార్కిటికా మినహా అన్ని ఖండాలకు వ్యాపించింది, వాషింగ్టన్ స్టేట్ కి తిరిగి రాకముందు చైనాలోని ఊహాన్ ప్రయాణించిన 35 ఏళ్ల వ్యక్తితో సంబంధం ఉన్న మొదటి US కేసు. అతనికి జనవరి 20, 2020 న వైరస్ ఉన్నట్లు నిర్ధారించబడింది. అప్పటి నుండి, వైరస్ (ఇది COVID-19 వ్యాధికి కారణమవుతుంది) అనేక రాష్ట్రాలకు వ్యాపించింది, ఇప్పటికి ప్రతిరోజూ కొత్త కేసులు బయటపడుతున్నాయి. అనంతరం యుఎస్‌లో సుమారు 1,663 మందికి ఈ వైరస్ ఉన్నట్లు నిర్ధారించబడింది, అయినప్పటికీ చాలా మంది కేసులు గుర్తించబడలేదు. నివేదించబడిన కేసులలో, 40 మంది మరణించారు, వాషింగ్టన్ , కాలిఫోర్నియా, ఫ్లోరిడా, న్యూజెర్సీ, జార్జియా మరియు దక్షిణ డకోటా లో మరణించారు. (ప్రపంచవ్యాప్తంగా, దాదాపు 128,000 కేసులు నిర్ధారించబడ్డాయి, 4,720 మంది మరణించారు.)

కరోనా ఎలా వృద్ధి చెందిందంటే?

కాలక్రమేణా కరోనా వైరస్ రూపాంతరం చెందుతూ వచ్చింది.అనేక రకాల కరోనా వైరస్ రకాలు ఉన్నాయి. కొన్ని రకాల కరోనా వైరస్‌లు మానవుల్లో కూడా సాధారణ జలుబు, ఫ్లూ ఫీవర్‌ వంటి స్వల్ప కాలిక వ్యాధులకు కారణమవుతున్నాయని 1960లో గుర్తించారు. కాలక్రమేణా ఈవైరస్‌ల్లో పలు మార్పులు జరిగి మనిషికి ప్రాణాంతక వైరస్‌లుగా మారాయని వైద్య పరిశోధకులు భావిస్తున్నారు. ఇప్పటివరకు ఆరు రకాల హ్యూమన్‌ కరోనా వైరస్‌లను గుర్తించారు. వీటినే 229 ఈ – ఆల్ఫాకరోనా వైరస్, ఓసీ 43, బీటా కరోనా వైరస్, హెచ్‌కేయూ 1 బీటా కరోనా వైరస్, సార్స్‌ కరోనా వైరస్, మెర్స్‌ కరోనా వైరస్, నోవెల్‌ కరోనా వైరస్‌లుగా పేర్కొంటున్నారు. ప్రస్తుతం చైనాలోని ఊహన్‌ నగరంలో విజంభిస్తున్న వైరస్‌ను ‘నావల్‌ కరోనా వైరస్‌’గా గుర్తించారు.

కరోనా వైరస్ లు ఎన్ని రకాలు?

మనుషులపై ప్రభావం చూపించే ఈ వైరస్‌లు ఆరు రకాలు :
1) సివియర్‌ అక్యూట్‌ రెస్పిరేటరీ సిండ్రోమ్‌ (సార్స్‌- సీఓవీ)
2) మిడిల్‌ఈస్ట్‌ రెస్పిరేటరీ సిండ్రోమ్‌ కరోనావైరస్‌ (మెర్స్‌-సీఓవీ)
3)హ్యూమన్‌ కరోనా వైరస్‌ హెచ్‌కేయూ 1
4) హ్యూమన్‌ కరోనా వైరస్‌ ఓసీ 43
5) హ్యూమన్‌ కరోనా వైరస్‌ ఎన్‌ఎల్‌ 63
6) హ్యూమన్‌ కరోనా వైరస్‌ 229 ఈ

మానవునిపై కరోనా వైరస్ ఎలా దాడి చేస్తుందంటే?

కరోనా వైరస్‌ మానవుల్లో ఊర్ధ్వ శ్వాసకోశ వ్యాధులకు (అప్పర్‌ రెస్పిరేటరీ ట్రాక్ట్‌), జీర్ణాశయ వ్యాధులకు కారణమవుతోంది. ఈ వైరస్‌సోకిన వారిలో జలుబు, గొంతు నొప్పి, జ్వరం వంటి లక్షణాలు ఉంటాయి. సీతాకాలంలో, వేసవి కాలం ప్రారంభంలో ఎక్కువగా ఈవైరస్‌ సోకుతోంది. కొందరిలో బ్యాక్టీరియల్‌ బ్రాంకైటీస్, న్యూమోనియాకు ఈవైరస్‌ కారణమై ప్రాణాంతకమవుతోంది.

కరోనా వ్యాధి లక్షణాలను గుర్తించటం ఎలా?

నోవెల్ కరోనా వైరస్ సోకితే ఆ వ్యక్తికి తీవ్ర జ్వరం, ఆయాసం, దగ్గు, ఊపిరి పీల్చడం కష్టంగా ఉండటం వంటి లక్షణాలు మొదలవుతాయి. ముఖ్యంగా రోగ నిరోధక శక్తి తక్కువగా ఉన్నవారిలో, అవయవాలు మార్పిడి చేయించుకున్నవారిలో, క్యాన్సర్, ఎయిడ్స్‌ బాధితుల్లో, ఎక్కువ కాలం విచక్షణా రహితంగా స్టెరాయిడ్స్‌ వాడిన వారిలో, ఊపిరి తిత్తుల వ్యాధుల బాధితుల్లో, చిన్న పిల్లల్లో, వద్ధుల్లో, గర్భిణుల్లో ఎక్కువగా వ్యాధి లక్షణాలు కనిపిస్తాయి.

కరోనా సోకకుండా ఉండాలంటే?

కరోనా వైరస్ పట్ల భయాందోళనలు చెందకుండా కొన్ని ముందు జాగ్రత్తలు పాటిస్తే చాలని ప్రపంచ ఆరోగ్య సంస్థ సూచిస్తోంది. ఇందుకుగాను ప్రతి ఒక్కరూ వ్యక్తిగత పరిశుభ్రత పాటించాలి. సబ్బుతో తరచూ చేతులు కడుక్కోవాలి. దగ్గు లేదా తుమ్ము వచ్చినప్పుడు నోటికి అడ్డంగా చేతి రుమాలు ఉంచాలి. మాస్క్‌లు ధరించాలి. అనారోగ్యంతో లేదా దగ్గు, జలుబుతో ముక్కు కారటం వంటి లక్షణాలున్న వారితో సన్నిహితంగా మెలగకుండా ఉంటే మంచిది. ప్రత్యక్షంగా జంతువులతో అత్యంత దగ్గరగా ఉండటం వల్ల సమస్యలు తెలెత్తవచ్చు. అనారోగ్యంతో ఉంటే ప్రయాణాలు చేయకుండా ఉండటం ఉత్తమం.