Posted on

Spirulina in Telugu – Spirulina Benefits – స్పిరులినా

స్పిరులినా అనేది నాచు జాతికి చెందిన ఒక నీటి మొక్క. దీనిని భూమిపై మొక్కల ఆవిర్భావానికి తొలి రూపంగా భావిస్తారు. ఆది మానవుల యొక్క ఆహారంలో ఇది ఒక భాగంగా ఉండేది. చారిత్రకంగా వేల సంవత్సరాల నుంచి వాడుకలో ఉన్న ఈ నాచు మొక్క ఇప్పటికీ ఆహార వనరుగా ఉపయోగపడుతూనే ఉంది.

ఇప్పటికీ అనేక దేశాల ప్రజలు వారి ఆహారంలో భాగంగా దీనిని చేర్చుకుంటున్నారు. ఆఫ్రికాలో కరువు కాటకాలు నెలకొన్న సందర్భాల్లో కొన్ని దేశాల ప్రజలు వారికి అవసరమయ్యే పోషకాల కోసం ప్రధానంగా స్పిరులినా పైనే ఆధారపడ్డాలు.

స్పిరులినా అనేక రకాల ప్రజలకు ఎంటువంటి దుష్ప్రభావాలనూ చూపకుండా మంచి ఫలితాలను అందించే నీటి మొక్క. ఈ మొక్క యొక్క ఆకులను ఎండబెట్టి పొడి చేసి, నిత్యం కొద్ది మోతాదులో తీసుకుంటే ఆరోగ్యానికి ఎంతో మేలు చేస్తుంది.

ఇతర ఏ పోషకాహారం తీసుకోవాల్సిన పనిలేదు. తల్లి పాలలో ఉన్న పోషకాలు కూడా ఈ మొక్కలో ఉంటాయి. అందుకే ప్రపంచ ఆరోగ్య సంస్థ దీన్ని తల్లి పాల తర్వాత అత్యంత పోషకాలు కలిగిన ఆహారంగా 1975లోనే తేల్చి చెప్పింది.

ఈ మొక్క యొక్క ఉత్పత్తి మన దేశంలోనే చాలా ఎక్కువ. అయితే ఆశ్చర్యం కలిగించే విషయం ఏమిటంటే దీని గురించి మనలో చాలా మందికి తెలియదు. ఈ నీటి ముక్క గురించి ఈ ఆర్టికల్ లో వివరంగా తెలుసుకుందాం

స్పిరులినా పోషకాల వివరాలు:

ఒకే టేబుల్ స్పూన్ (7 గ్రాములు) ఎండిన స్పిరులినా పొడిలో గల పోషకాల వివరాలు:

  • ప్రోటీన్: 4 గ్రాములు
  • విటమిన్ బి 1 (థియామిన్): ఆర్‌డిఎలో 11%
  • విటమిన్ బి 2 (రిబోఫ్లేవిన్): ఆర్‌డిఎలో 15%
  • విటమిన్ బి 3 (నియాసిన్): ఆర్‌డిఎలో 4%
  • రాగి : RDA లో 21%
  • ఐరన్ : RDA లో 11%
  • కార్బోహైడ్రేట్ : 1.67 గ్రాములు
  • అదనంగా కేలరీలు: 20 మరియు డైజెస్టిబుల్ కార్బ్స్ : 1.7 గ్రాములు

ఇది మంచి మొత్తంలో మెగ్నీషియం, పొటాషియం మరియు మాంగనీస్ మరియు మీకు అవసరమైన ప్రతి ఇతర పోషకాల యొక్క చిన్న మొత్తాలను కలిగి ఉంటుంది.

  • కొవ్వు : 0.54 గ్రాముల
  • కాల్షియం : 8 మిల్లీ గ్రాములు (స్పిరులినా పొడిలో కాల్షియం సాధారణ పాలలో కన్నా 26 రెట్లు అధికంగా ఉంటుంది. దీంతో ఎముకలు పటిష్టంగా ఉంటాయి.)
  • మెగ్నీషియం : 14 మిల్లీ గ్రాములు
  • ఫాస్పరస్ : 8 మిల్లీ గ్రాములు
  • పొటాషియం : 95 మిల్లీ గ్రాములు
  • సోడియం : 73 మిల్లీ గ్రాములు
  • విటమిన్ సి  : 0.7 మిల్లీ గ్రాములు

స్పిరులినాలోని ప్రోటీన్ యొక్క నాణ్యత అద్భుతమైనదిగా పరిగణించబడుతుంది. దీనిని గుడ్లతో పోల్చవచ్చు. ఇది మీకు అవసరమైన అన్ని అమైనో ఆమ్లాలను అందిస్తుంది.

ఇందులో ఫోలేట్ కూడా ఉంటుంది.

కనుకఈ భూ గ్రహంలో అత్యంత పోషకాలతో కూడిన ఆహారం స్పిరులినా అని చెప్పవచ్చు.  

స్పిరులినా యొక్క ఆరోగ్య ప్రయోజనాలు(Health benefits of  Spirulina in Telugu):

  • దేహ నిర్మాణానికి, కణజాల మరమ్మత్తుకు, కొత్త కణాల ఉత్పత్తికి ప్రోటీన్లు ఎంతో అవసరం. స్పిరులినా పొడిలో దాదాపు 60 శాతం వరకు ప్రోటీన్లు ఉంటాయి. మనం తీసుకునే అన్ని ఆహార పదార్థాల్లోకెల్లా అధికంగా ప్రోటీన్లు కలిగి ఉన్నది ఇదే. శాకాహారులు ఈ పొడిని తీసుకుంటే వారికి ప్రోటీన్లు పుష్కలంగా లభిస్తాయి.
  • పిల్లల పెరుగుదలకు అవసరమయ్యే అమైనో ఆమ్లాలు, ఐరన్, యాంటీ ఆక్సిడెంట్లు, క్లోరోఫిల్ సమృద్ధిగా ఉన్నందున రక్తాన్ని శుభ్రపరచడంలో, వ్యాధి నిరోధక శక్తిని పెంపొందించడంలో క్లోరోఫిల్ బాగా పనిచేస్తుంది.
  • పలు రకాల క్యాన్సర్లు దూరం చేసి, నరాల బలహీనతను పోగొడుతుంది. 
  • కాలేయాన్ని శుభ్ర పరుస్తుంది. మధుమేహులకు మేలు చేస్తుంది. 
  • రక్తంలోని చక్కెర స్థాయులను నియంత్రిస్తుంది.
  • రక్తంలోని చెడు కొలెస్ట్రాల్‌ను తగ్గిస్తుంది. 
  • రక్తపోటును తగ్గిస్తుంది.
  • గుండె సంబంధ వ్యాధులను, వాపులు, నొప్పులను నివారిస్తుంది. అధిక రక్తపోటు మరియు అధిక కొలెస్ట్రాల్ స్థాయుల వల్ల కలుగు గుండె జబ్బులను నివారిస్తుంది.
  • జీర్ణక్రియను మెరుగు పరుస్తుంది. 
  • శరీరంలోని హార్మోన్ల పనితీరును సక్రమంగా ఉండేందుకు తోడ్పడుతుంది.
  • అధిక కొవ్వును కరిగించి, బరువు తగ్గాలనుకునే వారికి ఔషధంగా పనిచేస్తుంది. 
  • శరీరంలోని వ్యర్థాలన్నింటినీ బయటకు పంపుతుంది.
  • స్పిరులినా తీసుకోవడం వలన జీవక్రియను వేగవంతం చేస్తుంది.
  • క్యారెట్ కన్నా 2800 శాతం ఎక్కువ బీటా కెరోటీన్, పాలకూరలో కన్నా 3900 శాతం ఎక్కువ ఐరన్, బ్లూబెర్రీలలో కన్నా 280 శాతం ఎక్కువ యాంటీ ఆక్సిడెంట్లు స్పిరులినాలో ఉన్నాయి. కనుక మహిళల ఆరోగ్యానికి ఆవశ్యకమైన ఆహారం ఇది
  • కలుషితమైన నీరు త్రాగడం లేదా ఇతర కాలుష్యాల వలన శరీరంలో ఏర్పడు టాక్సిన్స్ ని నిరోధించగల లక్షణాలు స్పిరులినాలో ఉన్నాయి.
  • నిరాశ మరియు ఆందోళన వంటి కొన్ని మానసిక ఆరోగ్య పరిస్థితులతో బాధపడుతున్న వ్యక్తులలో సెరోటోనిన్ స్థాయి తక్కువగా ఉండవచ్చు. స్పిరులినా ట్రిప్టోఫాన్ యొక్క మూలం. ట్రిప్టోఫాన్ ఒక అమైనో ఆమ్లం, ఇది సెరోటోనిన్ ఉత్పత్తిని ప్రేరేపిస్తుంది. తద్వారా మానసిక ఆరోగ్యాన్ని మెరుగుపరుస్తుంది.
  • అలెర్జీ లక్షణాలను తగ్గించడం : ఒక వ్యక్తికి పుప్పొడి, దుమ్ము లేదా పెంపుడు జంతువులు అంటే అలెర్జీ ఉన్నప్పుడు, వారి ముక్కు లోపలి భాగం ఉబ్బుతుంది. ఈ ప్రతిచర్యను అలెర్జీ రినిటిస్ అని అంటారు. ఈ పరిస్థితి యొక్క లక్షణాలను మెరుగుపరచడానికి స్పిరులినా సహాయపడుతుందని చెప్పడానికి కొన్ని ఆధారాలు ఉన్నాయి.

ఇది క్రింద తెలిపిన అలెర్జీ రినిటిస్ లక్షణాలను తగ్గిస్తుంది:

  • చలితో చీము కారుతున్న ముక్కు
  • తుమ్ము
  • ముక్కు దిబ్బడ మరియు
  • దురద
Posted on

Health benefits of eating apples in Telugu – ఆపిల్ వల్ల కలిగే ఉపయోగాలెన్నో???

అందరికీ సుపరిచితం అయిన ఈ పండు గురించి ఎక్కువగా వర్ణించవలసిన అవసరం లేదు, కాని ఈ ఆపిల్ తీసుకోవడంవల్ల మీ ఆరోగ్యానికి ఎంతో మంచిది,ఇది మీకు మంచి పోషకాలు సమకూర్చి మిమ్మల్ని ఎంతో ఆరోగ్యవంతంగా ఉంచుతుంది. అయితే శాస్త్రవేత్తలు దీని పై అనేక ప్రయోజనాలపై అద్యయనం చేస్తున్నారు,ఇది రోజు తీసుకుంటే మంచి ఆరోగ్యాన్ని ఇస్తుందని డాక్టార్లు సూచిస్తున్నారు, అయితే మన అరోగ్యానికి ఆపిల్ వేసే మంత్రం ఏమిటో చుసేద్దామ.

1.కొలెస్ట్రాల్ తగ్గిస్తుంది:

ఆపిల్ ను క్రమంతప్పకుండా తీసుకుంటే, మీ ఒంట్లోని కొవ్వు శాతాన్ని తగ్గించడమే కాకుండా, గుండెకు హాని కలగకుండా కాపాడుతుంది, ముఖ్యంగా ఈ ఆపిల్ లో ” పెక్టిన్”అనే పదార్దం పుష్కలంగా కలిగి ఉంది, ఇది మన శరీరంలోని కొవ్వు పదార్దాలను నిర్మూలించడంలో
సహయపడడమే కాకుండా గుండె జబ్బులు రాకుండా కాపాడుతుంది.

2అధిక రక్త పోటును తగ్గిస్తుంది:

మీరు సరియైన ఆహారం తీసుకోకపోవడం వల్లనే గుండె వ్యాధులు మరియు రక్తపోటు వచ్చే ప్రమాదం ఎక్కువ, అయితే రోజుకో ఆపిల్ తీసుకోవడం వల్ల ఇందులో ఉండే “మినరల్స్”,”పొటాషియం”,మీ రక్త పోటును తగ్గించుటలో సహాయపడుతుంది.

3.మెదడుకు సంబందించి వ్యాదులను తగ్గిస్తుంది:

ఒక అధ్యయనంలో ఈ ఆపిల్ జ్యూస్ రోజు తీసుకోవడం వల్ల మీ మెదడుకు సంబందించిన వ్యాదులను అరికట్టడమే కాకుండా మీ మెడదును సం రక్షించడంలో ఎంతగానో ఉపయోగపడుతుంది. అయితే, ఈ అధ్యయనంలో దీనిని ఒక “ఎలుక”పై ప్రయోగించారు,రోజూ ఎలుకకి ఆపిల్ జ్యూస్
పట్టించడం ద్వారా సాదరణ ఆహారం కన్నా ఈ ఆపిల్ లో “న్యూరోట్రాన్స్మిటర్ ఎసిటైల్” అధిక స్థాయిలలో ఉంది అని నిరూపించబడింది.

4.పెద్దప్రేగు కాన్సర్ నివారణలో:

మన కడుపులో ఉండే పేగులు సరిగా లేకపోతే అది మనకు “జీవన్మరణ” సమస్యే అవుతుంది, అయితే ఈ ఆపిల్ ని రోజు తీసుకోవడం ద్వారా, ఈ సమస్యలో మారణాన్ని జయించి జీవాన్ని కొనసాగిస్తారు,ఆపిల్ లోని “ఫైబర్”లక్షణాలు మీ కడుపులో ఉండే క్యాన్సర్ తో పోరాడి మిమ్మల్ని
దాని బారి నుండి రక్షిస్తుంది.

5.మీ గుండెను రక్షిస్తుంది:

సామాన్యంగా మన రక్త కణాలు, రక్త ప్రసరణ సరిగా లేదంటే దానికి సాకులు(కారణాలు) వెతుక్కోనవసరం లేదు, అందుకంటే దానికి కారణం సరియైన, పొషకమైన ఆహారం తీసుకోకపోవడమే. అయితే వీటన్నిటికి ఈ ఆపిల్ తో సమాధానం ఇవ్వండి, రోజు ఆపిల్ తీసుకోండి, మీ గుండె
జబ్బులను నయం చేసుకోండి.

6.ఆస్తమాని తగ్గిస్తుంది:

ఆపిల్లో ఉన్న “ఫైటో కెమికల్స్” పదార్దాలు “ఫ్లవనోయిడ్స్”,”ఫినోలిక్ యాసిడ్” మీ శ్వాస సంబందిత వ్యాదులనుండి రక్షించడంలో ఎంతగానో సహాయ పడుతుంది,అంతే కాకుండా ఈ దీనిని(ఆపిల్) రోజూ తీసుకుంటే “ఆస్తమాని” జయించవచ్చు.

7.ఎముక రక్షణకు సహాయపడుతుంది:

మీ యముకల రక్షణలో కూడ ఇది ఎంతగానో ఉపయోగపడుతుంది,దీనిలో ఉన్న “ఫోలోరిడ్జిన్”మీ ఎముకల సమస్యను తరిమికొడుతుంది,అంతే కాకుండా మీ ఎముకలను గట్టిగా, దృడంగా చేస్తుంది. ఇది పెద్దవారు, చిన్నవారనే కాదు,అందరు తీసుకోవచ్చు.
అందుకే పాతదే అయిన మళ్ళీ చెప్పేది ఒక్కటే “రోజుకో యాపిల్ తినండి, డాక్టర్ కి దూరంగా ఉండండి”